Sue's Pov
"Goodluck dude!" Sabi ng nadaanan namin ni Harry na ka team niya at nakipag apir pa ito
"Double meaning" sabi naman ng isang ka team niya na tawa ng tawa
"Mga gago!" Tumatawang sagot naman ni Harry tsaka siya tumingin sakin at naglakad na ulit kami papunta sa classroom ko
"Woah!" Gulat na sabi ni Jason ng makita niyang magkasama kami ni Harry. Napatayo pa nga mga kaklase ko at tila hindi makapaniwala na hinatid ako ni Harry hanggang sa upuan ko.
"Yung promise mo manonood ka mamaya, asahan kita" huling sabi ni Harry bago ito lumabas ng classroom namin.
"Omg! Kayo naba ni Harry?!" Masiglang tanong ni Audrey na lumapit pa sakin
"My God! Ang naba ng hair mo girl!" Sabi naman ni Coleen na tila kinililig
Maging ang mga katabing classroom ay nakiusyoso at ang ilan pa ay pumasok pa sa classroom namin para makita lang ako. Tinakpan ko nalang ang mukha ko ng buhok ko tsaka yumuko.
"Grabe I'm happy for you" sabi naman ni Eunice na yumakap pa sakin
"H-hinatid lang niya ako wala kaming relasyon" paliwanag ko sa lahat
"Kahit na girl! Hinatid kapa rin niya ibig sabihin interesado siya sayo" pilit ng iba pa
"Kung walang gusto si Harry sayo never ka niyang lalapitan o kakausapin ang swerte mo nga eh!" Sabi pa ni Coleen
Tumahimik ang lahat at nagsipag urong pa. Tanging isang pares nalang ng paa nakikita ko ngayon na nakatayo sa harapan ko. Naglakas loob akong tumingala para makita kung sino yon pero nagulat ako ng sampalin agad ako nito.
"Hindi lang pala taba mo ang makapal pati mukha mo" sabi nito tsaka tinignan ang palad niya "ano niyan gagawin mo nasaktan kamay ko dahil sa pangit na pagmumukha mo? Paano kung mahawa ako sa kapangitan mo?" Sabi pa niya at humingi ng alcohol sa kasama at nilagyan ang kamay niya. "Oh sorry kailangan mo rin pala ng alcohol para hindi ka kumalat at hindi makahawa" rinig ko ang pang singhap ng mga tao sa paligid ko habang binubuhusan niya ako ng alcohol sa ulo.
"Tama na" mahinang sabi ko na ikinatigil naman niya. Yumuko siya sakin at inangat niya ang mukha ko
"Bakit? Lalaban ka? Palagay mo ba dahil may gusto sayo si Harry ay nakahanay kana saming mga ex niya? Masaya ka" sabi nito tsaka niya marahas tinulak ang mukha ko
"Hindi ko sinabing may gusto sakin si Harry at hindi ko iniisip o sumagi sa isip ko ang gugustuhin niya ako. Mabait lang talaga siya at tinulungan ako" sagot ko dito na pigil ang pag iyak
"Gaga! Alam ng lahat na loko loko si Harry! Mabait lang si Harry kapag may kailangan. Heto ang tandaan mo akin lang si Harry at hindi ang isang tulad mo ang makakaagaw ko sa kanya" sabi nito tsaka naglakad palabas ng classroom.
Hindi ko namalayan na may tumutulo na palang luha sa mga mata ko. Marahas ko yong pinunasan at inayos ang sarili. Nagsi upo naman na ang mga kaklase ko ng makitang pumasok na si Sir Felipe ang unang guro namin sa araw na ito.
*************
CHAPTER 10
Sue's Pov
Bago nagsimula ang game nila Harry ay pinuntahan pa niya ako sa classroom namin para sunduin. Hiyawan naman mga kaklase ko at may mga ususero rin sa labas. Hindi ko alam kung ano ang gagawin ko at hiyang hiya ako. Bakit kasi pinuntahan pa niya ako dito.
Kasama ni Harry ang ilang team mates niya at napansin ko na tanging si Harry lang ang hindi nakasuot ng jacket niya. Dali dali kong inabot ang paper bag sa kanya na may lamang jacket niya.
