" AW! Dahan-dahan naman! " Inis na daing ni Fourth sa nurse na naglilinis sa kanyang sugat.
Nadaplisan siya ng bala noong gabing tinakasan niya ang apat na bodyguard na ini-hired ng kanyang ama para bantayan siya.
Noong natakasan niya ang mga ito, nagtungo siya sa isang bar para makipagparty. Naka-disguise naman siya pero sadyang matalas ang mga mata at pang-amoy ng kalaban ng mga Misuaris. Hindi niya akalain na balak pala siyang patayin ng mga ito at mabuti na lamang ay nakatakas siya.
" Huwag ka ng magreklamo Fourth dahil ginusto mo yan e!" sabat naman ni Third pagkapasok ng kwarto. Tinarayan niya lamang ito.
" Kung nakikinig ka lang sana kay Dad, edi sana hindi umabot sa ganyan " dugtong pa nito.
" Ayaw ko nga siyang sundin. Gusto niya akong mag-quit sa pagiging artista tapos ano? Gagawin niya akong alalay sa business niya! Ayaw ko nga! " inis na tugon niya rito.
" Hindi naman alalay ang tawag dun, Fourth. Isa ka rin sa magmamana katulad ko. Ang gusto lang naman ni Dad ay tumulong ka sa business, hindi puro pasikat at pa-party ang inaatupag mo " sagot naman nito.
" A.YO.KO. as in no way! Gagawin ko ang lahat ng gusto ko. At wala siyang magagawa sa gusto ko!" giit niya naman. Napabuntong hininga na lamang si Third sa tigad ng kanyang ulo.
" May magagawa si dad at sigurado akong hindi mo 'yun magugustuhan." Napatingin siya kay Third.
Ano naman kaya ang gagawin ng kanyang ama?
" Be prepared and goodluck " panghuling wika nito bago siya iniwan.
Napahawak siya sa sugat niyang nakabendahe na. Bakit kaya kinakailangan pa siyang pilitin ng kanyang ama na palaguin ang mga negosyo nito kung katulong naman nito ang kaniyang mga kapatid?
Halos lahat silang magkakapatid na sa business ang ruta, siya lang ang ayaw makisawsaw at makigulo sa malaking business ng kanyang pamilya. Business rin ang inaatupag ng kanyang mga pinsan kaya bakit kailangan niya pang makisali sa mga 'yon?
Napabuntong hininga na lamang siya. Wala talaga sa isipan niya ang salitang negosyo.
-
" SORRY po sir, naka-froze po ang card ninyo. Wala po ba kayong cash? " tanong ng kahera sa kanya. Napatingin siya sa mga pinamili niyang mamahaling damit sa mall.
" Wala akong dalang cash. Puwede pakiulit nalang baka nagloko lang ang system " utos niya rito. Agad naman itong tumalima.
" Hindi po talaga mabuksan, sir " paumanhing wika nito.
Inis siyang lumabas ng mall at nagtungo sa parking lot kung saan naghihintay ang tatlo niyang bodyguard. Seryoso ang mukha ng mga ito at walang balak na kumurap ang mga mata. Agad niyang tinawagan ang kanyang ama. Sigurado siyang may kinalaman ito kung bakit hindi niya magamit ang card niya.
[ Hello? Do you need something? ] Nakangising tanong ng ama sa kabilang linya.
" Dad, bakit mo pina-froze ang card ko?!" Nanggagalaiting wika niya rito.
[ Fourth, I warned you many times na kapag hindi ka pa mag-quit sa pagiging artista, mawawala sayo ang lahat ] malumanay na sagot nito sa kabilang linya.
" Are you out of your mind! Lahat ng perang nakapaloob sa card na yun, pinaghirapan ko yun. Pera ko iyon na katas sa pagiging artista ko! " may pagkayamot na tugon niya sa matanda.
[ You don't have a choice, hijo. Sumunod ka nalang sa gusto ko and you will get back your card with a lot of penny.]
" No. " Matigas na tugon.
