Tulo-laway pa si Fourth habang nakadapang natutulog sa malambot na kama nang maabutan ito ni Caramel. Sumilip muna si Caramel sa orasan bago malakas na pinatunog ang bitbit na tambuli. Naalipungatan naman si Fourth at napatakip ng taenga sa ingay ng tambuli.
" Tumigil ka na! Bruha ka! " sigaw niya at tinakpan ng unan ang kanyang taenga. Inaantok pa kasi siya.
Mas lalo siyang nainis dahil hindi ito tumigil sa pagpapatunog ng tambuli. Bwesit talaga! Napilitan siyang bumangon at patakbong nagtungo sa banyo. Napangisi naman si Caramel sabay paalala kay Fourth.
" Bilisan mo! Mala-late na tayo! "
" SHUT UP, CRAZY WOMAN! " sigaw niya bago tuluyang binuksan ang shower.
Nakabusangot siyang bumaba ng hagdan, suot ang corporate suit. Napahinto siya at napatitig sa nakatayong si Caramel bitbit ang kanyang suitcase. Nang tuluyan siyang makababa, maigi niyang tinitigan ang suot nitong uniporme. Ang iksi na nga ng palda tapos may slit pa sa gilid. Nginitian lamang siya nito habang tuwid na nakatayo sa kanyang harapan.
" Bakit ang iksi naman ng palda mo? " reklamo niya.
" Ito ang pinadalang uniforme ng daddy mo sakin, alangan naman magreklamo ako? " tugon nito. Nairolyo niya ang kanyang mga mata dahil sa pagkairita.
Umuna siyang pumasok sa limousine at sumunod naman si Caramel. Napadako ang kanyang tingin sa mahahaba at makinis nitong binti pagkaupo nito. Kaagad siyang nag-iwas ng tingin at ibinaling sa labas ng bintana mga mata.
" Marami kang appointment ngayon. Gusto mo bang isa- isahin ko? " Seryosong paalala nito.
" Huwag na, ipaalala mo nalang sakin kung ano ang una kung pupuntahan " walang ganang sagot niya rito.
" Yes sir. " Agaran siyang napalingon rito. Napaka-pormal ng kilos nito ngayon. Biglang siyang nanibago.
Magkasabay sila pumasok ng building at sumakay ng elevator kasama ang ibang bodyguard. Pagkadaan nila sa hallway, agad niyang napansin na maraming napapalingon sa kasama niya. Binabati nga siya ng mga empleyado pero madalas niyang nahuhuling nakatitig ang mga ito sa kanyang sekretarya.
Ngayon lang ba sila nakakita ng bagong paligong imported na unggoy?
" Brother, " salubong sa kanya ni Third.
" Ayos ah. Nice suit " dugtong nito. Inismiran niya lamang ang kapatid.
" Hi Caramel, hindi ba mahirap bantayan ang kapatid ko? " tanong nito kay Caramel.
" Mas mahirap pang bantayan si Garnet " tugon ni Caramel na ikinatawa naman ni Third.
Tinaasan niya ng kilay si Caramel.
" Ang yabang mo. Kapag natakasan kita, talagang ipapatanggal kita kay dad." Napangisi si Caramel.
" Matalinong tao lang ang nakakatakas sakin " sagot naman nito.
" Tse! " mataray na wika niya rito at umuna ng nagtungo sa sarili niyang opisina.
.
.
.
" 10:30 makikipag-meet up ka kay Mr.Santiago. Mamayang hapon, kailangan mong umattend sa board meeting at 7:00 pm naman ay ang dinner meeting mo sa Xen Family " paalala sa kanya ni Caramel habang abala siya sa pag-encode sa kanyang laptop.
" Bukas nama-
" Caramel, puwede bang itikom mo yang bunganga mo. Naiirita na ako sayo, " inis na sabat niya sa sekretarya habang abalang nakatutok sa screen ng laptop.
" Ok. Gusto ko lang ipaalala sayo baka kasi makalimutan mo po, SIR."
Binalingan niya ito ng masamang tingin. Ngumiti lamang ito kaya mas lalo siyang naalibadbaran.
" Bumalik ka na nga sa mesa mo! " inis na asik niya rito.
Agad itong bumalik sa sariling mesa. Napabuga naman siya ng hangin sabay face palm. Unang araw niya palang rito tapos ang dami na ng pinapagawa sa kanya ng kanyang ama. Pakiramdam niya mabubuang yata siya rito sa opisina na'to. Naibaling niya ang tingin sa mukha ng kanyang sekretarya na seryosong kinukulikot ang laptop nito.
Hay naku naman! Bakit siya pa ang sekretarya ko? Naiinis ako sa pagmumukha niya.
.
.
.
