- Ysabelle's POV -
Tiningnan ko ang sarili ko sa salamin tapos ngumiti-ngiti pa ako. Nakakatuwa dahil wala na akong mga sugat o pasa man lang.
Walang nananakit sa'kin.
Si Dad? Nasa jail pa rin siya, hinayaan ko na muna siya du'n. Don't get me wrong ha? Kung du'n kasi siya magbabago, why not di ba?
Nu'ng una talaga, nu'ng makabawi na ako sa lahat ng nangyari, gusto ko siyang p'yansahan. Pero siguradong guguluhin niya lang ulit ang buhay ko at ayokong mag-alala sa'kin si El. Kaya hinayaan ko na lang muna siya dahil sa jail hindi siya makakagawa ng masama. Isa pa, kung magbabago naman siya du'n mabibigyan siya ng consideration. Gets niyo ba? Hehe
So hindi ako masamang anak, makakaiwas pa nga si Dad sa paggawa ng masama dahil madidisiplina siya sa kulungan.
"Panay ang titig mo sa salamin. Hindi na magbabago ang hitsura mo!"
Iningusan ko si Zero mula sa salamin.
"Ang bitter mo Conrad, inggit ka lang sa ganda ko." pang-aasar ko sa kanya
Through the time, natutunan ko na lang din sakyan ang kasungitan niya at pang-aasar niya. Wala naman akong choice dahil siya ang kasama ko.
Napansin ko sa salamin na mahaba na ang buhok ko, 'yung tunay kong buhok. Hindi na rin pala ako nagsusuot ng wig.
"Tingin mo magugustuhan ni El kung magpapagupit ako ng buhok?" tanong ko kay Zero
Ini-imagine ko ulit ang hitsura ko nu'ng maiiksi pa ang buhok ko.
"Tingin ko hindi ka talaga niya gusto, napipilitan lang siya na gustuhin ka."
Kinuha ko 'yung suklay ko at ibinato ko sa kanya. Ang galing dahil nakailag siya! (-_-)
Nauunawaan ko na kung bakit batak lagi si Jamie sa kanila.
"Nakakainis ka alam mo? Ang pangit mo kausap." nakasimangot kong sambit sa kanya
Kapag ganito ay mapapasimangot ka talaga.
"Mas pangit ka, huwag kang papayag."
AAAAAAAAH! pang-asar siya lageeeee!!!!!
"Sumagot ka na lang kasi ng maayos! Magugustuhan ba ni El o hindi?!"
Mula sa paglilinis niya ng baston niya, oo! Baston pa rin inaatupag niya. Kaya hindi siya nagkaka-jowa.
Ayu'n, mula nga sa ginagawa niya ay tiningnan niya ako.
"Si El ba ako? Mas gwapo ako ha!"
"Whaaaaat? You wake you, Conrad Dalisay!"
Duh! Mas gwapo kaya si El ko. Hihi!
"Huwag ka ng magpagupit, bagay na sa'yo 'yang buhok mo." sagot na niya
Salamat naman at nakakuha na ako ng maayos na sagot.
Ibinalik ko ang tingin ko sa harap ng salamin. Sa totoo lang ay nami-miss ko ang maiksi kong buhok.
"Tingin ko magugustuhan ni El kapag maiksi ang buhok ko." sambit ko
"Bakit nagtanong ka pa sa'kin? Tss!"
Tumawa ako. Pikunin talaga!
Umalis na ako sa harapan ng salamin, since nakaligo na rin naman ako at nakaayos na rin, magpapagupit na ako.
Kinuha ko ang cellphone at wallet ko then isinuot ko 'yung step in ko.
"Saan ka pupunta?" tanong sa'kin ni Zero
"Magpapagupit. Kaya ko na mag-isa." sagot ko tapos ipinakita ko sa kanya 'yung sprayer ko na may kalamansi at sili, "Tiaran, may weapon ako." dagdag ko pa
"Weapon, weapon! Ano'ng magagawa n'yan? Tss!"
Hmp! Effective kaya 'to! Lumabas 'to nu'ng nag-research ako.
"Hintayin mo ako, magbibihis lang ako."
As expected, hindi siya papayag na hindi kasama. Joke! Utos kasi sa kanya 'yun ni El. Kaya hindi na rin ako kumokontra, kung sa ganitong paraan makampante si El e'di be it.
"Tagal naman." kunwa'y inip na ako nang lumabas siya mula sa kwarto niya
Nagpalit lang siya ng damit niya.
"Tara na, baka magbago pa ang isip ko at ikulong na lang kita dito." tapos nauna na siyang maglakad palabas.
Ni-lock ko pa 'yung pinto tapos binilinan ko pa si Tappy.
"Tappy, you take care of our house habang wala kami, okay? Be good, huwag lalayas." sambit ko
Tumahol naman si Tappy.
Ni-lock ko na rin 'yung gate then nakita ko si Zero na medyo nakakalayo na.
Agad ko siyang hinabol.
Nakooo! Naliligaw pa man din siya!
"Wait for me Zero, baka maligaw ka."
"Ano?!" inis niyang tanong sa'kin nang lingunin niya ako
"Hintayin mo ako at baka maligawan ka 'kako." tapos tumawa ako
"Tss! Walang papasa sa standard ko."
"Ay wow! Prince charming."
Ngumisi siya sa'kin.
