Mellea's POV
Pinatapos lang namin ang sweet dance saka nagyaya na akong umuwi kay Sebry. Sakto din na masyado ng gabi para sa mga kagaya namin. Tsaka ayaw din naman namin na maabutan kami ng sobrang gabi sa daan.
Hindi na din naman siguro tinanggap ni Prince 'yong dare kaya aalis na lang kami. Mukhang kami ang magbabayad ng dare na 'yon. Sayang 'yong pera namin wala man lang kami napala.
"Tara na Seb." pag-aaya ko sa kanya. Agad naman syang tumayo at inayos ang sarili.
"Sige tara.." sabi nya ng matapos nyang ayusin ang sarili.
Paalis na kami ng makarinig ako ng isang familiar na boses, pinabilis ng boses na ito ang tibok ng puso ko kahit di ko pa man nakikita kung sino ‘yon. Napahawak naman ako ng mahigpit sa braso ni Sebry dahil parang alam ko na kung sino ang nagsalita na ‘yon. Pakiramdam ko mawawalan ako ng balanse sa katawan. Nangangatog ang mga tuhod ko na hindi ko maikilos. Nanlalamig ako na parang yelo.
"Sandali lang!" sigaw nya habang papalapit sa aming dalawa.
Kilala ko talaga ang boses na 'yon. Kompirmado! Sya nga 'yon!
Boses ni Prince.
Lumingon naman si Seb sa likuran namin kung saan nanggaling ang boses na narinig namin.
"Oh my gollywow bes!" bulong nya.
Napanganga si Seb sa nakita nya. Halos pumalakpak na sya sa sobrang saya samantalang ako dito, kabado at nahihiyang humarap sa kanya.
"Bes si Prince mo?" mahinang saad nya.
“Bes.” inis na pabulong ko sa kanya pero inirapan nya lang ako.
Babae na to talaga di makatigil ang bibig.
Ngunit, hindi pa rin ako kumikibo kaya pwersahan na nya akong iniharap kay Prince. Nasa harap na pala namin sya.
"Hi Prince!" bati ni seb sa kanya.
"Hi din. Sino sa inyo si Mellea?" diretsong tanong ni Prince sa aming dalawa habang pinapabalik-balik ang tingin sa amin.
Napakagwapo talaga ng lalaking 'to. Ang bango pa.
Gusto kung magnakaw ng yakap sa kanya ay hindi isang halik na lang kaya sa pisngi haha.
"Sya! Sya!" Tinuro ako ni Seb at tinulak kay Prince dahilan para mas mapalapit ako sa kanya.
Napanganga na lang dahil sa ginawa nya. Tama ba na ibuking nya ako. Nakakainis talaga 'tong kaibigan ko.
Sus ginoo ang bango nya?
Kahit matangkad sya sa akin siguro kaya ko namang abutin ang mga labi nya kahit isang smack lang.
"Ikaw si Mellea?" Nakatitig sya sa mga mata ko nang tanungin nya ako.
"Ah O-oo." nauutal kong sagot sa kanya.
"Salamat sa gift mo sa akin ah maganda sya bagay sa akin. Sige tara picture na tayo." Ngumiti sya sa akin.
Totoo ba 'to?
Nakipag-shake hands sya sa akin at mas lumapit pa para makapag-papicture na kami.
Paglapat pa lang ng mga braso namin, nanginig na ang katawan ko. Hindi ko maintindihan ang nararamdaman ko dahil may kung ano sa loob ko na bigla na lang dumaloy sa dibdib ko.
Kinakabahan na ako ng sobra-sobra. Naghuhumentarado na rin ang puso ko. Paano ko pipigilan 'to? Hindi na ako makagalaw sa pwesto ko. Naistatwa na ako.
"Picturan mo kami." utos nya sa kaibigan ko.
Nilabas na niya ang phone nya at pinusisyon ang phone. Tumayo naman kami ng maayos ni Prince. Sinuklay ko lang ang buhok ko bago kami kunan ni Sebry.
