Chapter 07: Punishment
Jeremy's Point Of View
IGN: Kagiya
Lvl. 30
HP: (3000\3000)
Damage: 300
Class Type: Fighter
Clan's Name: DemonWard Clan [Admin]
Rank#[14]
Malakas siya. Just like the other new players na nakilala ko at masyado nang matunog ngayon sa WOR online. This Kagiya is the one who won the BOA tournament championship noong nagdaang buwan.
He had a blue hair na bagsak hanggang sa kilay niya at blue eyes with a black eyeglass. Nakasuot ng Blue cape and black pants at black boots din. At syempre may suot din siyang golden gauntlet na hindi ko alam kung anong klaseng level meron yun. Nakapamulsa itong naglalakad at napansin kona lang na tumabi ito sakin at naghalukipkip na pinagmasdan ang naglalaban sa town stage.
Anong problema niya? Bakit dito pa siya tumabi sakin? Heh. I thought it's just a coincidence. Ang assuming ko naman kung iisipin kong tumabi siya sakin dahil close kami.
Napansin ko din na may kasama siyang isang kakampi na may ginintuang buhok na nakatali at nakasuot ito ng kulay itim na full-faced mask, hindi ko makita ang mukha niya, pero napansin kong may golden eyes siya. He's features is quite mysterious. At base sa IGN nito. Isa siyang swordsman dahil may nakasukbit na espada sa likod niya. That's a samurai I guess. And he's IGN is Wekivan. Co-admin ng Demonward Clan.
Ang aastig nila dalawa. Ang swerte ko naman at nakatabi kopa sila.
"Hoy. Teka. Diba si Shadow yan?"
"Oo nga. Hindi ko namalayan na nandito rin pala siya. Ang astig naman niya! Nakatabi pa niya ang dalawang malalakas na player ng DemonWard clan. Grabe. Mamamatay ako sa nakikita ko ngayon."
Narinig kong nagbulungan ang mga manunuod. Ang astig nga talaga ng dalawang katabi ko.
Samantala. Hindi kona yun pinag aksayahan pa at pinagmasdan nalang ang nangyayaring labanan sa harap namin.
"Ang galing mo. Hindi ko agad namalayan yun." Nakangising saad ni Ren at muling tumayo habang nakasablay sa balikat ang espada.
"Tapusin na natin ang laban nato. Ganun din ang gusto mo hindi ba?" Mabilis na nag dash si Yeaver kay Ren.
Natawa lang ang huli at ginulo ang ginintuang buhok niya at tumingin kay Yeaver na papalapit. "Sige lang. Lumapit ka."
Nang makalapit si Yeaver sa harap ni Ren mabilis namang winasiwas nito ang mahabang espada tungo sa leeg ni Yeaver kaya't napa frontflip agad siya at mabilis na nakalapag sa likod ni Ren.
He dashes again towards Ren pero nakaharap agad sa kaniya ang kalaban at sinalag ang pagtangka niyang gitilan ng leeg si Ren.
Mabilis na inambahan ni Ren ng suntok sa mukha si Yeaver pero mabilis lang na umikot si Yeaver at nilagpasan ang suntok na paparating at isang iglap lang ay nasa likuran na siya ni Ren. Inambahan niyang i slice sa batok ni Ren ang dagger niya pero bago pa yun tuluyang tumama, naisalag agad ni Ren ang espada niya pa vertical sa batok niya kaya't hindi parin siya natamaan.
Mabilis na winakli yun ni Ren dahilan para mapaatras si Yeaver pero mabilis ding nakaharap sa kaniya si Ren at mabilis na naitusok sa dibdib ni Yeaver patagos sa likod nito ang espada ni Ren kaya't napabuga si Yeaver ng dugo dahil sa gulat.
"Ang bilis ni Ren." Napasingkit ang mata ko sa naging komento ni Winter.
Mabilis at mahigpit na hinawakan agad ni Yeaver ang kamay ni Ren na may hawak sa espadang nakatusok sa katawan niya ngayon kaya't hindi magawang bunutin pabalik ni Ren ang espada niya.
Sinubukan pa ni Ren ng ilang beses na kunin ang espada sa katawan ni Yeaver pero hindi niya yun magawa.
"Tch." Ngising nag cast ng skill si Ren at isang iglap lang ay mabilis na nabalot ng kuryente ang buong espada niya dahilan para makuryente din si Yeaver na mas lalong nagpababa sa HP niya.
"Ahhh!" Sigaw ni Yeaver at unti unti na siyang nawawalan ng lakas dahil sa patuloy na pagkuryente sa kaniya.
Hindi siya magtatagal kapag hinayaan niyang walang gawin sa sitwasyon nayan. Nakakainis.
"Gamitin mo ang kamay mo!" Hindi ko mapigil na maisigaw kay Yeaver kaya't napatingin sakin yung ibang mga players din na nasa likod ko. Pati si Kagiya ay naigalaw din patungo sakin ang mata niya.
