Rafaela Amber Reyes Pov.
"rafaela pa delivery naman sa vanderbilts company, 30th floor, room 3025 daw. Pag labas daw ng elevator daretso tapos left" saad sakin ni miya, ang katrabaho ko dito sa heart café, at inilapag niya ang mga order sa counter.
"sige wait lang. Mag papalit lang ako" saad ko at pumasok sa loob. Naglilinis kasi ako ng lamesa kanina. Nag tungo ako sa dressing room at hinubad ang apron ko at kinuha naman ang helmet ko.
"3rd floor, 325" saad ko pag labas at kinuha ang order. "okay! Alis na ko" paalam ko at nagtungo na palabas
"30th floor, 3025 ha!" rinig kong sigaw pa ni miya kaya napatigil ako saglit. Lumingon ako kay miya at nag okay sign dito at patuloy ng lumabas. Mali pala ako, mabuti nalang ay pinaalala muli ni miya. Well kahit naman mali ay may nakalagay naman panigurado sa receipt kung saan. Sumakay na ako sa scooter na ginagamit ko pang deliver at umalis na.
May dalawa akong trabaho ngayon, Isa dito sa heart café bilang isang barista at delivery woman, at ang isa naman ay sa luminous restaurant bilang waitress. Hindi madali ang trabaho ko, wala akong day off. Hindi ko naman gustong mawala ang isa man sa mga trabaho ko ngayon dahil sa hirap mag hanap ng trabaho, kailangan ko din ng pera para sa nalalapit na pasukan.
Nag park lang ako sa gilid nang makarating ako sa vanderbilts group.
"kuya sandali lang ako. Mag dedeliver lang" saad ko kay kuya guard na lumapit sa akin.
"dalian mo lang ineng, may dadating kaming vip ngayon" sabi nito saakin
"sige kuya." naglakad na ako papasok. Pag pasok ko ay chineck muna ako ng lady guard, ibinaba ko naman ang delivery bag sa scanner.
"okay na" sabi ni ate sa akin kaya nag patuloy na ako at kinuha na sa dulo ng scanner ang delivert bag.
Habang nag lalakad patungo sa elevator ay tumitingin ako sa paligid. Ilang beses na ako nag oorder sa kumpanya na to pero bawat punta ko dito ay namamangha padin ako. Ang ganda kasi ng interior, ang class. Kapag nakapagtapos ako gusto ko makapag trabaho dito pero sabi nila hindi daw madaling makapasok dito. Ang tinatanggap nila madalas ay galing sa mga kilalang paaralan.
Pinindot ko na ang 30 ng makapasok ako sa elevator. Sobrang taas ng building na to, may 60 floor siya in total. Nang tumigil ang elevator ay lumabas na ako. Napatigil ako at napatingin sa resibo ng malimutan ko ang sinabi ni miya sa akin kanina. Left ba sabi niya? Floor at room number lang ang nandito sa resibo. Bahala na, hahanapin ko nalang yung room.
Kumaliwa ako at tumingin sa itaas ng mga pintuan upang tignan ang room number. Daretso lamang akong naglalakad habang nakatingala. Lumingon naman ako sa kabila para tignan ang mga room number dito. Liliko na sana ako nang biglang may lumabas na babae sa harapan ko dahilan para mabangga namin ang isa't-isa.
"ano ba!" napaatras ako at hindi alam ang gagawin ko. Ang dala niya kasing inumin ay nabuhos mismo sa kanya, naharang ko kasi ang kamay ko at naitulak sa kanya dahil na din sa gulat ko. May kasamang apat na lalaki sa likuran niya ang babae. Batay sa pananamit at kutis nilang lima ay makikita mo na agad na mayayaman sila.
"sorry po" paghingi ko ng pasensya "hindi po ako nakatingin sa dinadaanan ko" kinuha ko ang panyo ko sa bulsa at pupunasan sana ang dress niya ng umatras siya kaya napatingin ako sa kanya. Napaayos nalang ako ng tayo at tila nanlamig ng makita itong malamig na nakatingin sakin.
"rafaela?" patanong na saad nito habang nakatingin sa nameplate sa dibdib ko. "you're fired" nanlaki ang mata ko at naguluhan sa sinabi nito.
"po?"
"halika na avy" saad ng isang lalaki sa kanya at ipinatong sa babae ang suit nito at nagpatuloy na sila sa paglalakad.
