AKESHA'S POINT OF VIEW
"Binibini, binibigyan kita ng limang minuto para ipaliwanag kung bakit ka nahuli sa klase."
Kinakabahan ako hindi para sa'kin kundi para kay Torrie, pinalitan niya yung pangalan niya ng pangalan ko. Hindi nahalata ni binibini yung ginawa namin sa excuse letter. 
Naiwan sa labas si Torrie at nakaupo naman ako sa upuan ko, nakatayo lang si Torrie sa labas ng pinto at alam 'kong kinakabahan siya.
"Paumanhin po binibini, may ginawa lang po ako sa labas ng school, tungkol po ito sa problema ng pamilya ko." Aniya habang nakatungo, tahimik ang buong classroom dahil takot lahat kami kay binibini.
"Naiintindihan ko binibini, maari ka nang pumasok." Pumasok na si Torrie sa loob at nakahinga ako ng maluwag dahil tinanggap ni binibini yung rason ni Torrie. 
"Ilabas ang mga index card!" Sigaw ni at awtomatikong gumalaw ang katawan ko pati na rin ang mga kaklase ko. Ipinasa ko sa harapan ko yung index card ko at kinakabahang tumingin ako kay Torrie.
Tumingin siya sa'kin at ngumiti, itinuro niya yung kwintas na nasa dibdib niya kaya mas lumakas yung loob ko. Tinignan ko yung kwintas ko at wala sa sariling napangiti ako.
"Sisimulan ko na! Alam niyo na ang mangyayari pag hindi nakasagot! Maari niyo bang sabihin kung ano yung mangyayari pag hindi nakasagot!" Sigaw ni binibini kaya gulat akong napatingin sa harap.
"Sasha! Maari mo bang sabihin sa'kin kung ano ang mangyayari pag hindi nakasagot!" Awtomatikong tumayo si Sasha at kinakabahang tumingin kay binibini.
"R-remain standing," Sagot ni Sasha at nagulat siya nung may lumipad na index card sa mukha niya.
"I-ibahin ko ang tanong! Ano ang gagamitin mong wika pag ako ang kausap mo!?" Galit na tanong ni binibini kay Sasha. 
"W-wikang f-filipino po." Sagot ni Sasha at tinignan naman siya ng masama ni binibini. 
"Sigurado ka ba sa sagot mo?!" Tanong ulit ni binibini at tumango lang si Sasha.
"E bakit nauutal ka?! " May narinig akong mahinang tawa at napagtanto 'kong si Torrie 'yun kaya pinandilatan ko siya ng mata.
Binigyan niya lang ako nang nag tatakang tingin, at nagulat ako nung biglang nakatingin sa'kin si binibini. "O hija, ngayon ko lang napansin, bakit hindi ka naka suot ng tamang uniporme, alam mo bang hindi ko pinapapasok ang mga hindi sumusunod sa batas ko at isa na 'yan." Nakakatakot na boses ni binibini.
Nag simula na akong kabahan at lahat ng kaklase ko at nakatingin sa'kin. "P-paumanhin po binibini, nagkaroon lamang po ng aksidente sa kantina, hindi po sinasadyang matapunan ng inumin ang uniporme ko kaya po ako nag palit." Pagpapaliwanag ko.
Sinikap 'kong wag mautal dahil baka magaya ako kay Sasha na napahiya  kanina. Nakakabingi ang katahimikan sa loob ng klase, tanging boses lang namin ni binibini ang naririnig. Nakatingin lang sakin si binibini at sinubukan 'kong wag mailang sa tingin niya.
"Hija, isang tanong isang sagot, wag 'kang mag tatangkang mag sinungaling." Seryosong usal ni binibini habang nakatingin sa'kin ng diretsyo. 
Tumingin rin ako ng diretsyo sa'kaniya, nakailang kurap pa ako bago siya mag salita.
"May kinalaman ba itong lapastangang babaeng 'to sa insidenteng nangyari sa'yo?" Seryosong tanong ni binibini habang nakaturo kay Sasha. Tumingin ako kay Sasha at nakita 'kong kinakabahan siya.
"W-wala po siyang kinalaman, nadulas lang po ako kanina dahilan para matapon po yung laman ng tray ko." Sagot ko habang nakatingin kay binibini.
Napunta kay Sasha yung paningin ko nung gumalaw siya at umaktong nakahinga ng maluwag. Nararamdaman 'kong nakatingin sa'kin si Torrie kaya tumingin ako sa'kaniya. Masama ang tingin niya sa'kin.
"Makakaupo ka na binibini," nakahinga ako ng maluwag nung pinaupo niya ako at hindi pinalabas, bumalik siya sa harapan, at sinenyasan niyang umupo si Sasha.
