Nahinto yung pagmuni muni ko nung may panibagong boses na sumapaw. Ilang sandali pa'y humarap na ito sakin dala dala ang mainit nitong kape.
"Ikaw na naman?" Panimulang bati ko sa kaibigan. Ano bang ginagawa niya dito sa ganitong kaaga?
"Ikaw nga dapat yung tinatanong ko madam, anong ginagawa mo dito?" Hindi na ako nasanay kay Duke na ang hilig ibalik ng mga naitanong ko sa kaniya.
"Naalala ko wala nga palang klase, alam mo naman yung routine ko maagang nagigising kung saan di kailangan"
Napatango tango ito habang tumitingin sakin, hindi yata naniwala.
Wala pa namang pinipiling oras sa kalokohan tong si Duke.
"Napag isip isip ko, kahit nung high school pa tayo wala akong nabalitaang naging jowa o nagustuhan mo man lang"
Nagtagpo bigla yung kilay ko sa naging tanong nito, san na naman niya nakuha ang ganitong usapan.
"Bading ka ba?" Pang iba ko sa tanong niya, pero mukhang hindi ito natinag.
"Nakikita ko si Master sayo, halos kung saan saan kami sabay magtrabaho pero ang hirap niyang kilalanin lalo na sa usapang pag ibig"
"Kagabi ka pa niyan duke, palagi mong naiisip yung lalaking yun"
Kahit pabiro ko siyang sinagot, medyo nakaramdam ako ng takot sa maaari niyang malaman. Ba't naman kasi kami nagtagpo ng lalaking yun kahapon, andun pa si Duke.
"Bukod sa kasama ko sa office, ikaw lang yung hindi ko inaasahang itatanong niya" Hindi parin talaga siya tapos, nako naman! Sa simpleng pagtatanong lang ni Yves ginawa nang big deal ng lalaking to.
Sa pangatlong araw hindi ako nakatakas na magkulong sa kwarto dahil compulsory na pumunta ng campus. Labag man sa kalooban pero binili ko yung lahat ng tickets para pang palit sa dami ng absents ko mula Monday. Ito yung palagi kong ginagawa para ligtas parin sa attendance form.
"370 lahat" Wika ng babae tsaka nilapag sa harap yung iba't ibang kulay ng tickets. Seryoso lang itong tinanggap yung perang binigay ko nung makarinig kami ng tilian sa iilang nakapila sa likod.
"Anyare dun?"
"Si ano yata nandiyan"
"Diba siya exempted?"
Usapan nilang tatlo sa harap, mukhang sanay rin sa tsismisan tong mga to buti nalang talaga at medyo nakabaon ako ng pasensiya ngayong araw.
Natahimik ang tilian pero ilang sandali pa lamang ay may tumabi na sa pwesto kung saan ako nakatayo. Napapikit ako sa bango ng bagong dating, pamilyar ito na hindi ko lubos maalala. Dahan dahan ko siyang nilingon na agad kong ikinayuko. Ba't na naman siya nandito? Nakita ko pa siya nung isang araw.
"Excuse, have you seen the USC in charge for the event's tickets?"
Diretsong tanong nito sa tatlo na mukhang nakaramdam ng takot. Ibang iba na rin siya makipag usap, hindi lang din pala ako ang nagbago saming dalawa. Mukhang nagtutulakan pa ang tatlo kung sinong sasagot.
"Okay, i'll take this as a no. Thanks"
Umalis ito agad na ikinatahimik namin, sobrang strikto niya. Ibinaling ko ang tingin sa tatlo na mukhang hindi inasahan ang nangyari. Nagkibit balikat ang isang babae sa gilid at pinagpatuloy ang ginagawa.
"Ano nga uli yung kulang Miss?"
"Yung change sa 500" sagot ko sa kanya. Halatang ang lakas ng epekto ni Yves sa trabaho ng mga babaeng nandito. Hindi ko rin sila masisisi, maging ako ay nakaramdam ng takot kanina.
Umalis agad ako ng campus kahit alas dos pa ng hapon, hindi na ako nag aksaya ng oras na makisali pa sa kasiyahan dun. Sunod sunod kong narinig na tumunog ang cellphone na nasa bulsa. Hindi ko na tiningnan kung saan galing dahil isang tao lang naman ang inaasahan kong tatawag.
