“KAANO-ANO naman ni Grey ang Kass na iyon?” tanong kay Cash ng kaibigang si Irani.
Nasa cafeteria silang dalawa. Ikinukuwento niya sa kaibigan ang tungkol sa naturang babaeng nakilala niya kahapon.
“Hindi ko alam, Irani.” Kinagat niya ang ibabang labi at bumuntong-hininga. “Umalis agad ako, eh. Hindi ko kayang makita kung paano sila magnginitian ni Grey...”
“Bakit? Nasasaktan ka?”
Tumango siya sa kaibigan. “Hindi ko nga maintindihan, Irani. Alam mo ba iyong pakiramdam na parang may pumipiga sa puso ko. Parang--”
“Oh my, Cash!” malakas na singhap ni Irani. “Nagseselos ka!”
“Nagseselos?” nabiglang gagad niya sa kaibigan.
Tumango-tango si Irani. “Walang dudang selos iyang nararamdaman mo, Cash.” Seryosong tiningnan siya ng kaibigan. “Jealousy is a sign of being in love.”
Nanlaki ang mga mata niya sa narinig. Sinasabi ba ng kaibigan na in love siya kay Grey? “I'm not in love with Grey, Irani. Hindi ako nagseselos. Hindi ako in love.”
“Are you sure?” Sandali itong huminto bago nagpatuloy. “Baka naman you're just in denial stage, Cash. Hindi mo matanggap na unti-unti ka ng naiinlove kay Grey.”
“Hindi, Irani. I’m not in love with him. I’m just infatuated.”
“Fine. Hindi na kung hindi.” Nagkibit-balikat ito. “Halika na nga.”
Nagwala ang puso niya sa loob ng dibdib. Gumapang ang hindi maipaliwanag na kaba sa dibdib niya. Paano kung tama si Irani? Paano kung unti-unti na ngang nahuhulog ang puso niya kay Grey? Paano kung in denial lang siya sa nararamdaman?
“Speaking of the handsome devil...” wika sa kanya ni Irani habang naglalakad sila pabalik sa building nila. Inginuso sa kanya ng kaibigan ang direksiyon ng botanical garden.
Awtomatikong sumikdo ang puso niya nang matanawan si Grey. Nakaupo ito sa isang bench. Subalit hindi ito nag-iisa. May kung anong tumusok sa puso niya nang makita niya ang magandang babaeng katabi ni Grey. Si Kass.
“Who's that girl, Cash?” baling sa kanya ni Irani.
“Kass.”
Nag-angat ng kilay ang kaibigan. “Oh, siya pala iyong sinasabi mo. In fairness, maganda siya.”
Muling inatake ng insekriyudad ang sistema niya nang marinig si Irani.
“Pero siyempre, mas maganda ka pa rin.” Ngumiti sa kanya ang kaibigan bago ito muling bumaling sa direksiyon ni Grey at ng kasama nito. “Ano kayang relasyon niya kay Abo? Mukhang close na close sila, ah.”
Hindi nakaligtas sa mga mata niya ang kamay ni Kass na nakakapit na sa braso ni Grey. Napuno ng panibugho ang dibdib niya. Dumoble ang dami ng karayom na tumutusok sa puso niya.
Hindi lang masakit sa mga mata ang nakikita niya. Mas masakit sa puso...
“O, sino naman itong lalaking ito?”
Isang hindi kilalang lalaki ang lumapit kina Grey at Kass.
“Dylan, tigilan mo na ako! Stop pestering me around!” Tumayo si Kass at humalukipip harap ng bagong dating na lalaki.
Walang tao sa lugar na iyon kaya kahit may ilang metro ang distansiya nila ni Irani sa mga ito ay malinaw niyang narinig ang sinabi ni Kass.
“Sophia, gusto lang kitang makausap...” sagot ng lalaki.
Itinuon niya ang mga mata sa tumayong si Grey. Kitang-kita niya kung paano umangat ang kamay nito para akbayan ang katabing si Sophia.
“Pare, tigilan mo na si Sophia...” banta ni Grey sa lalaking kaharap.
“At sino ka naman para sabihin sa 'kin iyan?” maangas na sagot ng lalaking kaharap nina Sophia at Grey.
“I'm Sophia's girlfriend. Kaya may karapatan akong sabihin sa 'yo na layuan mo ang girlfriend ko.”
Tila may kutsilyong humiwa sa puso niya sa narinig. Namuo ang luha sa sulok ng kanyang mga mata.
Girlfriend ni Grey si Kass...
“SIGURADO ka, Cash?” tanong kay Cash ni Irani. Pagkatapos ng klase nila ay hinila siya ni Irani patungo sa Hugot Café.
“Oo, Irani. Ayoko na. Kakalimutan ko na iyong nararamdaman ko kay Grey...” determinadong sagot niya sa kaibigan.
Hanggang ngayon ay kumikirot pa rin ang puso niya sa eksenang nasaksihan nila ni Irani sa botanical garden. Hanggang ngayon, hindi pa rin niya matanggap na may girlfriend na si Grey.
Hindi niya inakala na masasaktan siya ng ganoon. Akala niya noon, ayos lang na ipagpatuloy niya ang paghanga sa binata kahit na magkaroon ito ng nobya kung sakali.
Subalit napagtanto niya ngayon na lalo siyang masasaktan kung ipagpapatuloy niya ang lihim na paghanga kay Grey sa kabila ng natuklasan niya.
Oo, noon pa niya tinanggap sa kanyang sarili na wala siyang pag-asa kay Grey, pero ang sakit pa rin palang malaman na mayroon na itong ibang babaeng minamahal.
Kahit siguro kumain siya ng isang galon ng strawberry ice cream, hindi mapapawi ang kalungkutan sa puso niya. Gusto niyang humiga sa kanyang mukha, isubsob ang mukha sa unan, at umiyak ng umiyak.
Ngayon ay naiintindihan na niya kahit papaano ang sakit na pinagdadaanan ng mga babaeng iniwan ng mga mahal nito sa buhay. Hindi pa nga niya mahal si Grey pero ganito na katindi ang sakit na dinadanas ng puso niya ngayon, paano pa kaya kung sakaling mahal na niya ang binata?
Tama si Irani, kung wala rin lang namang patutunguhan ang nararamdaman niya kay Grey, mas mabuti pang kalimutan na niya iyon...
At iyon ang plano niyang gawin. She was going to erase every feeling she had for Grey in her system.
“As in? Hindi ka nabibigla?” paniniyak pa ng kaibigan.
“Ang sakit, Irani.” Kinagat niya ang ibabang labi. “Paano kung... paano kung, tulad ng sinabi mo, mahulog ako sa kanya? Lalo akong masasaktan. Ayoko nang isipin na darating ako sa ganoon.” Bumuntong-hininga siya. “I need to get rid of my feelings for him now.”
Hinawakan nito ang kamay niya. “Don't worry, Cash. I'll help you. And we'll call it Oplan: Un-crush Grey.”
She answered her with a half-hearted smile.
Matapos nitong bawiin ang kamay sa kanya, kinuha nito sa bag nito ang pag-aaring ipad.
“Hahanap tayo ng article kung paano mo mabilis na makakalimutan ang crush mo…” wika nito pagpasok nila sa café.
Natigilan siya nang mapansin ang isang papel sa mesang ookupahin sana nila.
“What’s this?” Kinuha ni Irani ang papel. “Steps on how to un-crush your crush…”