Para maganda syempre.
"Sige 1...2... " Natigilan si Seb sa pagpicture nang pigilan sya ni Prince.
"Sandali! Phone ko na lang gamitin mo." Inabot nya ang phone nya kay Seb.
Bakit phone nya?
Pwedeng sa akin na lang para may remembrance din ako?
"Arte ah." Komento ni Sebry nang maiabot ni Prince ang phone nya. "Oh sige na 1 2 3 smile."
*captured*
"Ayan ang ganda't gwapo natin dito oh, bagay tayo." dinig kong sabi nya habang nakangiting tinitignan ang picture namin sa phone nya.
Tama ba 'yong narinig ko, ang ganda't gwapo namin?
Pinupuri nya ba ako?
Hindi ko alam kung kikiligin ba ako sa sinabi ni Prince o maiinis na ewan, para kasing pabiro nyang sinabi 'yon.
Sana totoo na lang na bagay talaga kami.
Pagtapos na kunan kami ni Sebry ng litrato, pumunta na kami sa booth para maipa-develop 'yong litrato namin at mapirmahan ko. Kukunin na din namin 'yong ID na pinaiwan namin sa babae.
Pagdating sa booth, inasikaso agad nila 'yong litrato namin at naghintay lang kami ng ilang minuto. Sa loob ng ilang minuto, panay sulyap lang ang ginawa ko kay Prince habang magkatabi kami sa upuan.
Sinisiko naman ako ni Sebry sabay mang-aasar dahil pati sya kinikilig at hindi makapaniwala na napansin na ako ni crush. Magkatabi pa kami ngayon. Finally, natupad din ang pangarap ko.
Ang saya!
Maya-maya ay inabot na sa amin 'yong litrato. Tumayo naman kami at agad kong pinirmahan ang likod ng picture at sinamahan sya sa booth para makuha na namin yung ID na pinaiwan ng babae. Kinuha na din namin yung extra price namin na isang couple bracelets.
Inabot na din namin yung half na bayad sa game pero hindi ito tinanggap ng babae dahil sinabi lang daw nila 'yun para may mapilitan yung mga players na gawin yung game.
Taba din ng utak ni ateng e. Pero salamat talaga sa kanya. I owe you my love life. Char.
Pagkatapos nun parang ayoko nang matapos ang gabing 'to. Parang gusto ko pang tumambay kasama sya. Sana hindi na lang matapos ang gabi. Kung pwede ko lang pahintuin ang oras para makasama ko pa sya, gagawin ko.
Hinatid na kami ni Prince sa parking lot kung saan naka-park ang kotse ni Sebry. Sa oras na 'to, ayoko pa din na umuwi kung kanila lang nag-yaya na akong umuwi ngayon parang gusto ko nang bawiin ang sinabi ko kay Sebry. Gusto ko pa mag-stay dito.
"So paano? Hanggang dito na lang. Salamat ulit mga binibini lalo ka na Mell...What's your name again?"
"Mellea." mabilis na pagtatama ko.
"Right. It's Mellea. Lea for short." nakangiti nyang sabi sa akin.
Gulay talaga! Bakit ngiti nya pa lang para na akong ice cream na natutunaw?
Gusto pa sana kitang makasama ngayong gabi kaso hindi na pwede. Bawal na kasi kami magabihan ng husto sa daan.
"Sige na. Gusto ko pa din sanang makasama kayo ng mas matagal kaso bawal na kayo magabihan sa daan kaya ingat kayo ah." sabi nya sa akin.
Teka, mind reader ba sya? Paano nya nahulaan ang nasa isip ko?
For the record, naramdaman kong may care sya sa amin at ayaw na mapahamak kami ni Sebry. Ang sarap lang sa tenga na marinig mong nagmamalasakit yong taong gusto mo sa kaligtasan mo.
