Ano bang ginagawa mo Michel? Ano? Babalik ka na naman sa dating ikaw pagkatapos nito? Ang dami mo nang sinakripisyo, wag mong sayangin yun!
Kung ano ano nang pumasok sa isipan sa mga oras nato. Kahit anong mangyari magpatuloy ka. Kung saan nagsimula na akong humakbang, sya ring paglapit ng lalaking ito sa gawi ko. Natatakot akong lampasan siya, lalo na sa maaaring mangyari. Tinatagan ko ang loob nung magtagpo na kami, nakita niya akong parang hangin na dumaan sa gawi nito. Akala ko makakahinga na ako matapos ng ilang segundo pero mas lumala ang nangyari.
Dahan dahan kong naramdaman ang paghawak nito sa  palapulsuhan. Matagal akong naging manhid dahil sa isang tao, pero ilang segundo lang pala ang kailangan para manumbalik yung kahinaan ko.
"Am I dreaming? M-mich?" Bulalas nito sa hangin.
Napapikit ako, kung pwede lang sanang maging panaginip nalang ang lahat. Sobrang lakas nang paghawak nito na di ko kayang makawala. Pati yung pagbanggit niya ng pangalan, ibang-iba sa tenga. Hindi ako makasagot, nanghihina ako.
"M-may problema ba Master? May nagawa ba tong girlfriend ko sayo?"
Diretso kong nilingon si Duke na nasa likuran, naiinis ako sa sinabi niya, gumagawa na naman ito ng panibagong problema. Unti unting lumuwag ang pagkahawak sa palapulsuhan ko, kasabay nun ang panibagong kirot sa puso.
"Nothing duke, I'll go ahead"
"Sige Master, susunod ako"
Nakaalis na si Yves pero yung tingin ko hindi parin nawala sa direksyon ng kaibigan. Gusto ko magalit, umiyak at mainis sa kaniya, wala akong maintindihan sa lahat. Tumingin ito sakin na parang walang nangyari, sabagay wala rin naman siyang alam sa ibang parte ng nakaraan ko bukod sa kwento ng Pamilya.
"Anong nangyari dun? Magkakilala ba kayo?" Hindi ko siya sinagot at umalis agad na hindi nagpapaalam. Naglakad akong mabigat ang pakiramdam, hindi ko pinansin ang nakasunod na duke kahit kung ano ano nang sinasabi nito, walang ni isang salita ang pumasok sa tenga dahil tanging sarili ko lang ang iniisip sa mga puntong to.
Alas dyes palang ng umaga pero nakahiga na naman ako dito sa kwarto. Halos isang oras lang yung mga nangyari kung tutuusin pero naubos yata yung lakas ko. Itinaas ko yung kanang palapulsohan, ramdam ko parin yung paghawak niya. Naiinis ako sa sarili dahil hanggang ngayon, parang hinahanap ko parin yung pakiramdam na ligtas ako sa tabi niya. Tatlong taon kong kinalimutan ang lahat kahit mahirap na paminsan minsan ko siyang natatanaw sa malayuan. Hindi ako pwedeng maging mahina ulit, hindi ko kakayanin.
Nagising ako sa sunod sunod na ingay, mukhang nakauwi na yung mga roommates.
"Sabi ko na nga ba di talaga lalabas tong si Michel"
"Kung ako ba naman may work mamaya itutulog ko nalang din no buong araw"
"Talaga ikaw? Ni hindi ka nga mapakali dito sa dorm dahil gusto mong makita yung crush mo araw araw"
Gising na yung diwa ko habang nakikinig sa usapan nang may usapan. Naalala ko tuloy yung kapatid ko sa kanila, tatlong taon narin na hindi ko siya nakita, musta na kaya siya? Nasa magandang kalagayan ba sila ngayon? Pati si Jasper, siguro malaki na ang pinagbago ng pamangkin ko. Gusto ko tuloy makita kung ano na yung hitsura niya.
Ilang minuto at hindi ko namalayang tumulo na yung luha ko dahil sa mga iniisip. Ilang taon pa ba ako maging ganto? Nakakapagod narin kasi.
