Namamaga ang mga mata ni Celine nang magising siya kinaumagahan. Tinitigan siya ni Shantal habang ngumunguya ng V-Fresh. Magkatabi lang ang kanilang higaan.
"Pang ilang beses mo na nga na dumped Ate Celine?" Mapang-asar na tanong ni Shantal.
"Pwede ba Shantal wala ako sa mood makipag-away. Ang aga-aga wala ka bang balak gawin sa buhay mo? Bakit ayaw mong maghanap ng trabaho? Sinasayang mo ang pinag-aralan mo sa ginagawa mong yan. Mag-iisang taon ka ng tambay."
"Akala ko ba ayaw mo ng away?" Tumayo si Shantal sa harapan ni Celine. Nakataas ang kanang kilay niya.
Hindi na pinansin pa ni Celine ang bunsong kapatid at bumaba na sa dining area para kumain ng umagahan. Nasa may hagdan siya ng marinig niyang may kausap ang kanyang ama na si Clenthon. Nakaloud speaker palagi ang cellphone ni Clenthon dahil medyo mahina na ang kanyang pandinig.
"Sa San Juan Nepomuceno na lang natin sila ipakasal. Maganda ang simbahan na iyon. Iyon eh dinarayo ng mga artista."
Napakunot ang noo ni Celine nang marinig ang sinabi ng kanyang ama.
"Sige Baysan! Sasabihin ko kay Dustin. Basta ako nang bahala sa lahat ng gastos. Nasabi mo na ba kay Celine na ikakasal na siya next week?"
Saad ni Don Alexander sa kabilang linya.
Napapanaog ng mabilis si Celine at nanlalaki ang mga matang humarap sa kanyang ama. Agad namang pinatay ni Clenthon ang tawag para magpaliwanag sa kanyang mahal na anak.
"Tatang! Anong ibig sabihin noong narinig ko? Ipapakasal nyo ho ako?" Galit na tanong ni Celine.
"Anak, mayaman ang mapapangasawa mo. Mabait si Don Alexander at siguro ganon din ang ugali ng anak niyang si Dustin. Ayaw naming tumanda kang mag-isa kaya --"
"Kaya ibinugaw nyo ako? Kaya ipapakasal nyo ako sa lalaking kailanman ay hindi ko pa nakikita at nakikilala? Ganon na ba talaga kayo kadesperadang ikasal ako Tatang? Alam nyo kaya ako nape-pressure na magpakasal na kasi araw-araw ko nang naririnig sa inyo ni Nanay. Alam nyo ba kung gaano kabigat non para sa akin? Kung gaano ako nai-stress sa tuwing may nababalitaan akong nagpapakasal na kaeskwela ko?"
Hindi na napigilan pa ni Celine ang pagpatak ng kanyang mga luha. Halos lahat ng nasa paligid niya ay pinipilit na siyang mag-asawa.
"Is there an age limit? May deadline ba sa pag-aasawa? Paano ako magiging masaya sa marriage life ko kung itatali nyo ako sa kung sino lang? Wala ba akong kalayaang pumili ng mapapangasawa?" Pagdaramdam ni Celine.
"As if naman may mahihila ka kaagad sa daan na papayag na maging asawa mo. Yung mga naging jowa mo nga iniwan ka eh. Kung hihintayin mong may lalaking mag-aalok sa iyo mismo ng kasal, baka mamuti yang mga mata mo kakahintay..baka mawalan ng bisa yang matres mo at di ka na magka-anak. Dapat nga nagpapasalamat ka pa kina Daddy."
"SHANTAL! ITIKOM MO YANG BIBIG MO! UMAKYAT KA ROON SA SILID MO!" Sigaw ni Clenthon sa kanyang bunsong anak.
Padabog na umakyat sa kanyang silid si Shantal habang umiiyak naman si Celine dahil sa mga sinabi sa kanya ng kanyang kapatid.
"Wag mo nang pansinin yung kapatid mo." Sabi ni Lyn habang hinahagod ang likod ni Celine.
"Nay, ayokong magpakasal sa lalaking hindi ko kilala. Mas gugustuhin ko pang maging soltera kaysa makasama sa iisang bubong ang isang estranghero. Nay, please pigilan mo si Tatang. Ayoko po talagang magpakasal sa kung sinong poncio pilato. Hindi pa po ako ganon kadesperada." Humihikbing saad ni Celine.
Wala ring nagawa si Lyn para pigilan ang plano ni Clenthon para sa kanilang anak. Humahangos na dumating ang kapitbahay nina Celine dala ang isang balita.
Nang mahanap ng staff ni Dustin ang tahanan nina Clenthon ay agad niyang isinend sa kanyang amo ang kanyang lokasyon. Matapos mag-ayos ng sarili ay dali-daling bumaba sa ground floor si Dustin. Tiningnan niya muna kung nandoon ang kanyang ang Papa at najg makompirma niyang wala ay agad siyang pumunta sa garahe. Inihahagis pa niya ang susi ng kanyang Dartz Prombrom na pick-up car. Sumisipol-sipol pa sya nang biglang may nagsalita sa likuran niya. Halos maalis ang kanyang puso sa kanyang dibdib sa sobrang pagkagulat.