"fired?" bulong ko sa sarili ko habang tinitignan silang lima na naglalakad palayo. "joke ba yun?" saad ko pa at tumingin sa paahan ko kung naasan ang nahulog na iniinom nung babae. "anong gagawin ko dito?" kinuha ko ang cup at kumuha ng tissue sa bag at nilinis ang dumi.
Itinapon ko ang kalat ng makakita ako ng basurahan at nagpatuloy na sa paghahanap ng room. Napabuntong hininga ako ng maalala ang sinabi ng babae, hindi ko alam pero bigla akong kinabahan, nabahala ako sa sinabi niya. Alam kong mayaman siya, halata naman sa kanya, pero sino ba siya? Baka naman akala niya dito ako nag tratrabaho kaya sinabi niya yun?
"ito" kumatok ako sa room at bahagyang sumilip sa salamin sa pinto upang tignan kung may tao dito. Nakita ko naman ang dalawang babae na nasa loob. Tumayo ang babae sa inuupuan niya at pinagbuksan ako.
"hello po, heart café delivery." sabi ko sa babae at ngumiti.
"saglit lang po kunin ko lang wallet ko" sabj ng babae at bumalik sa pwesto niya kanina. "magkano po ate?"
"870 po lahat" sabi ko. Bumalik naman ito sa akin ng sakto ang bayad.
"salamat po" pasalamat ko at tumalikod na.
Nang makabalik ako sa café nagtaka ako ng makita si manager. Mamaya pa kasi dapat siya.
"napaaga ka ata sir" bati ko. Nangunot ang noo ko ng ngumiti ito ng malungkot sa akin.
"may nangyari ba sayo?" tanong nito sa akin na lalo kong ipinagtaka.
"wala naman po, bakit?"
"dun tayo sa office" naglakad ito sa office niya kaya sumunod na ako dito. Lumingon naman ako kay miya at nagkibit balikat lamang ito sa akin. Ano kayang problema? Hindi ko alam pero kinakabahan ako.
"rafaela may nangyari ba?" tanong muli ni manager at umupo sa upuan niya. Umupo naman ako sa upuan sa harapan ng lamesa niya.
"wala po sir" napalunok ako ng may inilabas na puting sobre si manager at iniabot sa akin.
"tumawag sakin si boss, pinapatanggal ka niya." napatayo ako sa gulat. Boss? Pinapatanggal? Napangiwi ako ng maalala yung babae kanina.
"sir, yung may-ari po ba nitong café babae? May katangkaran? Maputi? At mukhang mataray?" tinignan lamang ako ni manager "sir hindi ko naman sinasadya na magkabunguan kami, humingi po ako ng paumanhin sa kanya. Sir wag mo naman akong tanggalin" lumuhod ako at pinaglapat ang dalawa kong kamay.
"rafaela tumayo kanga dyan. Wala na akong magagawa, ako ang tatanggalin kapag hindi kita tinanggal" tumulo na ang luha sa mga mata ko. Kasasabi ko lang kanina na hindi ko kayang nawala ang isa sa mga trabaho ko.
"sir, please po. Humihingi po ako ng pasensya, sir wag mo po akong tanggalin." pinahid ko ang mga luha sa mata ko. Tumayo si manager at lumapit sa akin. Itinayo niya ako at kinuha ang envelop.
"rafaela pasensya na" inilagay niya sa kamay ko ang envelop at malungkot na tumingin sa akin. Tinapik niya ang braso ko at naglakad na palabas. Napabuntong hininga nalang ako at mahinang napaiyak.
*****
"nakauwi na po ako" walang ganang saad ko pag pasok ng bahay. Pag pasok ko ay nakita ko si lady marelyn, ang step mother ko, at si daneleigh, stepsister ko, na nakaupo sa sahig at nakaharap sa laptop.
"ella, magluto kana, nagugutom na kami." sabi ni lady marelyn.
"opo" sagot ko
"yung hugasin pala. Ayusin mo naman paghuhugas mo, banlawan mo ng mabuti. Nakikitira ka na nga lang hindi mo pa ayusin gawain mo" masama ang tingin na sabi ni lady marelyn sa akin.
"opo, pasensya na po" bumuntong hininga ako at nag tungo sa kusina upang magluto. Nalulungkot padin ako sa nangyari kanina, nang dahil lang sa aksidente ay nawalan ako ng trabaho.
"hindi nanaman?" rinig kong sabi ni lady marelyn kay daneleigh.
