"Saan tayo pupunta?" tanong ko kay Marco habang nag-da-drive siya.
Wala akong ideya kung saan na kami pupunta pagkatapos naming tumakas sa reception.
Hindi ko alam na napagplanohan na niya pala ang kasal namin. Unexpected ang ganda ng pagkaka-design ng buong simbahan. Hindi ko nga lang nakita ang design ng reception.
"At my resort," sagot lang nito at direktang nakatingin sa daan.
Lumiwanang ang mukha ko sa sagot niya. "Talaga?"
"Mm."
Tipid namang sumagot ng lalaking ito. Akala mo naman talaga ikakayaman ko ang mga salita niya para hindi niya ako sagutin ng maayos.
"Alam mo ba, wala kang kwentang kausap," inis kong sabi.
Seryosong binaling niya sa akin ang paningin habang nagmamaneho. "Yes, I know."
"Nakakapikon ka," singhal ko.
"Bakit, sinabi ko bang mapikon ka?" pambabara niya.
"Argh!"
Binalot ng tawa ang buong kotse na ikinatigil ko. Hindi ako makapaniwalang tumawa si Marco. Kahit masayang ngiting abot sa mga mata nga nito ay hindi ko nakita tapos ngayon ang pagtawa niya ang nakita ko.
Tumigil ito nang makitang nakatingin ako sa kaniya. Tinaasan ko lang siya ng na sinagot niya naman ng irap. Ang arte!
"Marco," tawag ko nang makaramdam ng boredom.
"Hm?"
"Bakit mo naisipang mag-hire ng babaeng papakasalan mo?" seryosong tanong ko.
He shrugged. "May mana akong kailangang makuha pero makukuha ko lang iyon kapag kasal na ako."
"So, hindi na liban sa pagkakaalam ng mama mo na magpapakasal lang tayo dahil sa pera?" pangungusisa ko.
"Nope. She doesn't know," tanong niya.
Nangunot ang noo ko. "Eh, paano? I mean syempre sila rin ang nagpapatakbo sa kompanya ninyo, hindi ba?"
"Yup, but I am the one who only knew about this," direktang sagot niya. "Are you hungry? We can drive thru."
"Sige. Pwede bang sa jollibee na lang?" paki-usap ko.
Mas gusto talaga ng pansala ko ang jollibee kesa sa ibang mga fastfoods. Parang nag-ke-crave rin ako sa chicken, spag, at burger nila eh.
"What do you want to have?" tanong niya.
"Burger, spag, at chicken."
Itinuon ko ang paningin sa labas. Pahapon na at malapit na ring magdilim. Puros mga sasakyan, puno, at gusali ang mga nakikita ko. Kitang kita ang polusyon dito sa buong paligid.
Sabik akong makita ang kagandahan ng kapaligiran sa beach resort na sinasabi ni Marco na pupuntahan namin. Excited ako sa lahat ng mga activities na mararanasan ko kasama siya kahit sa maliit na pagkakataon lang dahil baka isa sa mga araw na ito o buwan ay tapos na ang kontratang mayroon kaming dalawa.
"Via, wake up. We're here at the resort already," sabi ni Marco habang marahan akong tinatapik sa balikat. "Wake up, Sleepyhead."
Nang maidilat ko ang aking mga mata ay bumungad ang kaniyang mukhang nakatingin sa akin. Nginitian ko siya at nag-inat-inat ng katawan. Pinagmasdan ko ang paligid, puro puno ng niyog at magagandang mga bahay ang aking nakita.
"Nasaan na tayo?" galak kong tanong.
"At the resort. Hindi na kita ginising kanina dahil ang sarap ng tulog mo," paliwanag niya.
Malapad ko siyang nginitian nang maramdamang kumalam ang aking sikmura.
"Uhm, Marco, nakabili ka ba ng pagkain?" awkward kong tanong.
Inangat niya ang supot na may logo ng jollibee at nilahad sa akin. "Yup. Eat that in your villa we need to get out of the car to take a rest."
"Ah, okay, sige."
Kinuha ko ang supot ng jollibee sa kamay niya at naunan nang lumabas. Tinulungan ko siyang ibaba ang mga gamit namin mula sa kotse niya. Pumunta kami sa parang kung saan mag-che-check in dahil ayon sa sinabi ni Marco, roon daw namin kukunin ang susi.
"Sir, sabi po ni Ma'am Cassie at Sir Mark iisang villa lang naman daw po ang kukuhanin niyo kaya isa lang po ang ni-reserve namin," mahinang saad ng babaeng nakaharap sa laptop.
