Cell's ᴘ.ᴏ.ᴠ
"Sperrrrmmm!" sigaw ko mula sa malayo nang matanaw ko siya sa bench na nagbabasa ng libro.
Hindi niya ako binalingan ng tingin at seryoso pa rin sa pagbabasa ng libro kaya tinakbo ko 'yong pagitan namin 'tsaka ako umupo sa tabi niya.
Hawak-hawak ko ang lunch box ko at binuksan ko 'yon at inilabas ang dalawang sandwich saka dalawang chuckie.
Inabot ko sa kaniya 'yong sandwich at 'yong chuckie pero hindi niya 'yon tinanggap. Hindi pa rin niya ako tinitingnan o pinapansin.
"Dinalhan din kita nito, ako ang gumawa ng sandwich at mas--"
"Kumain na ko."
"Sayang naman kung hindi mo kakainin ito. Ang sabi ni Mama masama raw nagsasayang ng pagkain."
"Edi kainin mo lahat," masungit niyang sabi.
Napakamot ako sa noo ko at nag-umpisa na lang kumain. Kung ayaw niyang kainin 'to edi ako kakain. Arte-arte, siya na nga binibigyan ng food e.
Hindi man lang niya ako tiningnan kahit sandali dahil nakatutok pa rin 'yong tingin niya sa hawak niyang libro.
Grade two pa lang kami ni Sperm pero kung makaasta siya akala mo nasa high level na, pero aaminin kong matalino talaga si Rem dahil siya ang laging sumasagot sa tanong ni teacher.
G'wapo sana si Rem kaso ang sungit. Sabi niya noong una naming kita magiging magkaibigan kami? Pero 'di naman pala totoo 'yon.
Tumingin ako sa paligid at nakita kong nakatingin na naman sa akin si Zeus, kumindat pa siya sa akin nang magtama ang paningin namin. Napakamot ako sa ulo ko dahil sa pagtataka.
Hindi ko alam kung may sakit ba si Zeus dahil sa tuwing titingin ako sa kaniya ay kumikindat 'yong isa niyang mata. Ano kaya 'yong sakit niya? Nagpa-check up na kaya siya sa doktor?
Lumapit sa amin si Zeus saka niya ako binati.
"Hello, Whinny Cell."
Uminom muna ako sa chuckie-ng hawak ko saka ko rin siya nginitian at kumaway pa sa harapan niya.
"Hello, Zeus."
Kaklase namin ni Sperm si Zeus at parehas silang matalino pero mas higit na matalino talaga si Sperm.
"Gusto mo?" alok ko kay Zeus ng sandwich at chuckie na dapat ay kay Sperm pero dahil ayaw niya, ibibigay ko na lang kay Zeus.
Mukhang gusto naman ni Zeus 'yon at aabutin na sana niya nang agawin sa akin ni Sperm ang mga 'yon saka niya tinaasan ng kilay si Zeus.
"Akin 'to, bumili ka nang sa'yo," masungit niyang sabi.
Nagtaka ako kay Sperm dahil kanina ay ayaw niya ng sandwich at chuckie na binibigay ko. Pero ngayon naman ay gusto na niya? Napakamot na lang ako sa ulo ko saka ako tumingin kay Zeus at humihingi ng pasensya.
"Ay! Oo nga pala Zeus, sorry kay Sperm nga pala 'yan hehe! Next time bibigyan din kita--"
"Bawal. Lagot ka kay Mommy," sabi ni Sperm.
Napanguso na lang ako. Ngumiti na lang si Zeus sa akin na parang napahiya.
"Hayaan mo ikaw na lang ang bibigyan ko ng food bukas--" naputol ang sasabihin ni Zeus nang sumingit si Sperm.
"May pagkain na siya kaya hindi na niya kailangan ng pagkain mo," wika ni Sperm habang abala pa rin sa pagbabasa.
Ewan ko kung nagbabasa pa ba siya o nakatingin na lang sa libro.
Nagpaalam na sa amin si Zeus na mukhang napahiya sa sinabi ni Sperm. Sinamaan ko siya nang tingin kahit hindi siya nakatingin sa akin. Nilipat niya ang page ng libro.
"Ang sama mo kay Zeus."
Marahas niyang sinara ang libro at masama ang tingin na pinukol niya sa akin. Tumayo siya at hinarap ako kaya napatayo na rin ako sa pagkakaupo ko sa bench.
"'Wag ka ngang magpa-cute kay Zeus. Ang pangit mo," masungit niyang pahayag.
"Hindi naman ako nagpapa-cute kay Zeus ah?" tanggi ko.
"Kahit na! Hindi ka pa rin maganda kaya lumayo ka kay Zeus," iritang aniya.
Nagtataka ako sa mga binabanggit ni Rem dahil hindi naman siya gano'n kasungit sa akin. Oo, masungit siya pero hindi tulad ngayon na parang nilalait na rin niya ako. Dahil sa na isip ko ay napatakip ako sa aking bibig at namilog ang dalawang mata ko dahil sa gulat. Tumingin sa kaniya. Tinaasan niya lang ako ng isang kilay at do'n ako mas lalong nagulat.
