Rosaria's Pov
"Bye ate ganda" nakangiting paalam saakin ng nakababatang pinsan ko na si Shane
"Bye baby. Tandaan mo yung bilin ko ah, Sunod ka sa sasabihin nila Ate at Kuya" halik ko pa sa noo nyang ikinangiti nyang tumango
Very good
Napangiti ako sa tugon nya, pero nalungkot din na mapapalayo ako sakanila. Lalo na kay Shane. Malapit pa naman saakin ang bata.
Mas makakatipid kasi kami kung mas malapit ang bahay namin sa trabaho ni Papa
Kaya tipid ang ngiti nalang akong sumakay sa jeep na minamaneho ni Papa
Dumaan lang naman kami para kasing namiss ko ang pinsan kong si Shane, pero parang mas lalo ko syang namiss
"Kinakabahan ka ba?" nakangiting tanong ni Papa habang nagdadrive
"Opo" tango ko "First time ko pong mag aral sa isang sikat na unibersidad. Sa tingin nyo po ba magkakaroon ako ng mga bagong kaibigan agad? Diba po sabi nila mga bully ang nandoon?" parang bata na tanong ko
Nakakatakot kasi. Paano kung totoong mga bully nga ang nandoon at palagi nalang akong bubullyhin? Oo lalaban ako. Pero scholarship din ang nagpasok sakin sa eskwelahan na yun. Kaya hindi ako pwede masabak sa kahit anong gulo
Tsaka ito din ang unang beses kong mag-aral sa ganun kagarang eskwelahan, idagdag pang laking probinsya ako
Napabuntong hininga na lang ako sa naisip
"Sa tingin ko kakayanin mo yun anak. Baka nga makipagkaibigan sayo lahat" pagpapalakas-loob saakin ni Papa
Buti nalang talaga at nandito si Papa. Sya nalang talaga ang nagpapalakas ng loob ko. Simula ng mamatay si Mama nang dahil sa sakit nito sa puso.
Wala din naman akong kapatid dahil noon pa man daw mahina na ang matress ni Mama. Swerte na lang daw na nagkaanak pa sila
"Buti nga dyan sa napasukan mo at hindi na kailangan ng uniporme kahit na pribadong eskwelahan" komento pa ni Papa
Napatango naman ako
May uniporme naman talaga kami. Kaya lang sa PE lang at tuwing friday lang yun. Para daw maayos kaming makapag-aral.
Hindi ko nanaman tuloy maiwasang maisip yung babaeng nakatabi ko sa sinehan. Halatang mayaman ito. Pero kahit ganun mukha din naman itong mabait.
"Oh dito na tayo" untag ni Papa na nagpabalik sa ulirat ko
"Salamat Pa. Sige po una na po ako" mano ko kay Papa tsaka na bumaba ng jeep
Napansin kong pinagtinginan ako agad ng mga estudyante sa paligid
"Mukhang may bago nanaman. Makakatikim din to kay Blue panigurado" ngisi ng isang babaeng estudyante
Ha? Sinong Blue? Tsaka ako ba tinutukoy nila?
"Sexy pre!" malagkit na tingin naman saakin ng tatlong lalaki
S!raulo tong manyak na to! Sipain ko yung ano nila eh!
"Kawawa naman sya. Siguradong hindi to magtatagal" bulong naman ng mga nerd
Bulong pa ba yan? Bat naririnig ko?
Napabuntong hininga nalang ako. Nagsimula na din akong maglakad papunta sa Dean's office. Na madali ko din namang nahanap dahil nagpunta na ako dito nung nag-apply ako ng scholarship
Kakatok na sana ako ng makarinig ako ng nag-uusap sa loob
"THE HELL?!" Dumagundong na sigaw ng boses sa loob na ikinaatras ko "Bat naman ako magsosorry sakanila kung sila naman yung nag umpisa! Naprovoke lang naman ako ah! Inumpisahan nila ako! Edi tinapos ko sila!" mukhang boses ng babae
Mukhang may kausap ata ang Dean. Maghihintay nalang muna ako
"Kaya nga iha, To atleast lessen the war. Kailangan isa sainyo ang magpakumbaba" mahinahon namang sagot ng isang lalaki na sa tingin ko si Dean Fernando mismo
"NO! A-YO-KO! End of discussion!" rinig kong lapit na ng yapak palapit saakin kaya umatras ako
Mahirap na. Baka pagbintangan pa ako ng babaeng yun na tsismosa.