[ Yes, hijo! If you still resist what I want you to do, bukas na bukas din ipa-publish ko sa dyaryo ang pangalan mo na isa kang bakla. Itatakwil kita at sisiguraduhin kong walang tatanggap sayo kahit sinong kompanya ang pupuntahan mo. Don't ever dare to get me mad at you, Fourth, or else you'll regret it! I will make your life live on hell, is that clear! ] seryosong wika nito sa kabilang linya. Napalunok naman siya ng laway dahil sa takot.
" Fine. Just give me a time to think, dad " nahihinang tugon niya rito. Napangisi naman si Primero.
[ I want your final answer now, Fourth.]
" But da-
[ Yes or No! I want your answer now! ] pasigaw na sabat nito. Naipikit niya ang kanyang mga mata dahil sa inis.
Gash! Ayaw niyang mabuhay sa pagiging isang mahirap.
" Yes " agaran niyang sagot.
" Yes for what? "
" I'm quitting showbiz " talunang tugon niya.
" Good. Be prepared for family meeting. Bukas ang family meeting natin kay Ling Xen at sa anak niyang si Feng Xen. "
" Pero dad ayaw kong magpakasa-
" You will going to marry whether you like it or not! " putol nito sa reklamo niya. Aburido siyang napahilot ng sentido.
Alam nitong bakla siya pero bakit kailangan pa siya nitong ipakasal siya sa babae?
" Ok " sabay baba niya ng cellphone Mahigpit niyang hinawakan ang kanyang cellphone.
Hindi ito ang pinangarap niya pero mukhang wala siyang pagpipilian. Matagal niya nang kilala si Feng at naging kaibigan niya rin ito. May lahing chinese ang pamilya niya kaya gusto ng kanyang ama na may lahing chinese rin ang mapangasawa niya. Katulad ng napangasawa ni Third na si Lauren na may lahing chinese rin ang pamilya.
Hindi niya alam kung anong magiging buhay niya kapag napangasawa niya na si Feng. Si Feng kasi ay kilala rin siya nito bilang isang malanding bakla sa balat ng lupa lalo na kung walang camera. Pareho silang walang nararamdaman sa isa't isa at sapalagay niya ay mapipilitan rin itong pakasalan siya.
" BUKAS, dapat maaga kang magising dahil maaga ang punta natin sa balwarte ng mga Xen." Paalala sa kanya ng kanyang ama.
" Yes dad " walang ganang tugon niya. Nawala lahat ng tapang niya ng umuwi ito sa mansiyon.
" By the way, bukas ko rin ipapakilala sayo ang bago mong magiging bodyguard." Napatingin siya rito. Humigop ito ng tsaa.
" May apat na kayong ini-hired na bodyguard para bantayan ako tapos magdadagdag pa kayo? "
" Madali mo silang natatakasan kaya humanap ako ng bodyguard na hindi ka makakatakas kahit anong gawin mo." Nakangising tugon nito.
Hay nakakabuweset talaga!
" And I want you to know, hindi mo lang siya magiging bodyguard kundi magiging office secretary mo siya " dugtong pa nito.
" Lalaki ba siya? " Nagningning ang kanyang mga mata na ikinainis ng kanyang ama kaya umayos siya baka mabigwasan siya nito ng wala sa oras.
" Babae " Bigla siyang nadismaya.
Bakit kailangan babae pa?
" Basta ayaw ko ng chakang babae, dad " paalala niya.
" Don't worry hijo, hindi siya pangit kagaya ng iniisip mo. " Maluwag siyang napahinga. Mas mabuti ang ganun. Sana maging kasundo niya ito.
-
LIMITADONG kilos ang ginawa ni Caramel kasama ang dalawang bodyguard ni Fourth. Sumunod siya sa mga ito papasok ng mansiyon. Mapapalula ka talaga sa lawak at ganda ng buong mansiyon. Maraming naka-display na mga antigong kagamitan at ang mga mamahaling painting na naka-display sa dingding. Sa pagkakaalam niya, dito rin umuuwi ang kapatid ni Fourth na sina Sixto at si Fifth.