"What? Why?" nag-pa-panic nitong sunod-sunod na tanong sa babae. "Paalisin niyo ang isa sa mga naka-check in."
Dumaan ang kaba at takot sa mukha ng babae. "Pero, Sir, hindi po pwede. Ito na po ang naka-reserve, Sir, bantay sarado po ito ng mama at papa ninyo."
"Fvck, fine!" singhal niya. "Give me the villa's key!"
Nangangatog na ibinigay ng babae ang susi. Mabilis na naglakad si Marco at sinundan ko lang siya dahil hindi ko naman alam kung saan ang villa namin.
Pero, teka. Isa na lang ang natitirang villa, ibig sabihin magkasama kami sa iisang kwarto! Baka kung ano ang gawin niya sa akin. Baka pagsamantalahan niya ako!
"Aven!" gigil na sigaw nito.
Nawala ang pagkatulala ko dahil sa malakas na sigaw niyang 'yon.
"Bakit ba?" tanong ko dahil mabilis ang tibok ng aking puso dahil sa pagkagulat.
"What the fvck are you staring at?" pikon niyang tanong. "Ano ba! Pumasok ka na. I'm so tired I need to rest!"
"Oo na. Huwag kang atat, pwede?" bulyaw ko rin sa kaniya.
"Tsk!"
Patakbong pumunta ako sa direksyon niyang nakatayo sa isang parang bahay na maganda. Ito yata ang sinasabi nila kaninang villa.
Namangha ako nang makita ang lawak sa loob. Parang antique ang style sa loob dahil ang mga kagamitan nito ay mga rattan at kahoy. Kulay brown ang tema ng buong kwarto, napaka-ganda.
"Saan ako matutulog?" tanong ko.
"Anywhere you want," sagot niya.
Iginala ko ang aking paningin sa paligid. Isang kama lang ang mayroon at wala pang ibang kutson.
"Pwede ba ako rito sa kama?"
"No. Where do you expect me to sleep if you'll occupy the bed?" masungit niyang tanong.
Inirapan ko siya. "Tapos sasagutin mo ako na matulog ako kahit saan? Ayos ka, ah. Lakas ng prinsipyo mo."
"Just keep your mouth shut, 'kay? I want to sleep," singhal niya. "Eat your food and do whatever you want."
"K."
Tinalikuran ko siya saka dumiretso sa gamit ko. Isa-isa ko itong inilagay sa aparador na narito. Inayos ko muna ang mga gamit ko bago dumiretso sa mesa upang ihanda ang pagkaing binili ni Marco. Ang dami ng binili niya kaya kumuha lang ako ng mauubos ko saka kumain. Nang makatapos ay iniwan kong maayos na nakahain ang pagkain para kapag nagising si Marco ay kakain na lang siya.
Naisip kong lumabas dahil wala naman akong gagawin dito sa loob. Wala naman akong cellphone na pwedeng laruin kaya naisipan kong panoorin na lang ang dagat. Pumwesto ako sa tabing dagat sa ilalim ng puno.
Ang ganda ng paligid. Kahit saan ako lumingon puro kulay blue, green, at brown. Ang sarap sa paningin ng paligid. Nakaka-relax malayong malayo sa syudad na puro usok ang malalanghap.
Bumalik ako sa loob nang makaramdam ng antok. Pagkapasok ko, nakita ko si Marco na ang sarap-sarap ng tulog sa kama kaya hindi ko na ginising pa. Naglatag na lang ako ng kumot sa sahig at kinuha ang ibang mga extra na unan sa cabinet saka roon humiga.
Hindi na ako makapaghintay na makapaglaro ng iba't-ibang klase ng water games bukas o hindi naman kaya ay mamaya.
"Marco, kumain ka na ba?" tanong ko nang makita siyang naka-upo sa harap ng mesa.
Gabi na ngayon at hindi pa ako nakapaghapunan. Hindi ko naman alam kung saan ako kakain dahil wala akong alam sa mga ganito.
"Not yet. I'm waiting for you," sagot niya.
Nagulat naman ako dahil sa isinagot niya. "Ano? Bakit?"
"Stupid. Alam mo ba kung saan pwedeng kumuha ng pagkain kung hindi kita hinintay?" masungit na tanong niya.
"Sabi ko nga." Inayos ko ang mga ginamit kong kumot at unan. "Halikana nagugutom na ako, eh."
Sinara niya ang laptop niya at naunang lumabas. Wala akong ibang nagawa kung hindi ang sundan na lang siya.
Ang dilim dito mula sa villa namin patungo sa parang kainan o hotel ba. Tanging ang maliwanag lang ay ang parang mga anohan ng receptionist.
