- EL POV -
Inis akong naupo sa monoblock sa loob ng lumang apartment na tinutuluyan namin.
"Saijan, pagkain!" sambit ko
"Luto na, kunin mo na lang! Kumusta ang lakad mo? Nakuha mo 'yung pera?"
Napamura na naman ako nang maalala ko 'yung babae sa isang University. Ysabelle Alejos! Putcha! Natakasan ako ng isang babae!!!!
"Huwag mong sabihin na naisahan ka pa? Ang alam ko ay babae ang may utang sa'tin." ani Zero na nililinis ang mga baston niya
Inilapag ni Jamie ang mga pagkain sa kahoy na mesa.
"Waaah! So hindi pa tayo makakaalis sa lumang apartment na 'to?" ani Jamie
20k na lang ang kulang sa pera namin para mabili 'yung bahay na gusto namin. 'Yung 10k ay makukuha ni Saijan sa laban niya mamaya, 'yung 10k pa ay nandu'n pa sa nakakainis na babae!
"Hoy pervert! Siguraduhin mo na mananalo ka mamaya, dahil kung hindi hahatiin kita sa apat." ani Zero kay Saijan
"Idiot! Uunahin na kitang patumbahin!."
"Hinahamon mo ba ako?!" -Zero
Kinuha ko 'yung litrato ni Ysabelle Alejos at hinagis kay Saijan bago pa sila magbugbugan, kaya nangasira na 'tong apartment dahil madalas silang magbubugan! Gusto ko na silang ipaskil sa mga butas na pader!
"Hunting-in mo 'yan, tutal ikaw ang tunay na bastos." sambit ko kay Saijan, siya ang mahilig sa babae kaya sa kanya ko ipapagawa ang trabaho
"Hoy! Pasmado 'yang bibig mo El.... woooaaaah!!! What a gorgeous womaaaaaannn!!!!"  -Saijan
"Pervert!" -Zero
"HOY! WALA PA AKONG GINAGAWA! PERVERT AGAD?!" -Saijan
"Ahm, dumudugo ang ilong mo, Saijan." -Jamie
Napangisi ako, likas na bastos ang loko! Litrato pa lang ang nakikita pero nagdurugo na agad ang ilong!
"Oh, pretty, pretty womaaaaan! Womaaaaan! Womaaaaan! So prettyyyyyyy!" kanta ni Saijan
"Hayst! Walang gamot sa taong bastos!" -Zero
Bigla ay inagaw ni Jamie ang litrato kay Saijan at ibinalik sa'kin.
"Jamie, sweetie?! Whyyyy?! Are you jealous? Oh c'mon my sweet Jamie....."
Hindi na pinatapos ni Jamie ang talata ni Saijan, sinuntok niya na si Saijan sa mukha.
"Tumahimik ka muna!" ani Jamie
Hindi namin naiwasang matawa ni Zero dahil sa pagsuntok na ginawa ni Jamie kay Saijan. Sa sobrang hilig niya sa babae, hindi niya naiiwasan ang mga suntok ni Jamie.
Parang naiwasan mo ang panunuhod ni Ysabelle Alejos ah!
Agad napawi ang ngiti ko nang maalala ko ang ginawa ng babaeng 'yun. Humanda siya sa'kin!
"LEADER EL!" sigaw sa'kin ni Jamie sabay hampas sa mesa,
Malakas niyang ipinatong du'n ang litrato. Nakita ko na naman ang pagmumukha ng babaeng 'yun!
"Bakit ka sumisigaw?!" tanong ko kay Jamie
"IKAW ANG MANG-HUNTING KAY YSABELLE ALEJOS! WALA AKONG TIWALA KAY SAIJAN PAGDATING SA BABAE!"
"Ako rin!" -Zero
"HOOOOOY!" -Saijan
Seryoso ang tingin na binigay sa'kin ni Jamie.
"HANGGANG BUKAS NA LANG ANG DUE DATE NATIN PARA SA BAHAY! PANGARAP NATIN 'YUN! KAYA GAWIN MO ANG LAHAT PARA MAKUHA ANG UTANG NIYA SA'TIN! NAIINTINDIHAN MO, LEADER EL?!"
Nandidilat ang mga mata sa'kin ni Jamie, kumbaga kapag tumanggi ako ay masusuntok rin ako.
"Mukhang walang magagawa ang leader ng grupo. Utusan lang ni Jamie Robin." -Zero
Binalingan ko si Zero.
"Ikaw na lang kaya ang gumawa Zero...."
"HINDEEEEEEE!" sigaw na naman ni Jamie bago ko pa matapos ang sasabihin ko, "IKAW ANG GAGAWA! AT WALA KA NANG MAGAGAWA KAYA IKAW ANG GAGAWA! WALA NANG IBANG PWEDENG GUMAWA! IKAW ANG GAGAWA!!!!"
"Ha?"
