"Don't waste your tears. Ako.. mahal kita."
Natigilan ako sa sinabi ni Taxon.
Ako? Mahal niya? Paano naman mangyayari 'yon?
Saka ko lang na-realize na malamang mahal niya ako dahil mag-best friend kami.
Sino bang hindi mahal ang best friend 'di ba? Ano ba itong pinag-iisip ko. Petchay ka, Vinea!
"Mahal din kita."
Ramdam kong natigilan siya kaya tinanggal niya ang pagkakayakap at tumingin sa akin.
"What did you say?" Ang gulat sa mukha niya ay nando'n.
Hindi ko napigilang tumawa at kurutin ang pisngi niya.
"Mahal din kita kaya nga tayo mag-best friend, 'di ba?" Hindi nakalampas sa paningin ko ang lungkot sa mata niya.
Bakit ba palagi ko 'yong nakikita?
Mas okay na nga kung wala siyang emosyon o masama ang tingin niya 'wag niya lang ipakita ang malungkot niyang awra na hindi ko naman alam kung anong kinalulungkot niya.
Pilit na ngiti ang ginawa niya. "Are you hungry?"
"Hindi pa."
"Vinea!" Lumapit si Carme at Elle. Hinila nila ako. "Wait lang, Taxon," sabi ni Elle. Hinila na nila ako sa braso papasok ng mansyon.
Nakita ko namang hila rin nila Ali si Diamond.
Anong binabalak nitong mga ito?
"Let's wear this. Chanan!" Ipinakita ni Carme ang bikini na white.
Wala na akong nagawa. Nagbihis kami, pare-parehas kami ng bikini. Two-piece na white, magka-cross ang tali sa likod at talaga namang sexy.
"I like this!" Mataray na sabi ni Diamond. Umikot-ikot pa sa salamin upang tingnan ang hubog ng katawan.
Sa totoo lang ang ganda talaga ni Diamond. Mas maganda sa aming lahat. 'Yon nga lang dahil siguro sa lagi siyang nakaayos, sexy ang mga damit at talagang kung maglakad ay parang rumarampa. Kulot ang buhok at laging mapula ang labi na bumabagay naman sa kaniya.
Nagtatakip si Arah ng kung anong makuha niya kaya tinatawanan namin siya. Si Arah naman ay sobrang cute sa maiksi niyang buhok na hindi man lang lumampas sa balikat. Mahinhin, mahina magsalita at halos bihira kung umimik.
"Ay day, hindi ka magugustuhan niyan ni Kil kung ayaw mong ipakita ang ka-sexy-han mo," sabi ni Carme.
May gusto pala siya kay Kil? Ang cute!
Mas matanda sila sa akin ng isang taon kaya naman mga ate ko na sila. Pinasadahan ko ng tingin ang sarili sa salamin. Ngayon lang ako nagsuot ng ganito na halos ang matakpan lang ay ang maseselang bahagi ng katawan pero wala naman masamang subukan. Mukhang sexy naman ako rito.
Nagulat ako sa paglapit ni Arah at sinuklay ang buhok ko.
"Hindi mo sinusuklay ang ganda-ganda, eh." Nakangiti niya iyong ginawa.
Ewan ko pero parang nakaramdam ako ng ate sa katauhan niya. Pati pala siya ay napansin ang magulo kong buhok akala ko si Taxon lang.
Nang matapos kaming mag-ayos ay walang habas kaming tumakbo pabalik ng beach. Bago pa man makalapit sa mga boys ay huminto kami.
"Hey, girls. The goal is make them tulo laway," malanding sabi ni Diamond. "Kaya dapat mataray rin ang lakad niyo. Let see how they react."
Nagtawanan kami at hindi ko rin alam kung bakit nakisang-ayon ako. Hindi kasama si Yannie dahil magdamag niyang alaga ang anak. Kawawa nga tapos si Kean ay nakikipag-inuman pero bumababa rin naman si Yannie kapag gising na ang anak.
"Let's go," yaya ni Elle.
Sabay-sabay kaming naglakad. Napatingin ako kay Arah nang hawakan niya ang kamay ko.
"Nahihiya ako kay Kil." Namumula niyang sabi kaya naman natawa ako.
Lumapit kami sa mga boys lahat sila ay natigilan. Hindi ko alam kung bakit reaksyon ni Taxon ang gusto kong panoorin. Umiinom siya ng tubig at nang makita niya ako ay naibuga niya ang iniinom sa mga kaharap na sina Jave, Kean at Rev. Sabay-sabay silang napatayo.
"What the fuck?!" Asik ni Jave.
Tumawa kami nang sobrang lakas.
"Gago nito ni Taxon. Nakita lang si Vinea bumuga na ng tubig!" Inis ding sabi ni Rev habang pinupunasan ang katawan.