Habang naglalakad ako, ramdam na ramdam ko ang pagyakap sa akin ng malamig na simoy ng hangin mula sa karagatan. Rinig na rinig ko rin ang mga alon na kalmadong humahampas sa dalampasigan.
"Anong iniisip mo?" tanong ko kay Marco.
Nang makatapos kami sa pagkain, napagdesisyonan naming tumambay muna rito sa dalampasigan. Ang sabi kasi ni Marco ay wala naman kaming gagawin sa villa kaya pumarito muna kami at i-enjoy ang tanawin na hindi ko na tinanggihan dahil masarap talagang makapanood ng mga ganitong tanawin.
Kanina habang kumakain kami, halos hindi lahat pamilyar sa akin ang mga pagkaing hinihain. Wala ni-isa kanina ang hindi ko tinikman dahil lahat ay iba sa aking paningin pati na rin sa panlasa.
"My plans. When can I get my inherits after I got married to you," sagot niya.
Tumango-tango ako. "Wala ka pa bang nagugustuhang babae?"
"Babae?" balik na tanong niya. Malalim na buntong hininga ang pinakawalan niya. "I have. I have one before."
Kunot noong tiningnan ko siya. "Bakit anong nangyari?"
Titig na titig akong umaabang sa sagot niya. Lumingon siya sa akin ngunit mayroong masamang tingin.
"Marites ka ba?" masungit na tanong niya.
"Nagtatanong lang, eh," asik ko.
"Its getting cold let's go," yaya niya.
Tumayo siya at pinagpagan ang pwet saka naunang maglakad. Sumunod na rin ako sa kaniya.
Ang saya na sana sa ganitong klaseng view kaso kung demonyo ba naman ang kasama mo hindi ka talaga mag-e-enjoy.
"Marco, gumawa naman tayo ng mga sea activities bukas," paki-usap ko.
Tinaasan niya ako ng kilay. "I'm busy."
Nag-init ang ulo ko. Pumunta pa kami rito kung busy lang din naman siya. Kainis 'tong lalaking 'to.
"Edi, okay." Nilampasan ko siya at inilatag na ang kumot at unan sa sahig.
"What are you doing?" taas kilay niyang tanong.
"Matutulog, halata ba?" pamimilosopo ko.
Sumalubong na naman ang kilay nito. Inayos niya ang higaan niya saka maginhawang humiga roon.
Hindi man lang ako inalok!
Panay ang galaw ko dahil hindi ako makatulog. Nakakatakot ang dilim ng ilalim ng kama ni Marco. Baka mamaya bigla na lang akong hilahin ng multo at dalhin kung saan.
"Gising kapa ba, Marco?" tanong ko. Walang sumagot kaya tumayo ako upang silipin siya. "Alam kong hindi ka pa natutulog."
"Alam mo naman pala nagtanong kapa," pamimilosopo niya.
"Hindi ako makatulog. Baka mamaya may multo rito sa ilalim ng kama mo at bigla na lang akong hilahin," sabi ko.
"Oh, ano ngayon?" sarkastikong tanong niya.
Kahit kailan talaga!
"Pwede bang sa kama mo na lang ako matulog?" Tumayo ako.
"Fine."
Umusog siya at binigyan ako ng space. Nilagyan ko ng unan ang gitna namin ngunit wala lang siyang pakialam.
"Marco, ano pala ang rules sa kontrata natin?" biglang tanong ko.
Hindi talaga ako makaramdam ng antok kaya maaring magpa-antok na lang ako sa pamamagitan ng pagtanong sa kaniya.
"What do you mean rules?"
"Iyong parang, pwede ba akong lumabas at maghanap ng trabaho," pagpapaliwanag ko.
Dumilat ito at pinasadahan ako ng tingin. "Ano ba ang mga gusto mong gawin? Mas magandang itanong mo na lang sa akin para kung hindi pwede ay masabihan kita."
"Pwede ba akong makipag-date o magjowa ng lalaki?" direktahang tanong ko.
"No!" galit niya sagot. Gulat na gulat ko siyang tiningnan dahil hindi ko inaasahang parang galit siya nang sinabi iyon. "I mean, of course no. Ano na lang ang sasabihin ng ibang business man kapag nakita nila ang asawa kong may kasamang ibang lalaki?"
"Sabagay."
Humikab ako nang makaramdam ng antok. Tumalikod ako sa kaniya at niyakap ang unan. Ipinikit ko ang aking mga mata at nagpahila na sa antok.
"Since the day you agreed with the contract I gave you, you're entirnaly mine."