Sue's Pov
Panibagong araw, panibagong disaster na naman ba sa buhay ko? Minsan naiisip kong magpakamatay nalang pero satwing naiisip ko yon ay kinikilabutan ako. Kahit gaano kahirap at kasaklap pa ang buhay ko may taong nagmamahal parin sakin at yun ay si Mama.
"Ma alis na ako" paalam ko kay Mama habang may laman na peanut butter sandwich ang bibig ko at sinusuot ang sapatos ko.
"Teka sabay na tayo" sabi ni Mama na kuntodo bihis at naka make up pa
"Saan ang lakad mo Ma? Ang aga pa ah hindi kaba magtitinda?" Nakakunot na tanong ko sa kanya habang minamasdan kabuuan niya
"Naalala mo si Ji seok na ka skype ko? Nagkikita kami ngayon" ngiting ngiting sagot ni Mama at nag spray pa ng pabango
"Diba nasa Korea yon? Saan kayo magkikita? Baka mapahamak ka diyan" alalang sabi ko dito
Si Ji Seok ay isang businessman na koreano. Last year pa nung magsimula silang mag video call ni Mama at nalaman ko na nanliligaw siya kay Mama. Nakita at nakausap ko na rin siya pero sandali lang dahil ayokong nakikita ng ibang tao ang mukha ko lalo na ng matagalan. Sabagay, sino ba tatagal makakita sa pagmumukha kong kasumpa sumpa nga daw sabi nila.
Okay lang naman sakin magpaligaw, magnobyo at mag asawa ulit si Mama. Matagal na din naman mula ng wala si Papa at kahit na kaming dalawa nalang ay alam kong nahihirapan parin siyang buhayin ako idagdag pa na minsan ay nanghihingi ng tulong pinansyal sina Lola.
"Sa Airport nak mamayang 9 ang lapag niya eksayted na nga ako makita siya sa personal" kinikilig na sabi pa niya
"Isama mo si Aling Minerva baka kung anong gawin sayo ng koreanong yan" utos ko sa kanya
"Hindi pwede tsaka sa tagal namin magka chat ni Ji Seok may tiwala ako sa kanya, hindi ko naman pababayaan sarili ko at hayaan siya kung may balak siyang masama sakin" sabi pa nito
"Ma, nilamon kana ng pagmamahal sa kanya paano mo magagawang ipagtanggol sarili mo kung lulong kana sa oppa mo na yan" sabi ko pa dito
"Pagbigyan mo na si Mama minsan lang naman ako nakaramdam ng ganito at alam ko at ramdam ko na mabuting tao si Ji Seok" paglalambing niya sakin.
Kapit braso kaming naglakad ni Mama sa daan. Ano pa nga bang magagawa ko kundi suportahin siya sa kaligayahan niya. Kung sakaling lokohin siya ng lalaking yon nandito parin naman ako na tunay na nagmamahal sa kanya.
*************
CHAPTER 04
Sue's Pov
Vacant namin at ihing ihi na ako. Naabutan ko pa sina Chanel at ibang kaklase ko sa banyo na nagkukwentuhan habang nagpapaganda sa harap ng salamin.
Nakita kong napatingin pa sakin si Chanel at umismid. Pero wala akong oras para intindihin pa sila dahil puputok na talaga pantog ko.
Nakahinga ako ng maluwang ng mailabas ko ang dapat mailabas. Bubuksan ko na sana ang pinto pero hindi ko yon mabuksan.
"Uy! Patulong naman paki buksan ang pinto" hingi kong tulong sa labas
"Hahahaha! Bagay ka diyan isipin mo na kural mo yan" boses yon ni Chanel habang tumatawa sila ng mga kaibigan niya
"Bakit kasi may pagala galang baboy dito buti nalang nakulong natin" boses naman yon ni Irish tsaka sila muling tumawa
"Maawa na kayo palabasin niyo ako dito" pakiusap ko sa kanila habang kinakalabog ang pinto
"Manigas ka diyan!" Sigaw pa nila habang pilit akong nakikiusap at kinakalabog anv pinto.