Hindi kaya bakla si Sperm at may gusto siya kay Zeus? Ayoko naman siyang magalit dahil baka isipin niya na inaagaw ko sa kaniya si Zeus kahit kaibigan ko lang naman talaga si Zeus. Kaya para kay Sperm at para na rin hindi na siya magsungit sa akin ay iiwas na ako kay Zeus.
Hanggang sa mag-uwian at nasa kotse na kaming dalawa ni Sperm at magkatabi sa back seat hindi pa rin niya ako kinikibo. Gano'n na ba talaga katindi ang selos niya sa akin? Tumingin ako sa kaniya pero nakatingin lang siya ng diretso at hindi umiimik. Ang bata pa namin para sa ganito, bakit kasi hindi niya agad sinabi sa akin na may gusto pala siya kay Zeus edi sana tinulungan ko pa siya sa ritual na itinuro sa akin ni Mama noon.
Napailing na lang ako.
"'Wag ka nang magselos Sperm, laro na lang tayo ng bahay-bahayan mamaya, isali natin sila Ronnie at Julie sa bahay-bahayan. Kunwari ako ang Nanay at ikaw naman ang Tatay tapos sina Ronnie at Julie naman ang mga katulong," pag-aaya ko sa kaniya.
Hindi siya makapaniwalang tumingin sa akin na parang isa akong malaking weirdo sa buhay niya. Napanguso na lang tuloy ako sa mga titig niya na nag-aakusa.
"Ako magseselos? Bakit naman ako magseselos? Sino ka ba? At saka bahay-bahayan? Ikaw ang Nanay at ako ang Tatay? Mukha ba akong Tatay? 'Di ba dapat sina Ronnie at Julie ang mga anak natin bakit sila ang ginawa mong mga katulong?" Sunod-sunod niyang tanong na hindi ko na nasundan pa.
"Ang dami mong tanong. Sumali ka na lang sa amin mamaya at 'wag ka ng mag-alala iiwasan ko na si Zeus."
Dahil alam kong magsusungit ka na naman at iisipin mong inaagaw ko sa'yo si Zeus.
"That's good to hear. Sige sasali na ako," nakangiti na siya sa akin.
Confirmed nga po, bakla nga talaga si Sperm. Gusto ko sana siyang tanungin kaso baka magalit na naman kaya 'wag na lang. Hahayaan ko na muna silang dalawa na maglampungan magkasama. Ang bata-bata pa nila pero may secret affair na ang nagaganap. Secret affair ba tawag do'n? Ay, ewan. Basta na rinig ko lang sa TV.
Buti na lang ako, nag-aaral nang mabuti. Totoo po, nag-aaral talaga ako ng mabuti, promise! Nag quiz nga kami sa Math up to twenty tapos ang score ko ay five bihira lang akong makakuha ng five sa Math. Five over twenty ang score ko, may plus three kasi 'yon sabi ni teacher kaya nadagdagan 'yong score ko o 'di ba, ang swerte ko.
Nakarating na kami sa bahay nila Sperm. Dito na muna ako mamamalagi dahil nga po may business sila Dada at busy rin sila kaya hindi nila ako maasikaso sa bahay hindi tulad dito inaasikaso kami ni Tita Grace at sobrang bait nila ni Tito Lawrence halos lahat ng pagkain pinapakain sa nila akin dahil gusto nilang tumaba ako. Gano'n na ba ako kapayat? Pero sabi naman ni Mama tumatamaba na ako sa kakakain ko ng food sa bahay namin pero rito, kahit ano'ng kainin ko okay lang kila Tita Grace.
Sinalubong kami ni Tita Grace ng yakap kaya niyakap namin siya ni Sperm at humalik sa pisngi niya. Inasikaso niya muna kami at pinakain bago kami nagbihis sa kaniyang k'warto. Matapos kong magbihis pumunta na ako sa k'warto ni Sperm at humiga sa kama niya at hinihintay siyang lumabas sa walk in closet niya.
Hindi rin nagtagal lumabas na rin siya at suot-suot niya ang isang puting transformer shirt habang ako naman ay power pop girls ang t-shirt.
"Tara na Sperm, ayain na natin sina Ronnie at Julie maglaro," pag-aaya ko sa kaniya.
"Ayokong lumabas."
"Ha? Bakit naman? Tara na! Malapit lang naman bahay nila e, halos kaharap lang naman ng bahay niyo ang mga bahay nila!" pagdadahilan ko.
"Ayoko na maglaro, kung gusto mo kayo na lang," masungit na naman ang awra niya.
"Nakakainis ka naman e, sabi mo sasali ka! Ahmp! 'Di na kita bati!" malungkot kong sabi.
