Day passed unnoticed. Dumating ang araw na kinatatakutan ko. Araw na magdadala siya ng kasintahan habang narito pa ako. The wind blows on a terrace where I was in. Niyakap ko ang aking tuhod sa lamig na humampas sa aking katawan. Tita told me na darating raw si Melissa rito upang magkisalo sa aming hapunan kasama ni Paulo.
Pagkatapos kong tumulong sa paghahanda ng aming pagsasaluhan mamaya ay agad akong umakyat rito. Tumulo ang luha na kanina ko pa pinipigilang kumawala. I missed my mom kung narito lamang siya ay hindi ako mapapasok sa ganitong sitwasyon. Pero minsan talaga ang tadhana ay mapaglaro. Kinuha siya sakin gayong siya na lamang ang meron ako. My father left us when I was only six tapos namatay naman si mama on my eighteen birthday. Hindi ko alam kung bakit kami iniwan ng tatay ko. Ang tanging nasabi lang ni mama ay wag ko na itong hanapin. Wala akong mapupuntahang ibang kamag-anak. ayon kay mama ay tinakwil siya ng kanyang pamilya dahil sa pagsama niya sa aking ama. Ibinilin ako ni mama Kay Tita Esmeralda. Buti na lamang ay mayroon siyang matalik na kaibigan na handan akong kupkupin at ituring bilang sarili nitong anak.
Naging maayos ang pagtira ko rito sa loob ng tatlong taon. Pinaaral nila ako. Minahal at binigyan ng maayos na buhay. Lahat ay maayos ngunit sa puso ko lamang ang may problema. Matagal ko na siyang mahal simula pa lamang nung bata pa kami. Lumalim hanggang sa di ko namalayang naging martir na pala ako. madalas rin kasi kaming bumisita rito noon. Mula noon hanggang ngayon ay ganoon pa rin ang trato nito sakin. Malayong malayo kung paano niya ituring si Melissa. Mas kalmado at puno ng pagmamahal. Hindi ko alam kung papano sila haharapin mamaya. Kung papaano ngingiti gayong hindi naman ako masaya.
Huminga ako nang malalim. Pilit na kinakalma ang sarili sa mapait na nararamdaman.
Hindi ngayon Ligaya, hindi ngayon ang tamang oras para umiyak.
"Aya iha nasaan ka?" Umalingangaw ang tawag ni Tita Esmeralda.
"Narito po ako, pababa na po! " agaran ko namang sagot sa tawag nito.
"Halika na, baba na tayo." Anyaya nito nang makababa ako Mula sa terrace ay inakbayan ako nito. matipid na ngiti lamang ang naitugon ko sa kanya.
Pagkarating namin sa kusina ay nadatnan naming nagsasalo-salo na sila Tito Manuel, kuya Harold, si Paulo katabi si Melissa at maging ang aming kasambahay. Mahigpit ang pagkakahawak ni Tita sa aking kamay. Hinahaplos niya iyon nang banayad. Sa tabi niya ako pinaupo. Binitawan niya ang pagkakahawak saking kamay. Nilagyan nito ang aking plato at sinabihan akong kumain nang marami. Tumango naman ako at pinipilit makipag-eye contact kahit nababalisa ako sa sitwasyon.
Sinubukan kong kumain kahit wala akong gana. Para bang ang lahat ng putahe na nasa plato ko ngayon ay matabang. Kasing tabang nang nararamdaman ko ngayon. Nanlalamig ang aking sikmura sa Di maipaliwanag na dahilan.
They're match made in heaven. Parehong nakatapos at may trabaho na. Parehong buo ang pamilya. Pareho ng estado sa buhay. pareho ng edad. At higit sa lahat pareho ang nararamdaman. Wala akong Panama.
inabot ko ang baso saking harapan. Nilagok ito sa wakas ay nabasa ang kanina pang nanunuyo kong lalamunan.
Katahimikan ang namayani sa hapag-kainan. Si Tita na madalas magkwento habang kumakain ay walang imik gayon rin si Tiyo Manuel.
"How's school Aya? Balita ko magtatapos ka na raw ngayong taon." binasag nito ang kanina pa walang kulay na selebrasyon. Si Melissa iyon batid kong pati siya ay naawkward na rin sa sitwasyon.
"Maayos naman at heto makakapagtapos na rin" matipid kong sagot ngunit pinilit kung ilapad ang ngiti kahit na magmumukhang peke ito.
"Anong course nga ulit ang kinuha mo.? dagdag nito.