Sumakay na kami ng kotse at hanggang sa makalayo kami pinagmamasdan ko lang sya sa side mirror ng kotse hanggang sa nawala na sya sa paningin ko. Tuluyan na kaming nakalabas ng University pero parang naiwan dun yung puso ko. Parang gusto ko na lang na iuwi sya ngayon gabi.
Parang gusto kong bumalik.
Ultimate crush ko si Prince. Nagsimula 'to since nasa Gradeschool pa lang kami at hanggang ngayon crush ko pa rin sya. Hindi ko nga alam kung crush pa rin ba 'tong nararamdaman ko or baka infatuated kasi sobrang tagal na akong may gusto sa kanya.
Sa kanya lang talaga ako nabaliw ng husto, bawat schedule nya inaalam ko, inaabangan namin sya ni Seb sa labasan tapos minsan sinusundan ko din sya kung saan sila may gig ng banda nya.
Halos hindi ko na din mabilang ang mga babaeng nai-date nya, hindi ko na din mabilang kung ilang beses akong nasaktan sa kanya nang hindi nya alam. Pati mga post nya sa social media palaging kong pinupusuan kahit hindi naman kapuso-puso 'yong mga post nya.
Gusto ko syang kausapin pero wala talaga akong lakas ng loob na gawin 'yun. Kanina gustong-gusto ko na talagang sabihin sa kanya na may gusto ko sa kanya, matagal na pero wala pa ring nangyare.
Hindi rin naman kasi madaling mag-confess. Oo madaling mag-imagine pero sobrang hirap gawin. All these years na pagsunod-sunod ko sa kanya, napagod ako. Napagod ako hindi dahil hindi ko na sya gusto kundi doon sa fact na baka wala talaga akong pag-asa sa kanya.
Ilang beses akong nasaktan dahil ilang beses ko s'yang nakikita na may ibang kasamang mga babae. Though, alam ko namang game nya lang yon, masakit pa rin na makita mong may kasamang ibang babae 'yong matagal mo nang gusto.
And then, you ask why's and what if's, that in the first place you don't know your place in his life because he doesn't even know that you're existing and revolving around him. And there is no answer for that questions because only fate can answer it.
Kahit ganun, proud naman ako sa sarili ko dahil loving someone secretly is the bravest thing na ginagawa ko and I don't ask for him to love me back. Smile and seeing him happy in a good conditions are more than enough to me.
Pero, minsan ang puso naghahanap din ng pagmamahal mula doon sa taong pinaglalaanan mo dahil gusto nya rin na maramdaman ang saya ng may nagmamahal.
"Bes, may kuha ka ng picture namin?" tanong ko sa kaibigan kong busy sa pagmamaneho.
"Wala eh. Puro stolen lang 'yon." sabi nya habang nakatutok ang mata sa kalsada.
"Sige okay na yan. Atleast meron." Kinuha ko 'yong phone ni bes sa bag at tinignan 'yong mga kuha namin.
Napaka-photogenic talaga ng Prince ko, mapa-side view, top view o kahit saang view basta gwapo sya kahit nga likod nya napakagwapo.
"Kilig ka na naman!" pang-aasar sa akin Seb.
"Syempre, first time in history nagkaroon kami ng picture ni Prince ko." sagot ko naman.
Kahit stolen lang 'yon, kontento na ako. Sobra-sobrang blessings na 'to para sa akin kasi dininig na ang pangarap ko.
"Sus alam ko naman yun, inaasar lang kita."
"Dito na tayo. Bye bes," Huminto naman kami sa tapat ng bahay. "Send ko na lang sayo mamaya yan. Okay?" aniya. Pagkasabi nya ay bumaba na akong kotse nya at isinara ang pinto.
"Sige bes. Salamat ulit. Text mo ko kapag nakauwi ka na ah."
Nagsign language pa ako na nagtetext sa kamay. Nagbabye na ako at umalis na sya.
Pagkapasok ko sa loob ng bahay ay nagbihis na ako at humiga sa kama. Nagcheck ng phone at nag-scroll na mga picture. At isang post sa facebook ang talagang nagpa-talbog ng puso ko.
