Hindi na bumalik ulit si Lara sa kompanya ni Tito Mike. Narinig nya kasi minsan na pinagtsitsismisan na sila ng ibang empleyado. Hindi katanggap-tanggap ang mga ganoong mga paratang. Masyadong malaki ang paggalang nya dito para sya ang maging dahilan ng ikasisira nito sa mga trabahador nito. Pareho silang ayaw nang nagpapaliwanag kaya ng sinabi nyang di na sya babalik, tinanggap naman nito. Sinabi nya rito ang tungkol sa tsismis at natawa lang ito. Sabi pa nga nito, don't mind them. Kung madumi ang utak ng isang tao, nasa kanila na yun.
Ito ang unang araw na nakapasok si Lara sa Generalista Integrated School. Di hamak na mas malawak ito kumpara sa paaralang pinagtapusan nya. Nag-apply din sya sa school nya nung high school pero wala pa din vacancy. Andoon pa rin kasi si Nurse Moira na sa palagay nya ay doon na tatanda. SM ang tawag nila dito, short for Smiley Moira at Sungit Moira. Lagi kasi itong nakangiti pero iba ang bagsik kapag nagagalit. Nung dinalaw nga nya ito ay wala pa din ito tigil sa kakareklamo. Andami naman kasi talagang batang pasaway na tumatambay sa clinic. Sa kabila nun, nakikita naman nya ang kasiyahan nito tuwing may batang nagpapakonsulta. Ramdam nya pa din ang pagmamahal nito sa trabaho. Ito ang isa sa naging inspirasyon nya kung bakit pinili nya ang Nursing para maging kurso nya. Pakiramdam nya may magic touch ang isang nurse kaya mabilis gumaling ang maysakit.
Inilibot nya ang mga mata sa buong school pagkapasok nya ng gate. First day of school kaya expected pa na kasama ng ibang students lalo na sa elementarya ang kani-kanilang mga magulang. Hindi naman nagtagal ay napapangiti na sya dahil sa mga nakikita. May mga batang nagtatakbuhan, yung iba naman ay masayang nagkukwentuhan.
“This is it! I found my place. Pero teka, wag ka muna magsaya, self. Hindi mo pa nga alam kung tanggap ka na sa trabaho eh.” bulong nya sa sarili.
Papunta siya ng HR Department para sa final interview nya. Nakakuha na siya ng online written exams noong nakaraang linggo. Kailangan na nya magtanong at baka maligaw pa sya. Namataan nya ang dalawang lalaking nakaupo sa bench na malapit sa hagdanan. Tamang tama dahil parang nagmamasid lang ang dalawa sa mga dumaraan. Mukhang nasa fourth year high school na ang mga binata dahil sa apat na linya sa kanilang mga kwelyo. Gusto na sana nya mainis dahil hindi naman nagsasalita at nakatitig lang ang lalaking tinatanong nya. Buti na lang at sumagot ang katabi nito at tinuro ang HR Office.
Hindi naman na bago sa kanya ang pagkakatulala ng mga lalaki ‘pag nakakaharap sya. Pansinin naman talaga kasi ang katangkaran at kagandahan nya. Nakakaflatter ang ganoong pakiramdam pero minsan nakakainis din. Kung pwede nga lang na isuot nya ang kadalasang panaklob nya sa mukha ngayon, ginawa na nya sana. Pero syempre, nag-aapply sya ng trabaho. Baka unang kita pa lang sa kanya ng mag-iinterview, ireject na sya, ‘di pede yun. Kailangan nya makapasok ng trabaho. Kapag hindi kasi nangyari yun, mapipilitan sya tanggapin ang alok ng ama na sa hospital na magwork. Kahit andoon ang pinakamamahal niyang Daddy, naroon din ang iniiwasan niyang manliligaw. Noong isang linggo nga e, kailangan pa nya magtago dahil nakita nya si Renz, isa sa mga active suitors nya. Siguradong isasakay na naman sya sa kotse nito at magyayabang. Matotolerate naman nya ang presensya nito, di lang nya kaya ang baho ng hininga ng lalaki. Para sa kanya kasi, ok na yung di kagwapuhan basta may good hygiene naman sana.
“Welcome to our school, Ms. Lara. I am sure you will enjoy your stay here. If mahilig ka sa mga bata, mawiwili ka sa dami ng pupunta sa clinic.” sabi ni Ms. Catacutan. Magkasing edad lang ata sila nito base sa itsura. Madaling makapalagayan ng loob ang babae, malayong malayo sa apelyido nito. “Please attend our Annual General Meeting bukas para pormal ka naming maipakilala.” dugtong pa nito.
“Thank you Ms. Mara, for accepting my application. I am sure mag-eenjoy po talaga ako dito sa GIS.”
Masayang nagbibihis si Lara. Pinili nya ang isang white midi dress kapares ng pulang sandals. Inilugay lang nya ang hanggang bewang na buhok. Pagkatapos ng huling sulyap sa harap ng malaking salamin ay isinukbit na nya ang napili nyang shoulder bag.
