"Sigurado ka bang siya ang kaluluwang nakita mo?" tanong ni Ashton sa asawa nang magkwento ito sa nakita kanina.
"Hindi ko alam kung siya nga pero kasama siya ng mag-asawa."
"Kung siya nga ang nakita mo, kailangan na lang nating hanapin ang kaniyang bangkay. At linawin ang lahat nang paratang sa kaniya upang matahimik na ang kaniyang kaluluwa! " ani Dexter at maging siya ay nakaramdam ng lungkot.
"Sa tingin ko ay ibang tao ang nakita mo."
Napalingon ang lahat kay Cloud na tahimik lang kaninang nakaupo sa isang sulok.
"Paano mo nasabi?" tanong ni Micko kay Cloud.
Tanging kibit balikat lang ang naging tugon ni Cloud at muling ibinalik ang atensyon sa harap ng laptop nito.
"May larawan ba kayong hawak ng babaeng nawawala?" tanong ni Yvone sa asawa.
Mabilis na inabot ni Dexter ang hawak na maliit na envelope kay Yvone.
"Hindi siya," ani Yvone sa mahinang tinig lamang pero dinig ng lahat. "Pero sino siya at bakit kasama siya ng mga magulang ng babaeng ito?"
"Maaring ang kaibigan niya ang nakita mo." Conclusion ni Ashton sa nagulohang isip ng asawa.
Tama, si Caroline siguro ang nakita mo at ang ina rin ni Cristine ang nagpalaki sa kaniya kaya malapit siya sa pamilya nito.
Napatango na lamang si Yvone at napagtanto na buhay pa nga ang babaeng nasa larawan. At hindi matahimik ang kaluluwa nito dahil hindi matagpuan ang kaibigan.
"Nakapagtataka at biglang nag-alok pa ng tulong ang pamilyang Ventura upang mahanap si Cristine. 'Di ba sagad hanggang buto ang galit nila sa pamilyang ito?" nagtatakang tanong ni Jeydon.
"Mukhang may gustong makauna na makita si Cristine."
Napalingon ang lahat kay James, nakatutok ang tingin nito sa monitor ng surveillance camera na nakapaligid sa kanilang departamento.
"Kanina ko pa siya napapansin na umaaligid sa paligid." Pagbibigay alam ni James sa mga kasama na nakatanghod na rin ngayon sa computer.
E-rewind mo." Utos ni Dexter kay James.
Pinanuod nila ang bawat kilos ng lalaking may suot na sumbrero. Kasunod lang ng mag-asawa itong dumating. Kitang-kita rin ang pakipag-usap nito sa cellphone habang lumulinga sa paligid na para bang may inaalam. Umalis lang ito sa puwestong kinatatayuan nang lumabas ang mag-asawa at halatang sinusundan ang dalawa.
SOBRANG namangha si Cris sa ganda ng rancho nang makapasok roon. Bawal ang selfie sa loob na ipinagtaka niya. Kasama niya ngayon ang lalaking manyak kaya nakapasok siya ng malaya roon. Kailangan niya si George kahit na mukha siyang kakainin ng buo kung maningin.
"George, hinahanap ka ni Boss Darwin," tawag ni Dany sa lalaki.
Lihim na nagpasalamat si Cris at pansamantalang mahiwalay siya sa manyak.
"Isturbo talaga minsan itong amo natin!" reklamo ni George. "Ikaw na muna bahala sa pamangkin mo at samahan siyang mamasyal dito. Kapag may sumita sa kaniya ay sabihin mong girlfriend ko siya."
Gustong masuka ni Cris sa bilin ni George. Saka lamang siya nagbuga ng hangin sa ilong nang wala na ang mayabang at manyak na lalaki sa kaniyang harapan.
"Grabe, feeling guwapo siya ha!"
Napangiti na lamang si Dany sa dalaga. "Tara na bago ka pa balikan ng lalaking iyon. Pero baka matagalan din siya bago ka maharap muli dahil dumating ang boyfriend ng anak ng may ari nito. Mukhang mamasyal din sila dito ngayon."