Nag simula na yung recitation at kinakabahan ako t'wing bubunot siya sa index card. Natapos ang klase kay binibini nang hindi nabubunot ang index card ko. Natawag kanina si Torrie at namangha si binibini sa sagot niya kaya sigurado akong mataas ang makukuha niyang grade sa subject ni binibini.
"Guys, wala na tayong class sa second to the last hanggang last subject  kasi mag me-meeting daw para sa clubs night!" Sigaw nung president namin kaya napa yes yung iba naming kaklase. 
Inayos ko na yung gamit ko at sabay kaming tumayo ni Torrie. Napatigil ako nung tumigil si Torrie sa pag lalakad. "May problema ba?" Tanong ko habang nakatingin sa'kaniya. Hindi siya sumagot at nanatili siyang nakatayo.
"May problema ba?" Tanong ko ulit at humarap siya sa'kin. "N-nabanggit kasi ni dean na dinala si Fai sa hospital," sagot niya. Nagulat ako sa sinabi niya, muli nanamang bumalik sa'kin yung alaala na nangyari dati. T'wing mapapaaway si Torrie, laging sinusugod sa hospital yung kaaway niya.
"Akesha, sabay na tayo." Napatingin kami sa labas nung may nag salita at si Perrie 'yon. Oo nga pala, magkapareho kami ng club at si Torrie lang ang naiiba. 
Lumabas na kaming dalawa ni Torrie at kapansin-pansin ang matamlay niyang mukha. "Torrie okay lang 'yan." Usal ni Perrie na mukhang alam yung nangyari. Tumingin samin si Torrie at nag pilit ng ngiti. 
"My conscience is killing me!" Sigaw niya at yumakap sa'kin. Nararamdaman ko rin na luluha siya kaya hinagod ko yung likod niya.
"Akesha hindi ko 'yun sinasadya, I swear, nadala lang talaga ako nang galit ko." Umiiyak na usal niya. Patuloy parin ako sa pag hagod sa likod niya.
Isa 'yan sa mga nagustuhan 'ko kay Torrie, madali siyang mag pa talo sa konsensya niya at alam niya agad yung pagkakamali niya.
Lumapit rin samin si Perrie at yumakap na rin siya sa'min. Hinagod niya rin yung likod ni Torrie para patahanin siya.
Humiwalay na siya sa pagkakayakap at pinunasan niya yung mga luha niya gamit nung panyo. "Uhm girls favor," tumingin kaming dalawa ni Perrie kay Torrie nung bigla siyang nag salita.
"Ano 'yun?" Tanong ni Perrie at nakangiti naman akong tumingin sa'kaniya. Alam 'ko na yung favor ni Torrie 
Make-up!
"Samahan niyo ako sa c.r." Sabi ni Torrie at ngumiti sa'ming dalawa. Tumango lang kaming dalawa ni Perrie at sabay-sabay kaming naglakad papuntang c.r. 
Nakarating na kami sa c.r at linapag agad namin yung gamit namin sa tuyong part ng wash area. Kinuha agad ni Torrie yung make-up kit niya at nag nag simula na niyang kulayan yung mukha niya.
"Perrie, do you use make-up?" Tanong ni Torrie at napailing lang si Perrie. Tumingin sa'kin si Torrie at mukhang may ipinapahiwatig. 
"Gusto mong i-try?" Tanong ulit ni Torrie pero tumanggi agad si Perrie. 
Sinenyasan ako ni Torrie na hawakan si Perrie, dahil balak niyang lagyan ng make-up yung mukha ni Perrie. Tumango lang ako at pasimpleng pumunta sa likod ni Perrie.
Nanonood lang siya kay Torrie na patay malisyang nag ma-make-up sa harap ng salamin. 
"Huli ka!" Masayang usal ko habang nakayakap ako kay Perrie. Agad na nilabas ni Torrie yung mga gagamitin niya at nagpupumiglas naman si Perrie dahil ayaw niyang make-up-an siya ni Torrie.
"Ayoko!" Sigaw niya habang nagpupumili na makawala sa bisig ko. Wala na siyang magawa dahil nalagyan na ni Torrie ng make-up yung mukha niya. "T-torrie! Hindi ako nag a-apply ng make-up!" Pilit nag  wawala na si Perrie pero mahigpit parin yung hawak ko sa dalawang braso niya.
"Wow! You look great!" Manghang-mangha si Torrie habang nakatingin kay Perrie. "Wait may kulang, yung hair." Niligpit ni Torrie yung make-up niya at nag simula na siyang ayusan si Perrie.
"'Yan! Maganda ka na! Triplets na tayo!" Masayang usal ni Torrie habang inaayos ang sariling buhok. Nakatingin lang ako kay Perrie na hind rin maitatago ang ngiti sa labi niya.
