Buong buhay ni Juki, ngayon lang siya makakaranas na magtrabaho sa isang malaking kompanya. Sa mga medium company lang kasi siya dati nakapag trabaho at sa isang boss lang siya usually nag re-report. Pero ngayon, alam niya na hindi na ganoon ang mangyayari sapagkat may mga boss siya sa Planta, ngunit mag re-report din siya sa Head Office sa Manila. Noong una, medyo nag a-adjust pa siya. Pero kinalaunan ay natuto na rin siyang makibagay at makisalamuha sa lahat ng tao.
Mr. Adrian: “Good day everyone! Bago magsimula ang ating meeting. Gusto ko lang ipakilala ang bago nating member sa Planta. Juki magpakilala ka na sa mga kasamahan mo”.
Juki: “Hi everyone! I am Juki Carillo, a civil engineer. I will be the one to handle the whole civil works project inside the plant. Hopefully, magkakaroon tayo lahat ng magandang relasyon sa trabaho. Don’t worry mabait po ako at hindi ako palaaway”.
Nagtatawanan ang mga katrabaho niya. Nang may biglang nagtanong kung anong status niya. Si Juki ay simple lang manamit. Parang astig kung kumilos. At lage talaga mapagkamalan na pusong lalaki dahil sa itsura.
Juki: “Single po ako”, pangiti nitong sagot.
Nakangiti lang sila at may mga tuksohan na nagaganap. May nagsasabi na single din sila. Kaya natawa na lang si Juki.
Marami din mga kasamahan ang naging close ni Juki sa planta. Palibhasa mabait naman talaga siya at hindi judgemental na tao. Kahit mga ordinaryong worker lang, hindi siya nag aatubili na pansinin at kausapin. Sanay naman kasi siya makisalamuha sa iba’t-ibang tao sa site noon sa dati niyang trabaho.
Kaya sa loob ng opisina at labas, marami talaga ang kumakausap sa kanya.
Bleink: “Ma’am Juki, sumabay ka na lang sa amin kakain dito sa pantry kapag wala ka kasama. Pwede ka naman bumili sa canteen at dito ka na lang kakain sabay namin”.
Juki: “Ok lang Ma’am Bleink. Doon na lang po ako”.
Bleink: “Sigurado ka? Baka maiilang ka doon”.
Juki: “ Opo, okay lang po”. pangiti nitong sagot.
Bleink: “ Okay sige.”
Si Bleink ang una niyang naka close at kumakausap sa kanya sa planta. Magkalapit lang kasi sila ng lugar, kaya magaan din ang loob niya nito. Since magkatabi din sila ng mesa, si Bleink din ang taga sagot ng mga phonecalls kapag nasa site siya.
Isang araw, habang nasa labas ng opisina si Juki. May tumawag sa telephone ni Juki. At agad ito sinagot ni Bleink.
Bleink: “Hello. Good morning!”
Bei : “ Hi! Good morning. This is Bei from Procurement, may I speak to Ma’am Juki?”
Bleink: “Hi Ma’am Bae, sorry po wala pa po si Ma’am Juki dito. Nasa site pa po”.
Bei: “Ah ok. Pwede paki sabi na pa return call nalang ‘pag nakabalik?”
Bleink: “Sige po Ma’am Bae”.
Bei: “Okay thank you”.
Pagkabalik ni Juki sa office, agad-agad sinabi ni Bleink na may misscall siya kay Bae at ipapa return call na lang. Kaya agad tumawag si Juki kay Bae.
Juki: “Hello po Ma’am Bae?”
Bae: “ Hi hello Ma’am Juki. Buti naman nakabalik ka na ng opisina. By the way, tungkol ito sa request mo na mga furnitures na bibilhin sa conference room?”
Juki: “ Yes po. Bakit po?”
Bae: “ Hmmm I guess matatagalan pa bago namin ma purchase ito. Kasi out of town si Supplier at siya lang po ang pwede mag quote nito”.
Juki: “ Mga ilang araw pa po ba?”
Bae: “Baka mga 2 - weeks pa bago siya makabalik”.
Juki: “ Hmmmm ok po hintayin na lang natin”.
Bae: “ So okay lang? Hindi pa ba gagamitin?”
Juki: “ Okay lang po. If wala talaga ibang supplier”.
Bae: “ Ok. Yun lang. Salamat. And by the way, welcome to the company”, pangiting sabi nito sa kabilang linya.
Juki: “Salamat po Ma’am Bae.”
Si Bae ang naka assigned na Procurement officer ni Juki. Kaya lage niya itong nakakausap sa telephone. Kaya nanging close na rin sila at minsan nag aasaran pa.
Marami na rin naging kaibigan si Juki sa opisina kasi halos lahat ay gusto ang ugali niya. Kahit mga managers niya ay maganda ang pakikitungo sa kanya.
Kahit sa Head Office sa Engineering Department ay marami na rin siyang mga nanging kaibigan kahit pa hindi man lang niya ito nakikita. Kaya hindi maipagkakaila na known na rin siya sa Head Office dahil na rin sa sipag niya at laging na mention lalo na pag may Video Conference Meeting sila tungkol sa project.
Isang araw habang nag meeting sila thru VideoCon. May isang babae siya na nakikita na hindi familiar na nag attend ng meeting. Halos kasi lahat ng meeting nila, kilala na niya mga attendees nito. Kahit ang immediate supervisor niya ay napatanong rin.
Mr. Jake: “Juki, kilala mo ba ‘yang kasama ni Jerald?”
Juki: “ Hindi po Sir, baka sa contracts ‘yan”.
Mr. Jake: “Hmmm.. baka siguro”.
Noong magsimula na ang meeting. Isa-isa pinakilala ni Jerald ang mga attendees.
Jerald: “ Good Afternoon everyone. Since andito na tayo lahat, ipakilala ko ang mga attendees dito sa Head Office.
Ms Dianne from contracts, Sir John from Electrical, Miko from Designs and Ms. Kriszia our new Projects Coordinator”.
Pagkarinig ni Juki sa pangalan na Kriszia, napaangat ito ng ulo mula sa pagsusulat. At tinitingnan ang babae na katabi ni Jerald.
Kriszia was the name of her precious love affair, kaya nagulat siya ng marinig ito uli ng 3 years. Pero ang Kriszia na bago niyang makikilala at magiging coordinator niya ay iba sa Kriszia na kakilala niya. Naka make up ito at medyo may pagka strict kapag tumingin.
Jerald: “Sir Jake, regarding pala doon sa pending issue ng projects natin, si Ms. Kriszia na po ang mag follow-up at magiging kausap niyo”.
Mr. Jake: “ Okay Jerald,. Welcome Ms. Kriszia”.
Kriszia: “ Thank you Sir Jake.”
Buong meeting lage na lang nakatingin si Juki sa monitor at minamasdan si Kriszia. Hindi naman mahalata kasi para na rin siyang nakikinig sa sinasabi ni Jerald.