"LT ka," tumatawa naman si Kean kahit nabugahan din siya.
Ang lakas ng tawanan namin dahil sa reaksyon ni Taxon. Namumula ang mukha niya at saka tumingin nang masama sa akin.
"You like it, Taxon?" Nakangising sabi ni Elle.
"No!" Masama pa rin ang tingin niya.
May kung ano siyang gustong sabihin pero hindi niya masabi. Nakaawang ang labi pero titikop din naman.
"Cherish! Magpalit ka nga roon. Ang itim-itim mo binabalandra mo pa 'yang katawan mo!" Inis na sabi ni Jave at pinuluputan ito ng towel.
"Arahmel, what kind of trip is that? Nagpapapansin ka nanaman ba sa akin?" Tinapunan ni Kil ng towel si Arah.
Nakita kong kinilig naman si Arah dito.
Waaaah! Ako? Wala man lang magbigay ng towel? Sad!
Tiningnan ko si Taxon ang masama niyang tingin ay lalong sumama.
"May nanalo na! Best in sexy body goes to Vinea! Naibuga ba naman ang tubig. Pambihira!" Pang-aasar ni Diamond kay Taxon.
"Shut up!" Uminom na lang ng alak si Taxon.
"Hindi mo ba bibigyan ng towel, Taxon? Torpe mo naman," pang-aasar naman ni Rev na ngayon ay nakayakap na sa baiwang ni Ali. Hindi siya nagalit bagkus ay pinuri niya pa ito dahil ang hot daw.
"Paano niya bibigyan 'best friend' lang," pang-aasar naman ni Jave.
"Relate si Clench," tumatawang sabi ni Carme na ngayon ay nasa tabi ni Lance. Binigyan din siya ng towel.
Sunod-sunod naman na lumagok ng alak si Clench, naiinis sa pang-aasar ni Carme.
Nakita ko ang paulit-ulit na pag-inom din ni Taxon ng alak.
Anong problema no'n? Tinotopak nanaman?
Akmang pupunta ako ng dagat pero nagulat na lang ako nang hilahin ako ni Taxon pabalik sa mansyon.
"Ayown! Tama 'yan, Taxon," sigaw ni Kean.
"'Di naman pala torpe kaunti lang," rinig ko pang sigaw ni Jave na pinagtawanan naman nila.
Hindi talaga sila matigil sa pang-aasar ito namang isa pikon na pikon. Binibiro lang naman siya.
"I'm sorry, alam kong wala akong karapatan pero pwede bang magpalit ka ng damit?" Nag-iwas siya ng tingin.
Anong walang karapatan? Sinasabi nito?
"Why? Siguro nagagandahan ka sa katawan ko?" Nakangisi kong sabi.
"Tsk," bumuntong hininga siya at pigil ang inis na tumingala. "Magagalit sana ako kaso si Shine ang nagpasuot saiyo hindi ko kayang magalit sa kaniya."
Napamaang ang labi ko.
Gano'n niya kamahal si Elle?
Napansin ko nga na siya lang ang hindi nito sinisigawan. Pagdating sa kaniya parang ang lambing niya.
"Fine, if you want that then go." Tiningnan niya na ako. "I'll be here at your side."
Ngumiti ako sa kaniya. "Gusto ko rin maranasan ang ganito. Hindi ako nagsusuot ng ganito, eh. Hayaan mo akong mag-explore marami akong hindi pa nagagawa sa buhay ko." Humawak ako sa braso niya.
"I will be your companion, then. Whatever you want, wherever you want to go, I'll be with you." Sinsero niyang sabi.
"Thank you, best friend!"
"Let's go." Yaya niya sa akin palabas ulit.
"Awww, hindi pala kaya ni Taxon si Vinea!" pang-aasar nanaman ni Rev. "Under?"
Binato ni Elle si Rev ng plastic cup. "Mag-best friend nga raw," lumakas ang tawanan.
"Natatawa ako sa best friend naaalala ko si Clench," lakas ng tawa ni Jave.
Ano bang mayroon sa best friend at bakit laging si Clench?
"Hay nako! Naiirita na ako sainyo. Makakain na nga lang!" Tumayo si Clench at kumuha ng maraming pagkain.
Tawang-tawa naman silang pinanood siya. Hindi na talaga sila matapos sa kakatawa.
Napatingin kami ni Taxon sa isa't isa at saka ngumiti. Pinisil ko nanaman ang pisngi niya.
"Don't mind them," hinila niya ako papunta sa malapit sa beach.
"Bakit inaasar nila si Clench sa best friend?" Tumingin siya sa akin at tipid na ngumiti.
"Because she's in love with Shine. Wala, eh, best friend lang ang tingin sa kaniya."