Manghang-mangha talaga ako kay Torrie pag dating sa Make-up, biruin mo nakuha niya pang make-up-an ng maayos si Perrie kahit na nag wawala ito. Bigla akong napaubo ng i-spray-an kami ni Torrie ng pabango niya.
Tumingin sila sa'kin nung napansin nilang malala yung pag ubo ko. "Okay ka lang?" Nag aalalang tanong ni Perrie pero hindi ko siya masagot dahil patuloy parin ako sa pag ubo.
"Holy- she has asthma pala!" Tarantang sigaw ni Torrie at alam 'kong hinahanap niya yung bag ko. Kahit nahihirapan ako sa pag hinga, pilit 'kong tinuro yung pag ko na katabi lang nung mga bag nila. Nakita agad 'yon ni Perrie at nag simula na silang mag kalakal.
Nagtataka ako sa t'wing a-atakihin ako ng asthma, laging kinakalat ni Torrie yung laman ng bag ko e maayos naman palagi 'yon. Hindi ko alam kung natataranta lang siya o sadyang ganon lang talaga siya mag hanap. 
Nung nahanap na ni Torrie yung inhaler ko, dali-dali niyang binigay 'yon sa'kin at ginamit ko agad 'yon. 
"Breath." 
"Breath slowly my daughter."
"Just relax Akesha."
Nakapikit ako habang nilalanghap ko yung gamot at habang nakapikit ako, biglang pumasok sa isip ko yung sinasabi ni mommy pag inaatake ako ng asthma.
"Mommy," bulong ko at nung idilat ko yung mata ko, nakita ko na nag aalalang nakatingin sa'kin si Perrie at Torrie. "Are you okay now?" Tanong ni Torrie.
Tumango lang ako at niligpit ko na yung nakakalat 'kong gamit, meron pang nahulog sa sahig. Napabuntong hininga nalang ako at sinara ko na yung zipper ng bag ko.
"Sa tingin ko, kailangan na nating pumunta sa mga kaniya-kaniyang club natin, panigurado late na tayo, anong oras na." Tumango kaming dalawa ni Torrie at lumabas na kaming tatlo sa c.r.
"Seriously Perrie? Kanina ka pa namin hinahanap at nandito ka lang pala? Kasama sila! Hindi mo ba alam yung ginawa nila kay Fai?!" Nagulat kami nung biglang may sumigaw na babae pag labas namin nung c.r.
Tinignan ko kung saan nanggagaling yung sigaw at nakita ko yung grupo ng babae na nakapamewang at nag puputukan ang make-up sa mukha. Mas makapal pa yung make-up nila kay Torrie.
Tinignan ko si Perrie at kinakabahang siya habang nakatingin sa tatlong babae sa harap namin. Lumapit yung nasa gitna sa'min at parang sinusuri niya yung mukha ni Perrie.
"I didn't know na magaling ka pala mag make-up, it's good na nag a-apply ka na nang make-up para makasabay ka naman sa'min." Hindi ko alam kung pinupuri ba siya nung babae o iniinsulto.
Napapahiyang napatungo nalang si Perrie at nagulat ako nung biglang nag salita si Torrie. "I did her make-up." Proud na sabi ni Torrie at tinaasan lang siya ng kilay nung babae.
"You did her make-up? Well I don't care!" Sigaw nung babae at lumapit si Perrie para awatin yung babae.
Tinignan ko si Torrie at mukhang may namumuong tensyon sa pagitan nilang dalawa nung babae. 
"D-dolly, awat na, b-buburahin ko nalang yung make-up." Bulong ni Perrie 'dun sa Dolly. Kunot noo namang tumingin sa'kaniya si Torrie.
"No! Wag mong bububrahin yung hard work ko!" Inis na sigaw niya kay Perrie at nakita ko namang natakot si Perrie kaya nawala yung kunot sa noo ni Torrie.
"Perrie sorry, I didn't mean to shout at you. I know you like the makeup I made for you, and you are just scared because this woman is threatening you." Malumanay na usal niya at natatakot naman na tumingin sa'kaniya si Torrie.
"Whatever, by the way, Perrie nagawa mo na ba yung assignment ko kay miss Madriano?" Sabat ni Dolly kaya gulat kaming napatingin sa'kaniya. 
"What?! Ikaw ang gumagawa nang fucking assignment nito?!" Galit na usal ni Torrie habang nakaturo kay Dolly. Hinawi naman ni Dolly yung kamay ni Torrie pero inambahan ni Torrie ng suntok si Dolly kaya bahagyang napaatras si Dolly. 
Tinignan ko si Perrie at kinakabahan naman siyang nakatingin sa dalawa. Nung tumingin siya sa'kin, tipid ko siyang nginitian para sabihing okay lang kami. Alam "kong nag aalala siya sa'min dahil sa nangyari kay Fai."
Panigurado ako, mas marami pa ang aaway sa'min, sa audition palang, marami nang taga hanga si Fai kaya ganun din karami ang galit sa'min.
