Kabanata 7.
  Mula ‘non, hindi na ako kinausap pa ni Shivan. Wala na rin akong balak na kausapin pa siya. Na-realize kong tama si Jamila dahil sa ginawa niyang pag-layo sa akin.
  "Ihahatid na kita sa inyo, Mad." Alok ni Harvey sa akin pagkatapos ay tuluyang sumabay sa paglalakad ko kahit na hindi ko pa naman binibigyan ng pahintulot.
  "Sige," walang ganang sagot ko.
  Simula noong natapos iyong sa amin ni Shivan, nawalan na ako ng gana. Hindi ko alam kung bakit. Kung bakit nanlumo ako nang malaman kong hindi naman pala talaga niya ako gusto. Naisip ko na nga na baka dahil nagkagusto na ako sa kaniya... pero sa ngayon, kung gusto ko man siya, wala na akong magagawa.
  "Ako na ang magdadala ng bag mo," aniya at hinawakan ang bag ko na nakasukbit sa aking likuran.
  "Hindi na, hindi naman ako baldado,” sagot ko.
  Hinayaan niya lang ako sa gusto ko. Nagkibit balikat siya at saka dumiretso na sa paglalakad, sumasabay sa akin.
  "Madeline." Tawag niya sa akin bigla.
  "Hmm?" Nilingon ko siya saglit pagkatapos ay nagpatuloy sa paglalakad.
  "Paano mo nakilala si Shivan?" Tanong niya.
  Natigilan ako sa itinanong niya. Ayoko na nga sanang marinig ang pangalan ng lalaking iyon pero kung hindi ko sasagutin ang tanong niya baka naman maghinala siya.
  "Kainuman siya nila Mikaela," tanging sagot ko.
  "Sumasama ka pa rin kila Mikaela kapag nag iinuman sila?" Nagtatakang tanong niya.
  "Oo, pero hindi naman ako umiinom." Nagkibit balikat ako at ibinalik ang tingin sa daan. Dumiretso na akong muli sa paglalakad at hindi na pinansin  pa ang mga sumunod na tanong niya.
  Hinayaan ko siyang magsalita nang magsalita. Magkwento ng kung anu-ano kahit na hindi naman ako nakikinig at alam kong alam niya iyon. Oo at hindi lang naman ang sagot ko pero panay pa rin ang kwento niya.
  Mayamaya, nahinto ang pagkukwento ni Harvey nang tumunog ang cellphone kong nasa aking bulsa. At nang tingnan ko iyon, bigla kong naalala iyong habilin ni Jamila.
  "Jamila! Sorry nakalimutan ko. Kayo na lang muna. Promise sa susunod sasama na talaga ako."
  Mabilis na inilayo ko ang tenga ko sa cellphone ko nang sumigaw si Jamila sa kabilang linya.
  "Anong sa susunod na lang? Jompalin kaya kita riyan! Bilisan mo na at pumunta ka na rito!" Sigaw niya.
  "Pero may kasama kasi ako, ngayon.” Sagot ko pagkatapos ay nilingon si Harvey.
  Umangat ang kilay ni Harvey at saka bumuka ang bibig, nagsalita ngunit walang lumabas na tinig. “Sino ‘yan?”
  “Si Jamila.” Sagot ko tapos ay ibinalik na ng maayos ang cellphone ko sa tenga.
  "Sino ba 'yang kasama mo? Isama mo na lang! Nandito na kami kila Harold papunta na rin kami sa apartment kaya bilisan mo na. Nandoon na sina Shivan at Cash!"
  "Oh sige, hintayin niyo ako roon." Mabilis na sagot ko saka pinatay ang tawag.
  "Saan ka pupunta?" Tanong ni Harvey.
  "Pinapapunta ako sa tambayan. Gusto mo bang sumama? Kaso nandon si Shivan." Tanong ko.
  Kinagat n'ya ang pang ibabang labi n'ya bago ako sagutin.
  "Anong gagawin natin don?"
  "Makikipag inuman."