"Aww, so sad."
"Really sad," napalingon ako sa kaniya. Malayo na ang tingin niya at parang may malalim na iniisip.
KINAGABIHAN
Nasa beach kaming lahat nakaupo sa buhanginan. Nagtatawanan, nagbibiruan at nagkukulitan. Hindi na umalis pa sa tabi ko si Taxon kahit isang segundo. Inaasikaso niya ako kahit sa pagkain. Ang saya ng birthday ko, hindi ko itatanggi 'yon.
Lumapit si Clench at binigyan ako ng barbeque. Kinuha ko naman iyon. Nagtataka lang ako kung bakit lahat sila ay binibigyan niya.
"Ganyan talaga si Clench. Palaging may dalang pagkain. Lagi niyang alaga si Shine." Nakangiting kwento ni Taxon.
Pinanood ko ang naglalaro sa tubig na sina Rev, Elle, Jave at Kean. Nagtatapunan sila ng tubig sa mukha. Napangiti ako dahil ang saya nilang tingnan.
"You want to join them?" Tanong ni Taxon habang inaabutan ako ng hiniwang iba't ibang prutas.
"Hindi na, napapagod na ako, eh."
"I can see how happy you are."
"Oo naman. Ganyan ba naman mga kasama ko. Syempre masaya ako lalo na kasama ko si Elle at Jave hindi mo alam kung gaano ko sila hinahangaan."
Tumawa si Taxon. "Oh, well, I can say that they're really a good couple."
"Sinabi mo pa. Tingnan mo nga ang saya nila," pinanood namin silang dalawa na ngayon ay hinahampas ni Elle si Jave habang si Jave naman ay malakas na tumatawa.
"They will soon get married."
Nanlaki ang mga mata ko. "Talaga?"
"Yeah."
"Sana maging successful ang buhay pamilya nila."
"They will."
Tinapik kami ni Rev sa balikat.
"Tara inuman na para sa dalawang celebrants!"
Inalalayan ako ni Taxon tumayo. Napaka-gentle man niya. Iyon ang isa sa napapansin ko sa kaniya. Palagi siyang nakaalalay. Matikas siya kung maglakad pero kung umalalay siya ay sobrang hinhin na para bang isa akong babasaging bagay na kailangan 'handle with care'.
Pumunta kami sa cottage at doon masayang nagkwentuhan.
"Umiinom ka ba?" Tanong ni Taxon.
"Oo."
Ibinigay niya sa akin ang bote ng alak. Itinaas namin ang mga baso at sabay-sabay silang nagsalita.
"Happy Birthday Taxon and Vinea!"
Sabay-sabay rin namin nilagok ang laman noon. Napaubo ako nang gumapang ang init sa lalamunan ko kaya hinaplos ni Taxon ang likod ko.
Kapag siya ang kasama ko pakiramdam ko laging may nag-aalaga sa akin. Puno siya ng respeto, kaya ang laki ng tiwala ko sa kaniya. 'Yong tiwalang hindi ko kayang ibigay kay Brekley.
"Wag na kayong magyaya ng spin the battle last time masama ang nangyari," sabi ni Rev.
Nagtawanan naman silang lahat.
"Pero pwede rin naman para makabawi ako kay Taxon." Nakangising tumingin si Rev kay Taxon.
Bakit anong ginawa ni Taxon?
"May video ako rito 'yong nagbu-budots si Taxon," natawa ako sa sinabi ni Jave.
Budots? Talaga? Anong hitsura niya?
Tumayo agad ako at lumapit kay Jave pero hinila ako ni Taxon pabalik. Matalim ang tingin niya kay Jave.
"Delete that or I'll kick you?" Gigil na sabi ni Taxon.
"No!" Si Elle ang sumagot. "No, Kuya, please." Pinalambing pa niya ang tono.
Rinig ko ang buntong hininga ni Taxon. Pinagkaguluhan nila ang video at saka tumawa. Gusto ko rin makigulo kaya napangisi na lang ako.
"Vinea! Tingnan mo dali!" Pang-aasar ni Rev.
Nagmadali akong lumapit para hindi mapigilan ni Taxon. Sobrang lakas ng tawa ko halos mabasag ang eardrums nila.
Nang mapatingin ako kay Taxon ay nagtaka ako dahil nakangiti siya.
Akala ko ba ayaw niya ipakita ang video? Baliw rin ang isang ito.
Nang bumalik ako sa tabi niya ay tiningnan niya ako ng nakangiti pa din.
"Saya mo, ah?" Nakataas ang gilid ng labi niya.
"Syempre! Nagpapasa pa nga ako para kapag umiiyak ako papanoorin ko lang tatawa na ako."
