Nakarating kami sa malaking bahay, nahihiya pa ako dahil bumungad sa'min ang naggagandahang babae.
"Girlfriend mo brother?" tanong ng isang babaeng matangkad, maputi ito at may kulay ang buhok na kulay blue sa dulo.
"Mukha ba akong may girlfriend?" pagsusungit ni sino nga ulit to? umalis ito nang hindi kami tinitingnan.
"Ang sungit talaga ng kapatid mo." sabi naman ng isang babae, halatang may mga lahi sila. Ang isang babae ay blonde ang buhok at medyo kulot. Nakatingin lang ako sa kanila, nag-aantay na mapansin. Nakakahiya, nahihiya ako dahil ang dugyot ko.
"Hi! girlfriend ka ba ng pinsan ko? I am Kendrine by the way, mas matanda nga lang ako sa kanila pero bawal sila tumawag sa'kin na ate kasi bata pa rin naman ang mukha ko, ikaw anong pangalan mo?" parang batang sabi niya, nahiya ako lalo nang hawakan niya ang kamay ko, nabitawan ko tuloy yung dala kong bag. Ngumiti akong may hiya at mas lalong nahiya pa nang ang isang babae ang nagdampot ng bag ko sa lupa, kinuha ko naman agad 'to.
"P-pasensya na po," sabi ko.
"Ang daldal kasi ni Kendrine, hi ako naman si Mica, kakambal ako nung lalaking masungit." gulat akong napatingin sa kanya.
"M-magandang araw po," nakayuko kong sabi. Nakarinig ako ng mahinang pagtawa.
"Ano ka ba, huwag ka mag po. Mukhang magka-edad lang naman tayo." sabi sa'kin ni Mica na may ngiti sa labi. Magkaibang-magkaiba sila ng kapatid niya.
Magsasalita pa sana ako nang may biglang lumabas mula sa loob ng bahay, naagaw ang attention namin sa kasama ng lalaking masungit.
Isang lalaking hindi katandaan pero nababakas pa rin sa mukha nito ang kisig ng isang lalaki. At ang babaeng kasama nito ay natitiyak kong asawa niya.
"Hindi ka naman nagsabi na maganda pala ang girlfriend mo, Mico." sabi ng babae. Nakita ko kung paano umirap si Mico? huh, hindi ko maalala na Mico ang pangalan niya.
"She's not my girlfriend Mom," sabi nito at umalis ulit. Mahilig mag walk-out ang isang 'yon. Napailing ang ina niya at lumapit sa'kin na may ngiti.
"Magandang araw, pumasok ka muna." aya niya sa'kin, kahit nahihiya ako nakasunod ako sa kanya, nasa likod ko naman si Mica at si Kendrine.
"Akala namin hindi na talaga papayag si Mico na magkaroon ng yaya niya pero akalain mo nga naman siya na mismo ang nakahanap." pagsasalit ng ina nito, hindi ko pa rin alam kung ano ang mga pangalan nila.
"Hon, ikaw na muna ang bahala, I need to go now." biglang pagsingit ng daddy nung Mico.
"Oh, okay. By the way ija, this is my husband, Jalwin and my name is Elaine, I bet kilala mo na ang dalawang dalagita na 'yon?" turo niya kina Mica na nakaupo sa sala. Ngumit ako at tumango.
"Magandang araw, sir at ma'am." bati ko.
"Goodluck to my son, anyway. I'll go now hon, I love you." sabi nito at hinalikan si ma'am Elaine sa labi, napaiwas ako ng tingin. Nawa'y lahat hinahalikan.
"Pasensya na ija, ganon talaga ang asawa ko. Halika ka sa sala, pag-uusapan natin ang magiging trabaho mo." sabi niya sa'kin nang makaalis si sir Jalwin. Sumunod naman ako sa kanya, umupo siya sa tabi ni Mica.
"By the way tita, I need to go na rin pala. Dad keeps calling me, magiging dragon na naman 'yon kapag hindi ako nakauwi." tumayo si Kendrine at lumapit kay ma'am Elaine para magpaalam.
"What's your name again?" tanong niya sa'kin nang lumingon ito.
"Rhenise po, Rhenise Deign." nakayuko kong tugon. Nahihiya pa rin ako sa kanila.
"Ang ganda ng name mo, anyway see you when I see you then. Good bye cousin." huling sinabi nito at lumabas na.