Ang tatlo nalang kasi ang wala pang asawa. Madalas naman, ang mansiyon na ito ang pinipiling venue kung magpaparty ang mga anak at pamangkin ni Primero Misuaris dahil sa lawak at ganda ng lugar. Mas malapit rin ito sa syudad kaysa sa unang mansiyon na napuntahan niya na medyo may kalayuan talaga sa syudad.
Agad silang sinalubong ng tatlong katulong. Sabay-sabay pang gumalang sa amo nila.
" Where's Fourth? " tanong ni Primero sa unang katulong.
" Natutulog pa po, sir " magalang na tugon nito.
" Sinabi ko na sa kanya na gumising siya ng maaga para masamahan niya ako sa meet up namin ng ama ni Feng Xen. " Naiinis na bulong ni Primero.
" Gisingin mo siya " utos nito sa katulong.
" Sir, kanina pa po kasi namin ginigising si sir Fourth pero sinasagawan lang kami na huwag siyang istorbohin sa pagtulog niya " hinaing naman ng isa. Napabuntong hininga na lamang ito.
Napatingin si Caramel sa second floor.
" Don Primero, puwede po bang ako nalang ang gumising sa kanya? Mala-late na po kayo sa meet up niyo sa Xen Family " magalang na wika niya rito. Napangiti ito at inutusan ang katulong na iabot sa kanya ang master key.
Sigurado kasing hindi pagbubuksan ng pintuan ni Fourth ang nasa labas. Marahan siyang umakyat ng hagdan at pagkarating niya sa malapad at makinis na pinto na gawa sa mamahaling kahoy, agad siyang kumatok ng tatlong beses.
" Fourth, maghanda ka na! Kung ayaw mo parin buksan ang pinto, gagamitin ko ang master key! " wika niya sa labas ng pintuan.
Hindi naman nagpataranta sa loob ng kwarto si Fourth. Bagkus, sinalampak niya ang kanyang headphone para hindi marinig ang boses ng inaakala niyang katulong. Gusto niyang magpahinga at ayaw niyang sumama sa kanyang ama para i-meet ang babaeng papakasalan niya.
Nakakakilabot talaga na isipin na ikakasal siya sa isang babae. Wala talaga siyang balak magpakasal pero syempre may balak siyang magkaroon ng anak, through the help of science.
Walang ibang choice si Cara kundi gamitin ang master key. Ayaw kasing makinig kaya binuksan niya ang pinto at pumasok sa malawak na kwarto ni Fourth. Parang buong bahay na nila ang kwarto nito. Kagaya ng kwarto ni Garnet nakakatakot ang espasyo baka maraming nakatirang multo at ligaw na kaluluwa.
Agad dumako ang kanyang tingin sa taong nakakulob na humiga sa kama habang abala sa pagkulikot ng cellphone. May nakasalampak rin na headphone sa taenga nito.
Agad siyang nakaisip ng paraan para istorbohin ito. Wala naman sa rules na hindi siya puwedeng mangialam sa ginagawa nito. Wala rin sa rules na hindi niya puwedeng hawakan si Fourth. Basta ang nasa rules, kung kailangan niyang gumamit ng dahas para pasunurin ang makunat na bungo nito ay puwedeng-puwede niyang gawin.
Ang ibig sabihin, puwede niya itong batukan, suntukin at bugbugin kapag hindi ito nakinig sa kanya pagdating sa kaligtasan nito.
Napahagikhik siya. 'Di ba may pagka-harsh talaga ang kanyang utak.
Sumampa siya sa malambot na kama at muli itong kinausap.
" Fourth, kumilos ka na kundi masasaktan ka! " sigaw niya rito pero hindi siya pinansin kaya napangisi siya at sumampa sa kama. Sinilip niya ito at nakapikit parin ang mga mata nito habang nakikinig ng musika.
Umupo siya at mabilis na isiniksik ang dalawang kamay sa ilalim ng tagiliran nito para daklutin ang katawan nito at itulak pababa ng kama. Nagulat ito sa ginawa niya pero bago pa man ito makalingon, nagawa niya nang itulak ito at tuluyang bumagsak sa sahig.