Bumukas na rin ang pinto at halos mawalan ako ng hininga ng makita kung sino yung babaeng kausap ni Dean
Yung babae sa sinehan!
Nakasimangot ito at halatang badtrip. Pero kahit ganun ang ganda nya pa rin. Wala na yung pamumula ng pisngi nya at tenga nya naman ngayon ang namumula
Grabe ang ganda nya. Ang kinis pa ng mukha. Halatang alaga
Napatingin ako sa suot nya at katulad nung sa sinehan nakaitim ito. Nung nasa sinehan kasi ang suot nya. Itim na sando na fit sakanya at itim na leather jacket. At itim na shorts na maong. Nakaboots naman ito ng itim
Ngayon naman. Naka-itim na hoody ito at itim shorts na maong. Suot pa rin ang black boots
Mukhang hindi nya naman ako napansin dahil dere-deretso lang sya ng lakad. Muntik pa nga akong matumba nung mabunggo nya. Buti nalang at nakabalanse ako agad
Mukhang badtrip talaga sya.. Mukha naman kasi syang mabait nung una kong makita eh. Pwede ko kaya syang makaibigan?
Sana...
Bumukas ulit ang pinto sa Dean's office at dumungaw doon si Dean
"Oh! Nanjan ka na pala iha. Pasensya ka na at may kinausap ako kanina. Pasok ka" nakangiting paliwanag ni Dean
"Ayos lang po. Kukunin ko lang po sana ang schedule ko. Tsaka kung saan po ang classroom ko" magalang na sagot ko
"Ahh Oo nga pala. Ikaw yung new student, Rosaria Red Munoz?" tingin nila sa birth certificate ko
Nakangiti naman akong tumango
"Well this is your schedule" abot nila saakin ng isang papel. Tinanggap ko ito
Grabe excited na ako. Na medyo kinakabahan din
May parang tinawagan pa si Dean. Mukhang kaklase ko ata. Dahil ito daw ang magtuturo saakin kung saan ang magiging classroom ko
"Nandito sya sa office ko ngayon. Yes. Ok thank you, Nat" saka na nila pinatay ang tawag. "Hintayin mo nalang ang pamangkin kong si Natalie. Sya ang magtuturo ng room mo. She's also your classmate." Sabi pa ni Dean
"Sige po, Salamat"+ ngiti ko
Ang bait naman pala nila dito. Akala ko naman totoong masasama ang lahat. Siguro may iba. Pero mas marami pa ring mababait
Sabay kaming napatingin sa pintuan ng bumukas na ito at pumasok doon ang isang pamilyar na babae
Teka? Parang nakita ko na sya ah?
Ahh Oo tama! Yung kasama nung babae sa sinehan. Yung nagtanong ng pangalan ko pero hindi ko na nasagot dahil nasa nakakakilig na parte na ang pelikula at tinext na ako ni Papa na tapos na yung pinapanood nila ni Shane. Kaya nung matapos na ang pelikula. Umalis na din agad ako
"Good thing nandito ka na Nat. Saan na nga pala si Ferquin?" bati ni Dean
"Nandoon po sya sa garden Tito, Nagpapalamig" ngiti nung babae
Natalie siguro ang pangalan nya. Yun ang tawag sakanya ni Dean eh
"That stubborn little girl.." tila problemadong sambit ni Dean
Natawa naman si Natalie doon
"Anyway I would like you to meet. Rosaria Red Munoz" baling nalang saakin ni Dean
Doon na din tumingin saakin yung babae at parang nakilala nya naman agad ako. Base sa gulat na reaction nya
"Oh my! Cinema girl!" masaya pang bati nya at sa gulat ko bigla syang yumakap
Ewan ko ba kung matutuwa ako na kilala nya ako o malilito dahil sa kinikilos nya. Pareho nalang siguro. Matutuwa dahil may kakilala ako at mukhang mabait naman sya. Pero nalilito dahil sa tawag at ginawa nya
Mukha namang napansin nya ang paglito sa mukha ko kaya kumalas din sya
"Ay! hehe. Sensya naexcite lang" nahihiyang excuse nya pa
"Kilala mo sya Natalie?" tanong ni Dean