"may isa pa naman mommy" lumapit ako sa kanila at tinignan ang ginagawa nila.
"tinitignan niyo po ba yung college examination result?" tanong ko. Tumingin silang dalawa sa akin.
"oo bakit?" sabi ni lady marelyn.
"pwede ko din po ba tignan yung akin?" tumingin silang dalawa sa isa't isa at tumingin sa akin.
"okay, as if naman makakapasa ka." ngumit lamang ako kay daneleigh at pumagitna sa kanila. Dalawang lang ang sinubukan kong university dahil sa sobrang busy ko, gusto ko sana subukan lahat ng university na magaganda para madaming chance pero ang hetic kasi talaga ng schedule ko sa trabaho. Binuksan ko ang email ko at nakita ang email ng dalawang university.
Binuksan ko ang isa at binasa ang email nila. Malungkot na napatango ako ng makitang hindi ako nakapasa. Ayos lang may isa pa naman.
"hala! Hala! Nakapasa ako!" napatakip ako ng bibig ng mabasa ang email ng LNU o La Nobleza University na pasado ako. Masaya akong tumingin kayna lady marelyn at daneleigh pero nakita ko ang mga ito na nakatulala sa screen ng laptop. Masaya akong tumayo at bumalik sa kusina.
Bumaba muna ako sa basement upang ibaba ang gamit ko at umakyat muli. Nasa basement kasi ang kwarto ko. Ayos lang naman sakin kahit nandoon ako, malaki ang lugar ko doon. Nang matapos akong magluto ay naglinis naman ako saglit ng bahay at kumuha ng pangbaon ko para mamaya. May trabaho pa kasi ako mamayang gabi.
*****
Pababa ako ng basement ng makita ko si analiza, kambal ni daneleigh, na kalalabas lang ng kwarto ko. Napatigil ako at humarang sa hagdan.
"anong ginawa mo sa kwarto ko?" tanong ko. Hindi naman kasi siya pumupunta ng kwarto ko, pupunta lang siya kapag sira ang intercom sa kusina o sa mga kwarto nila.
"hinahanap ka ni mommy. Hindi kita makita kaya bumaba ako" sabi nito at umakyat pero humarang ako sa daan nito. Nangunot naman ako ng makita ang bulsa niya na makapal.
"nasa labas lang ako. Anong ginawa mo sa kwarto ko?" tanong kong muli.
"hinanap ka nga." itinulak ako nito pa gilid dahil para tumama ang tagiliran ko sa railings. "paulit-ulit" sabi pa nito at inirapan ako bago patuloy na umakyat. Napahawaka ko sa tagiliran ko dahil sa sakit at bumaba na sa kwarto ko.
Tumingin muna ako sa paligid ng kwarto ko ng makapasok ako. Wala naman nag bago sa mga pwesto ng gamit ko, maayos padin at hindi naman magulo. Nag bihis na ako para sa trabaho at nag ayos. Kinuha ko ang uniform ko sa cabinet at kinuha ang baon ko na pagkain sa lamesa ko. Ilalagay ko na sana sila sa bag ko ng mapansin na bukas ang bag ko.
"yung sobre" kinabahan na ako at hinalungkat ang bag ko. Nang wala akong makitang sobre ay itinaktak ko na ang bag ko pero wala padin ang sobre na bigay ni manager kanina.
"aish. Analiza" napasabunot ako sa sarili ko at inis na inilagay muli ang mga gamit ko bag. Nang matapos ay isinukbit ko na ang bag ko at inilock ang kwarto ko pag labas. Kukunin ko ang pera ko pero kailangan ko magmadali. Hindi ako pwede ma late dahil baka matanggal nanaman ako, nasabihan na ako nung nakaraan dahil lagi nalang akong late. Lagi kasi akong inuutusan ni lady marelyn tuwing aalis na ako na tila ba parang sinasadya niya.
Pag-akyat ko ay nakita ko ang magkapatid na naka upo sa sofa at nanonood ng tv. Nagtungo ako sa kanila at humarap kay analiza at inilahad sa kanya ang kamay ko.
"akina" kinunutan ako nito ng noo, nagtataka naman tumingin si daneleigh sa akin. "akina pera ko" mahina kong sabi at tumingin sa paligid dahil baka nasa gilid-gilid lang pala si lady marelyn, ako nanaman yari, ako na agrabyado ako pa masasaktan.
