PAREHAS na nakatutok ang tingin ni Endemiom at Belial kay Rana na dala-dala ni Beelzebub pauwi sa bahay nila na pabagsak nitong nilaglag sa sahig na dumadaing sa pagkakasalampak nito sa sahig dahil sa ginawa ni Beelzebub. Hindi inasahan ni Endemion na sa pag-alis ni Beelzebub para bahagyang lumabas gamit ang mga pakpak nito ay sa pagbalik naman nito ay magbibitbit ito ng isang tao sa kanilang bahay, gayong kinamumuhian ni Beelzebub ang species ng tao.
"Pwede mo naman siguro akong ibaba ng hindi binabagsak."bahagyang ang ni Rana na pokerface na ikinababa ng tingin ni Beelzebub sa kaniya.
"Binuhat na nga kita umaangal ka pa, hindi naman mataas nilagpakan mo ah? Pasalamat ka tao, hindi kita nilagpak kanina habang lumilipad ako."Singhal na ani ni Beelzebub na dahan-dahang ikinatayo ni Rana sa pagkakasalampak niya sa sahig.
'Bakit si superman ka ba at lumilipad ka? Superhero ka ba?"inosenteng tanong ni Rana dahil kanina pa siya naguguluhan sa mga sinasabi ni Beelzebub na akala niya ay binibiro lang siya. 
Kanina pa niya naririnig na demonyo ito, na nalipad sila at hindi ito tao. Walang clue si Rana dahil wala siyang makita at boses lang nito ang naririnig nila, akala niya kanina ang lipad na sinasabi ni Beelzebub ay dahil nasakay sila sa isang sasakyan, pero nagtataka siya kung bakit hindi siya binababa ni Beelzebub hanggng ibagsak na siya nito kung saanman sila nagtungo.
"Tanga ka ba? Kanina ko pa sinasabi na demonyo ako, at anong superhero ang sinasabi mo diyan?"Singhal ni Beelzebub na walang imik na ikinalapit ni Endemion sa kaniya at hinila siya palayo kay Rana habang si Belial ay nakatitig lang kay Rana ng tigilan muna siya ni Endemion na hila-hila si Beelzebub.
"Huwag kang hahakbang palapit sa tao na 'yan, huwag ka ding magkakamali na kunin ang kaluluwa niya, naiintindihan mo?"mahinang bilin ni Endemion na akmang aangal si Belial nang magsalita si Beelzebub.
"Subukan mong pag interesan ang kaluluwa ng taong 'yan, ikaw ang una kong susunugin Belial."seryosong banta ni Beelzebub kay Belial na ikinayuko nito habang napatitig si Endemion dito bago niya ito dinala sa may terrace ng bahay nila.
"Saan mo nakita ang taong 'yan at bakit dinala mo siya dito sa bahay? Pinaplano mo bang kunin ang kaluluwa niya, Beelzebub? Wala 'yan sa mission natin kung bakit narito tayo sa lupa ng mga tao."seryosong sita ni Endemion sa kaniya.
"Uulitin ko sayo Endemion, demonyo ako at ang isang gawain ng lahi ko ay ang kumuha ng mga kaluluwa at dalhin sa demon realm. Pero wala akong interest na kainin ang kaluluwa ng taong 'yan, mukhang nadadala ka pa rin ng kung ano ka noon, Endemion."seryosong pahayag ni Beelzebub na bahagyang ikinabuntong hininga ni Endemion.
"Nag-iingat lang ako, Beelzebub, hindi tayo basta-basta pwedeng kumuha ng kaluluwa ng isang tao kung hindi ganun kasama ang kaluluwa niya, masamang kaluluwa ang kinukuha natin na kahit si Hades handang makipag agawan. Sa kaso ng taong dinala mo dito, wala akong nararamdaman na kasamaan sa kaniya."paliwanag na ani ni Endemion na ikinalingon ni Beelzebub kay Rana na nakatayo lang sa kinatatayuan niya at hindi kumikilos sa pwesto nito.
"Alam ko ang bagay na 'yan Endemion, teka lang, sino bang may sabi sayo na kukunin ko ang kaluluwa ng taong 'yan? Tsaka kanina ko pa napapansin na parang hindi ako ang prinsipe mo, nasa mundo man tayo ng mga tao,, ako parin ang kamahalan mo, Endemion."Singhal ni Beelzebub.
"Kung ganun bakit dinala mo sa bahay na 'to ang taong 'yan?"tanong ni Endemion na marahas na ikinabuga ng hangin ni Beelzebub dahil kahit siya ay walang maibigay na rason para sa sarili niya dahil nakita nalang niya ang sariling bitbit si Rana pabalik sa bahay na tutuluyan muna nila habang naghahanap pa sila kay Ahriman.
Dahil isang demonyo si Beelzebub, mabilis lang sa kaniya na pabayaan at itapon kung saan si Rana pero hindi niya 'yun magawa sa hindi niya malaman na dahilan.
"Nakita ko siyang tumatakas sa mga humahabol sa kaniya, sa tingin ko wala ng mapupuntahan ang taong 'yan kaya----"
"---niligtas mo siya?"