"May anak po ang may ari ng rancho na ito?" hindi napigilang itanong ni Cris, "naikwento po kasi ng asawa niyo kagabi na patay na ang anak ng may-ari." Agad niyang paliwanag sa ginoo nang pukulin siya ng nagtatanong na tingin nito.
"Ah oo, patay na nga ang tunay na anak ng may-ari nito. Ang tinutukoy ko ngayon ay anak-anakan ng stepfather ni Caroline na ngayon ay asawa naman ng pinsan ng ina ni Caroline ang lalaking iyon."
Napakamot si Cris sa ulo kahit hindi naman makati iyon dahil nagulohan. Ang naintindihan niya lang ay anak at asawa.
"Huwag na nga natin silang pag-usapan at baka may makarinig," pabulong na wika ni Dany.
Tinikom na rin ni Cris ang sariling bibig upang hindi makahalata ang kasama.
"Dito tayo!" Biglang nag-iba ng daan si Dany nang makita ang paparating.
Napasunod si Cris sa ginoo ngunit panay ang lingon niya upang makita ang mukha ng mga taong sakay ng kabayo.
"Manong, mukhang dito rin ang punta nila." Tawag niya kay Dany.
Tumigil sa paghakbang si Dany at tumabi kasama si Cris. "Sila ang mga bisita ni Boss Darwin. Ang kasabay ni Sir Argus sa pangangabayo ay ang anak ng may-ari nitong rancho."
Napa-ah lamang si Cris at hindi namalayang nanatiling nakaawang ang mga labi nang masilayan malapitan ang mukha ng lalaki. Ang tikas ng pangangatawan nito at ang guwapo. Mga mata nitong matalim maningin nang magsalubong ang kanilang mga paningin ay dumagdag sa karisma ng lalaking nangangalang Argus . Bumagay ang makapal nitong kilay sa maganda nitong mga mata kahit madilim ang aura ng anyo ng lalaki.
"Sino ang babaeng iyan, Manong?" inis na tanong ni Arcile kay Dany pagkatapat sa mga ito. Hindi niya gusto ang pagsalubong nito ng tingin sa kaniyang nobyo.
"Goodmorning po, Senyorita," nakayuko ang ulo na bati ni Dany sa babae. "Pamangkin ko po siya, gustong mamasyal at makakita ng mga kabayo kaya isinama ko."
Lihim na napaismid si Cris nang inirapan siya ng babaeng nangangalang Arcile. Kung nasa ibang sitwayon lang ay tiyak na nakakamatay na irap ang igaganti niya rito.
"Turuan mo ng magandang asal iyan at huwag pahara-harang sa daanan kung ayaw niyang masipa ng kabayo!" mataray na pangangaral ni Arcile sa kanilang tauhan.
"Wala naman siya sa daanan, Arcile. Napogian lang siya sa kaibigan ko kaya mukhang nawala pansamantala sa kaniyang sarili."
Nabaling ang tingin ni Cris sa nagsalita. Maganda rin ang babae at hindi magkalayo ang edad nila. " Ayos na sana e, ginawa pa akong mongoloid!" Kikibot-kibot ang mga labi ni Cris habang kausap ang sarili.
"Tayo na, Renzel," ani Argus sa malagom na tinig. Naroon sila ngayon sa rancho hindi para maglibang lang.
Parte iyon ng pinapatrabaho ni Argus sa kaibigan kaya kailangan niyang isama ito doon. Ito ang gusto ng kaibigan, dito magsisimula ng imbistiga dahil sa lugar na ito huling nakita si Cristine. Hindi na rin niya kinuntra ang hinala nitong hindi maganda sa pamilyang Ventura.
"Ang suplado naman niyon, kilala mo po siya?" tanong ni Cris kay Dany nang wala na sa harap nila ang tatlo kasunod si George. Kumindat pa ang manyak nang mapadaan sa harapan niya.
