Natapos na ang lunch namin at bumalik na ako sa Classroom mukhang kailangan ko ng magbaon ng marami para mabigyan ko yung bagong student.
Pagpasok ko nakasimangot si Charles na nakatingin sa akin hawak muli nito ang libro na susulatin ko ngayon. Hindi katulad ng dati nakaupo lang siya sa unahan at hindi nagsusulat.
"Saan ka galing?" sabi niya sa akin
"Kumain ako at nag-aral katulad ng dati ano bang klaseng tanong yan Charles at bakit masama ang tingin mo sa akin" sabi ko sa kanya
"Hinintay kita sa pinto kanina nalingat lang ako saglit nawala ka na agad sa paningin ko" sabi niya sa akin na tila nagtatampo. Never naman kaming nagsabay kumain kaya nakakapagtaka ang inaasal niya.
"Hindi ko alam na hinihintay mo ako hindi din naman tayo nagkakasabay na sa lunch. I know madami kang ginagawa kaya sa loob ng SSC office ka na naglunch hindi ba?" sabi ko sa kanya
Mukhang natauhan siya sa inasal niya kaya bumalik na siya sa upuan niya. Nagsimula na naman akong magsulat ng activity para pagdating ni Mr.Manlapaz ay magtuturo na lamang ito.
Nakita ko naman na nakasimangot na pumasok sa Classroom si Chesca.
"Chesca, hinintay kita sa lunch akala ko ay magkakasabay tayo" sabi ng kaklase namin kay chesca agad naman itong hinawi ni Chesca at pumunta na sa upuan niya. Nagulat naman ang iba sa inasal niya marahil ay wala ito sa mood.
Nagulat naman ako ng may humila ng sinusulat ko
"AKALA KO BA HINDI KAYO MAGKAKILALA NI ZEVI BAKIT MAGKASABAY KAYO KUMAIN"
Pagkalingon ko nakita ko si Chesca na galit sa akin.
Nagulat naman ako sa sinabi niya kaya naman imbis na siya ang tingnan ko ay si Charles ang una kong tiningnan. Nakita ko na galit ito dahil nalaman na nagsisinungaling ako sa kanya.
Natigil ang lahat ng dumating si Mr. Manlapaz agad kaming bumalik sa mga ginagawa namin dahil baka magguidance kami kapag nalaman niya ang nangyare.
Tinapos ko na din ang sinusulat ko at agad na nagpaalam para maghugas ng kamay dahil puno ng chalk ang kamay ko.
Habang naglalakad ako sa hallway may biglang lumipad sa aking papel. Eroplanong papel ito at nang maalala ko kung sino ang maaring magbigay nito sa akin agad akong nagpalinga-linga sa paligid ko umaasa na makita ko ang bagong student. At nakita ko siya sa baba ng building kumakaway ito sa akin at nakangiti ito.
Pinulot ko naman ang papel at binasa ang nakasulat na ito
'Please don't let other people control you. You have your own life'
Naalala ko ang usapan namin ni Charles sa Classroom narinig niya kaya ito?
Itinago ko na ang papel sa bulsa ko at tumakbo na pabalik sa room at di na naghugas pa ng kamay.
Nagdidiscuss na si Mr.Manlapaz kaya yumuko ako para hindi na makaabala pa sa kanya.
Nagdiretso ako sa upuan ko at nagulat ako dahil nasa tabi ko si Charles. Nakita ko na may papel sa desk ko.
Binuklat ko ito at binasa ang nakasulat.
'Mag-usap tayo mamaya' ang nakasulat sa papel. Agad ko itong nilukot at di na pinansin pa. Nakita ko naman ang pasimpleng pag-abot niya ng tissue.
"Ang daming puti ng palda mo akala ko ba naghugas ka ng kamay" bulong niya sa akin.
Agad ko naman kinuha ang tissue at pinunasan ang kamay ko at ang palda ko. Kinabahan naman ako dahil baka malaman niya ang nangyare sa labas.
Nakinig na lamang ako sa naging lesson namin. Pinilit ko na lang makinig kahit na kinakabahan ako sa presence ni Charles sa tabi ko. Alam ko na hindi niya magugustuhan kapag nalaman niya na nagsisinungaling ako sa kanya at hindi ko sinusunod ang gusto niya.