"Thanks."
(-_-)
Ikaw na lang talaga ang mapipikon.
Pumara siya ng trike, sumakay naman kami. Sa sidecar ako, siya ay sa may likod ng driver.
"D'yan lang kami sa parlor, papakalbo lang 'yung kasama ko." ani Zero du'n sa driver
"Sige boss."
Aaaaaah! Kakainis talaga! Siya kaya kalbuhin ko!
Nakasimangot tuloy ako habang papunta kami sa parlor.
Tumanaw ako sa labas ng trike habang umaandar 'yun. Wala kami sa mga sarili naming lugar. Wala ako sa bahay namin, at hindi rin naman kami nakatira sa bahay nila Jamie.
Malapit kami sa bundok nakatira. Pagitan ng bundok at bayan. Dito ako dinala ni Zero para iwas sa mga posibleng gulo.
Gulo kay Philip, gulo sa tatay ko, gulo sa mga kaaway nila ni El, at gulo sa association.
Sabi ni Zero ay dito sila lumaki ni El, na'ndito yata 'yung orphanage na napuntahan nila. Hindi ko pa nga lang napupuntahan dahil ayaw ituro ni Zero kung saan.
Napangiti ako. Sariwa ang hangin dito, maganda ang paligid, at wala masyadong gulo.
Matagal din bago ako maka-recover sa lahat ng nangyari.
Nawala sa'kin si Celine, nakulong ang tatay ko, at nakulong din si El dahil sa gulo ng pamilya ko. Dinibdib ko 'yun lahat.
But unlike before na kapag nade-depress ako, gusto ko ng mamatay. Nu'ng naranasan ko 'yun, hindi ko naisip na magpakamatay.
Dahil alam kong may taong gusto pa na makita at makasama ako.
At asawa ko 'yun. Para sa kanya, gugustuhin kong mabuhay.
"Hoy na'ndito na tayo." sambit ni Zero nang huminto 'yung tricycle, "Magbayad ka na." utos niya pa
Kumuha ako ng pera sa wallet ko at binayaran ko nga 'yung driver.
"Pst, pogi! Wanpipti."
Napalingon ako du'n sa sumitsit at sa sinitsitan.
"Anong 150? Gusto mong hatiin kita sa apat ha."
Muntik na akong matawa dahil si Zero 'yung sinitsitan nu'ng isang bakla.
"Nakakatawa 'yun ha, Ysabelle?" pikon na sambit sa'kin ni Zero
"Mataas ang standard mo pero pang-150 ka lang pala. Hahahaha!"
"Aba't!"
Nauna na akong pumasok sa loob ng parlor, sumunod din naman siya sa'kin.
"Alis ka ng alis, kinakausap pa kita!" reklamo niya sa'kin
"Good afternoon Mam, Ser!" bati sa'min nu'ng babaeng parlorista
Akala ko ay ako ang unang lalapitan niya, pero nilagpasan niya ako. Kay Zero siya lumapit.
"Papagupit ka Ser? Ako na maggugupit sa'yo." tapos nagpa-cute pa siya kay Zero
Hinawakan naman ni Zero ang ulo ko tapos ihinarap ako du'n sa babae.
"Ito ang magpapagupit, hindi ako!" ani Zero
Tiningnan ako nu'ng babae.
"Ay ikaw pala Mam, sorry. Ang pogi kasi ng kasama mo eh." tapos iginiya na niya ako sa harap ng salamin, pinaupo niya ako sa isang upuan.
Si Zero naman ay naupo sa waiting chair, dumampot ng d'yaryo at nagbasa.
"Ang ganda ng hair mo Mam, sure ka papagupit ka?" tanong niya sa'kin
Tumango ako.
"Yep, hanggang dito." then itinuro ko sa kanya kung hanggang saan
Above the shoulder 'yun, bandang gitna ng leeg ko.
"Ay! Sayang naman."
Ngumiti ako.
"Okay lang, tingin ko ay magugustuhan ng asawa ko kung maiksi ang buhok ko. Nagagandahan kasi 'yun lagi sa'kin." biro ko tapos mahina akong tumawa
"Tunay Mam! Gandara ka talaga. Siya ba asawa mo, Madam?" tapos inginuso niya si Zero mula sa salamin, "Crush ko agad." bulong niya pa
"Naku hindi, kaibigan siya ng asawa ko." sagot ko
"Ay ang angas! Di ka takot ma-issue?"
Habang nagke-kwentuhan kami ay inaasikaso na niya ang buhok ko.
"Wala naman mai-issue dahil hindi ko naman gusto 'yan. Hahaha."
Isa pa, hindi ako iiwan ni El kay Zero kung wala siyang tiwala. Siguradong malaki ang tiwala niya kay Zero.
"Nasaan pala ang asawa mo Madam?"
Saglit akong hindi nakasagot. Hindi ko ikinakahiya si El, hindi ko lang sure kung tama ba na ikwento kung nasaan siya.
"Nasa trabaho, malamang." bigla ay sagot ni Zero
"Oo nga naman, haha! Cute talaga ni Ser."
Tipid na lang akong ngumiti. Medyo nalungkot ako sa part na kailangan kong itago kung nasaan siya ngayon.
Lihim akong napabuntong-hininga.
Gusto ko ng makalaya si El. Gusto ko na siyang makasama.