"Laugh all you want. Kapag masaya ka masaya rin ako."
"Sweet mo naman," ginulo ko ang buhok niya.
Ilang oras ang lumipas lasing na ang lahat maging ako at si Taxon.
"Sino ka?" Napalingon ako kay Elle na ngayon ay sinisipat ang mukha ni Jave. "Ay, boyfriend pala kita hihi."
Nanlaki ang mga mata ko nang dampian niya si Jave ng halik.
Petchay! Kinikilig ako!
Malapad naman ang pagkakangiti ni Jave. Hawak ang girlfriend sa baiwang.
"Tara na guys. Let's rest," Yaya ni Ali.
Nagsipagtayuan na ang lahat. Nang tumayo ako ay muntik na akong matumba. Umiikot na talaga ang paningin ko. Inalalayan ako ni Taxon sa braso.
"Are you okay?"
"Nahihilo ako." Nasapo ko ang noo ko.
Muntik nanaman akong matumba buti na lang ay nasalo ako ni Taxon. Kinuha niya ang towel at ipinulupot sa katawan ko.
"Buhatin na lang kita."
"Nako, 'wag na! Petchay ka nakakahiya."
"Okay. Tara na," inalalayan niya ako.
'Okay, Tara na.'
Isa pang napansin ko sa kaniya hindi niya pinipilit kung ano ang gusto niya. Kapag sinabi kong ayaw ko susundin niya agad. Siya ang kabaliktaran ni Brekley.
"Doon ka na lang sa kabilang kwarto matulog."
Umakyat na kami ng hagdan. Nakita kong pumasok na rin sila sa kaniya-kaniyang kwarto.
"Hindi ba kami matutulog na magkakatabi nila Elle?"
"Tinotopak si Diamond, eh. Kapag lasing 'yon kung anu-ano ginagawa. Si Shine naman hindi ka makikilala."
"Sige."
Ipinasok ako ni Taxon sa isang malaking kwarto. Muntik na kaming matumbang dalawa dahil parehas kami lasing. Napasandal ang balikat niya sa pader hanggang sa bumagsak kami sa kama. Bumagsak siya sa ibabaw ko kaya nagmadali siyang tumayo.
Doon na ako nalungkot dahil naalala ko si Brekley. Tumulo na ang luha ko. Kahit isang paramdam simula noong umalis si Brekley ay hindi niya na ako naalala. Ang dami kong text sa kaniya pati tawag pero walang reply.
"Why are you crying?" Nakatunghay siya sa akin habang ako ay nakahiga sa kama.
Umupo ako sa kama at sinandal ang likod sa headboard.
"Hindi niya talaga ako naalala. Birthday ko naman ngayon 'di ba? Bakit kaya gano'n? Buti nga nandito ako kasama niyo kasi kung mag-isa ako iiyak lang ako nang iiyak. Nahihirapan na ako." Nailagay ko na ang mga kamay sa mukha ko at doon humagulgol ng iyak.
"I don't know what to say, but can't you see I'm always here?"
"Oo nga kaya nga thank you."
Umupo siya sa tabi ko at pinakatitigan ako.
"Lasing ako, Vinea."
Natawa ako sa sinabi niya. "Lasing din ako. Ano naman?"
Bumuntong hininga siya dahil parang may inaasahan siyang papasok sa isip ko nang sabihin niya iyon pero hindi gano'n ang pumasok sa isip ko. Masiyadong malaki ang tiwala ko sa kaniya kaya nga best friend ko siya.
Bakit ano bang mayroon kapag lasing ang isang tao?
Mukhang matino naman siya hindi nga siya nagwawala hindi tulad ni Brekley. Matino rin naman ako matutulog lang ako kapag ganito.
"Matulog ka na." Akmang aalis siya pero hinablot ko ang kamay niya.
"Ayaw kong mag-isa," tumulo lang nang tumulo ang luha ko.
"Okay, I stay."
Inihiga niya ako at kinumutan. Nakatingin lang ako sa mukha niya habang lumuluha.
"Stop crying," tinanggal niya ang luha ko gamit ang thumb niya.
Ikinagulat ko nang tiningnan niya ang labi ko at dinampian lang din iyon ng thumb niya.
Anong iniisip niya? Ayaw ko mag-isip nang masama pero bakit niya naman dadampian ng thumb ang labi ko?
"Sleep."
Ipinikit ko na lang ang mga mata ko at pinilit na makatulog.
"Taxon?"
Nakayuko na siya sa gilid ng kama at tingin ko antok na antok na.
"Hmm?"
"Tulog ka na?"
"Not yet."
"Hindi ako makatulog."
"What do you want me to do?" Nag-angat na siya ng tingin at tinitigan ako.
"Kantahan mo ako."