"Ija, hindi ko alam kung paano ka nahanap ng anak ko but I am thankful at siya na mismo ang nakahanap. Ayaw niya na kasing magkaroon ng yaya dahil malaki na raw siya ngunit may dahilan kami kung bakit namin siya bibigyan ng yaya." mahabang sabi nito.
"Tatanggapin ko naman po kung ano ang magiging trabaho ko rito, ma'am." sabi ko.
"Ngayon palang siya magkakaroon ng yaya na parang kaedad niya lang. Lahat ay mas matanda sa kanya, lahat din umalis dahil na rin sa kagagawan ng anak ko." bigla akong kinabahan sa sinabi niya. Ano bang ginagawa ng lalaking 'yon?
"Dito ka rin mag-stay, may day-off ka naman ng Sabado at Lingo kung gusto mong umuwi sainyo. Huwag kang mag-alala may mga kasama ka naman dito para e-guide ka sa anak ko." dagdag pa niya.
"Oh, let me remind you nalang din." napalingon ako kay Mica nang magsalita ito.
"Si mama lang ang puwedeng tumawag sa kanya na Mico, ang pangalan na dapat mong itawag sa kanya ay Rexford, ewan ko anong trip ng kapatid ko at nagagalit siya pag ibang tao ang tatawag na Mico sa kanya. T'saka pala, aware ka naman sa kasungitan niya, good luck nalang." hindi ko alam kung nananakot siya o kung pinapalakas niya ang loob ko dahil sa sinabi niya.
"Haynako Mica, puntahan mo nalang ang kapatid mo at kakain na. Rhenise, ipapasama kita kay Manang sa kwarto mo para makapag-bihis ka na rin." pagkasabi ni ma'am Elaine, napatingin ako sa suot ko. Ang dumi rin pala ng tsinelas ko.
"M-maraming salamat po, ma'am." sabi ko at tuloyan nang sumunod kay Manang Linda.
"Tatlo lang tayo rito ija, kaya kapag may kailangan ka huwag kang mahiyang magsabi sa'kin. 'Wag kang mag-alala, mababait ang mga amo natin." nakangiting sabi sa'kin ni Manang.
"Yung aalagaan ko ba Manang, mabait din?" mahinang sabi ko sa kanya. Ngumiti siya ng tipid ng naging dahilan ng pagkaba sa dibdib ko.
"Gawin mo nalang ang gusto niya, huwag mo nalang siyang galitin." oo o hindi lang gusto kong marinig pero base sa sinabi ni Manang, mukhang hindi nga ang sagot.
Bahala na, blessing na 'tong may trabaho agad ako pagkatapos palayasin.
"Sige na anak, magbihis ka na at ituturo ko sayo lahat dito sa bahay." tumango ako sa sinabi ni Manang, umalis na rin naman siya.
Maliit lang ang kwarto ko rito, may tatlong kama na natitiyak ko ay kasama ko sila Manang at yung isa pang hindi ko pa nakikita.
Huminga ako ng malalim, may day-off naman ako sa Sabado siguro uuwi nalang muna ako sa'min at balitaan sila inay kahit wala namang pakealam si nanay kung uuwi ako o hindi. Ang mahalaga sa kanya ay nakapagbigay ako ng pera.
Lumabas na agad ako pagkatapos kong magbihis at dumiretso sa kusina, buti nalang ay hindi masyadong nakakalito ang bahay na 'to kahit malaki, natunton ko agad kung nasaan sila Manang.
"Masilan ang mga pagkain ni Rexford, dapat lahat ng kinakain niya ay masustansya huwag kang pumayag na kakain siya ng wala sa listahan ng puwede niyang kainin." kanina pa ako nakakhnot at nagtataka sa mga sinasabi ni Manang, bakit ganon ang mga bilin niya tungkol kay Rexford?
"Bakit naman ganyan Manang? may sakit ba siya?" pagkatanong ko non biglang sumeryeso ang mukha ni Manang, parang sumikip din ang dibdib ko dahil sa tanong ko.
"Nandito ka ija para hindi na masyadong magtanong basta ang trabaho mo ay masunod ang kailangan gawin, aalagaan mo si Rexford. Matigas ang ulo ng batang 'yon kaya pagpasensyahan mo rin at sana huwag kang umalis agad kagaya ng mga nauna." mahabang sabi niya.
Kahit nagtataka parin ako sa sinasabi niya tanging tango nalang ang ginawa ko at inaalala lahat ng sinabi niya. Kailangan kong igihan ang trabaho ko.