"San ka pupunta? Mambababae ka na naman? Pinapaalala ko sa'yo na tapos na ang pakikipaglaro anak."
"Papa naman! Nakakagulat ka! Buti na lang wala akong sakit sa puso!" Saad ni Dustin.
Inakbayan ni Don Alexander si Dustin at ipinihit ang direksyon ng paglalakad nila patungo sa kanyang limousine.
"Papa! Saan mo ko dadalhin? May pupuntahan akong importante eh." Pagmamaktol ni Dustin.
"Pupuntahan natin ang babaeng bibihag sa iyong puso." Tumawa ng malakas si Don Alexander nang makita ang reaksyon ng kanyang nag-iisang anak.
Napakamot sa kanyang ulo si Dustin. Hindi niya akalain na pareho sila ng nais puntahan ng kanyang Papa. Gusto niya muna sanang masolo ang panganay na anak ng bestfriend ng kanyang Papa para makausap tungkol sa nalalapit nilang kasal. Sa kasamaang palad ay nabigo siya sa kanyang plano.
"Papa, dito ka na lang kaya? Ako na lang ang pupunta sa bahay ng bestfriend mo. Dito ka na. Baka samaan ka pa ng lasa sa daan eh." Pamimilit ni Dustin.
"No Dustin. Kailangan ko rin silang makausap. Isa pa, kailangan kitang bantayan. Wala akong tiwala sa kilos at pananalita mo. Ayokong mapahiya sa baysan ko at sa mamanugangin ko." Agad na tugon ni Don Alexander.
Nagpumilit pa rin si Dustin pero hindi siya nanalo sa kanyang Papa. Gusto pa rin sana niyang sumakay sa kanyang pick-up car ngunit gaya ng naunang debate nila, nanalo na naman ang kanyang Papa. Napailing na lang si Dustin habang sakay sa limousine.
Habang abala ang mag-asawang Jones ay may kumatok sa kanilang pintuan. Isang oras na ang nakalipas matapos makaalis nina Dustin at Don Alexander sa kanilang mansyon. Narating na nila ang bahay ng mga Jones.
"May.. naghahanap po sa inyo Mang Clenthon. Naka limousine. Papunta na po sila rito." Hingal na sambit ng kapitbahay.
Dalas-dalas na nagligpit sa sala si Lyn samantalang nagpabili ng RC si Clenthon para maipainom sa mga darting na bisita. May ideya na siya kung sino ang paparating.
"Celine, mag-ayos ka." Utos ni Clenthon.
Nagmatigas si Celine at lalong pinapanget ang kanyang hitsura ngunit kahit anong gawin niya ay kita pa rin ang kanyang angking ganda. Makalipas ang limang minuto ay nakarating na rin sina Don Alexander sa bahay ng Jones Family.
"Baysan!" Sigaw ni Don Alexander sabay yakap sa kanyang bestfriend na si Clenthon.
"Pagpasensyahan mo na ang bahay namin Alexander. Hindi pa rin ako nakakatama sa lotto eh." Pabirong sabi ni Clenthon na siyang ikinahagalpak ng tawa ni Don Alexander.
Napabaling ang tingin ng bilyonaryo kay Celine. Nginitian niya ang dalaga ngunit sinimangutan lang siya nito.
"Siya na ba si Celine? Napakaganda ng panganay mo Clenthon! Manang-mana sa pinagmanahan."
"Ahem." Tikhim ni Lyn na katabi ni Celine sa upuan.
Pinaupo nila si Don Alexander at hinayinan ng RC at monay. Mayaman siya pero paborito niya ang monay na tinapay. Halos magkapatid na rin ang turingan nila ni Clenthon. Marami silang alam tungkol sa isa't isa.
Nang pumasok sa pintuan si Dustin ay napanganga sina Clenthon at Lyn. Nagniningning at nakakasilaw ang kagwapuhan ng binata. Napalunok si Celine pero hindi pa rin niya matatanggap na ipapakasal siya sa lalaking nasa harapan niya kahit pa nag-uumapaw ang kagwapuhan nito.
"Papa, are you sure we're on the right place? Ang liit ng bahay nila." Pagrereklamo ni Dustin.
Nawala ang mga ngiti sa labi ng mag-asawang Jones. Nagulat si Lyn nang biglang tumayo si Celine at nagsalita.
"Pasensya ka na ha hindi kami kasing YAMAN MO. Maliit lang ang bahay namin pero ang mga taong nakatira rito, maalam RUMESPETO."
Natigilan si Dustin nang makita ang babaeng nagsasalita.
"Teka, you're familiar. Saan nga ba kita nakita?"
Nag-isip si Dustin ng maigi. Inirapan siya ni Celine bago siya umupo.
"That's it! Ikaw yung babae sa restaurant!"
Namula ang mga pisnge ni Celine sa sinabi ng binata.
"I like how you slapped your ex-boyfriend. Are you okay now?" Nakangiting tanong ni Dustin.