"Uhmm yes po Tito. Nakasabay po kasi namin sya ni Ferquin sa sinehan. Pero hindi ko pa po alam ang pangalan nya.. Nun" ngisi naman ni Natalie
Iba yung ngisi nya eh. Parang may.. Ewan
"Ok, Good. Atleast sabihan mo nalang si Ferquin na maging mabait sakanya" paalala pa ni Dean
"Sa tingin ko po Tito magiging sobrang bait po sakanya ni Fer. Kaya wag po kayong mag alala" kindat nya pa saakin na nginitian ko na lang "Lets go?" aya nya pa saakin
Kaya tumayo na ako at nagpasalamat ulit kay Dean. Tsaka kami lumabas ng opisina
"So pangalan mo pala Rosaria Red. That's a cute name" ngiti ni Natalie habang naglalakad kami sa hallway
At dahil nga first day of class. Wala pang masyadong ginagawa, kaya may mga estudyante pang pakalat-kalat. May mga tumitingin saamin pero hindi ko nalang pinansin
"Ahh Oo. Pero tawagin mo nalang akong Aria" sagot ko habang kinakabisado ang daan
"Aria? Ayaw mo ng Rose? O Red?"
"Hindi naman sa ayoko. Mas sanay kasi akong yun ang tawag nila saakin." ngiti ko
Binuksan nya na yung isang pinto na may nakasulat na 12-A
Ito siguro ang classroom namin. Wala pang tao dun.
Wow ha! Dati sa classroom namin pag A section kahit na walang klase o kahit na walang pasok may makikita ka pa ring estudyante sa loob ng classroom. Pero ngayon na first day of class. Wala pa? Nasaan na ba ang mga matatalinong estudyante nila?
"Siguradong nasa field pa ang mga yun" Natatawang sabi ni Natalie
Napalingon tuloy ako sakanya habang papunta sa magiging upuan namin
"Field? Diba first day of class ngayon?" pigil ang pagkadismayang tanong ko
Tumango sya
"Pero ganito talaga dito. Lalo na kapag MVP ng isang sports ang kaklase mo. Nakakainis mang isipin pero importante din sa eskwelahan ang mga physical activities. Not just academics" kuha nya ng bag ko at inilagay sa isang upuan. Sa dulo ng classroom, tabi ng bintana
"Dito ka nalang. Para magkatabi kayo ni Ferquin" ngisi nya pa saakin
Yung tipo talaga ng pagngisi nya parang may halong kalokohan na hindi ko alam kung bakit ganun. Pilit ko nalang na hindi yun pinansin at nagpatuloy kami sa pag-uusap ni Natalie ng makaupo
Isang upuan lang naman ang agwat ng upuan namin. Kaya nagkakarinigan pa rin kami
Napatigil nalang kami sa pag-uusap ng biglang may babaeng humahangos na pumasok sa room
"Yell! Si Blue nakikipag-suntukan nanaman kay Christian" nag-aalalang lapit nito kay Natalie
Yell?? Natalie kaya ang pangalan nya
"Hay! Pasaway talaga ang babaitang yun. Nasaan sya?" problemadong tanong naman ni Natalie at tumayo
"Sa hallway. Pinagtutulungan na sya ng mga tropa ni Christian"
"Let's go" nagmamadaling aya ni Natalie
"Teka Nat sasama ako" pigil ko
Napalingon naman silang dalawa saakin at tumango agad si Natalie. Kaya nagmadali na din kaming pumunta sa tinuturo nung babae na hallway. Kung saan nakikipag-suntukan yung Blue
"You'll never win against me Loser! Yun ang itatak mo sa isip mo!" galit na sigaw ng isang babae sa di kalayuan at pakawala ng isang malakas ng suntok sa kalaban na lalaki
"Shit! Ang lakas nya talaga! No wonder Queen sya ng troublemakers" komento ng mga nanonood
Hindi ko alam pero nainis ako sa mga estudyanteng nanonood.. Imbes kasing umawat sila parang gustong-gusto pa nilang nagkakagulo
"BLUE TAMA NA YAN!" sigaw na awat ni Natalie
Napatingin naman sakanya yung mga estudyante na parang natakot