  Nanlaki ang mga mata n'ya sa isinagot ko.
  "What?" May halong inis sa tanong n'ya.
  "Kaya kita isasama don para may magbabantay sa akin. Sure naman ako na mapagkakatiwalaan ka 'di ba?" Tanong ko.
  Gusto kong matawa sa itsura nya. Halatang nagdadalawang isip sya. Bumuntong hininga sya bago sumagot.
  "Of course! Pero 'di ba kanina kasasabi ko lang na wag kang gagaya sa kanila?"
  Sumimangot ako sa tinanong n'ya.
  "Hindi naman ako gagaya sa kanila, eh. Sabi ni Jamila, isang beses lang naman daw. Para ma-experience daw nilang makainuman ako."
  Bumuntong hininga syang muli bago tumango.
  "Ok, sige."
-
  Nagtaka ako kung bakit parang ang tahimik sa loob ng apartment. Usually kasi, maingay sila dahil sa pagvi-videoke o kaya ay malakas na tawanan ang maririnig sa loob.
  Nakailang katok na ako pero wala pa ring nagbubukas.
  "Parang wala naman yatang tao." Sabi ni Harvey tsaka sumilip doon sa bintana.
  Nakapagtataka dahil sarado din ang bintana. Baka naman wala ngang tao.
  "Baka may ginagawa lang. Isang katok na lang, kapag wala pa rin uwi na tayo."
  Tumango s'ya kaya kumatok akong muli, at sa wakas ay pinagbuksan ako ni Cash.
  Namumungay ang mga mata n'ya at ngiting ngiti. Namuo ang galit sa aking sistema, nagkaroon ako ng ideya kung bakit matagal bago binuksan.
  "Woah! Bakit nandito si Harvey?" Tanong n'yang nakangiti pa rin.
  Hindi ko s'ya sinagot, madali kong itinulak ang pinto at pumasok. Pagkapasok ko sa loob ay sinalubong ako ng usok. Amoy na amoy ang marijuanang hinithit nila.
  "Gago kayo! Nasaan sila Jamila? Bakit pumayag syang mag pot session kayo dito?!" Inis na tanong ko sa kanila.
  Si Shivan ay naabutan kong nakaupo sa sofa katabi ang dalawang babaeng mga estudyante rin yata.
  "Wala, lumabas sila! Namiss namin magganito pasensya na babe." Si Shivan ang sumagot, nakangiti rin sya na parang baliw.
  Napapikit ako ng mariin. Kapag nalaman ito ni Jamila, yari silang dalawa. Mga gago talaga.
  "Alis nalang kaya tayo, Mad." Bulong ni Harvey sa akin tsaka hinawakan ang aking balikat.
  "Hindi, isusumbong ko 'tong mga ito kay Jamila."
  Biglang lumingon sa amin si Shivan. "Hoy! Bakit nandito ka?" Tanong n'ya kay Harvey.
  "Kasama ko siya! Pakielam mo?" Ako ang sumagot.
  "Pinagpalit mo ako sa pangit na 'yan?" Tumatawang tanong ni Shivan sa akin.
  Hindi ko s'ya sinagot, sa halip ay hinila ko si Harvey sa isa sa mga upuan na naroon at pinaupo ko s'ya.
  Kinuha ko ang cellphone ko mula sa bulsa ko at tinawagan ko si Jamila.
  "Hello, nasaan na kayo?"
  "Nandito kami sa bahay nila Harold, sinundo namin sya. S'ya may dala ng alak. Nandyan na ba kayo?"
  Mukhang walang alam si Jamila sa kalokohang ginawa ng dalawang lalaki rito.
  "Oo, alam mo ba kung anong ginawa ng mga iniwanan mo rito?"
  "Ano?"
  "Nag pot session sila!"
  "Bullshit, pabalik na kami! Mga gago talaga 'yan, eh."
  Pinatay ni Jamila ang tawag. Problemadong tiningnan ko si Shivan na ngayon ay nakikipaghalikan na sa babaeng katabi n'ya. Si Cash naman, parang tangang nakangiti habang nakatingin sa amin.