" Bakit hindi ka makiusap sa dad mo, para hindi tayo tuluyang maikasal " suhesyon niya kay Feng. Nasa balconahe sila pareho habang nakatanaw sa malayo.
Hinarap naman siya ng dalaga.
" Pareho tayong nakasalalay ang desisyon sa mga magulang. Kung gustuhin ko man, talagang ayaw kong magpakasal sayo Fourth. Pareho nating alam na magkaiba tayo ng gusto, " tugon naman nito.
Sabagay, sobrang hirap talagang buwagin ang cycle ng arrange marriage lalo na sa pamilya nila. Karamihan ng kanyang mga pinsan ay ikakasal rin sa mga babaeng hindi nila kasintahan. Hindi lamang siya ang nasa ganitong sitwasyon kundi marami sila.
" Ang hirap maging Misuaris " seryosong aniya. Maikling napangiti si Feng.
" Mas mahirap maging Xen. Mahirap maging kaisa-isang anak at tagapagmana ng sandamakmak na responsibilidad ng mga Xen. Kapag, nakasal tayo...hindi tayo magiging masaya Fourth. Walang kasiguraduhan ang buhay natin pero ang sigurado lamang ay ang nag-aantay na kapahamakan."
" Kaya nga, we're going to get married Feng, because our family want us to be safe. Gusto nila tayong ipakasal para maprotektahan tayo sa kapahamakan but they don't even know-and they don't even care about the result of our marriage!" Napatango si Feng sa sinabi niya.
" Anong gagawin natin? " tanong sa kanya ng dalaga.
" Don't ask me! I really don't know. This kind of idea such a pain to my ass! " mangiyak-ngiyak na tugon niya.
" Bakit kaya...hindi ka nalang magpakasal sa ibang lalaki? " suhesyon niya kay Feng.
" Hindi pa ako baliw para sundin ko ang sinabi mo. Ako pa ang ipapahamak mo. Bakit hindi ikaw ang gumawa? Humanap ka ng babae tapos bayaran mo para sa isang kasal at pagkatapos ipaglaban mo sa pamilya mo kung kaya mo! " pabalik na suhesyon nito na tila nanghahamon.
" Ayoko nga! Baka mamatay pa ako sa parusa ng ama ko."
" Edi, tuloy ang kasal natin. " Nairolyo niya ang mga mata sa sinabi ng kanyang fianceé.
" Sana naman tumulong ka rin para hindi matuloy ang kasal natin. Huwag naman na kailangan ako lang ang mag-sakripisyo, dapat ikaw rin " nakangusong reklamo niya.
" Basta ako, ayaw kong pahirapan ang sarili ko. Papakasalan kita kahit bakla ka pa, total pareho lang naman ang goal natin sa isa't isa." Napabuntong hininga na lamang siya.
" Hindi mo kayang ipaglaban si Van? " Sandali itong natahimik sa tanong niya.
" Ako, ang hindi niya kayang ipaglaban " tugon nito pagkaharap sa kanya.
" Tayo ang nakatakdang ikasal, kaya sabi niya mas mabuti nalang maghiwalay kaming dalawa " malungkot na pahayag nito. Inilapag niya ang kamay sa balikat nito.
" Naghiwalay na kayo? " Napatango naman si Feng.
" Last week pa. " Napa-ah naman siya. Nakakalungkot. Sana, hindi iyon gayahin ni Finn sa relasyon nilang dalawa.
Tanging si Finn ang dahilan kung bakit ayaw niyang magpakasal. He really loves his boyfriend. Isang taon na silang magkasintahan kaso long distance relationship silang dalawa.
Nag-aaral pa sa kolehiyo si Finn at sa Amerika ito nag-aaral. Nagkikita naman sila pero sobrang dalang kasi abala rin siya sa kanyang trabaho. Bigla niyang na-miss ang kanyang kasintahan. Napapaisip siya bigla, kailan kaya sila uli magkikita. Mag-iisang linggo na rin itong hindi nagpaparamdam sa kanya.
Tahimik siyang bumiyahe pabalik ng mansiyon katabi si Caramel. Palihim siyang napatingin kay Caramel na seryosong nakatitig sa cellphone nito habang nagt-type. Medyo na-kuryos siya kung sino ang ka-chat nito pero kaagad rin siyang napaatras ng napatingin ito sa kanya.
" Wala kang ka-chat? Gusto mong bigyan kita? " malamig na sabi nito. Nakakatakot talaga ang babaeng ito kapag nagseseryoso.
" No thanks. Alam ko naman na pangit ang ibibigay mo sakin " wika niya sabay humalukipkip.
Iniharap nito ang cellphone sa kanya kaya nanlaki ang kanyang mga mata nang makita ang picture. Tumulo yata ang laway niya sa matipuno at nag-uumigting na muscle ng isang lalaki.
