Magpapaalam sana ako sa kanila na puntahan ko lang saglit si JR sa table nila para kausapin nang may yumakap sa likod ko.
“Hey, gorgeous.” Kindat ni JR sa akin ng humarap ako.
“Oh. Anong ginagawa mo dito? Pupunta sana ako sa table ninyo.”
“Magpapaalam na kasi ako. Lasing na kasi ang mga kasama ko kaya kailangan na naming umuwi.” Sabi niya sa akin
Tumingin ako sa likod niya pero wala akong nakita na mga kaibigan niya.
“Nauna na silang lumabas. Hinintay lang kita para magpaalam.” Sabi niya kahit hindi pa ako nagtatanong
“Ganoon ba? Message me kapag nakauwi ka na ha? Halata kasing lasing ka na.” puna ko kasi namumungay na ang mga mata niya.
“Samahan mo na siya sa labas. Baka kasi hindi niya kaya ang sarili niya.” Taboy sa akin ni Olivia 
“Oo nga. Pasakayin mo muna sila ng taxi bago ka bumalik dito para mapanatag ang isip mo.” Sabi ni Emma
“Okay lang ako. Kaya ko pa naman ang sarili ko.” Sabi ni JR
“Samahan mo na siya sa labas. Ganoon naman talaga ang ginagawa natin di ba?” sabi ulit ni Emma
“Sige. Balik din ako agad ha.” Sabi ko agad baka kasi may masabi pa ang dalawang kaibigan ko.
Inakbayan naman agad ako ni JR na ngiting ngiti saka nagpaalam sa mga kaibigan ko. Sinamahan ko sila sa labas at naghintay ng taxi para makasakay sila. Magkakaiba ang uuwian nilang magkakaibigan kaya kailangan pa naming pasakayin ang 4 na kasama niya. Matagal din kaming naghintay ng taxi. Yumakap ulit si JR sa likod ko at pinatong ang ulo niya sa balikat ko habang naghihintay ng taxi.
“Kaya mo ba ang sarili mo? Gusto mong ihatid na lang kita?” tanong ko saka hinaplos ang buhok nito.
“Okay lang ako. Medyo nahihilo lang pero hindi pa naman ako lasing.” Sagot niya sa akin
Napasakay na namin lahat ang kasama niya at naghihintay na lang kami ng taxi na sasakyan niya ng may tumawag sa pangalan ko.
“Sabi ko na at merong something sa inyo eh.” Asar ni Emma sa akin.
Nakita kong nag-apir sila ni Olivia habang kinikilig. Palapit silang lahat sa amin kaya nakita ko ang tinatago nilang ngiti.
“Kayo naman yata. Bakit hindi mo pa siya pinakilala na boyfriend mo?” asar ding sabi ni Gabriel
Sasagot na sana ako ng may makita akong taxi. Agad din iyong pinara ni JR.
“Tawagan kita mamaya kapag nakauwi na ako.” sabi niya saka ako yinakap at hinalikan sa pisngi.
Namula ang pisngi ko dahil sa ginawa niya. Nahihiya ako sa ginawa niya kasi kaharap namin ang mga kaibigan ko.
Inalalayan ko siyang pumasok sa taxi saka ko siya kinurot sa beywang.
“Gumawa ka na naman ng issue.” Bulong ko sa kanya
Nang-iinis na ngumiti siya sa akin saka sinara ang pinto. Sinabi ko naman sa driver ang address niya saka ako nagpaalam.
“Ingat ka. Message mo ako kapag nakauwi ka na.” sabi ko
Pinanuod kong umalis ang taxi bago ko linapitan ang mga kaibigan ko.
“So? Saan na tayo? Magsasarado naman na sila?” tanong ko sa kanila
Tahimik lang silang nakatingin sa akin habang ngiting-ngiti.
“Tumigil kayo. Kumain na lang muna tayo para mahimasmasan kayo bago tayo umuwi.” Sabi ko saka ako tumalikod sa kanila
“Ayei! Sabi ko na talaga at magkakaroon ka din ng lovelife” sabi ni Emma
Hindi sila tumigil sa pang-aasar sa akin mabuti na lang at may dumating na taxi. Agad na sumakay sina Allan, James at Gabriel. Hindi kasi kami kasya lahat sa iisang taxi kaya kailangan naming mahati sa dalawang grupo. Apat lang kasi ang kailangan sumakay sa isang taxi.
“Nasaan si Matthew?” tanong ko. Dapat kasi ay kasali siya sa unang grupo.
Walang sumagot sa mga lalaking nasa taxi.
“Hintayin na lang namin kayo sa restaurant. Mag-oorder na din kami ng pagkain.” Sabi ni Gabriel
Umalis din sila agad kaya humarap ako sa mga babaeng kasama ko. Deadma lang silang nakatingin sa akin saka pinara ang parating na taxi. Pumasok silang lahat sa loob ng taxi. Papasok na sana ako ng isara nila ang pinto.
“Hintayin mo pala muna si Matthew. Pumunta muna kasi siya sa CR kanina. Sumunod na lang kayo.” Sabi sa akin ni Emma
Sasagot pa sana ako pero umalis na ang taxi. Napaisip ako kung may hindi ba ako nabayaran sa bill namin pero ang alam ko binayaran ko lahat after namin makuha ang mga order namin. Sampong minuto din akong naghintay sa labas pero walang Matthew na dumating. Nag-aalala na ako kaya pumasok ulit ako sa bar para hanapin siya. Nasa hagdan na ako ng marinig kong tumunog ang cellphone ko.
Naiwan pala si Matthew sa table at hinihintay ka. Sabi kasi naman na baka hindi tayo magkita sa labas. text ni Olivia 
Napamura ako ng tahimik at napailing saka ko naisip na kaya pala hindi man lang nila binitbit ang mga gamit ko.
Mag-usap na din kayo ng maigi bago kayo pumunta sa restaurant. Napansin kasi namin na parang may problema kayong dalawa. Take your time. May pupuntahan din saglit kami. text ulit ni Olivia 
Hindi ko alam na halata pala ang pag-iwas ko kay Matthew. Bumalik ako sa table namin at nadatnan ko siyang mag-isa na umiinom habang nakatingin sa kawalan.
“hey.” Awkward na sabi ko
Tinanguan lang niya ako saka binigay ang cellphone niya sa akin. Nagtataka ako sa ginawa niya eh hindi namin kami ganoon kaclose para ibigay niya ang cp niya sa akin.
“Basahin mo.” Maikling sabi niya sa akin
Tinignan ko ang cellphone niya at may nakita akong txt ni Gabriel na nagsabi kung ano ang ginawa nila. Umuwi na daw silang lahat at mag-usap daw kaming dalawa kasi halatang hindi kami okay sa isa’t isa. Binalik ko ang cellphone niya saka ko tinawagan si James.
“Nasaan ka?” tanong ko agad
“Pauwi na ako. Nahihilo na kasi ako. Pasensya na kung hindi ako maayos na nagpaalam.” sabi niya sa akin
“Okay. Ingat ka. Message mo ako kapag nakauwi ka na.” sabi ko
Tatawagan ko din sana sina Emma at Olivia pero may txt na sila na nagsasabing pauwi na din sila. Lahat sila ay may message na pauwi na sila.