Ito na siguro ang klase na hindi ko gugustuhing matapos ngunit nang pumatak ang 4pm agad naman nagbell kaya tumigil na ang teacher namin sa discussion at itutuloy na lamang bukas.
Agad kong kinuha ang bag ko para sana matakasan si Charles ngunit nakalimutan ko atang nasa tabi ko lang si Charles. Hindi agad ito tumayo at nakita ko na seryosong mukha. Kaya naman umupo na lamang ako at hindi na itinuloy ang balak ko na tumakas sa kanya dahil kapag sa bahay pa kami mag-usap malaman nila mama na may pinagtatalunan kami.
Naupo lamang ako at inintay ang lahat na makaalis. Ngunit may isang tao ang nanatili sa classroom kasama namin lumapit ito sa akin.
"I thought hindi kayo magkakilala? Bakit nakita ko na magkasabay kayong kumakain? I saw everything kaya wag mo ng tangkain na itanggi ang lahat. Nauna ko siyang nakilala sayo Denise kaya tigilan mo na si Zevi. He is not interested to you sino ba ang pipiliin sa ating dalawa kita naman na mas lamang ako sayo" sabi sa akin ni Chesca
" King kilala ka niya bakit sa akin siya unang lumapit para turuan siya sa academic?. Alam niyo masyado kayong madumi ang pag-iisip gusto lang namin tulungan ang isa't isa sa pag aaral. Pero kayo masyadong madumi ang isip niyong dalawa nagagalit kayo sa isang bagay na walang katotohanan. Masyado niyong binabaliw ang sarili niyo dahil sa isip niyong madumi. Nagkakilala kami dahil ang mama niya ay may-ari ng isang sikat na accounting firm nakita niya ako sa likod ng school na nagbabasa at nilapitan ako para pag-usapan ang tungkol sa pag-aaral. Hindi niyo ba naisip na masyado pa tayong bata para isipin ang ibang bagay. We just wanted to study that's all nothing else" sabi ko sa kanila.
"Mahirap ba para sayo na layuan ang lalaking yon Denise. You only known him kahapon lang and now sama ka na ng sama sa kanya. Never trust anyone na kakakilala mo lang" sabi ni Charles sa akin
"Why would not I hindi siya masamang tao katulad ng inaakala mo Charles nasasabi mo lamang yan dahil hindi mo pa siya nakakasama. Naiintindihan ko na nag-aalala ka sa akin pero matanda na ako Charles alam ko na ang lahat ngayon" sabi ko sa kanya.
"Wag mo lang pagsisisihan ang lahat sa huli Denise binalaan na kita at hindi ko na uulitin ang lahat sayo. Pag-isipan mo ang lahat Denise kung malawak na ang kaisipan mo sa lahat dapat matutunan mong kumilala ng taong makakasalamuha mo" sabi niya sa akin at kinuha na ang gamit niya nasa tabi ko naman si Chesca.
" Binabalaan din kita Denise tigilan mo na ang paglapit kay Zevi una siyang naging akin kaya hindi ako papayag na hatian mo ako ng atensyon sa kanya. Never compare yourself to me dahil una palang talo ka na hinding hindi ka magiging katulad ko" sabi niya sa akin at umalis na sa harapan ko.
Napaupo naman ako dahil ngayon ko lamang naranasan ang makatanggap ng masasakit na salita ang isa ay galing pa sa tinuturing kung kaibigan at kapatid.
I never know na ngayon lang ako magkakaroon ng kaibigan pero marami na ang tutol. Hindi ko alam kung paano siya nakilala ni Chesca at hindi ko alam kung bakit may laman ang sinasabi ni Charles na para bang matagal niya ng kilala si Zevi.
Kailangan ko bang sundin ang gusto nilang dalawa para sa ikabubuti ng lahat. Naaalala ko naman ang eroplanong papel na galing kay Zevi. Hindi ko alam pero parang may nag uudyok sa akin na sundin si Zevi dahil tama ito ng mga sinabi. Should I let Charles control me or should I follow whatever I want.
Hindi ko alam pero napapaenglish na ata ako ngayon. Mukhang maganda na madalas mangyare ito para matutunan ko ang English.