" PUTIK! HOW DARE YOU TO- " natigilan ito ng makilala siya.
" Caramel? "
" Yes papa? " Nakangising tugon niya. Naningkit ang mga mata nito at tinarayan siya.
" Eating sugar? "
" No papa! "
" No papa! Bigwasan kita diyan e! Anong ginagawa mo rito!" galit na tanong nito at tumayo. Bumaba siya ng kama at inayos ang suot.
" Kanina pa naghihintay ang daddy mo. Baka mainip siya at hindi lang pagbagsak mula sa kama ang makukuha mo " tugon niya rito.
" Bakit ka nga nandito? " Kunot-kilay na muling tanong nito.
Napatingin sa sarili si Caramel. Nakasuot siya ng black suit katulad ng mga bodyguard nito. Gusto niya lang ipaalam kay Fourth na siya ang bagong bodyguard nito.
Tumaas ang makapal at mataray na kilay ni Fourth ng mapagtanto nito ang ibig niyang sabihin.
" Ang ibig sabihin ikaw ang kinuha ni dad para bantayan ako! " gulantang na tanong ni Fourth. Napatango siya. Napasapo ito sa noo.
" What the fudge!" pabulong na wika nito.
" Maligo ka na! Kung ayaw mong buhatin kita papasok ng banyo at isalampak kita sa inodoro! " pananakot niya rito.
Minata siya nito. Mas matangkad kaysa sa kanya si Fourth pero hindi kalakihan ang katawan nito. Yung tamang-tama lang ang laki kagaya ng mga korean actor pero may pandesal na pinagmamalaki.
" Ang tapang mo naman. Kaliit mong babae " pangmamaliit nito. Tumaas ang kanyang kilay.
" Excuse me? Kahit mas matangkad ka sakin kaya kitang buhatin at ibalibag sa sahig, " mahina itong natawa.
" K.fine.Maliligo na ako. "
" Bilisan mo! " pahabol na utos niya rito.
Muli nitong binuksan ang pinto ng banyo at sumilip.
" Boss mo ako kaya huwag mo akong utusan! " sigaw nito sa kanya sabay pabagsak na isinirado ang pinto.Napailing na lamang siya.
Kapag maraming tao, tatawagin ko siyang boss pero kapag kaming dalawa lang...neknek niya hinding-hindi ko siya tatawaging boss maliban lang kung required talaga.
Nakarating sila sa malawak na golf field na pagmamay-are ng Xen Family. Siya, si Fourth at Primero lamang ang nagtungo patungo sa kinaroroonan ni Ling Xen na seryosong naglalaro ng golf. Kumalat naman sa paligid ang mga bodyguard for more safety and security.
" Ling, how are you? "
" I'm feeling well, Primero " tugon naman nito at nagyakapan ang dalawa. Nakipagkamayan rin si Fourth sa matalik na kaibigan ng ama.
" Mabuti naman at pumayag si Fourth na pumunta rito. Excited na akong makita silang magkasama ni Feng. " Natutuwang wika nito Ling Xen sa kumpare. Pilit naman na ngumiti si Fourth.
" Where's Feng? " hanap ni Primero sa inaanak.
" Ayon siya, nag-eensayo " turo nito sa anak na nakikipag-sparring gamit ang espada.
Agad na naging interesado si Caramel sa laban ng dalawa. Masyadong malayo ang kinalalagyan ng naglalaban kaya hindi niya maaninag ang itsura ng anak ni Ling Xen. Nakatalikod kasi ito sa dako nila.
" Tara, doon tayo, " aya ni Ling Xen at agad naman silang nagtungo sa nags-sparring.
Napahanga siya sa galaw ng babae. Ang liksi ng kilos nito at halatang eksperto sa paggamit ng espada.
" Ang galing niyang humawak ng espada, Fourth. Mukhang kaya niyang hatiin ang katawan mo kapag nagpasaway ka sa mapapangasawa mo " palihim na wika niya kay Fourth. Tinarayan lang siya ng bakla.