Natapos ang araw na hindi ako bumalik ng campus, saktong alas sais naghahanda na ako bilang waitress sa isang resto malapit sa dorm.
RESTO ang pangatlo sa listahan kung saan nakapalibot ang panghanap buhay ko.
Sobrang hirap pagsabayin yung pag aaral lalo na kung hell week dahil hindi pwedeng magpahinga sa mga araw na iyon. Tatlo o apat na tulog lang sapat na sa mga taong kagaya ko, kaya't kung may mga event sa campus kung hindi mag review mas pinipili kong matulog.
Inayos ko ang gamit dahil oras na para umuwi, alas dose na nang hating gabi kung makauwi ako ng dorm. 10 pm lang yung curfew samin pero pinapayagan kaming may mga trabaho na lumagpas roon.
"Ingat ka Mich" Paalam nung katrabaho ko bago kami maghiwalay nang daan. Sabay kaming nagtatrabaho ni Duke pero wala siya ngayon, di narin ako nagtaka dahil hectic ng schedules nila lalo pa't may event.
"Pagod much?" Napahinto ako nung marinig ang boses ng lalaki, kunot noo ko siyang nilingon. Mukhang kakagaling lang din nito sa campus dahil malaking bag pa ang dala.
"Haggard much?" Balik ko sa kaniya tsaka sya ngumisi. Matapos nung kadramahan ko kaninang umaga, nawala nalang bigla yung inis ko kay Duke.
Wala ni isang nagsalita, alam ko na kung saan yung direksyon namin ngayon, sa isang convenience store. Dahil pagkatapos ng shift hindi pwedeng walang kape bago uwian, nakasanayan na namin to.
"Dami kailangan tapusin pero okay lang, wala naman akong no choice" Pabiro niyang kwento habang umiinom ng kape.
"Ngayon lang naman may event, sulitin mo na" Sagot ko sa kaniya, pinapalamig ko pa rin yung kape habang tong kasama ko mukhang nakukulangan pa yata.
"Magkakilala ba kayo ni Yves?" Muntikan kong masagi yung kape. Kung magtanong naman kasi tong isa walang pinipiling oras, hindi ako handa.
"Mukha ba akong friendly?" Pang iinis na tanong ko sa kanya tsaka humigop ng kape.
"Gumabi na't lahat sobrang nega mo parin. Nagtataka lang ako kung bakit ka niya tinatanong sakin"
Natahimik ako bigla totoo ba tong pinagsasabi ni duke? Hindi naman siguro magtatanong nang ganito si Yves lalo pa't girlfriend pa yung tawag ng mokong nato sakin, di na nahiya. Gumawa pa tuloy ng problema.
"Di kasi siya naniniwalang ako yung girlfriend mo. Ba't mo naman kasi sinabi yun?"
"Kilala ko si Yves kahit hindi kami masyadong close, wala pa akong nabalitang girlfriend niya pero mga gustong mag audition madami, malay ba natin may crush ka dun. Iniiwas lang kita sa posibleng mangyari okay? Madami kang kakompetensiya dun"
Hindi ko alam kung matawa o mainis ba ako sa paliwanag niya. Sa lahat talaga nang pwede mong linlangin yung taong yun pa. Ano ba tong pinag iisip ni Duke mukhang mas malala pa yata tama nito sakin.
Limang araw ang itatagal ng event kaya't mas pabor sakin ang masunod ang gusto maliban sa trabaho gabi gabi. Maaga akong nagising, habang yung mga kasama ay mahimbing pang natutulog.
Napayakap ako sa sarili nung makalabas sa dorm at pumunta sa malapit na convience store. Alas singko pa yata ng umaga kaya kaonti pa ang nakikita kong naparito. Ilang oras lang yung tulog ko mula kagabi, sanay na kasi talaga ako sa limitadong pahinga.
Sobrang nahihiwagaan ako sa ganito, lamig sa madaling araw, walang rumaragasang sasakyan sa labas, tahimik na mundo at tanging ako lang yung gumagalaw dito.
"5 am thoughts?"