"What's your pake ba?" Inis na sabi ni Dolly at salubong naman ang kilay na tumingin sa'kaniya si Torrie. "E kung isumbong kaya kita kay dean!" Sigaw ni Torrie at tinawanan lang siya ni Dolly at nung dalawang kasama niya sa likod.
"As if naman na kakampihan ka ni dean pagkatapos nung ginawa mo?" Nakangising usal ni Dolly. "For sure bukas hindi ka na ulit makakatapak dito." Patuloy parin sa pangangasar si Dolly.
Nakaramdam ako ng kaba dahil sa sinabi ni Dolly, paano pag na expelled si Torrie dahil sa ginawa niya. Tumingin naman ako kay Torrie at nagtataka ako dahil hindi manlang siya nakaramdam ng takot.
"Pag." Humakbang siya ng isa palapit kay Dolly.
"Ako." Humakbang ulit siya ng isa.
"Nakapasok." Isa pa ulit.
"Bukas—" Malapit na siya sa harap ni Dolly.
Nagulat kami nung bilga niyang kwelyuhan si Dolly at nakikita 'kong mahigpit yung hawak niya dahil halatang hindi na nakakahinga si Dolly.
"—Mag drop ka na dahil isusunod kita kay Fai!" Sigay niya habang naka hawak sa kwelyo ni Dolly. 
Lumapit ako sa'kanila para pigilan si Torrie. Wala pa ngang isang araw yung ginawa niya kay Fai, meron naman siyang panibagong bubugbugin. "Torrie tama na please." Sabi ko habang nakahawak sa kamay niyang gigil na nakahawak sa kwelyo ni Dolly.
Humiwalay na si Torrie at sinalo naman nung dalawang babae si Dolly na umiiyak habang nag hahabol ng hininga. Pinagpagan pa ni Torrie yung kamay niya at sabay kaming tumingin kay Perrie na nakatulala parin.
"Okay ka lang?" Lumapit ako sa kaniya at hinawakan ko siya sa braso. Tumango lang siya at lumapit rin si Torrie sa'min. "Sorry dahil nasigawan kita kanina." Malumanay na sabi niya at yumakap siya kay Perrie.
Tumango lang si Perrie at mukhang hindi pa na po-proseso sa utak niya yung nangyari. Umalis na yung grupo nila Dolly at naglakad na rin kami pabalik sa building. Huminto kami sa tapat ng building nung napagtanto 'kong magkahiwalay pala kami ng club ni Torrie.
"It's okay kung hindi niyo na ako ihatid, late na tayo, pumunta na kayo sa club room niyo." Sabi ni Torrie.
"Ingat," tipid na sagot ko at tumango naman siya. Niyaya ko na si Perrie na pumasok na sa building. Habang nag lalakad, kapansin-pansin na masyado siyang tahimik. Naglalakad kami ngayon sa hagdanan papuntang second floor.
"Nakakatakot si Torrie." Nagulat ako nung bigla siyang mag salita at gulat akong napatingin sa'kaniya. 
Hindi na ako magtataka kung bakit niya nasabi 'yon dahil wala sa personality ni Torrie na kaya niyang mambugbog. Hindi siya nag papakita sa mga tao na hindi maayos ang mukha niya pero kung mambugbog siya, daig niya pa tambay sa kanto.
"Hindi halato no?" Tanong ko at tumango naman siya. 
Nakarating na kami sa second floor at naglakad na kami papunta sa room. Huminto kami sa isang room na may nakasulat na 'Arts club'. Kumatok si Perrie bago niya binuksan yung pinto.
"Late," sabi nung club administrator. Tumingin ako kay Perrie at napasapo siya sa sarili niyang noo na para bang may mali sa sinabi nung babae sa harap.
Tumingin ako sa kabuuan ng room at nakatingin naman silang lahat sa'min. Tumingin ako kay Perrie at malapit na akong matawa kasi para siyang matatae na ewan. 
"Perrie, ilang years ka na sa arts club at alam o yung parusa sa mga late." Mapang-asar na usal nung babae sa harap. Narinig ko naman yung mga mahihinang tawa nung mga kasama namin.
PARUSA!
Tumingin sa'kin si Perrie at nagtataka naman akong tumingin sa'kaniya. Sinenyasan kami nung babae na pumunta sa harap. Napabuntong hininga naman si Perrie bago siya pumunta sa harap.
Sumunod ako sa'kaniya dahil late rin naman ako. Mas lumakas yung tawanan kaya nakaramdam na ako ng hiya.
Kinalabit ko si Perrie at nag tanong. "A-ano yung parusa?" 
Bumuntong hininga siya bago mag salita.
"Buttspell." Bulong niya at muntikan na akong mahimatay dahil nalaman ko yung parusa.