"A Sweet Nightmare"
Kahit nakapikit ang mga mata ko ay may napansin akong naupo sa malambot na kama, kahit na tulog ang kalahati ng diwa ko.
Patay! Baka bukas wala na akong trabaho dahil sa ginagawa kong paghiga sa kama ng amo ko, kaya dagli kong minulat ang aking mga mata.
Nang tuluyang namulat ako, ewan pero parang tulog pa rin ako at nasa mundo ng panaginip ko.
Talagang nasa panaginip ako dahil bumungad sa aking paningin ang asungot na lalaki noong isang araw, ang lalaking mapangahas na sumira ng aking palda at ang lalaking nasukaan ko.
"Oh my! Nanaginip ba talaga ako?" kunot noong napatanong ako sa aking sarili.
Kinurap kurap ko ang aking mga mata upang tukuyin kung panaginip lang ba talaga.
Ayon! Nanatiling nakatitig sa akin ang gwapong mukha nito? Malamlam ang mapupungay nitong mga matang sinuyod ang aking magandang mukha.
Napalunok ako. Bakit ko naman napapanaginipan ang hinayupak na iyon, hindi ito isang panaginip kundi isang napakasamang bangungot.
Kailangan magising ako, baka ito ang papatay sa akin, baka sasakalin ako nitong bigla sa panaginip ko at hindi na ako magigising pa.
"Do you like the bed?" nakangising tanong nito.
Naku! Nagtanong pa ito sa panaginip ko, kasunod niyon ay isang tagis na tingin ang pinukol nito sa akin.
"Wahhhh," bulalas ko, ito na yata ang eksinang akmang sasakalin na ako, kailangan ko na magising, magising sa aking napakasarap ay este napasamang bangungot.
Kaya biglang inangat ko ang aking ulo mula sa pagkakahiga, talagang biglaan at sa ginawa ko ay sapol at nabunggo ko ang noo nito.
"Oh shit-"
"Arayyyy-"
Magkasabay naming bulalas, parehong nanggagalaiti ang aming mga mukha at magkasabay sapo ng noong nasaktan.
"Ay anak ng!" wala sa sariling sabi ko habang hinimas himas ang aking noong nasaktan. "Ibang klaseng panaginip yata iyon ah!"
"Are you nuts?" dinig kong may nagsalita.
"Ayyyyy ahas na makamandag," napasigaw tuloy ako dahil sa gulat sapo ang aking dibdib.
Nakita kong nakatiim bagang ang lalaking nakatingin sa akin na hindi man lang kumukurap.
Napangiwi ako at hindi pa rin ako makapaniwala kaya kinurot ko ang aking bisig upang malaman ko kung gising ba talaga ako.
"Aray!" napakislot ako dahil sa sakit ng bisig ko dahil sa pagkurot ko.
Lintik!Totoo nga nandito nga sa harapan ko ang asungot na lalaki.
Napakagat ako sa aking labi dahil hindi ko talaga magets bakit nandito itong hinayupak na ito.
Mayamaya ay tumikhim ito, napa-igtad ako at biglang napatayo mula sa pagkakaupo sa kama.
"Do you like the bed?" ulit nito sa tanong kanina na nakataas ang kilay.
Lumunok muna ako ng laway bago nagsalita. "Anong bang ginagawa mo dito ha?" walang preno prenong balik ng tanong ko.
At sa tanong ko ay isang nakakalukong tawa ang pinakawalan nito na sumakop sa buong silid.
"Ayyy! Abnormal ba itong lalaking ito? Ehh ngumisi ng walang kadahilanan?" sabi ko sa isip.
"I should be the one asking you that lady or I should say Miss Palengke?" balik nito sa tanong ko.
Nanliit ang aking mga mata dahil sa inis na halos umusok na ang ilong ko, alam talaga ng lalaking itong galitin ako.
"Aba! At minaliit ako, palengke ha, sige maliitin mo pa ako, makikita mo," kikibot kibot ko.
"Eh kita mo naman nakasuot ako ng uniporme, nandito ako upang magtrabaho!" walang pakundangan kong turan.
"Trabaho? Hmmmm I doubt, as I witnessed seems you're not, you are here just to take a nap," wika nitong nagsisimulang humakbang papalapit sa akin.
"Teka sino ka ba ha! Eh siguro nakita mo naman na natapos ko na ang lahat ng kailangan kong gawin, siguro magpahinga ng kunti ay hindi na iyon malaking bagay?" walang patid na sagot ko dito.
Nangingig na hinakbang ko paatras ang aking paa pero sumagi na ang binti ko sa gilid ng kama. Pagkatapos ay isang sikdo na kaba ang nabuhay sa dibdib ko.
"But for me it is really big deal lady," sabi nito na halos pabulong na dahil sa lapit na nito sa kinaroroonan ko. Mga isang dangkal tantiya ko.
Nanginginig ang aking tuhod na parang nawalan na ako ng balanse.
Ano bang lalaking ito at sa tuwing makaharap ko ay natataranta ako, nate-tense kinakabahan na parang hindi na ako makakahinga. Lahat ng pakiramdam ay nararamdaman ko dahil lintik na to!
Sunod sunod na lunok ang aking ginawa dahil sa tensiyon sa pagitan namin. Nakapagdagdag pa sa akin ang masculine scent nito na parang hinihigop ako, nahihipnotismo ako dahil kay banayad ng amoy nito sa ilong ko, kaiga-igaya sa pakiramdam at nakaaddict.
"Wait Menang gumising ka nga, naglalandi iyang utak mo," saway ng isang bahagi ng utak ko.
Muli ay napalunok ako dahil sa kaba. Anong bang plano ng lalaking ito? At sino ba ito?
Nagtagis ako ng tingin at muling nagsalita.
"Ha? At bakit? hindi naman kita kilala ah," sinagot ko pa rin ito kahit halos mahihimatay na ako dahil sa kaba.
Sa narinig nito ay nakita ko ang pagtagis nito ng tingin, pagkatapos ay marahas nitong inilapit sa sarili sa akin na halos magkadikit na ang aming katawan.
"You don't know? It's better for you not to find out, because once you will know me, I am sure you can't dare to talk to me like that," anas nitong wika at pagkatapos ay naramdaman ko nalang ang paghapit nito sa aking beywang papalapit dito.
Nanlaki ang aking mga matang nakatingala at nakatitig sa mukha nito. Muli ay nanigas ako at natameme, gusto kong magsalita pero wala akong maapuhap na sasabihin.
Dama ko ang init ng palad nitong dumapo sa tagiliran ko kahit na may tela pang nakapagitna.
Kinilabutan pa rin ako na parang nakuryente basta iyon na, hindi ko na kanyang ipaliwanag ang aking nadarama.
Halos dama ko ang hininga nitong dumapo sa aking mukha. At kita ko ang paggalaw ng adams apple nito dahil sa sikreto nitong paglunok habang ang mga titig ay nanatili sa mukha ko.
Lihim akong napakagat labi dahil parang nasira ang orasan at hindi gumagana, tumigil ang ikot ng mundo sa sandaling ito.
Hindi ko magawang ikurap ang aking mga mata, parang gusto kong titigan ng maigi ang kabuuan ng gwapong mukha nito.
Hanggang sa naramdaman kong bumaba ang mukha nito, dahan dahang papalapit sa mukha ko.
Ewan ba at kusang pumikit ang aking mga mata, hinintay kong dumapo ang labi nito sa labi ko.
Nang may biglang kumatok at nagbukas ng pintuan sa silid.