"Fine Arts." maikling tugon ko.hindi ko alam kong totoo ito pakikitungo niya gayong galit na galit siya sa akin nung nakaraan.
"That's great! Let's hang out soon kung free ka." Magiliw naman nitong tugon ulit.
Tumango naman ako rito at palihim na ibinaling ang tingin kay Paulo na nakatitig rin pala sakin. Agad ko namang binawi nang mapagtantong may kasama nga pala ito.
"Kamusta naman ang trabaho mo iha? " Lipad sa hanging tanong ni Tita Esmeralda kay Melisa.
"It's good naman po Tita. But my dad insist na sumunod po ako sa kanya sa amerika." Seryoso ang pagkakasagot nito.
"Then, what did you say? What's your plan? May Plano na ba kayong magpakasal ng anak ko?
"I said na hindi pupwede dahil narito ang trabaho at ang boyfriend ko. I'm planning to start my own business soon. Tungkol po sa pagpapakasal po ay matagal na po akong handa. Sa ngayon po ay marami pa gustong gawin si Paulo and i think he's not ready" Tugon nito sa may mahinahong tinig ngunit litaw parin and pagiging sopistikada.
"Is that true paulo." matapos kay Melissa ay si Paulo naman ang binalingan nito.
Ma, were not getting married not now not soon. Tila iritado ito sa Ina.
Hindi pa si ikakasal, dapat ba ay magdiwang ako?
"Okay, thats good then" nakataas at kunot ang kilay na sagot ni Tita.ngunit nang matapat ang tingin sakin ay ngumisi.
Matapos ang walang buhay na pagsasalo ay nagpaalam ako kay titang magpapahinga na sa aking kwarto.
Bago matulog ay naging ritwal ko na ang magtungo sa terrace upang magpakalma o minsan ay umiyak.
Naging safe place ko na ito mula noon. ramdam na ramdam ko ang hangin na humahampas sa aking katawan. ang dala nitong lamig ay hindi ko alintana kahit pa nakakamanhid ito ng balat. Tumingala ako sa kalangitan. may kulay ang mga bituin ngayon, kulay dilaw na kumikislap kislap. biglang sumagi sa isip ko ang matabang na ngiti ni Melissa nang aminin nitong di pa handa si Paulo sa kasal.
Anong balak niya sa mga babae nakakarelasyon niya? Dekorasyon? Babae rin ako kaya't hindi Ako sang-ayon sa ginagawa nito.
Ngunit paano nga ba mapigilan maging tanga kung ang matagal mo nang nais ay ang pag-ibig niya.
Nagbuntong hininga na lamang ako sa naiisip. Iginawi ko ang tingin sa kabuuan ng mansion.
Napangiwi ako nang mapansin na may aninong gumagalaw sa baba. Inilapit ko ang sarili sa sandalan ng terrace upang makita kung sino ang taong naroon. Halos maidilat ko na ang mata ko upang maaninag lamang ang mga ito. Mula sa pagkakadikit ay naghiwalay ito.
Tumambad sa akin ang mukha nito. Si Paulo. Madilim man ay nakikilala ko ang kanyang mukha. mula sa puno na kanina pinagtataguan nila ay lumabas si Melissa. nang makalapit ito ay ipinulupot ang kanyang kamay sa baywang ni Paulo. Mula sa baywang ay inalis nito ang kanyang dalawang kamay at hinawakan ang mukha ni Paulo sabay dikit ng labi nito sa labi ni Paulo.
They're kissing wildly and intensely.
Marahas ang kanilang naging palitan ng halik. Ang labi ni Paulo ngayon ay tinutunton ang leeg ni Melissa. Nanikip ang aking dibdib sa nasasaksihan. Nawalan ako nang balanse nang maglakad ako patalikod at aksidenting masagi ang paso na naroon. Dahilan upang malaglag it pababa.
"Oh my God ! What's that! rinig kong sigaw ng babae sa baba. Si Melissa iyon. Dali-dali akong tumayo upang makaalis sa terrace nang hindi nila nahuhuli. Pagkalabas sa terrace ay dali-dali akong naglakad patungo sa aking kwarto. Saka lamang ako nakahinga nang matiwasay nang maisara ko ang pinto.
"What in a world I just witnessed? "
Eksenang di ko kailanman nanaisin na makita. They're kissing in front of me as if it was their last. Ngayon lamang ako nakasaksi ng halikan. At kung minamalas ay iyong halikan pa sa pagitan nilang dalawa ang makikita ko.