Maagang nagising si Ice dahil nagluto pa sya ng almusal. Naglinis na din sya sa kanilang bahay. Tiningnan muna nya ang natutulog na ama. Gumaganda na ang lagay ng pangangatawan nito. Kahit ganoon, priority pa din nya na maibalik ito kay Doc Navarros bago sana ito pumasok ulit sa trabaho. Humalik muna sya dito bago nagmamadaling pumunta sa waiting shed. Hindi pa sya nakakarating doon nang may dumaang traysikel at pinasakay na sya. Sa loob sya ng tricycle sumakay dahil may nakaupo na sa likuran ng driver. Pagkalipas ng ilang minuto ay huminto ito para pasakayin naman ang isa pang pasahero. Napatanga na naman sya dahil ito ang babaeng nakita nya kahapon. Nginitian sya nito bago nagsabi ng direction sa driver.
“Manong, sa G.I.S lang po,” sabi nito.
Hindi lang mukha nito ang kaaya-aya. Ang sarap din pakinggan ng mahinhin nitong boses. Patuloy nya itong pinagmasdan habang nakatingin ito sa dinadaanan.
“Maganda pala talaga sya.”wika nya sa sarili.
Hinahangin ang mabango nitong buhok na tumatama sa kanyang mukha. Pakiramdam nya tuloy ay hinihipnotismo sya palapit dito. Makinis din ang balat nito. Mayaman siguro. Naka-light makeup ito na lalong nagpaganda sa mga mata at labi nito. Ang sarap siguro nitong halikan…
“Ito na po ang bayad para sa aming tatlo.” Nahihiya s’yang nagising sa kanyang imahinasyon ng magsalita muli ang babae. “Tama ba? Ipinagbayad nya ako.”
“Thank you po, Ma’m,” sabi ng estudyanteng nakasabay nila.
Huli na nang marealize nya na kailangan nyang magpasalamat dahil nakalayo na ang babae.
“Para kang tanga, Ice. Ayusin mo nga sarili mo. Wala kang galang!”Kastigo nya sa sarili.
“And now we have here our new school nurse, Ms. Lara Marie Navarros. Can you give us a few words Ma’m?” pagpapakilala sa kanya ng school principal. Tinanguan nya si Mrs. Llamas at inabot ang mikropono.
“Good morning po sa inyong lahat. I am Lara Marie Navarros. You can call me Nurse Lara for short. Nagagalak po ako na maging parte ng GIS staff. It is my pleasure na mapaglingkuran kayo. I do hope and pray that I could be a great help in pursuing the good health of our school and its community. Thank you for this warm welcome.”
“Ice! Ice!” asik sa kanya ni Alex.
Hawak-hawak ni Ice ang isang bungkos ng rosas na kailangan niyang ibigay kay Lara. Tradisyon ng kanilang school ang pagbibigay ng bulaklak kapag may bagong guro o staff. Nagmamadaling inabot ni Ice ang fresh flowers sa bago nilang nurse.
“Thank you. Ano nga palang pangalan mo?” tanong sa kanya ni Lara pagkatapos nitong abutin ang bulaklak.
“Ice po.” Tipid niyang sagot.
“Ok thanks, Ice po.”Sabay ngiti sa kanya ni Lara.
Napapangiting napakamot sa ulo si Ice sa nasabi ng babae. Nalilito pa kasi sya sa mga pangyayari. Ito pala ang bago nilang nurse, ang anak ni Doc Navarros.
“Kaya naman pala pinababantayan ni Doc, e. Hanep pala talaga sa ganda! Para syang modelo na manika o manika na modelo??? O di ba, nalito na rin ako. Hindi pala exaggeration ang sinabi ni Doc. Kaya din siguro nagustuhan sya ni Boss Mike. She is G.O.R.G.E.O.U.S. Perfection!” pag-aanalisa ni Ice kay Lara.
Pagkatapos ng Annual Meeting ay tumuloy na si Lara sa clinic upang mapag-aralan ang sistema roon. Maggagawa na din sya ng mga rules and regulations na ipatutupad nya. Balita nya ay ginagawang tambayan ng mga estudyante ang clinic. Ang sarap naman talaga tumambay doon dahil may aircon at kama na pedeng pahingahan. Nag check na din sya ng mga gamit. Mukha namang kompleto pa ang mga medical supplies. Gumagana din ang mga equipments dun kaya umupo muna sya saglit sa kanyang table. Nagmumuni-muni sya ng biglang may pumasok na guro.
“Hi thereeee!”malakas na bati nito.
“Hiiii!!!” Masigla nyang bati pabalik dito.
“Tanong ka lang ha, kapag mayroon kang gusto malaman. Hindi mo na kasi naabutan yung dating nurse namin dito. Pero wag ka mag-alala, di hamak na mas maganda ka roon,” sabi ni Jorizza. Ayon dito, tatlong taon na itong nagtuturo sa school. Siya ang humahawak sa mga Grade 10 students. Magaan ang loob nya sa babae dahil mukhang malambing at maalalahanin ito. Mayroon na syang magiging bagong kaibigan sa school sa unang araw pa lang nya sa GIS.