"Napano ka na naman?" Panimula ko sa kabilang linya.
"M-mich, Si Mia to"
Natigilan ako sa paglalakad, umurong bigla yung dila ko at walang maisip na isasagot. Ilang taon kong hindi narinig ang boses ng kapatid, kaya't hindi ko alam kung paano makipag usap sa kanya.
"M-may ginagawa ako"
Pagsisinungaling ko at tulalang ibinaba ang linya, ba't siya nagparamdam ngayon? Anong kailangan niya sakin? Saan niya ---
Dahil sa mga tanong sa isip ay napabalik ako ng campus. Isang tao lang ang alam kong may gawa nito. Kahit labag sa kalooban na tumapak sa opisina nila, nagawa ko paring hanapin si Duke.
Dagsaan ang tao sa labas kaya't minabuti kong tawagan ang lalaking yun. Hindi ito sumagot kaya't mas lalo kong naramdaman ang inis. Ilang beses kong sinabi sa kanya na huwag ipaalam sa kahit sinong taga samin lalong lalo na sa kapatid ang kahit anong balita o impormasyon sa buhay ko dito.
Hindi ako mapakali na nakatayo sa labas ng opisina nila Duke, marami ring nakaabang dito. Ayokong makadistorbo sa kaibigan pero sa puntong to hindi ako mapalagay lalo pa't may kaugnayan kay Mia.
Sinubukan ko muling tawagan ito pero di parin sumasagot. Para akong tangang pabalik balik na naglalakad sa gilid habang yung iilang estudyante ay may kanya kanyang mundo. "San ka ba duke?" Mahinang sambit ko. Napahinto ako sa ginagawa nung sabay lumingon sa isang direksyon yung mga nag aabang malapit sa pinto.
"Don't look for him, he's not here"
Huli na bago ko siya lingunin nung makadaan na ito at naglakad papasok ng opisina. Hindi ko alam na bukod sa lahing banyaga ay may lahi pa palang kabote yung lalaking yun at basta basta nalang sumusulpot.
"Ang gwapo niya no?"
"Siya yung photographer diba?"
"Nako masungit daw yun sabi nung seniors natin"
"Graduating na pala siya, sayang ngayong taon lang natin naabutan"
Napabuntong hininga nalang ako matapos marinig ang chismisan ng mga freshmen. Nawala saglit yung inis ko kay Duke dahil sa pagsulpot ni Yves. Mukhang napapadalas na yata yung pagkikita namin mula nung lunes, hindi na magandang biro to.
Nakita ko ang sarili na nakadungaw mula sa 2nd floor ng CAS Department, madalang ko lang ginagawa ang magpalipas ng oras sa loob ng campus imbis na magtrabaho at mag aral o di kaya'y matulog sa dorm.
Hindi na gaya kanina ang dami ng mga estudyanteng nandito, kaya siguro malakas ang loob kong magpahinga rito paminsan minsan. Inulit kong tingnan ang hawak na cellphone, malapit na mag uwian pero ni tawag ni Duke wala parin. Ilang balita ba ang sinusulat ng mokong na yun at di naisipang magpahinga.
"Still waiting for him?" Dahan dahan ko siyang nilingon na nasa tabi ko na pala, may dala dalang camera sa harap at diretso ang tingin sa quadrangle. Hindi ako nakasagot, lumingon ito bigla kaya't nagtama ang tinginan namin, akala ko hindi ako maiilang pero nakalimutan kong si Yves nga pala to. Si Yves na tinitingala ng mga kababaehan dito sa campus, si Yves na ang hirap lapitan dahil sa kasungitan nito at si Yves na minsan naring naging parte ng nakaraan ko. Umiwas ako agad at pilit ikinalma ang sarili.
"May kailangan lang ako kay Duke" sagot ko. Ba't ko ba kinakausap tong lalaking to?
"Too early Mich, are you still that desperate? Kaya mo ba binili lahat ng ticket para magawa mo parin yung trabaho mo sa kanya?"