  "Sinong nagpasimuno nito?" Tanong ko kay Cash.
  "Ah, nagdala lang itong girls ng isang sachet. Pinaghatian namin." Sagot n'ya.
  "Sa susunod 'wag na kayo magdala ng babae! Mapapahamak tayong lahat niyan, eh!" Inis na sigaw ko.
  Hinawakan ni Harvey ang balikat ko, tsaka bumulong. "Mad, huminahon ka."
  Tumayo ako at hinawakan ang kamay ni Harvey tsaka hinila sya patayo.
  "Halika, Harvey hintayin natin sila Jamila sa labas. Naiirita ako pag nakikita ko 'tong dalawa."
  Sumang-ayon s'ya sa akin at tuluyan na kaming naglakad palabas. Hinintay namin sila Jamila. Saglit lang din ay dumating na si Jamila, Mikaela, Roxy at Harold. Bakas ang galit sa mukha ni Jamila.
  Tinapik n'ya lang ang balikat ko at mabilis na pumasok sa apartment.
  "Anong nangyari?" Tanong ni Harold.
  "Nag pot session sila Cash sa loob." Bulong ko.
  Narinig ko pa ang mahinang mura ni Harold bago kami tuluyang pumasok sa loob.
  "Aray!" Daing ni Shivan at Cash ng makalapit si Jamila sa kanila. Mukhang nakatikim agad.
  "Palayasin n'yo yang mga babae niyo!" Inis na sigaw ni Jamila.
  "Bakit? Di pa nga ako nakakascore!" Pagrereklamo ni Cash.
  Galit na hinila ni Jamila iyong dalawang babae. Mga matatamlay iyong mga babae na tawa pa riin nang tawa. High na high sila dahil sa mari juanang hinithit nila. Kinaladkad n'ya palabas iyong mga babae.
  "Pakihatid, Harold." Utos ni Jamila.
  Tumango lang si Harold at sumunod na roon sa dalawang babae.
  "Kayong dalawa, alam nyo namang may kapitbahay akong pulis 'di ba? Paano kung naamoy nila 'yang kagaguhan ninyo? Hinahayaan na nga tayong mag inom. Paano pag nalaman pang nag gaganyan kayo? I-rerehab tayong lahat." Sermon ni Jamila.
  "Di na po mauulit." Sabay na sagot ng dalawa. Mga nakangiti pa rin.
  "Sorry Harvey, Madeline, huh? Iniwan ko lang sila saglit ganyan na sila. By the way, tara magsimula na tayo."
  Nasa dulo sila Cash at Shivan. Parehong natutulog. Pinarusahan kasi sila ni Jamila at hindi raw sila pwedeng uminom dahil nakachongke na raw. Kaya ayan, nagsitulog na lang.
  "Nanliligaw ka na ba sa bunso namin?" Tanong ni Mikaela kay Harvey habang nag iinuman.
Dalawang tagay pa nga lang ang naiinom ko medyo nalalasing na ako eh.
  "Kaibigan lang muna, sa susunod liligawan ko na," masayang sagot ni Harvey.
  Nagtilian sina Roxy at Mikaela. Si Jamila ay seryosong nakatingin sa amin ni Harvey.
  "Seryoso ka ba kay Madeline?" Tanong ni Jamila.
  "Oo, tsaka pangako ko sa sarili ko. Kapag sinagot ako ni Mad, titino na talaga ako. Hindi na ako makikipag inuman o makikipagbasag ulo."
  Hindi ako makasagot. Kung sakali man, ayos lang sa akin na ligawan ako ni Harvey. Mabait naman sya eh, tsaka mas matino sya kumapara kay... nevermind.
  Nang dumating si Harold galing sa labas, naramdaman kong naiihi na ako kaya nag paalam akong mag banyo.
  Tumango lang si Jamila nang magpaalam ako dahil abala sila masyado sa pagtatanong kay Harvey. Nagsisitilian pa nga dahil sa wakas may manliligaw na raw ng tapat sa akin.