Mukhang kinatatakutan dito si Natalie. Oo nga pala at pamangkin sya ng Dean. Pero mukhang may iba pang dahilan kung bakit takot sakanya ang lahat
"All of you!! GET BACK TO YOUR RESPECTIVE ROOMS!!" sigaw pa nito at sa ilang segundo lang wala ng kumpulan
Nagkahiwalay na din ang mga nag-aaway sa gitna. May limang lalaki na puro may pasa ang mga mukha. Habang mag-isa lang naman ang kalaban nilang babae at mukhang hindi naman ito nasaktan, ni pagod nga parang hindi din eh
Grabe. Lima yung kalaban nya tapos hindi man lang sya nahirapan? At mukhang wala man lang din syang suntok na natanggap
Tinignan ko yung babae. Dahil kahit na nakatalikod parang pamilyar talaga sya saakin
"Blue ayos ka lang?" lapit nung babaeng nagsabi saamin ni Natalie na nagkakagulo dito
"Yeah dont worry. Weak naman sila eh" sagot nito na lalong ikinainis ng mga kalaban nya
"Subukan nyong umatake at ako mismo ang tatapos sainyo" halatang galit ng banta ni Natalie
Kaya napalingon sakanya yung babaeng nakipag-away..
Halos maestatwa na rin ako ng makita ko kung sino yung babaeng yun
Sya yung babae sa sinehan!
Naramdaman kong bumilis ang tibok ng puso ko ng makita kong sya nga talaga yung babae. Magulo pa rin ang itim na buhok nya. At doon ko din napansin na may blue sa buhok nya. Pero kaunti lang. Sa gilid lang
Mukhang hindi pa naman ako napapansin nung babae. Pero talagang natulala na ako sakanya
Ewan ko ba kung bakit ganito. Siguro kasi ngayon lang ako nakakita ng ganito kaganda? Mukha kasi itong buhay na manika sa ganda nya
"Hindi pa tayo tapos" Nakatiim-bagang banta nung lalaki sa babaeng yun at inaya ng umalis yung barkada nya
"That was b*llsh!t, Blue! Ano nanamang pumasok sa kokote mo at nakipag away ka?!" sermon ni Natalie
Pero ngumisi lang naman yung babae. Na sa tingin ko Blue ang pangalan
"Stop worrying Nat. That was just for fun. Inasar nila ako eh. Edi sinapak ko sila. Alam mo namang wala sa vocabulary ko ang magpabully" parang wala lang na paliwanag ni Blue
"Kahit na Blue! Lima sila, isa kalang. Paano kapag hindi kami nakarating agad?" sagot naman nung isa
"I can handle myself Jade. Si Natalie nga jan ang dapat mong isipin eh" nguso nya pa kay Nat na nakasimangot na
"Concern din naman talaga ako kay Yell. Kaya lang syempre nag-aalala din ako sayo bilang kaibigan mo" Sinserong sagot nito
Nang bigla nalang napalingon saakin si Blue
Lalo tuloy bumilis ang tibok ng puso ko. Nang magtama ang paningin namin
Naramdaman ko nalang na nakangiti na ako sakanya at ganun din sya saakin
"Nga pala Couz si Aria. Bagong classmate natin" nakangiting pakilala saakin ni Natalie
Parang nawala agad sa isip namin ang gulo kanina...
Marahan namang lumapit saakin si Blue habang hindi pa rin nawawala ang ngiti sa kanyang magandang mukha
"Hi" namumula ang pisnging bati nya, at sa tingin ko ganun din ako. "I'm Ferquin Blue Delos Santos" abot nya saakin ng kamay nya
Para namang matutunaw ako sa klase ng pagkakatitig nya. Pero pinilit ko pa ring kontrolin ang sarili
"H-hello.. Ako naman si Rosaria Red Munoz" tanggap ko ng kamay nyang sobrang lambot
Nahiya tuloy ako sa kamay nya. Ang lambot tapos yung saakin magaspang
Nagulat pa ako ng yumukod sya at hinalikan ang likod ng palad ko na parang isang prinsipe sakanyang prinsesa
"Nice meeting you" ngiti nya na nagpangiti din saakin