"Manang," sabay kaming  lumingon ni Manang sa likod, nakatayo si Rexford na ang gulo-gulo ng buhok.
"Ano 'yon Rexford?" tanong ni Manang, naiilang ako nang tumingin ng walang ka-emosyon si Rexford sa'kin saglita kaya umiwas ako ng tingin at naghahanap ng puwedeng gawin.
"Pakilinisan ang kwarto ko." pagkasabi niya non ay tumalikod na siya, tumingin sa'kin si Manang, hudyat na ako ang gagawa. Natatakot ako bigla, kinakabahan, umiiling ako sa kanya.
"Sige na, masasanay ka rin." sabi nito at tinulak-tulak ako palabas ng kusina.
Bumungad sa'kin ang tahimik na kwarto pagkapasok ko, nilibot ko ang paningin ko at nakitang malinis naman ito. Ano pa bang lilinisin ko rito? siguro gugulohin ko nalang tapos linisin ulit, oh diba para akong tanga kapag gagawin 'yon.
Napalingon ako sa isang pinto na natitiyak ko ay banyo, narinig ko ang pag-agos ng tubig mula sa shower. Nasa loob ang master sungit ko.
Sinimulan kong alisin ang mga bed sheet at pinagpag ito. Mabango ang mga unan niya ah, inamoy ko ito pati ang kumot niya. Ganito ba ang amoy niya o dahil lang ito sa sabon ng panlaba?
"What the fuck are you doing?" napatalon ako nang marinig ang boses niya, gulat akong tumingin sa kanya.
"A-ah," pabalik-balik ang tingin ko sa kanya at sa hawak kong kumot. Nakita niya ba na inamoy ko?
"N-naglilinis s-sir," bakit ba ako nauutal.
"Sinabi ko bang ikaw ang maglinis? baka may masira ka rito, lumabas ka." ma-otoridad na sabi nito. Sinabi kaya ni Manang na ako ang maglinis, sabi ko na maling desisyon na ako ang pumunta rito sa kwarto niya e.
"Iyon kasi ang sinabi ni Manang sir, ako raw po ang maglilinis kahit wala namang lilinis." mahina lang ang boses ko nang sabihin ko ang huling linya.
"Bulag ka ba? maraming lilinisin dito, kung hindi mo nakikita lumabas ka nalang." ang suplado talaga.
"Sabi ko nga po maraming lilinisin, ginulo ko ulit yung kama mo na maayos na para po may lilinisin ako." hindi ko alam kung saan ako humugot ng lakas para ngumiti sa kanya kahit na kinakabahan ako.
Wala siyang sinabi pabalik, tinalikuran niya lang ako pumasok sa isa pang pinto.
Umirap ako pagkataliko niya, ang sungit. Porket gwapo, nagsusungit.
Binalik ko ang attention sa pag-aayos ng kama, binilisan ko ito para maka-alis na ako sa kwartong 'to.
"Sir, tapos na ang pag-li—s-sir." natigilan ako nang lumabas siya ulit na walang damit sa pang-itaas, kanina lang ay may damit siya pagkalabas sa banyo.
Bakit ang ganda ng katawan niya?
"Close your mouth, baka makain mo ako." agad akong nagmamadaling umiwas ng tingin sa katawan niya. Bakit ba kasi hindi nagdadamit, alam niyang may babae sa kwarto niya.
"T-tapos na po," sabi ko at akmang aalis na nang bigla s'yang magsalita ulit.
"Sumama ka sa'kin may lakad ako," sabi nito.
"P-po? saan sir?" tanong ko. Kumunot naman ang noo niya sa'kin.
"Did I give you a permission to ask anything?" pagsusungit niya, hindi ko maintindihan ang sinabi niya, hindi ko alam kung ano ang permission.
"Pasensya na po, hindi kita maintindihan." sabi ko na ikinataas ng kilay niya.
"Hindi ka nakakaintindi ng English?" bigla akong nahiya sa tanong niya, dahan-dahan akong yumuko at tumango.
"Aish, never mind. Huwag ka nalang magtanong." sabi nito, akmang lalabas na ulit ako nang magsalita ako.
"Puwede kang magpaturo kina Kendrine at Mica kung gusto mo mag-aral." napalingon ako sa kanya dahil sa sinabi nito, nakatalikod lang siya sa'kin. Napa-awang ang labi ko. Nakakahiya.
"S-sige po," tanging sabi ko at lumabas na.