Nakakahiya naman yun.
Narinig yun ni Yeaver kaya't wala siyang pagdadalawang isip na tinusok ng dagger niya ang dalawang kamay ni Ren kaya't nabitawan nito agad ang espada niya.
Muli sanang hahawakan ni Ren ang handle ng espada niya pero mabilis na umabante si Yeaver at kasabay nitong itinusok sa dibdib ni Ren ang dagger niya dahilan ng pag agos ng dugo mula sa natamong sugat.
Napabuga naman ng dugo si Yeaver dahil sa panghihina kaya't napaluhod nito ang kanang tuhod sa harap ni Ren.
Mabilis naman ding napaatras ng ilang hakbang si Ren at napaluhod din ang isang tuhod sabay binunot mula sa pagkakatusok sa dibdib ang dagger.
Napangisi lang si Ren at muling tumayo pero halata parin sa tayo nito ang kunting panghihina. Mabilis na binunot ni Yeaver sa katawan ang espada at sabay tumayo.
Dalawa na ang sandata niya. Sa kaliwa ang dagger habang sa kanang kamay naman yung espada ni Ren.
"Ang daya." Natatawang komento nalang ni Ren at pinilit hinanda ang sarili gamit ang dagger na nabunot niya mula kaniyang dibdib.
"Tapos kana." Mabilis na hinagis ni Yeaver tungo sa kalaban ang dagger na hawak niya bago mag cast ng skill. Nang isang metro nalang ang pagitan nung dagger sa mukha ni Ren mabilis na sumabog ang dagger kaya't dahil sa blast effect napaatras si Ren at pinilit sanggain na tumama sa mukha ang mga debris na lumilipad mula sa pagsabog.
"Tch!" Maingat na pinagmasdan ni Ren ang paligid niya mula sa malakas na pagsabog hanggang sa mga makakapal na usok nalang ang natira sa paligid.
Hindi nagtagal may narinig siyang kumalansing na patalim sa semento mula bandang kaliwa niya kaya't agad niyang napagtantong nandun si Yeaver at dun tinuon ang atensiyon niya at hinintay na lumabas sa usok si Yeaver.
"Ang dali mong mauto!" Nagulat si Ren nung biglang lumitaw sa bandang kanan niya si Yeaver at hindi nito agad nasalag ang paparating na suntok kaya't tumama yun sa kanang pisngi niya dahilan para mahilo siya ng kunti pero hindi yun nagpatumba sa kaniya.
Sinubukang bumawi ni Ren at winasiwas patungo sa leeg ni Yeaver ang dagger pero mabilis lang na nahawakan ni Yeaver ang wrist ni Ren sabay tinwist ang kamay nito kaya't napasigaw si Ren sabay nabitawan ang dagger sa kamay.
Nung akmang babagsak na sa lupa ang dagger mabilis naman itong sinipa ng isang paa ni Yeaver pataas sabay sinalo ng isang kamay at direktang itinusok sa leeg ni Ren ang patalim ng walang kahirap hirap.
Umagos ang sariwang dugo sa sugat at kalaunan ay kaagad din itong naglaho sa stage at natira si Yeaver na habol ang hiningang napaupo sa semento.
"Ang galing niya."
"Tama ka."
"Ang bilis ng mga nangyari."
"Ano pa nga ba ang aasahan mo sa mga assassin."
"Oo nga tama ka."
Nagpalakpakan ang mga tao dahil sa magandang laban na nasaksihan nila. Nang matapos na ang duel mabilis nading bumalik sa normal na percent ang LB ni Yeaver at napabuntong-hininga siyang lumapit samin ni Winter matapos itanghal ang pagkapanalo niya. May break daw muna ang paligsahan ng sampung minuto kaya't sandali lang ay lalaban na muli siya para sa final battle.
"Ang galing mo!" Hindi mapigil ni Winter at nayakap niya si Yeaver kaya't natawa ako nung namula agad ang pisngi ni Yeaver.
"H-hindi po ako makahinga ate."
"Ah sorry!" Kumalas naman agad si Winter sa pagkakayakap niya kay Yeaver.
Sus! Kunyaring hindi makahinga pero alam kong gusto na niyang magtatatalon ngayon dahil niyakap siya ng crush niya. Sana all niyayakap ng crush.
Napansin ko namang napatingin si Kagiya kay Yeaver kaya't medyo napasingkit ang mata ko habang kinakausap niya ang kasama niya. Are they planning something?
Hindi nagtagal ay natapos sila sa pag-uusap at sandaling napatitig ang mata niya sakin. Ang cold ng titig niya. Sobra!
"Kuya Shadow. Mag celebrate naman tayo dahil sa pagkapanalo ko! Tara." Napalingon ulit ako kay Yeaver nang magsalita ito.
"Ah sige. Dun tayo." Aya ko naman sa kanila.
"Libre nyo po." Napatingin ako kay Yeaver ng magsalita ulit siya kaya't natawa nalang ako.
"Oo na. Sige na. Libre ko." Sabay na napa 'yehey' ang dalawa kaya't mas lalo akong napangiti.