Lumabas na ako sa k'warto niya na kahit naluluha ang mga mata ay lumabas ako ng bahay para ayain sina Ronnie at Julie maglaro ng bahay-bahayan. Mukhang sina Ronnie at Julie na lang ang magiging Nanay at Tatay at ako naman ang katulong.
Naiyak tuloy ako sa isiping magiging katulong ako. Hindi ko pinangarap na maging katulong! Nakakainis naman kasi si Sperm! Sabi niya sasali siya sa bahay-bahayan naka-plano na ang gagawin ko sa kaniya pero nasira lang 'yon dahil umayaw siya.
Nakarating ako sa labas at na abutan sina Ronnie at Julie na naglalaro sa labas kasama ng ibang mga bata. Lumapit ako sa dalawa at inayang maglaro sa bahay ng Bahay-bahayan.
"Tara!" ani ng dalawa kong kaibigan.
Buti pa silang dalawa excited maglaro hindi tulad kay Sperm na laging libro ang kaharap hindi man lang i-enjoy ang buhay bata feeling niya ang tanda na niya kaya kung kumilos akala mo nagta-trabaho na sa kompaniya.
Kumuha kami ng tela sa k'warto at mga laruan 'tsaka kami naglaro sa sala at hindi nga ako nagkamali, ako nga ang naging katulong at ang dalawa naman ang magkunwaring mag-asawa.
"Yaya ipagluto mo na kami ng asawa kong si Ronnie," utos sa akin ni Julie.
Kung hindi lang kami naglalaro iisipin kong yaya nga nila ako at natatakot ako na baka balang-araw maging maid nila ako. Habang nagluluto ako, kunwari ay naiiyak ako.
"Oh, Cell bakit ka umiiyak?" takang tanong ni Ronnie.
"Wala po Sir naiiyak po ako sa sibuyas na hinihiwa ko," lumapit ako sa tainga ni Ronnie at bumulong. "Kunwarian lang 'to Ronnie, ano ka ba! Naglalaro tayo kaya kailangan uma-acting din ako bilang isang katulong," wika ko.
Tumango-tango naman si Ronnie na parang naintindihan na niya ang pahiwatig ko.
"Ah. Oo nga pala," aniya.
Ngumiti naman ako sa kaniya at itinuloy ang kunwaring paghihiwa sa sibuyas.
"Aray!" sigaw ko.
Nagulat ako nang biglang sumulpot si Sperm at chineck ako dahil siguro sa pagsigaw ko ng 'aray!' hindi niya alam na uma-acting lang ako, na kunwari ay nahiwa ako ng kutsilyong laruan dahil sa paghihiwa.
Hinawakan niya ang isang kamay ko na kunwaring nasugatan ng kutsilyo. Kumunot naman ang noo niya at tiningnan ako na may pagtataka sa mukha.
"Naglalaro lang kami ng bahay-bahayan," ani ko.
"Bakit ka umaray?" tanong niya.
"Kunwari nga nasugatan ako ng kutsilyo kaya umaray ako," pagdadahilan ko.
"Bakit ka naman umiiyak?" tanong niya ulit at mukhang naiirita na naman siya.
"Kasi, kunwari ay naghihiwa ako ng sibuyas. Tapos kunwari ay nasugatan ako," hayag ko sa kaniya.
"Ano'ng klase bang laro ang ginagawa mo?" tanong niya ulit.
"Bahay-bahayan with acting style," ani ko.
Napailing na lang siya sa sinabi ko. Nagpatuloy na kami sa paglalaro at sumali na rin si Sperm sa amin. Kinuha namin ang foam sa k'warto at inilatag sa sala. Hindi naman kalakihan 'yong foam pero kasya na 'yon para sa aming apat.
Kunwari ay natutulog na kami dahil gabi na raw kaya nahiga na kami sa foam. Matagal kaming nakahiga sa foam kaya bumangon na ako at nakatulog na pala talaga si Sperm. Tumingin ako kina Ronnie at Julie na bumangon na rin sa pagkakahiga sa foam at tinulungan na akong mag-ayos ng kalat namin.
Umuwi na rin sila nang pagkahatid ko sa kanila sa labas. Pagbalik ko sa sala ay natawa ako dahil binalot ni Sperm ang sarili sa foam na hinihigaan niya. Balot na balot ang buong katawan niya at ang ulo na lang ang makikita mong nakalabas.
Humiga ako sa ibabaw ng foam kung saan, siya ang nasa ilalim no'n 'tsaka ako pumikit para matulog na rin. Ramdam ko ang malalim na paghinga ni Sperm sa ilalim ng foam kaya napangiti ako. Dumapa ako para silipin muna siya saglit pero gano'n pa rin at nakapikit. Lalo akong napangiti lalo na nang makita ko ang bahagyang pagkabuka ng labi niya at humihilik pa. Hinalikan ko siya sa noo 'tsaka ulit tumihaya sa pagkakahiga sa ibabaw niya na natatabingan ng foam bago ako nagsalita at pumikit para matulog.
"Sleep well, Rem."