“Salamat, Ma’m.”
“Anong Maam ka d’yan, Jossah na lang for short. Maganda na sa pandinig, bagay pa sa aking kagandahan,” biro nito.
“Hahahaha. Sige, Jossah. Sabay na din tayo maglunch maya if you want.”
“Sure. Basta ba masarap ang ulam mo, e.”
Napapangiti na lang si Lara dahil sa tinuran ni Jossah. Kapareho din ata nya itong mahilig sa pagkain.
Sumama ang pakiramdam ni Ice, para s’yang nahihilo na naduduwal. Nagpasama na lang sya kay Alex papuntang clinic.
“Kuuuh! yang mga pakulo mo Ice, ha,” sabi ni Alex.
“Ha? Anong pakulo sinasabi mo d’yan?!,” asik nya.
“Naku mga motibo mo bro. Kabisado na kita. Gusto mo lang makasama si Ms. Lara, e. First time kaya kita makitang di makagalaw at makasalita sa harap ng babae. Crush mo yung bagong nurse natin ‘no?” panunukso ni Alex.
“Pinagsasabi mo d’yan! E, kung bugbugin kaya kita d’yan!” Sabay amba ng mga kamao nya.
“O, kita mo na! Ang lakas mo pa nga. Kaya mo pa mambugbog!” patuloy na pang-aasar nito.
“Bahala ka d’yan! Kung ayaw mo ako samahan, wag mo. Buset ka!” Naiiritang sabi ni Ice.
“Ito naman.. di mabiro. O sya, halika na nga.” Sabay hawak sa mga balikat ni Ice para alalayan ang kaibigan.
Naabutan nila si Lara kasama si Ms. Jossah na nagkukwentuhan sa clinic.
“Yes??? Ice po???” bati nang nakangiti ni Lara.
“Nahihilo po kasi ako na parang naduduwal,” sabi ni Ice
“Hmmm… hindi kayaaa?,” Sabay tingin kay Jossah at Alex.
Nangingiting tumawa si Alex sa inakto ng magandang nurse. Nakuha nya ang ibig sabihin nito. Buti na lang at lalaki si Ice at alam nyang hindi ito mabubuntis. Si Jossah naman ay nangingisi na din.
“Ano pong nakakatawa???” asar na sabi ni Ice. Nagets din naman nya ang joke pero masama talaga kasi ang pakiramdam nya. Wrong timing po joke nyo. Buti na lang maganda ka.
“Ito naman di mabiro, wala yun!” Sabi ni Alex.
“Ehem.. Ku.kumain ka na ba?” Nagseryoso na si Lara nang marealize na masama nga siguro ang pakiramdam ng estudyante.
“Hindi pa nga po, e. Nagmamadali po kasi ako dahil baka malate sa klase.”
“Well, sige. Unang araw pa lang naman natin nagkita. Hindi muna kita papagalitan. Pero sa susunod, makakatikim ka na sakin ng sermon ha. Mahalaga kaya ang breakfast satin. Ito ang skyflakes, kainin mo muna. May tubig din d’yan. Kuha ka lang. Pagkatapos nyan pede na kayo bumalik sa classroom. Ok ba, Ice po, hmm???” mahabang explanation nito.
“Yesss po. Salamat nurse, po!” natatawa na ding sabi ni Ice. Sabi kasi ng babae ‘di raw ito manenermon pero parang ginawa na rin nito ngayon.
Hindi mapigilan ni Ice na palihim na tingnan ang bago nilang nurse habang kumakain sya ng skyflakes. Nakikipagkwentuhan naman ito sa kanilang adviser. Pinabalik na si Alex sa kwarto nila, total naman daw ay kakain lang sya. May maliit na dimples ito sa magkabilang pisngi na lalong nakaattract sa kanya. Maganda din sa pandinig ang mumunting halakhak nito na parang hinehele sya.
“Wala na ba akong ibang sasabihin kundi ang ganda nya? Nagkaboyfriend na kaya sya? Bakit kaya ayaw pa nya magpaligaw? O baka naman kasi nakalaan na kay Boss Mike ang puso nya? Kung ganoon nga, wala na akong chance…WAIT! Patawa ka Ice. Wag mo nang ambisyunin yan. Off-limits yan.” bulong ng isip nya.
“Ice, bilisan mo kumain d’yan. Sabay na tayo bumalik sa classroom,” yakag ni Mam Jossah sa kanya.
“Tapos na po, Mam! Ako na po pala ang bibitbit ng computer bag nyo, baka po mabigat yan, e.” Sabay abot sa mga gamit ng butihing guro.
“Natatangi ka talagang estudyante, Ice Olivarez!” papuri nito kay Ice.
Namangha din si Lara sa sinabi ng binata dahil alam nyang masama pa din ang pakiramdam nito. Kahit ganoon, hindi pa din nawala dito ang pagiging marespeto.