"Si Sir Argus ay ang dating nobyo ni Senyorita Caroline. Ganoon talaga ang ugali niya kahit noon pa, hindi marunong ngumiti." Paliwanag ni Dany habang nakasunod ang tingin sa nangangabayo.
"Pasensya na po pero hindi ko gusto ang ugali ng nobya niya." Nanunulis ang nguso na ani Cris.
"Ah si Senyorita Arcile? Mabait iyan kaso selosa. Minsan ay palihim niya kaming inaabutan ng pagkain kapag nakikitang kumakain sa kubo.
"Sino naman po ang isa nilang kasama?" tukoy ni Cris sa babaeng sumalo sa kaniya kanina nang sitahin siya ni Arcile.
"Hindi ko rin kilala, Ineng, at ngayon ko lang siya nakita. Pero ayon sa narinig ko kanina ay kaibigan siya ni Sir Argus."
Ngumiti si Cris sa ginoo at sumunod na rito sa paglalakad. " Pasensya na po kayo sa pagiging chismosa ko."
"Alam mo bang may haka-hakang may ipinama si Senyorita Caroline kay Cristine?" Nahawa na rin si Dany sa pagiging chismosa ng kausap.
"Wow, swerte naman po niya!" Eksahiradong naibulalas ni Cris at hindi napansin na napabilis na ang paghakbang at naunahan na sa paglalakas si Dany.
"Kaya baka nawala siya dahil ipinapatay para wala silang kahati."
Napapreno ng hakbang si Cris at nilingon ang ginoo. Sabay pa silang tumingin sa paligid at baka may ibang taong nakarinig sa sinabi nito.
"Bakit niyo po nasabi iyan? Ganoon po ba kagahaman ang namamalakad na rito ngayon?" pabulong niyang tanong sa ginoo. Mukha namam itong natakot at tanging tango ang sagot sa kaniya.
Marami pang ibang impormasyong nakuha si Cris sa ginoo habang namamasyal sa loob ng rancho. Ngunit kailangan niyang umalis sa bahay nila Dany para makaiwas kay George. Huling araw niya roon kaya sinulit na niya. Bigla niyang na miss ang pagsakay sa kabayo lalo na ang makipag karera. Kahit papaano ay hindi na siya sinisita ng mga trabahador dahil kay George. Ilang sandali pa ay iniwan siya ni Dany dahil may gagawin pa ito.
"Huwag kang umalis dito at babalik agad ako." Bilin ni Dany sa dalaga.
Tumango si Cris sa ginoo at kumaway rito. Nang masigurong walang tao sa paligid ay naisip niyang tawagan si Dexter.
"Hiring ngayon sa pabrikang hawak ni Mr. Ventura. Maari kang pumasok doon upang may makuhang iba pang impormasyon." Suhistyon ni Dexter kay Cris.
"Sige po, bukas na bukas din ay mag-a-apply ako roon." Sagot ni Cris habang tinatanaw ang malaking bahay na hindi kalayuan mula sa kinatayuan.
Bigla siya nakaramdam ng lungkot sa hindi malamang dahilan. Para bang may bumabalot na kalungkutan sa bahay na iyon. Mataas ang naturang bahay kaya kahit mataas ang gate ay kita ang kalahati niyon. Napatitig siya sa gate at napatulala roon. Hindi niya alam pero parang may tao siyang hinihintay na lumabas doon.
Inalog ni Cris ang sariling ulo nang mahimasmasan sa kaniyang ginagawa. Pakiramdam niya ay na engkanto siya sa pagkatitig sa malaking bahay. Nakita niyang kumaway si Dany at sumenyas na hintayin niya ito. Pumasok ito sa malaking gate at hinayaan lang nakabukas iyon kaya nakikita niya ang loob. Napahanga siya sa ganda ng harden. Lumipat ang tingin niya sa taong nakatayo sa tabi ng harden. Kahit malayo ay nakilala niya ang likod ng lalaking nakasalubong nila kanina. Kasama nito ang dalawang babae at masayang nag-uusap ang mga ito.