" Ito ang ka-chat mo gurl? " Talagang kinuha niya pa ang cellphone ni Caramel at sabay zoom out ng picture.
Talagang naglalaway siya sa ganitong klaseng lalaki.
" Ibibigay ko sana sayo pero mukhang ayaw mo naman " sabay agaw nito ng cellphone.
Gusto niya sana pero bigla niyang naisip si Finn. Ayaw niyang pagtaksilan ang boyfriend. Nag-away na sila noon dahil sa kalandian niya at muntik ng silang maghiwalay kaya napailing siya kay Caramel.
" Sayo nalang 'yan. Ayaw kong magalit sakin ang boyfriend ko." Napatango naman si Caramel.
" Sayang naman. Ibo-block ko nalang 'to. Hindi rin naman kasi ako interesado " sabay block ni Caramel sa lalaki.
Gusto niya sanang pigilan pero huwag nalang kasi gusto niya ng maging loyal sa boyfriend niya.
" Matanong nga kita Caramel, bakit hindi ka pa rin nag-aasawa? Lagpas ka na sa kalendaryo, hindi ka ba nagwo-worry na baka hindi ka na makapag-asawa " interesadong tanong niya sa katabi.
" Don't worry, kapag nagpasakal ka na magpapasakal na rin ako. Hahanap lang ako ng lalaking mayaman at kayang sustentuhan ang mga pangangailangan ko " tugon naman nito bago isinuksok ang cellphone sa bulsa ng coat na suot nito.
" Basta huwag lang ang daddy ko " babala niya rito.
" Talagang ililibing kita ng buhay sa buhanginan kapag nalaman kung may relasyon kayo ng daddy ko " dugtong niya pa.
Kilala niya ang kanyang ama at marami na ring naikuwento sa kanya ang kapatid na si Sixto. Mahinang natawa si Caramel.
" I'm deadly serious, Caramel. Kilala ko si Dad, mahinig siya sa mga babaeng mas bata sa kanya ng lagpas ng dalawang dekada. " Napatango naman si Caramel.
" Don't worry, hindi ko pa nasusubukan makipag-relasyon sa lalaking parang tatay ko na rin. At wala akong balak na subukan. Sa ngayon, hindi importante sakin ang pag-aasawa. Uunahin ko muna ang pamilya ko bago ang sarili ko" nakangiting tugon nito.
" Ang bait mo namang anak pero dapat magtira ka rin ng pagpapahalaga sa sarili mo. Subukan mong humanap ng lalaki na magpapasaya sayo " payo niya kay Caramel. Maiksing napangiti ang dalaga.
" Maraming lalaking nagpapasaya sakin Fourth kaya lang they're just temporary. Alam ko rin naman na hindi sila mag-sstay sa tabi ko kaya ako na mismo ang gumagawa ng paraan para hindi sila maghabol sakin, " seryosong sabi niya rito.
" You mean that...after having sex with them you're just flylalo? " Napatango ito.
" Kaya naman pala kanina pa ako nangangati rito sa upuan ko kasi may katabi akong higad " parinig niya kay Caramel at umaktong nangangati ang kanyang braso. Hindi nito napigilang matawa.
" Gusto mong kamutin ko? " nakangising tanong nito.
" No thanks! Kung ikaw lang naman ang kakamot, huwag na! " nandidiring sagot niya.
" Ang arte mo naman Fourth parang hindi mo pa ako natikman dati ah " pabirong sabi naman ni Caramel.
" Ew! Kadiri ka! Kahit kailan hindi kita titikman! Kahit ikaw nalang ang nag-iisang babae sa mundo, never! As in never kitang titikman " nangingisay na wika ni Fourth.
Napailing na lamang si Caramel at isinandal ang ulo sa may windshield. Malungkot siyang napatingin sa labas. Hindi niya alam kung bakit lagi nalang siya nilulukob ng lungkot. Dahil ba ito sa wala pa siyang asawa o sadyang may mga bagay lamang siyang pinanghihinayangan.
She lost her virginity to the guy who didn't deserve it. She gave up her heart many times to the guy who didn't love her pero hindi na mahalaga sa kanya ang bagay na 'yon. Naka-pukos na siya ngayon sa mga bagay na makakabuti sa kanyang pamilya.
She wants her siblings go to college and reach their goal. Ayaw niyang maranasan ng mga ito ang hirap at pait ng buhay na nakamtan niya noon. Kahit buhay niya pa ang kapalit para mapag-aral at makapagtapos ang mga ito ay gagawin niya. Kahit anong trabaho, lahat ay dedikasyon niya sa kanyang pamilya.
