Knock! Knock!
Maya-maya pa'y narinig ni Jayna ang magkasunod na katok sa pintuan. Agad niya itong binuksan at tumambad sa kanya ang mukha ni Aling Edna na may dalang sampung shopping bags.
Magalang itong ngumiti sa kanya habang tipid siyang tinanong.
"Ma'am good morning po, saan ko pwedeng ilagay ang mga ito mam?"
Nakakunot ang kanyang noo habang nakatingin sa mga malalaking shopping bags na hawak ng matanda. "Ano po ang mga yan?"
"Naku mam, hindi ko po alam eh, inutusan lang ako ni sir Allaric na dalhin daw sa kwarto niya dahil nandito ka raw. Para daw sa inyo lahat ito mam."
Wala sa sarili niya na inabot ang mga shopping bags mula sa kamay ni Aling Edna. Ngunit nagtaka siya kung bakit hindi ito binigay sa kanya.
"Ay, hehe, ako na po mam, sabihin nyo lang po kung saan ko ilagay."
Napakamot siya sa batok, dahil sa sobrang galang ng matanda. Halata pa itong parang natatakot sa kanya. Hindi niya naman ito masisisi, siguro natakot ito dahil sa ginawa niya kahapon na paghagis ng kahit anong gamit na madampot niya. Binigyan niya ng daan ang matanda upang makapasok sa loob ng silid.
"Ilagay ko na lang po dito mam ha," sabay lapag niya ng mga shopping bags sa ibabaw ng kama. Palabas na ito ng silid ng muli siyang binalingan.
"Ay nakalimutan ko palang sabihin mam, maghanda na daw po kayo sabi ni Sir, may lakad daw kayo mamaya."
Hindi na siya binigyan ng pagkakataon ng matanda na sumagot pa dahil agad na itong nagmamadali na nagpaalam sa kanya. Ito na ang kusang nagsara ng pinto matapos itong makalabas. Binalingan niya ang mga shopping bags na nakahilera sa ibabaw ng kama at binuksan iyon lahat. Napataas siya ng kilay ng makita ang laman ng isang shopping bags. Namumula ang kanyang pisngi habang nakatitig sa nga ternong underwear at bra na halos kulay pula lahat. Nagtataka siya kung saan ng lalaking yun nakuha ang ideya na paborito niya ang pula.
Mabilis niyang binuksan ang lahat ng mga shopping bags at naghanap ng pwede niyang maisuot. Pagkakataon na niya mamaya na makatakas kapag nakalabas na siya sa islang ito.
Biglang nawala ang excitement niya habang nakatingin sa mga nakakalat na mga bestida sa kama. Halos lahat ay abot ang haba hanggang sa kanyang paa ang iba abot pa hanggang talampakan niya dahil 5 ft. lang naman ang height niya.
Nagtataka siya kung anong taon ba ipinanganak ang halimaw na lalaking yun bakit puro panahon ni Maria Clara ang mga pinamili nito para sa kanya. Hindi naman siguro nag reincarnate si Juan Crisostomo Ibarra ng Noli me Tangere sa katauhan niya di ba? Biglang nagsitayuan ang kanyang mga balahibo sa katawan.
Hanggang sa nakaisip siya ng magandang ideya. Mabilis siyang lumabas ng silid at tinawag si Aling Edna. Maya-maya pa ay bumalik siya sa silid ni Allaric na may hawak ng sinulid, karayom at gunting sa mga kamay niya. Dito siya magaling, fashion designer ang hilig niya kaya lang hindi siya sinuportahan ng kanyang ama.
Excited na naman siyang kinuha ang kulay puting bestida na satin na napili niya at in-altered yun hanggang above the knee, ang sleeve nito ay ginawa niyang off shoulder upang lumitaw ang kanyang nunal sa chest bone at ipinangangalandakan niyang cleavage. Tuwang-tuwa siya habang nakatingin sa malaking salamin. Perfect ang pagkakagawa niya dahil fit na fit ito sa balingkinitan niyang katawan. Hindi pa siya nakuntento, hinubad niya itong muli at ginawang split corset design ang ibabang parte ng damit kaya lumitaw na naman ang makinis at perfect niyang mga legs dahil sa nag overlap na hiwa sa bandang gitna ng damit niya.
Nakangiti siyang pumasok sa bathroom at mabilis na naligo. Tamang-tama tapos na siyang magbihis ng marinig niya ang boses ni Aling Edna habang kumakatok sa labas ng pinto. Nakangiti siyang binuksan yun at excited na lumabas.
"Susmaryosep, mahabaging kaluluwa ng demonyo."
Napalis kaagad ang mga ngiti niya sa labi matapos marinig ang sinabi ni Aling Edna. Sinabayan pa nito ng pag sign of the cross sa sarili habang pinapasadahan siya ng tingin mula ulo hanggang paa.
"Naku ma'am, maawa ka, palitan nyo ang damit nyo mam bago pa kayo makita ni sir." Nangangatal na wika nito sa kanya na parang iiyak na sa pagmamakaawa.
"Ano naman ang masama sa suot ko Aling Edna, sumakit na kaya ang likod ko sa kakatahi nitong suot ko tapos papalitan ko lang?"