"Whaaaa!!!" Napasigaw ako ng makita ang pinost ni Prince na picture namin kanina.
May hashtag pa na #UltimateCrushNyaDawAko. Halos mapamura ako sa hashtag na 'yon. Kailangan ba talagang I-public at ipagsigawan sa social media. Nakakahiya.
Nakakainis, parang feeler naman nya yata masyado ngayon.
Teka, paano nya nalaman na Ultimate Crush ko sya?
Hindi ko naman sa kanya 'yon sinabi ah. Maliban kay Sebry wala na akong pinagsabihan tungkol dun, talagang may kakaiba sa kanya.
Prince's POV
Ininsist ko na phone ko na lang ang gamitin pang-picture sa amin para naman may remembrance ako sa kanya. Matagal ko na s'yang nakikita pero wala talaga s'yang dating sa akin pero nung lumapit ako sa kanya at natitigan sya sa mata.
Bigla na lang akong nakaramdam ng hindi ko maipaliwanag. Pakiramdam ko may something sa kanya na parang gusto kong mapalapit sa kanya at kilalanin pa sya.
Sa lahat ng babae dito sya lang ang naiiba pero kahit naiiba sya hindi ako nagkaroon ng pagkakataon na lapitan man lang o kausapin sya. Mahirap ipaliwanag pero may kakaiba talaga sa kanya.
Wala lang naman talaga sya sa akin eh. Pero ngayon, bakit nagkakaroon sya ng halaga sa akin. Malinaw na malinaw kung nabasa ang isip nya kanina at pinipigilan ko lang tumawa. Biruin mo gusto nya pala akong halikan ng palihim.
Natagpuan ko na lang ang sarili ko na iniisip sya. Hindi kasi mawala sa isipan ko 'yong mga binubulong nya sa isipan nya. Yong mga salitang hindi nya masabi sa akin ng personal kaya sa utak na lang sya sasabihin.
May advantage din pala talaga ang pagiging Pure Blood ko. Nagagamit ko sa ganitong sitwasyon ang kapangyarihan ko.
"Oy pare kanina ka pa nakangiti dyan. Okay ka lang?" saway sa akin ni Sam. Umupo sya sa tabi ko at inabot ang softdrinks na dala-dala nya.
Mabilis kong tinago ang phone ko sa bulsa ko. "Ah ano pare? Hahaha." nakatawa ko pa ring sagot sa kanya.
"Hala pare anong nangyare sayo?" nagtataka nyang tanong habang sumisipsip ng softdrinks.
Kahit sya di nya rin alam ang nangyayari sa akin. Hindi ko rin mapigilan na hindi ngumiti dahil natatandaan ko pa rin ang mukha nya. Ang cute nya talaga.
"Pare, kinilig ka na ba ?" Halos mabulunan sya sa tanong kung 'yon.
"Hala pare, bakit natanong mo yan? Chicks na naman? Hay nako pare kung ako sayo tigilan mo na yan, idadagdag mo lang sa mga babaeng lolokohin mo. Tama na!"
"Pare, iba 'to!" diin kong sabi sa kanya.
"Narinig ko na yan dati. Anong nangyari? Ayon umuwing luhaan yung mga babae mo." dagdag nya pa.
"Sila naman 'yong lumalapit eh hindi ako! Tsaka kasalanan ko bang naging magandang lalaki ako?" Binatukan nya lang ako sa ulo.
"Umuwi ka na pare. Tulog mo na lang yan. Maka-ipon ka pa ng muta." sabay alis nya at bumatok pa ulit ng isa pa.
"Oo na ! Makaalis na nga lang din."
Hindi naman ako playboy eh, honest lang talaga ako kaya minsan nasasaktan sila kasi hindi nila matanggap na sawa na ako sa kanila.
Pero never pa akong nagkaroon ng seryosong relasyon, lahat kasi sa akin laro lang.