"anong pera sinasabi mo dyan?" maang-maangan na saad ni analiza. Napayukom nalang ako ng kamay at masama itong tinignan, pumikit ako saglit at sinubukan kalmahin ang sarili ko dahil naiiyak na ako sa inis at ayaw kong umiyak sa harapan nila.
"umalis ka na nga, nakitang nanonood kami. Harang ka dyan." sabi pa ni Analiza, itataboy sana ako nito gamit ang paa niya bilang pagsipa sa tagiliran ng hita ko ngunit hinawan ko ang paa niya na ikinagulat niya.
"bitawan mo ko! Nakakadiri ka naglinis ka ng banyo kanina tapos ihahawak mo sakin yang kamay mo?! Eww!" pagmamaarteng sabi nito. Marahas kong binitawan ang paa niya at muling inilahad dito ang kamay ko. Napahawak naman siya sa paa niya at sinamaan ako ng tingin dahil sa biglang pagbagsak ng paa niya sa sahig.
"akina."
"ano bang sinasabi niya liza?" nagtatakang sabi ni daneleigh habang taas kilay ang tingin sa akin.
"ewan ko dyan, natuluyan na atang masiraan ng bait" binawi ko ang kamay ko at tinignan ang orasan at muling inilahad ang kamay kay analiza. "pwede ba umalis kana. Hindi ko alam sinasabi mo" sabi pa ni analiza at inirapan ako.
"Ah hindi mo talaga ilalabas?" bumuntong hininga ako at kumuha ng lakas ng loob "osige, ayaw mo ha" agad kong hinawakan ang kamay ni analiza at kinapa ang bulsa nito pero nag pupumiglas ito kaya hindi ko makapa ng maayos kaya patagilid akong umupo sa kandungan nito.
"omyghad are you insane!? Umalis ka sakin!" sigaw ni Analiza. Hinihila naman ako ni daneleigh paalis sa kambal niya.
"aray!" daing ko at nasipa ko sa hita si daneleigh dahil sa bigla ako nitong sinabunutan mailayo lang ako sa kapatid niya.
"ouch, mommy!" nanlaki ang mata ko dahil sa sigaw ni daneleigh, napangiti naman ako ng makuha ang pera sa bulsa ni analiza. Mabuti nalang hindi niya pa naitatago kung saan. "mom–where did you get that much money Ana?" takang sabi ni Daneleigh habang nakatingin sa perang hawak ko.
"she stole it from me" nginisian ko si Daneleigh at tumayo. Tumingin ako kay Analiza at masama itong tinignan "Seeing you like that...speechless. Pinatunayan mo lang na ninakaw mo nga ang pera ko. Wag ka sana magtanim ng sama ng loob, kinuha ko lang kung ano talaga ang akin. Klepto." Ngumiti ako dito at aalis na sana ng biglang tumayo si Analiza at hablutin ang buhok ko.
"aray!"
"anong tingin mo? Papalagpasin kita?" giit ni analiza, napadaing ako lalo ng may sumabunot pa sa kabila kong buhok.
"Ano ba! Kayo na nga may kasalan kayo pa mananakit!" hinablot ko din ang buhok nilang dalawa at tuluyan ng naiyak. Hinigpitan ko pa ang kapit sa buhok nila dahil sa inis ko, wala na akong maramdamang sakit dahil parang bigla nalang lahat ng masasakit na salita at gawa nila sa akin naalala ko. Naiinis ako, hindi ko sila maintindihin, hindi ko alam kung anong kasalanan ko bakit ganito nila ako itrato.
"OMYGHAD MY HAIR! GET YOUR HANDS OFF ME, YOU DIRTY!"
"MOMMY! MOMMY HELP!"
"lahat na kinuha niyo sakin" matalim kong tinignan si Analiza "pati ba naman pera ko kukunin mo pa? Ha!?" tinulak ko ito papalayo sa akin at napapahid ng luha "Magnanakaw ka!" Binitawan ko si Daneleigh at hinablot ang buhok ni Analiza "Magnanakaw!"
"OUCH! MOM!" Nagulat ako nang hindi ako patulan ni Analiza at biglang umiyak pero dahil sa inis ko dito hindi ko siya binitawan. Pero nag-sisi ako agad nang bigla may humatak sa buhok ko dahilan para mapalayo ako kay Analiza at mapa-atras ng ilang hakbang.
