***
“Look at this gal,” mahinang bigkas ng lalaki habang dahan-dahang naglalakad patungo sa dalaga, “I should have checked the office. Hindi bale, sisiguraduhin kong hindi ka na makakatakas sa mga kamay ko."
Yumukod ang binata upang magpantay ang lebel ng kanilang mukha, “Hindi ko inakalang sa liit ng katawan mo, makakayanan mong gumawa ng ganito karaming report.” Naagaw ng isang pirasong papel ang atnesyon ng binata at bigla itong napangisi, “Ready na ang resignation letter, Arfie’s gonna lose an important asset.”
Pupungas-pungas naman na nagising si Allyson dahil sa nararamdamang pananakit ng batok at leeg mula sa maling pwesto ng kan’yang pagtulog. Namilog ang kan’yang mga mata nang masilayan ang isang lalaking nakangisi at wari’y kanina pa siyang tinititigan.
"Paano ba 'yan? Mukhang sinuswerte talaga ako," ani ng binata sabay ang pagresponde ng kaliwang kamay nito. Bago pa makasigaw si Allyson ay tinakpan na niya ang kissable lips ng dalaga. "Hindi ba sinabi ko sa 'yo na 'wag kang masyadong tensyonado. KSP ka ba?"
Inalis ni Allyson ang kamay ni Prince mula sa pagkakatakip nito sa kan'yang bibig. "I don't care anymore! You lunatic, are you really out of your- -"
Matinis na pag-irit ang muling kumawala sa paligid. Sunod-sunod na hampas sa likod ang nilabanan ni Prince nang kan'yang muling buhatin si Allyson.
"`Wag ka ngang maingay!"
"Ibaba mo ako!"
Hindi pa sumisikat ang araw kaya’t wala pang tao sa building. Tanging mga security guards lamang ang naroroon. Wala silang magawa kundi magbubulag-bulagan dahil mataas ang posisyon ng binata at hindi na rin naman bago sa kanilang paningin ang ganitong scenario. Nawalan na ng pag-asa si Allyson kaya kalaunan ay kumalma na rin ito. Binagtas ng binata ang daan patungo sa parking lot.
"Ano bang gusto mo?"
Nang masabi ni Allyson ang mga katagang ito ay ibinaba siya ni Prince. Siniil niya ang dalaga sa pinto ng passenger seat ng kan'yang kotse gamit ang dalawa nitong kamay. Nagtagpo ang kanilang mga mata, "hindi ba gusto mong makaganti sa boss mo?"
Nabalisa ang dalaga. Parang may pumipigil sa kan'yang magsalita. Nagising lamang ito nang kan'yang makita na bahagyang nagbago ang serysosong ekspesyon sa mukha ni Prince.
Inilihis niya ang kan’yang paningin. "Don't jump into conclusions because you don't even know me," pabulong nitong wika at pinagdaop ang dalawang bisig.
"Anong sinabi mo?" Mas lalo pa niyang inilapit ang mukha kay Allyson upang marinig niya ito nang mas maayos.
Pinamulahan ang dalaga. Marahas niyang naitulak palayo ang binata.
Napangisi si Prince mula sa ginawa sa kan'ya ni Allyson. Nagtungo siya sa likod ng kotse at binuksan ang trunk. Ilang minuto rin ang tinagal niya ro'n. Sa inip ng dalaga ay naglakas-loob siyang sundan ang binata. Nang matanaw ng binata ang paang walang saplot, saka lamang siya muling nagsalita. "Sumama ka lang sa akin sa motel," pamimilit muli nito at sinarahan na ang trunk.
Tinungo ng kan'yang paa ang direksyon ng kinaroroonan ni Allyson. Nabuhayan siya ng loob nang makita na hindi na tinangka ni Allyson na umalis sa kinatatayuan nito mula kanina.
"Don't worry, aayusan naman kita kaya siguradong hindi ka mapapahiya sa party, okay?"
Nablisa si Allyson. Isang blangkong ekspresyon ang kan'yang ipinamalas na siyang nagkumpirma sa hinala ni Prince. Pinisil niya ang ilong ni Allyson dala na rin ng sobrang gigil nito.
"Aray!" inda niya at hinawi ang kamay ni Prince na walang awang pinisil ang kan'yang maliit na ilong. Tumalim ang kan'yang titig at ibinuhos ito sa binata.
"Parusa `yan sa 'yo! Pinag-isipan mo ako ng masama," sabi niya at hindi man lang natinag mula sa pinakitang inis ni Allyson.
"Kahit sabihin mong- - -"
Habang nagrereklamo si Allyson ay mabilis siyang pinosasan ni Prince. "Ano 'to? Sex toys mo? Manyak ka talaga. Kadiri," aniya habang pilit na hinihila ang kaliwang kamay na naka-posas sa pag-asang makakalas ito.
"`Wag mo ngang higitin. Masasaktan ka lang sa ginagawa mo. Kung hindi ka tatahimik, mapipilitan akong ipahalik ang duct tape na `to at itali ka talaga. Anong gusto mo?"
Nabalot ng katahimikan ang parking lot. Nakaramdam ng takot si Allyson matapos siyang paulanan ng nakakalokong ngisi. Pumasok ang dalawa sa kotse. Nanahimik na si Allyson mula noon. Nang makumpirma ni Prince na hindi na manlalaban pa ang babae, walang sabi-sabing pinaharurot niya ang kotse.
Sa kabila nang mabilis na pagmamaneho ng binata, nagawa pa rin niyang lingunin saglit ang dalaga. Kitang-kita sa mukha niya ang pamumutla, hindi mawari kung ito ba ay dala ng inis o hiya.
"Are you cold? Ba't namumutla ka?"
Hindi lumingon ang dalaga nang sagutin niya si Prince. "You threatened me. You kidnapped me. You touched me with those filthy hands of yours. You handcuffed and assulted me. Do you think I'll still be alright?" bulong niya at padabod na sumandal sa upuan ng kotse.
"Tired of talking?" tanong ng binata at umaktong hindi narinig ang mga sinabi ni Allyson. "Good little chibi," puri pa niya at nagpaskil ng malapad na ngiti.