Sinubukan kong umakyat sa bowl at tignan sila at kung sino pa yung mga taong naroon na pwedeng makatulong sakin pero bago pa ako tuluyang makatayo ay malamig na tubig ang sumalubong sakin.
"Maligo ka ang baho mo!" Sabi pa nila na hindi tumitigil sa pagtawa
Sa mga ganitong sitwasyon ano paba magagawa ko kung hindi ang umiyak.
Mga tatlong oras na akong naririto nakakulong sa banyo at nilalamig na talaga ako. Hindi parin matigil ang pagluha ko kahit pinipigilan ko naman yon.
Narinig kong bumukas ang pinto ng banyo mukhang may magbabanyo kaya muli kinalabog ko ang pinto at humingi ng saklolo.
"Sinong walang magawa ang gumawa nito sayo" alalang tanong ni Aling Tess ang janitress ng school habang hawak ang Mop na ginamit nila Chanel para hindi ko mabuksan ang pinto "mga salbaheng bata" sabi pa ni Aling Tess
Niyakap ko ang janitress at umiyak sa balikat niya. Gumanti naman ito ng yakap sakin at pilit akong pinapakalma.
"Maraming salamat po" sabi ko habang umiiyak parin
"Walang anuman sige na't magpalit ka ng damit basang basa ka" puna nito sakin. Tumango lang ako at tsaka lumabas ng banyo.
Tulad ng inaasahan pinagtitinginan at tinatawanan ako ng mga estudyanteng nakakakita sakin. Ang iba pa nga ay pinipicturan ako at baka nga video pa. Hiyang hiya ako habang takip ng kamay ko ang dibdib ko, malinaw at bakat kasi ang basang  damit ko sa katawan.
Nang makarating sa may locker room ay may iilang tao rin ang naroon. Tulad ng iba pinagtawanan din nila ako. Imbes na basang sisiw daw ay basang baboy, ang iba pa nga ay basang dinosaur.
Pagbukas ko sa locker ko ay nanlumo ako ng hindi makita ang PE uniform ko. Oo nga pala inuwi ko noong isang araw para labhan. Pinasok ko nalang ang ulo ko sa loob ng locker ko at pinahinga don. Ano pabang kamalasan ang mangyayari sakin ngayon?
Nauntog pa ako ng ilabas ko ang ulo ko mula sa locker ng may kumalabit sakin. Nanlaki pa ang mga mata ko ng mapag sino kung sino yon.
"B-bakit?" Utal na tanong ko sa kanya
"Basang basa ka suot mo muna ang jacket ko" nakangiting sabi nito
Hindi ako makapaniwala na ang isang Harry Domingo na heartthrob ng campus namin at varsity player ay nasa harapan ko ngayon at kinakausap ako. Shems! Mamamatay naba ako? Mabilis akong yumuko at tinakpan ang mukha gamit ang mahabang buhok ko.
"Ayaw mo ba sa jacket ko? Gusto ko sana ipahiram sayo tshirt ko kaso baka hindi magkasya sayo kaya hetong jacket ko nalang inoffer ko" sabi pa niya
"O-okay l-lang ako" utal na sabi ko "n-nakakahiya sayo marurumihan ko jacket mo" sagot ko pa sa kanya habang nakayuko
"Please tanggapin mo na, isoli mo nalang kung kailan mo gusto" sabi pa niya na hinawi pa ang buhok ko na tumatakip sa mukha ko tsaka niya ito inipit sa tenga ko.
Natulala ako sa gwapong mukha ni Harry habang nakatingin at nakangiti ito sa akin.  Iniwan nito ang jacket niya sa kamay ko at nagpaalam na sakin. Tinawag niya mga kaibigan niya na nasa hindi kalayuan lang at nag aya na itong umalis.
Para akong na engkanto habang yakap yakap ang jacket ni Harry. Akala ko kasi mayabang, suplado at masama ang ugali niya pero ngayon ay nagbago lahat ng yon. Para itong anghel na bumaba sa langit para maging prince charming ko.
***********