"Eh..kasi Ma'am.." Hindi na niya pinakinggan pa si Aling Edna, Nag hands up pa siya upang tumigil na ito sa pagsasalita. Agad na siyang bumaba ng hagdan dahil excited na siyang makalabas sa Isla. Sa opisina na siya dederetso mamaya kapag nakapuslit siya.
Nakaupo sa couch si Allaric habang nagbabasa ng newspaper sa sala. Mahigit isang oras na siyang naghintay sa dalaga ngunit hindi pa rin ito bumababa, nababagot na siya dahil ang tagal nito magbihis. Mabuti na lang at wala siyang masyadong trabaho sa opisina dahil naubos na niyang pirmahan lahat ng mga dokumento kahapon. Sa Guest room na lang siya kanina nagbihis dahil alam niyang hindi pa sanay ang dalaga, magbihis kapag nandyan siya.
"Let's go?"
Unti-unti niyang binaba ang hawak niya na dyaryo ng marinig ang boses ng dalaga na ngayo'y nasa harapan na niya. Pinasadahan niya ito ng tingin mula ulo hanggang paa, ramdam niya ang biglang pag kulo ng kanyang dugo paakyat sa kanyang ulo ng makita ang suot nito. Nagtatagis ang kanyang mga bagang at pilit pinipigilan ang sarili upang huwag magalit. Katulad talaga ang babaeng ito sa kapatid niya kapag manamit.
Sa lahat ng pinakaayaw niya at lagi nilang pinag-aawayan ng kanyang kambal ay ang pananamit nito na parang luwa na ang dibdib dahil halos kalahati na ng umbok sa dibdib nito ay gusto ng lumabas. Bumaba ang kanyang tingin sa hiwa ng damit ni Jayna sa gitna na halos kita na ang parte ng kanyang mga mapuputing hita. Kung dati kaya pa niyang kontrolin ang sarili kapag si Adira na kambal niya ang may suot nun, ngunit ngayon naninikip ang kanyang dibdib sa sobrang pigil ng kanyang galit ngayong ang babaeng ito na ang nagsusuot ng ganun.
"Change your clothes!" Dumadagundong ang kanyang boses dahil sa lakas ng kanyang sigaw kay Jayna. Sinabayan pa niya ito ng pagsensyas ng kanyang kamay na nakaturo sa silid niya sa itaas.
Naiirita si Jayna dahil sa biglang pag sigaw ni Allaric sa kanya. "No! Ayoko! Pinaghirapan ko kaya ng isang oras ang damit na ito, tapos papahubad mo lang sa akin! No way!"
Mas lalong uminit ang dugo ni Allaric dahil sa naging sagot ng dalaga sa kanya.
"Change your clothes, if you don't want me to take that off your body, myself!" Madiin ngunit halata pa rin ang nagpipigil na galit sa boses ng binata.
Hindi pa rin nagpatinag si Jayna, ayaw niyang magsuot ng mga maria clara na damit, nakakasagabal lang yun sa plano niya mamaya. Paano kung masabit pa yun sa mga matutulis na bagay? Galit niya ring sinigawan ang binata sa harapan niya.
"Change your clothes if you want, don't bother me about what I wear because first of all, you're not my boyfriend!"
Panay ang sign of the crus ni Aling Edna habang nakakubli sa malaking vase sa itaas na lagpas sa height niya. Mabuti na lang at makapal ang halaman sa loob ng vase na ito kaya hindi siya madaling makita. Kanina pa siya nakamasid sa dalawa sa ibaba habang nagsisigawan. Kanina pa din ang dasal niya na sana hindi sila madamay sa world War II ng dalawa. Alam niyang galit na galit na ang kanyang amo dahil pulang-pula na ang mukha nito.
Lalong sumiklab ang apoy sa puso ni Allaric sa sobrang galit ng marinig ang sagot ng dalaga sa kanya. Hindi niya matanggap sa sarili na wala siyang karapatan upang diktahan ang dalaga dahil hindi siya nito boyfriend. Galit niyang binuhat muli si Jayna paakyat ng hagdan at pinasok sa loob ng silid niya.
Agad na bumungad sa kanya ang nakakalat na mga damit nito na binili niya kaninang umaga habang natutulog pa ito. Mabilis niyang sinara ang pinto at Ibinaba ang dalaga. Akmang huhubarin na niya ang suot nito, ng tumakbo ito papasok ng banyo. Mabilis naman ang kanyang mga kamay na yumakap sa likuran nito, bago paman ito tuluyang makapasok sa banyo. Nanggigigil siya sa babaeng ito, sa kabila ng galit niya naiinis siya sa kanyang sarili dahil hindi niya magawang saktan ang dalaga. Habang nakayakap siya sa likuran ni Jayna, ibinaon niya ang kanyang mukha sa leeg ng dalaga at inamoy ang mahalimuyak na bango nito. Ipinikit niya ang kanyang mga mata at hinayaan ang kanyang galit na humupa habang nakayakap pa rin sa likuran nito. Mas lalo niyang isiniksik ang kanyang mukha sa leeg ng dalaga at inamoy-amoy doon upang mawala ng tuluyan ang galit niya.