"nag-aasta nanaman leon ang isang kuting" may ngisi sa labing saad nito. Napangiwi ako ng maramdaman ang sakit ng mga kalmot ng kambal sa akin sa braso ko.
"ah!" bahagya akong napatingala ng higitin pa lalo ni Lady Marelyn ang buhok ko at agad na napaiwas ng tingin ng mag tama ang tingin namin.
"saan mo nakuha ang lakas ng loob mo para sabihan ng ganyan ang magaganda kong anak?. Baka nakakalimutan mo, nakatira ka sa palasyo ko. Ako ang nagpapakain sayo dito. Wala kang utang na loob!" Itinulak ako bigla ni lady marelyn dahilan para mapaluhod ako sa sahig, napayukom nalang ako ng kamay ng makita si Analiza na nakangisi sa akin.
"Umakyat ka dun at maglinis ka." napatingin ako kay lady marelyn
"pero may trabaho po ako ngayon, pag hindi pa po ako pumunta baka tanggalin na nila ako"
"Wala akong pake sa trabaho mo, mag linis ka sa taas." hindi na ako sumagot dito. Kukunin ko na sana ang pera ko na nasa sahig ng unahan ako ni Analiza.
"akina yan!" agad akong tumayo para kunin ang pera kay Analiza ng hatakin muli ni Lady Marelyn ang buhok ko papunta sa kanya. Nanginginig na ako, hindi sa takot kundi sa inis. I feel hopeless. Mariin akong napapikit nang marahas na hawakan ni Lady Marelyn ang pisngi ko at nag simula nanaman tumulo ang mga luha sa mata ko dahil sa mga nag halo-halong nararamdaman ko.
"Wala ka talagang utang na loob." napahawak ako sa pisngi ko ng bitawan niya ako "Ibigay mo na, ibabalik ko din naman sayo kinuha nila." wala na akong nagawa kundi tumingin na lamang sa kanila. Kahit na ako ang tama, wala padin akong laban.
"umakyat kana sa taas at maglinis" naglakad na ako paakyat sa taas ng hindi sila tinitignan "ah saglit lang ella" napatigil ako sa gitna ng pag-akyat at napatingin kay lady marelyn na may malokong ngiti sa labi nito. "you know ella, nasasaktan ako kasi hindi padin isang nanay mo ang tingin mo sakin. Let's accept the past now, my dear ella. Okay?" daretso ko lamang itong tinignan sa kabila ng malumanay at mapanlinlang na tingin nito "Accept that I'm your mother now. Hmmm?" Hindi ko ito kinibo at umakyat na.
Pag-akyat ko, imbis na sa kwarto ni lady marelyn ako pumunta ay sa balcony ako pumunta. Nasa likod ang balcony at hindi naman sila pumupunta sa likod ng bahay dahil puro tanim na halaman lang naman ang meron dito.
"asa ka naman tatanggapin kita bilang nanay ko" inihagis ko ang bag ko sa baba at umupo sa railing "walang nanay na sinasaktan ang anak" Tumalon na ako at kinuha ang bag ko pagbaba. Sumuot ako sa sirang bakod namin dito sa likod na lagi kong dinadaanan kapag tumatalas at tahimik akong naglakad papalayo sa bahay hanggang sa makasakay ako ng jeep.
3rd person pov.
Nang makasakay ang dalaga sa jeep ay pinagtitinginan ito ng mga pasahero dahil sa mga kamot niya sa braso at dahil sa gulo ng buhok niya. Kinuha ni ella ang jacket niya sa bag ay sinuot ito upang hindi na pagtinginan.
"para" anya ng dalaga. Bumaba agad ang dalaga at lakad takbo ang ginagawa papunta sa restaurant kung saan siya nag tatrabaho. Habang naglalakad ay inaayos niya din ang buhok niya. Pag dating sa tapat ng restaurant ay tumigil muna ito sa gilid ng isang kotse at nanalamin.
"may kalmot pala ako sa leeg. Grabe naman yung dalawang yun" kumuha ng band aid sa bag ella at nilagyan ang leeg niya. Hinawi niya ang buhok niya sa gilid upang matakpan ang bandaid. Tinignan niya muli ang sarili bago patuloy na naglakad patungo sa likod ng restaurant para sa pasukan ng mga empleyado.
Pag pasok niya pa lamang ay nakaramdam na agad siya ng hindi tama dahil sa mga katrabaho niya na iniiwasan ang tingin niya. Pupunta na sana ito sa bihisan ng lapitan siya ng isa niyang katrabaho.