"Ano to?" Tanong niya sakin ng kunin sa kamay ko ang paper bag
"J-jacket mo yan, n-nakalimutan kong ibigay sayo kanina" tumingin ako sa kanya at nakita ang pagngiti niya habang nilalabas sa paper bag yung jacket
Nagulat ako ng bigla niyang isuot sakin ang jacket at nagsimula na naman ang hiyawan ng mga tao sa paligid ko.
"Regalo ko nalang sayo tutal mas bagay naman sayo at para narin makita nila na gamit mo na ang apelyido ko" ngiting ngiting sabi pa nito na ikinalaglag ng panga ko.
Juiceko ano bang nakain ni Harry? Ayokong mag isip ng kung ano pero kapag pinagpatuloy niya to siguradong mapapaisip ako na may gusto nga siya sakin.
Wala akong magawa ng inakbayan niya ako. Heto na naman ang puso ko, hindi pa man nag uumpisa ang basketball game pero nag di dribble na ang puso ko ng mabilis.
Sabay kaming naglakad ni Harry hanggang sa makarating kami sa gymnasium. Marami ng taong naroroon at lahat ay napatingin samin. Pasimple kong tinanggal kamay ni Harry na naka akbay sakin, ayokong may masabi ang iba sa kanya kaya ako na ang gagawa ng paraan para hindi siya ma tsismis. Okay na ako nalang pag tsismisan nila dahil sanay naman ako at wala ng bago don.
"Dito ka umupo sa kung saan nakikita kita" sabi nito na inalalayan pa ako sa bench malapit sa pwesto nila.
"S-sige" sabi ko tsaka pilit na ngumiti.
Malapit ng mag umpisa ang game nila at isa si Harry sa mga nagpa practice ng shooting sa gitna ng court. Hiyawan naman mga tao sa paligid ko kapag na ishoshoot ni Harry ang bola sa ring. Rinig ko rin ang pagtsi tsismisan ng mga nasa likod ko patungkol samin at ni Harry. Ayoko sanang marinig pero sadyang ayaw yata talaga sakin ni mother earth at pilit pinaparinig sakin. Saang planeta ba talaga ako galing ng mapuntahan ko na, baka sakali sa planetang yon maganda at sexy ako.
Nagsimula na ang laro at tilian ng mga kababaihan ang bumabalot sa loob ng gymnasium. May mga sumisigaw pa ng I love you Harry Domingo at Fighting!. Kahit gusto kong sumigaw ay hindi ko magawa dahil sa hindi ko alam na dahilan. Ang tanging nagagawa ko lang ay pumalakpak at mapatayo kapag nakikita kong natutumba o nasasaktan siya tsaka magdasal na sana huwag siyang ma injured.
Half time break at kita ko ang tumatagaktak na pawis ni Harry sa katawan. Nakuha pa niyang tumingin sakin at kumindat na nagpabaliw sa puso ko. Heart maghunus dili ka at kumalma pakiusap ko sa puso ko.
Ilang segundo lang lumipas ay muling tumingin sakin si Harry at ngumiti. Naglakad din ito palapit sakin at umupo sa tabi ko.
"Inom ka muna" abot niya sakin sa bote ng mineral water na hawak niya
"Hindi sige sayo nalang yan mas kailangan mo yan" tanggi ko sabay ng reaction saking kamay.
"Uminom na ako sa baba" kulit nito sakin tsaka niya binuksan ang bote at muling inabot sakin
"Salamat" nahihiyang sabi ko tsaka tinanggap ang tubig "pawis na pawis ka" sambit ko pa
"Saan banda?" Tanong nito na pinunasan ang braso niya gamit ang puting towel na nasa balikat niya
"Pati sa noo mo" turo ko sa noo niya. Sa katunayan basa din ng pawis ang buhok niya.
"Paki punasan naman oh!" Pakiusap nito tsaka niya inabot ang towel sakin
Nanginginig ang kamay na kinuha ko yung towel sa kanya. Halos hindi ko rin maiangat ang kamay ko ng punasan ang pawis niya. Wala akong marinig ng kahit ano at pakiramdam ko ay kaming dalawa lang ni Harry ang tao sa mundo habang pinupunasan ko ang pawis niya.
Tumunog ang bell hudyat na magsisimula na ulit ang game nila. Nagpaalam ito sakin at sinabi na babalik ulit siya mamaya, sabi rin niya huwag akong aalis dito kahit tapos na ang game nila.
***************