TULALANG nakatitig sa kisame si Caramel. Natigil lamang ang kanyang malalim na iniisip noong maramdaman niya ang pagtulo ng luha sa kanyang mga mata. Kaagad siyang napaupo at napatingala sabay pahid sa luhang umagos sa kanyang pisngi.
Umiiyak na naman siya sa pangungulila niya sa kanyang pamilya. Iniisip niya kasi kung ano na ang nangyayare sa probinsya. Sana ay ayos lamang ang lahat at sana masaya silang lahat sa probinsiya.
Kinabukasan, maaga siyang nagising at nagplantsa sa susuotin niyang uniforme papasok ng opisina. Empleyada na naman siya ng isang kompanya pero mas maayos na rin kasi double ang sahod niya.
Empleyada na siya tapos bodyguard pa. Hindi naman masyadong mabigat ang trabaho, sadyang nakakapagod lang talaga lalo na't sinasagad ni Fourth ang mga utos nito sa opisina na hindi nito puwedeng i-utos sa bahay.
Ang talino talaga ng baklang 'yon.
Pagkatapos niyang magplantsa, dumiretso na siya sa labas ng bahay para mag-ehersisyo. Kailangan niya iyon para makondisyon ang katawan niya. Habang abala siya sa pagwa-warm up ay siyang namang pagdating ni Sixto ar tumabi pa sa kanya. Kusa siyang napalingon sa binata. Nakauwi na pala ito sa mansiyon.
" Matanong nga kita, saan kayo nagkita ng daddy ko? " tanong nito bago nag-inat ng katawan.
" Sa arena, " napahinto ito at natingin sa kanya.
" Arena? " Napatango siya.
" Isa kang fighter? Anong klaseng laro? " Interesadong tanong nito.
" Wrestling at kickboxing." Napanganga ito. Halatang manghang-mangha ito sa sinabi niya. Umuna na siya sa pagtakbo.
" Sounds interesting. Ilang beses ka nang nanalo? " muling tanong nito habang nakasunod sa kanya.
" Hindi ko na mabilang. Sumasabak lang ako sa laban kapag malaki ang pusta! " tugon niya naman sa binata.
" Nabasa ko nga pala sa curriculum vitae mo na Business Administration graduate ka, mukha ka namang matalino pero bakit hindi nag-improve ang posisyon na naupuan mo." Napahinto siya kaya napahinto rin ito. Mukhang madaldal ang isang 'to.
" Kailangan ba CEO na ako ng isang kompanya dahil matagal na akong graduate ng college? O di kaya naman, Presidente na ako ng Pilipinas dahil sa haba ng listahan ng trabahong nasubukan ko? " sarkastikong sabi niya kay Sixto.
" Chill, don't be serious. Wala naman akong masamang ibig ipakahulugan sa sinabi ko kanina " depensa nito.
" Pero, baka naman may balak kang tumaas ang posisyon mo puwede kitang tulungan " alok nito.
Pansin niya lang, parang ang amo ng mukha nito kung ikukompara noong isang araw.
" Kung gustuhin ko mang tumaas ang posisyon ko...kay Don Primero nalang ako magpapatulong. Mas mataas ang posisyon niya kaysa sayo. Siguro, hanggang ngayon nadadalawang isip ka parin kung ano ba talaga ang estado namin ng daddy mo. " Nakatitig na wika niya rito.
" Tama ba ako? " Hindi ito nagsalita.
" Gusto ko lang klarohin na wala kaming relasyon, sabihin mo 'yan sa nanay mo " utos niya rito at nagsimulang mag-jogging uli.
Mabilis na sumunod si Sixto.
" How did you know na si Mom ang nag-utos sakin na alukin ka ng promotion? "
" Hindi naman ako tanga para hindi ko lubusang maintindihan. Marami na akong pinasukang trabaho at palagi akong nagpagkakamalan na kerida ng mga nagiging boss ko " tugon niya.
" Mukha ka namang kasing kabit " pabulong na wika nito. Napalingon siya rito.
" My dad treat you so nice. At hindi lang 'yon, inutusan niya pa akong bilhan ka ng mamahaling pabango at mga gamit. Pati sabon at shampoo mo tinanong pa sakin kung anong magugustuhan mo. Syempre, sino ba namang tao ang hindi maghihinila kung ganun ang gagawin ng isang lalaking babaero sa isang babae? "
" So ikaw pala ang bumili ng shampoo at sabon? "
" Hindi naman. Ako lang ang namili " sagot nito at sabay silang napahinto sa isang parke.
" Magaling kang mamili. Nabili mo yung sabon kung saan allergic ang skin ko " sarkastikong sabi niya.
" Allergic ka pala sa ganoong klaseng sabon? Sorry..." malumanay na paumanhin nito.
" No need to worry. Hindi ko rin naman ginamit. " Napatango naman ang binata.