"ella, pinapatawag ka ni sir kim sa opisina niya" kinabahan ang dalaga dahil sa sinabi nito. Mag tatanong sana ito kung bakit pero tumalikod na ito at naglakad palayo.
Nagtungo ang dalaga na kinakabahan, alam niya na may nagawa siyang mali dahil late nanaman siya. Tahimik lamang siyang naglalakad habang pinipisil ang namamawis niyang kamay sa kaba. Pag dating nito sa harap ng pintuan ay kumatok muna ito bago dahan-dahan binuksan ang pinto.
"sir kim" bati ng dalaga at lumapit sa harapan ng lamesa nito. Binuksan naman ng manager ang isang drawer at inilapag sa lamesa ang isang puting envelope. Napakagat ang dalaga sa labi niya dahil ganito din ang nangyari sa kaniya kaninang umaga. Tila ba ay naulit lamang.
"huling sweldo mo" nangilid ang mga luha sa mata ni ella
"sir kim, bigyan mo pa po ako ng isa pang pag kakataon. Nag karoon lang ako ng problema sir" pagmamakaawa ng dalaga.
"Ilang beses na kitang pinalagpas, lagi nalang iyan ang dahilan mo. Hindi ako ang nag pasyang tanggalin ka, si boss mismo kaya kunin mo na 'to" wala ng nagawa ang dalaga kundi kunin ang envelope. Gusto niya pang magmakaawa pero alam niyang wala na siyang magagawa dahil ang boss na ang nag desisyon.
"salamat po, sorry sir." yumuko ang dalaga sa manager niya at aalis na sana ng magsalita ito.
"kumain ka muna bago ka umuwi. Sagot ko na" ngumiting malungkot lamang ang dalaga dito.
"salamat po" yumuko ulit saglit ang dalaga sa manager niya bago ito tuluyang lumabas pero dahil sa bigat ng nararamdaman nito ay lumabas ito ng restaurant. Nang makalabas siya sa likod ay umupo lamang siya sa gilid at yumuko. Tahimik itong umiyak habang sinisisi ang sarili niya.
"ang malas mo naman rafaela. Dalawang trabaho nawala sayo sa isang araw, nawalan kapa ng pera." humikbi ang dalaga "wala ka na ngang nanay, wala ka pang tatay tapos nawalan kapa ng trabaho. Kawawa ka naman" tinawanan ng dalaga ang sarili niya at nagpahid ng luha.
"mama, papa, simula po nung iniwan niyo ko humirap po buhay ko. Miss na miss ko na po kayo, pero ayoko pa po sumunod sa inyo, miss ko lang po kayo" bumuntong hininga ang dalaga upang pigilan ang sarili niya na matawa. Napaiyak muli ang dalaga ng maisip na hindi na niya alam gagawin niya.
"saan ako kukuha ng pera ngayon?" nagpahid ng luha ang dalaga at napatingin sa gilid niya ng may makita siyang pusa. Tumayo ang dalaga at pupuntahan sana ang dalaga ngunit tumakbo ito palayo.
Napasinghap ang dalaga at napahawak sa dibdib at pinigilan ang sarili sa pag sigaw ng makita ang isang lalaki sa gilid na nakasandala at naninigarilyo.
'narinig niya kaya ako? Kanina paba siya dito?' tanong sa isip ng dalaga
"sir" tawag ng dalaga ngunit hindi lumingon ang lalaki sa kanya. Lumapit pa si ella at sinilip ang mukha ng lalaki dahil hindi niya ito makita dahil nakasuot ang hood ng lalaki. Pag silip niya ay daretso siyang tinignan ng lalaki at inalis ang hood. Napalunok na napaayos naman ng tayo ang dalaga.
"sir bawal po manigarilyo dito" saad ng dalaga at itinuro ang no smoking sign na nakalagay sa pader. Itinapon naman agad ng binata ang sigarilyo at inapakan ito at naglakad paalis. Hindi na ito pinansin ng dalaga at pumasok nalang muli sa loob.
"ella" tawag ng katrabaho ng dalaga sa kanya. "akala ko umalis kana. Ano gusto mong order? Sabi ni sir tanungin ka daw namin pag nakita ka namin." napangiti ang dalaga. "sulitin mo na teh, libre naman" bahagyang natawa si ella.
"beef steak tyaka mango shake" ngiting saad ni ella.