  Inaayos ko na ang palda ko ng marinig ko ang pagbukas ng pinto. Akala ko isa lang sa mga kaibigan kong babae, pero nang bumukas ang pinto ay halos mapamura ako nang makita ko si Shivan na may namumungay na mga mata. Mukhang nagkamali yata ng pinasukan.
  "Shivan, sa kabila ang banyo ng mga lalaki-"
  Natigil ako sa pagsasalita nang isara n'ya ang pinto at i-lock. Pagkatapos ay mataman n'ya akong tinitigan.
  Napaatras ako ng bahagya. Wala na iyong ngiti n'ya kanina, ngayon ay seryoso ang mukha niya.
  "Shivan, anong..."
  Nanlilisik na mga mata ang ipinukol niya sa akin. Gamit ang isang kamay ay nahuli niya ang braso ko.
  "Babe..." Bulong niya tama lang para marinig ko.
  Humigpit ang hawak niya sa aking braso. Sunod sunod na kumalabog ang puso ko sa kaba. Natatakot sa maaari niyang gawin gayong alam kong epekto pa rin ito ng drogang hinithit niya.
  Sisigaw na sana ako pero mabilis niya akong hinila palapit sa kanya at mabilis niyang sinakop ang labi ko gamit ang marahas na labi niya.
  "Uhmp!" Hindi ko alam kung paano pa makakasigaw sa paraan ng halik n'ya.
  Nawala ang pagkakalasing ko at ang tanging nasa isip ko na lang ay ang makawala sa kanya. Inaatake n'ya ako ng mararahas na halik. Hanggang sa bumaba na ang isang kamay n'ya sa aking palda at itinaas iyon para mahawakan ang aking hita.
  Unti unting namumuo ang luha sa aking mga mata. Hindi ko inakala na magagawa sa akin ito ni Shivan. Pinulupot n'ya ang isa pa niyang braso sa aking beywang. Doon na tumulo ang luha sa aking mga mata.
  Nagsimula nang maglakbay ang kanyang kamay paangat hanggang sa mahawakan n'ya ang akin habang marahas n'ya par rin akong hinahalikan.
  Kumawala ang hikbi sa aking labi. Hindi ko na maiwasan...
  Natigil siya sa paghalik at mabilis na pinaglayo ang mga labi naming dalawa. Mabilis na tumulo ang mga luha ko. Tuloy tuloy, walang patid.
  Nanlaki ang mga mata n'ya at tila natauhan sa ginawa n'ya. Agad niyang inalis ang kamay niyang nakahawak sa aking pagkababae. Umawang ang bibig n'ya habang tinitingnan ako. Sa sobrang kaba at panlalambot ko, napaupo ako sa sahig. Nanghina ako sa ginawa n'ya.
  Pinigilan kong huwag lakasan ang paghikbi. Kung kanina, gusto kong magsumigaw. Ngayon narealize kong masisira ang pagkakaibigan nila kapag nag eskandalo ako.
  "Oh, shit." Rinig kong mura n'ya at mabilis akong dinaluhan.
  Mabilis kong iniwas ang braso ko sa kanya nang akma niyang hahawakan.
  "I'm sorry..." Bulong n'ya.
  Umiling iling ako at tumayo para lumabas sa banyo. Mabuti na lang at hindi n'ya ako sinundan. Pagkalabas ay pinunasan ko ang mga luha ko tsaka bumalik sa sala.
  Hinawakan ko ang balikat ni Harvey. Gusto ko nang umuwi...
  "Bakit?" Tanong n'ya.
  "Uwi na tayo."
  "Huh? Bakit uuwi na kaagad kayo?" Tanong ni Jamila.
 
  Mukhang hindi nila napansin na sumunod sa akin si Shivan sa banyo.
  "Ah, sumama pakiramdam ko..."
  Tumango si Jamila. "Oh, sige. Mas maganda rin kung umuwi kayo ng maaga para maayos pa kayong makauwi. Ingat, bantayan mo bunso namin."