" Feng " tawag ni Ling Xen sa anak nito pagkarating nila sa kinaroroonan ng dalawa.
Agad na napahinto ang dalawa at humarap kay Ling Xen sabay nagbigay galang. Pagkaangat ng mukha ng babae, doon niya lang napagtanto na kilala niya ito. Napansin rin siya nito at bigla siyang nginisihan ni Satoh.
Biglang kumulo ang kanyang dugo noong makita ang pagmumukha nito. Naiirita talaga siya sa tuwing nakikita niya ang pagmumukha ng mayabang niyang dating comrade sa Supreme Intelligence Agency.
Ngayon niya lang nalaman na Feng pala ang tunay na pangalan ni Satoh. Lumapit ang ka-sparring ni Feng para kunin rito ang hawak na espada at nagbigay galang muna ito bago gumilid.
" Hi Fourth! " bati nito kay Fourth at lumapit sabay halik sa pisngi nito.
Sigurado siyang nandidiri ang baklang katabi niya sa halik nito at ayaw lang ipahalata.
" Caramel, long time no see " baling nito sa kanya. Pekeng ngiti ang binigay niya rito.
" Bakit kasama siya rito? " tukoy ni Satoh sa kanya.
" She's Fourth newly hired bodyguard " sagot ni Primero.
Napatango naman si Satoh at pinasaringan siya nito mula ulo hanggang paa na tila minamaliit siya. Inismiran niya ito.
" Why you hired her as Fourth's bodyguard, ninong? Marami ka namang pagpipilian na mas magaling kaysa sa kanyan" pangmamaliit nito. Umigting ang kanyang panga.
" Naniniwala akong magaling si Caramel pagdating sa pagprotekta sa anak ko " sagot naman ng ninong Primero nito.
" O really? Ikaw palang ang taong narinig ko na naniniwala sa kanya na magaling siya " may pagkasarkastikong tugon naman nito.
Medyo natawa naman si Fourth kaya tinapunan niya ito ng nakakamatay na tingin.
" Feng, actually I have something to tell you in private. Can we talk privately? " sabat naman ni Fourth.
" Of course, but, maybe later. Hindi kasi ako pinagpawisan sa ensayo ko kanina kaya gusto kong maka-sparring si Caramel " mayabang na hamon nito sa kanya.
" Kung matatalo mo ako, paniguradong kaya mong protektahan ang mapapangasawa ko...pero kung hindi, dapat kang palitan at mag-focus ka nalang sa computer para gumaling ka naman pagdating sa pagbusisi ng system, " dugtong nito na mas lalong niyang ikinairita.
Ipokrita!
" Why not. " Napatingin sa kanya si Fourth. Hindi niya uurungan ang mayabang na'to.
" Walang mangingialam sa laban namin, " dagdag na paalala ni Feng sa mga alipores nito. Naging interesado rin ang dalawang business tycoon sa laban.
Nasa gitna sila at tatlong metro ang layo sa isa't isa habang nasa gilid naman ang iba. Nag-sign ito sa lalaking may hawak ng dalawang espada. Magalang nitong ibinigay ang isa kay Satoh Feng at ang isa naman ay sa kanya. Hindi siya gaanong sanay na humawak ng espada dahil main niya talaga ang paghawak ng baril at physical defense.
Hinugot niya ang espada at ibinigay ang takip sa lalaki, ganun rin si Satoh. Pumwesto na siya samantalang tuwid lang na nakatayo si Satoh at nakababa ang espada. Umuna siyang sumugod pero ang bilis ng kamay nito at nasangga ang kanyang espada.
Sunod-sunod siyang umatake pero nasasangga lamang nito ang bawat tira niya. Muli siyang sumugod pero sa isang malakas na sangga nito sa kanyang espada tumalbog iyon sa damuhan sabay turo nito sa kanyang leeg gamit ang matulis na bahagi ng hawak na espada nito.
" Weak " pangungutya nito. Napalingon naman siya kay Fourth na pumalakpak pa talaga sa ginawa ni Feng.
Sarap gilitan ng leeg ni Fourth.