"sinulit talaga ha? Sige" bahagya silang natawa parehas. Umalis na ang katrabaho niya kaya nag tungo na si ella sa kainan at umupo sa pinaka dulong lamesa na bakante.
Gusto niya sana ilabas ang baon niya dahil sayang pero natatakot naman siya na baka mangamoy sa restaurant ang ulam niya, baka mag taka pa ang ibang customer kung bakit may iba silang naamoy. Hindi katagalan ay dumating na din ang order niya. Napatingin naman si ella sa katrabaho niya at nagtaka dahil nanatili itong nakatayo sa harapan niya.
"bakit?" tanong ng dalaga
"totoo tinanggal ka talaga?" tanong ng katrabaho niya, ngumiti lamang ang dalaga dito.
"alam mo bang si julia ang may kasalanan niyan, nag himutok siya kanina dito" tumango lamang ang dalaga at tumingin sa pagkain niya
"ahh, kain tayo. " aya ng dalaga
"okay lang, kakakain ko lang." nag simula ng kumain si ella pero ang katrabaho niya ay hindi padin umaalis
"Habang nag rereklamo kasi si julia dumating daw bigla si boss D" hindi makapaniwalang napaangat ng tingin si ella. Ang alam kasi nila ay nasa ibang bansa ang may-ari ng restaurant kaya akala ni ella ay sa telepono lamang sinabihan ng boss ang manager nila na tanggalin siya. Hindi nito akalain na pupunta ito sa restaurant.
"hindi kapa ba babalik sa trabaho? baka mahuli ka ni sir kim, mapagalitan kapa." sabi ni ella
"saglit lang may kwento pa ako..." hindi na nagsalita ang dalaga at nagpatuloy nalang sa pagkain "Ayun nga nag himutok daw si julia kanina kasi ang tagal mo daw dumating. Hindi siya makauwi kasi wala pa yung kapalit niya, reklamo niya kay sir kim. Tapos narinig daw yun ni Boss D sa office ni sir kim tapos mismong si Boss D na daw nag sabi na tanggalin ka" napatigil sa pagkain ang dalaga at napatingin kay camille.
"Pano niyo nalaman na nasa opisina si boss D?"
"sinabi nila may nakita silang pumasok sa office ni sir kim bago mangyari yung paghimutok ni julia tyaka sinabi din mismo ni julia na nasa loob nga daw si Boss D." tumango ang dalaga dito at napatingin sa pagkain niya.
"Sige balik na ako ha? Ingat ka, sana makahanap ka ng magandang trabaho" ngumiti lang si ella dito at bumalik na sa pag kain pero napatigil din ito at inilayo sa kanya ang pagkain niya ng maramdaman niyang nagbabanta nanaman tumulo ang mga luha sa mata niya.
Tumingin ito sa malayo at pilit na inaalis sa kanyang isipan ang mga nangyari ngayong araw pero kahit na anong gawin nito ay hindi mawala sa isip niya na wala na siyang trabaho. Hindi na nito alam kung saan pa siya kukuha ng pera para sa pag-aaral niya. Kahit naman nakapasa siya sa college entrance exam ay kailangan niya padin magbayad para sa tuition.
"Back to zero ka nanaman. Mukhang hihinto ka ngayon sa pag-aaral" bulong nito sa sarili.
Kukunin sana nito ang panyo niya sa bulsa ng bag niya nang may makita itong isang puting panyo sa gilid ng lamesa niya. Nagtaka ito dahil wala naman itong naramdaman na lumapit sa kanya kaya lumingon ito sa paligid pero wala naman siyang nakitang kahina-hinalang taong lumapit sa kanya
Ibinalik nito ang tingin sa panyo at kinuha ito. Lalo naman itong nagtaka at napakunot ng may makapa itong matigas sa loob ng panyo kaya binuksan niya ito at nakita ang isang card deck na ace of diamond. Binaliktad niya ito at may nakitang nakasulat sa likod nito.
El Olimpo Masion
Hiring personal maid.
Interested?
Cell phone No. : 0995#######
Address: #################
Monthly Allowance: 50k monthly
Napangiwi ang dalaga at bahagyang natawa. Napailing ito nang mabasa ang monthly allowance. Ibinalik nalang nito ang baraha sa loob ng panyo at inilagay nalang basta sa bag niya. Hindi na niya ito binigyan pa ng pansin dahil sa pag-iisip na isa lamang itong scam.