Iniwan ni Celine ang mga bisita nila sa baba at dalas-dalas na umakyat sa kaniyang silid. Sariwang-sariwa pa rin ang sakit na idinulot ni Clark sa kanya.
"I'm sorry if I have offended your daughter. It's not my intention." Pagpapaumanhin ni Dustin.
Pinag-usapan nila ang tungkol sa kasal nina Celine at Dustin. Nais siguraduhin ni Don Alexander na walang magiging problema sa araw ng kasal ng dalawa. Nagkasundo naman sila sa venue, pagkain, motif at souvenirs. Bigatin rin ang mga bisitang dadalo sa pag-iisang dibdib nina Jones at Saavedra.
Samantala nagsend naman ng sms si Dustin sa numero ni Celine.
"We need to talk after this. Tayong dalawa lang. Importante to para sa ikapapayapa ng mga buhay natin. This is a secret. Kahit si Papa hindi to alam."
Napatigil sila sa pagpaplano nang biglang dumating ang kapitbahay nina Lyn. Gaya kanina ay humihingal na naman ito.
"May..may isa pa po kayong bisita Aling Lyn!" Habol sa hiningang sambit ng kanilang kapitbahay.
"Ay sino raw iyon?" Bulalas ni Aling Lyn.
"Kendal daw ho."
Nagpanting ant tenga ni Dustin nang marinig niya ang pangalang kailanman ay hinding hindi niya gugustuhing mapakinggan o masambit. Nilapitan siya agad ng kanyang amang si Don Alexander para awatin sakali mang hindi niya mapigilan ang kanyang emosyon.
Pagpasok ni Kendal ay nakangiti siya at ipina-abot sa kanyang mga balae ang mga dalang groceries, damit at kung anu-ano pa. Natulala si Don Alexander sa kagandahan ng kanyang dating asawa. Wala pa ring kupas ang kanyang karisma at alindog.
Bumaba si Shantal para tingnan ang hitsura ng lalaking mapapangasawa ng kanyang kapatid. Tila naistatwa siya sa kanyang kinatatayuan nang mapagmasdan ang angking kagwapuhan ni Dustin. Bumilis bigla ang tibok ng kanyang puso. Nahulog ang kanyang loob sa binata sa unang pagkikita nila. Lumapit siya palapit kay Dustin at tinitigan niya ito mula ulo hanggang paa.
Napakagat labi si Shantal at bumulong sa kanyang Daddy Clenthon, "Dad, pwede bang ako na lang ang ipakasal mo sa kanya? Ayaw naman ni Ate Celine sa kanya eh. Willing ako Dad."
"Tumigil ka sa kalokohan mong yan Shantal. Nakaplano na ang lahat. Uunahan mo pang mag-asawa si Ate Celine mo. Hindi maaari." Pabulong na tugon ni Clenthon.
"Anong ginagawa mo rito? Paano mo nalaman ang tungkol dito?" Dustin raised his thick eyebrows while giving his Mom a piercing look.
Binati muna ni Kendal sina Lyn at Clenthon. Sinulyapan niya lang si Don Alexander na ngayon ay hindi maalis ang tingin sa kanya.
"I want to congratulate you in person, anak. I'm so happy that you have found the love of your life." Masayang sambit ni Kendal. Yayakapin sana niya si Dustin nang bigla siyang itinulak nito.
"Fuck off! Stop pretending that you are a good mother. This woman.." Itinuro niya si Kendal sa pamilyang Jones.
"This woman is a slut!" Pagpapatuloy ni Dustin.
Nakatikim ng magkasunod na sampal si Dustin buhat sa kanyang inang si Kendal. Napahawak si Dustin sa namumula niyang pisngi bago nagsalitang muli.
"She left us for another man and she didn't bother to apologize to Papa kahit sa akin personally. Look at her! Ang kapal ng mukhang magpakita sa amin matapos niya kaming itapon na parang mga basahan."
Lalong naging interesado si Shantal sa katauhan ni Dustin matapos masaksihan ang away ng mag-ina.
"I'm sorry. Aalis na ako. Alexander alagaan mo ang anak natin. Please make sure that he will grow up as a good man like you." Pagmamakaawa ni Kendal.
Bago pa man makalabas si Kendal ay nauna nang umalis ng bahay ng pamilyang Jones si Dustin. Hindi nakayanan ng binata na itago ang galit na matagal na niyang kinikimkim sa kanyang dibdib. Marami pa siyang gustong sabihin at itanong sa kanyang ina pero mas pinili na lang niyang lumayo. Hindi niya alam kung ano ang maaari niyang gawin sa kanyang ina kapag nagtagal pa siya sa harapan niya.
Habang naninigarilyo sa labas ng bahay nina Clenthon ay nagvibrate bigla ang kanyang cellphone. Napangiti siya nang mabasa niya ang reply ni Celine.
"I'm in. Text me the location and time. Pupuntahan kita."
May bago na namang mapaglalaruan si Dustin Saavedra pero this time ibang level na dahil hindi lang sila magkasintahan kundi magiging mag-asawa na.