"NIlig--Anong niligtas? Bakit ko naman ililigtas ang taong 'yan, kinamumuhian ko nga mga uri niya. Dinala ko siya dito para siya ang gumawa ng mga gawain nang mga tao.. Hindi na ako maglilinis ng tangnang bahay na 'to dahil isa akong prinsipe, Endemion. Isa pa, walang panangin ang taong 'yan, kahit magpalit tayo ng anyo walang malalaman 'yan."saad na depensa ni Beelzebub kay Endemion.
"Pero hayagaan mong sinasabi sa kaniya na demonyo ka, Beelzebub. Hindi ko alam kung sasang-ayon ako sa gusto mong mangyari para lang hindi ka maglinis ng bahay na 'to. Hindi maganda na may tao tayong kasama sa bahay na 'to, si Belial ay baka hindi mapigilan ang sariling kuhanin ang kaluluwa niya kahit pagbawal----"
Hindi natuloy ni Endemion ang sasabihin niya ng sa paglingon niya kay Belial ay nakapagpalit ito sa tunay nitong anyo at nakalapit na kay Rana na akmang tatakbuhin niya ito para ilayo si Belial kay Rana ng matigilan siya at bahagyang magulat ng hawakan ni Rana ang ulunan ni Belial na walang ginawa ang alaga ni Beelzebub kundi ang maupo sa harapan ni Rana habang hinahaplos nito ang ulunan ni Belial.
"Reindeer ka ba? Sungay 'to di 'ba?"tanong ni Rana habang dumadako ang kamay nito sa sungay ni Belial ng sumipol si Beelzebub kaya agad na umalis si Belial sa harapan ni Rana na nagtaka sa pag-alis nito.
"T-teka saan ka pupunta?"
"Sa tingin ko naman Endemion hindi ang kaluluwa ng taong 'yan ang magugutuhan niya."pahayag ni Beelzebub na ikinalakad na nito pabalik kay Rana at naiwan si Endemion na tahimik sa kinatatayuan niya habang kina Beelzebub nakatingin.
"Oy tao, magkalinawan tayo. Unang-una hindi kita niligtas naiintindihan mo? Pangalawa hindi ako mabait, demonyo ako, maswerte ka hindi mo makikita. Pangatlo, dinala kita dito sa panget na bahay namin para maging taga linis at hindi bisita. Kahit bulag ka naman siguro, may silbi ka pa naman. At pang-apat, tantanan mo na ang kakapasalamat mo sa akin dahil tulad ng sinabi ko nang una, hindi kita niligtas."paliwanag na pahayag ni Beelzebub na akmang aalis ng matiglan siya ng hawakan ni Rana ang kanang braso niya na ikinatitig niya dito at hindi niya magawang itaboy ang pagkakahawak nito sa braso niya
"Kahit ayaw mong marinig, sasabihin ko nalang sa huling pagkakataon, Salamat ah, hulog ka ng langit sa ak-----"
"Manahimik ka nga?!"sigaw na putol ni Beelzebub kay Rana na bahagya nitong ikinagulat at ikinatabig na nito sa kamay ni Rana na nakahawak sa kaniya.
"Walang demonyong hulog ng langit, kaya itikom mo na 'yang bibig mo tao, baka magbago pa isip ko ibalik kita sa pinanggalinga mo. Aish! Tangna, kinilabutan ako sa nilalabas ng bibig mo tao, tangna talaga!"angil ni Beelzebub na niyakap ang sariling umalis na sa harapan ni Rana at pumasok sa isang kwarto.
"Mali ba ang sinabi ko?" naguguluhang tanong ni Rana sa kaniyang sarili na buntong hiningang ikinalakad ni Endemion palapit dito.
"Pagpasensyahan mo na si Beelzebub, hindi talaga maganda ang ugali ng isang 'yun. Ako nga pala si Endemion, anong pangalan mo?"
"Rana ang pangalan ko, kasama ka ba niya sa bahay na 'to?"tanong ni Rana kay Endemion.
"Oo, pansamantala kaming naninirahan dito."sagot ni Endemion na dahan-dahang ikinaharap ni Rana sa kinatatayuan niya dahil sa boses nitong sinundan ng pandinig ni Rana.
"Naguguluhan ako sa sinasabi niya, bakit lagi niyang sinasabi na demonyo siya?" usisang tanong ni Rana na ikinalingon nito kay Belial na nagkatawang tao na habang nakatingin kay Rana.
"Dahil totoo ang sinasabi niya, hindi kami mga tao na tulad mo na naninirahan dito. Mga demonyo kami, Rana, at narito kami para sa isang mission bago kami bumalik sa mundo namin. Alam kong hindi kapani-paniwala, pero maraming bagay sa mundo ang hindi maipapaliwanag pero kailangang paniwalaan."saad ni Endemion na hindi ikinaimik ni Rana sa kinatatayuan niya dahil ina-analize pa niya ang sinabi ni Endemion nang mapalingon sila ni Belial sa kwartong pinasukan ni Beelzebub ng malakas itong bumukas at naiinis na lumabas doon si Beelzebub at deretsong bumalik sa tabi ni Rana.
"Bawiin mo ang sinabi mo na hulog ako ng langit nang matahimik ng demonyong isip ko, tao! Tangna, hindi ako galing sa lugar na 'yun at hindi ako mangagaling dun dahil dem---"
"D-demonyo ka? 'Yung may sungay at nananakit ng mga tao?"putol na pahayag ni Rana na biglang ikinawalan ng imik ni Beelzebub habang nakatingin kay Rana na may bahagyang gulat sa mukha nito.