Nangunot naman ang noo ko sa biglaang chat nayun ni Stein sakin.


Napatigil ako sa sinabi ni Stein dahilan para mapalingon sakin ang dalawa kong kasama. "Kuya? Anong problema?"
"Ah. Wala lang. May naisip lang ako bigla. Wag nyo na akong pansinin, halina kayo." Pagpapalusot ko at nakangiting naunang naglakad sa kanila.




Napakunot ang noo ko sa sinabi niya.


The Lost Crown? I can find it? Talaga? Pero..



SIGNAL ERROR!!
Bigla nalang nag signal error si Stein kaya't nataranta ako. Sinubukan kong mag chat ulit pero..

Yan lang ang lumabas kaya't nasisiguro kong nawala na nga sa system si Stein. Wala akong nagawa kundi ang mapabuntong-hininga nalang at sinuko ang isiping makakausap kopa si Stein ngayon. Ano bang naisip ng Stein nayun na biglaang magpaalam sakin ng ganito lang kadali?
Lagot talaga yun pagbalik niya.
Base sa sinabi niya bago nawala ang mga message niya, isang buwan pa siya makakabalik. Hindi ko nga alam kung isang buwan nga lang ba ang parusang yun. Hindi ko nga alam na may parusa din pala silang mga NPC. Kung sabagay, tao nga naman sila dati.
Pero yung isang sinabi pa niya. Ay puntahan ko daw si Philip para sa mga karagdagan pang mga detalye patungkol sa mga sinabi niya. Kung may alam nga si Philip dito. Siguradong aalamin ko sa kaniya ang lahat ng sagot. Baka ito narin kasi ang tamang oras. Para mahanap ko, ang Lost crown nayun.
-_<