Napatanga ako sa sinabi ni Jamie, parang nagulo yata bokabolaryo ko sa utak.
"Bobo! Ibig niyang sabihin sumunod ka na lang dahil si Jamie sweetie talaga ang leader dito!" -Saijan
Inis akong napakamot sa ulo ko.
Kapag hindi  niya pa rin ibinigay ang pera mamaya, ibebenta ko na lang ang organs niya sa katawan!!!
Pero base sa naging encounter namin kanina, alam ko matapang siya.
Napatingin ako sa likod ng palad ko na sinagutan niya. Hindi 'yun sapat para masaktan ako. Pero nagpapatunay lang 'yun na hindi siya basta-basta nagpapatalo sa kahit na sinong tao.
Napangisi ako.
Then, kailangan ko ng bagong plano para mapilitan siyang magbayad sa'kin!
- Ysabelle's POV -
Tumingin ako sa bandang likod ko. May pakiramdam akong may sumusunod sa'kin!
Mahigpit kong hinawakan ang cutter na nasa loob ng bag ko.
Kung ang sumusunod sa'kin ngayon ay si Leader El, hindi sapat ang cutter na 'to. Ngunit kung stalker galing University, magagamit ko 'to bilang panakot.
Sinong may sabi na maganda ang buhay ko? Sa loob at labas ng bahay ay walang katahimikan ang buhay ko!
Nagulat ako nang biglang magring ang cellphone ko.
Muli akong naglakad at sinagot ang tumatawag.
"Hello, Tiya Joan." sambit ko
Naglalakad na ako papunta sa gulayan para sunduin si Celine.
("Hija, kami ay naglalakad-lakad ni Celine, nasaan ka na ba?")
"Papunta na rin po ako. Nagkaproblema po ba kay Celine?"
Kung naglalakad-lakad sila ni Celine, ibig sabihin ay sarado na ang gulayan. Maaga pa para magsara. 6pm lang. Usually ay 8pm nagsasara.
("Inatake kanina, natakot naman ako kaya inilabas ko na muna.")
Inatake na naman siya, napapadalas na ang atake niya!
"Ganu'n po ba? Naglalakad na rin po ako papunta sa gulayan."
("Sige, tingin ko ay makakasalubong ka naman namin.")
Ilang sandali pa ay nagpaalam na rin ako sa kanila.
Nararamdaman ko pa rin na may sumusugod sa'kin. Binilisan ko na lang ang paglalakad ko.
Tapos bigla na lang may sumulpot na isang babae sa harapan ko.
"Hi! My name is Jamie Robin." sambit niya agad
Lihim akong nakahinga ng maluwag. Babae, at least babae!
Lumapit siya sa'kin. Saan ko nga ba siya nakita?!
Then may naramdaman akong isang bagay na itinutok niya sa bewang ko.
Nanlaki ang mga mata ko habang nakatingin sa babae. Nakangiti pa siya sa'kin.
"Huwag kang kikilos." masaya niyang banta
Hindi nga ako nakakilos. 'Ni hindi ko alam kung ano ang nakatutok sa tagiliran ko.
"Ten thousand. Ten thousand ang utang mo sa'min." bulong niya
Sh*t!!! Anong ten thousand ba ang sinasabi nila?!!
"Babayaran mo kami o papata....."
"ATE YSAAAAAAAA!"
Muling nandilat ang mga mata ko nang marinig ko ang boses ni Celine!
"Celine!" mahina kong sambit
"Huwag kang lilingon!" utos niya sa'kin, napawi na ang mga ngiti niya, mukhang kinabahan na siya
"ATE YSAAAAAAAA! SINO PO ANG KASAMA MO?"
Hindi pa ako nakakalingon ay may yumakap na sa bewang ko.
"Celine!"
Ngumiti siya sa'kin ganu'n din du'n sa babae.
"Hello po, kaibigan ka po ba ng Ate ko?" sambit niya du'n sa babae
Mabilis siyang kumilos, halos hindi ko rin nakita kung paano niya naitago ang bagay na itinutok niya sa'kin.
"Hindi! Kelan pa nagkaroon ng kaibigan ang ate mo?! Walang kaibigan ang ate mo!" sambit nu'ng babae tapos umatras na siya
Nagtaka ako kung paano niya nalaman ang mga tungkol sa'kin. Totoong wala akong ibang kaibigan.
"May kaibigan ang ate ko! Ako, kaibigan ako ng ate ko!" ani Celine
- Jamie's POV -
"May kaibigan ang ate ko! Ako, kaibigan ako ng ate ko!"
Napa-pout ako sa sinabi nu'ng batang babae!
Potek! Sana ol! Sana ol may kapateeeeed na maganda! Bakit ang ganda ng magkapatid na 'to?!
Umatras na ako. Syempre hindi pwedeng may bata, weakness ko ang bata!
"Miss, may itatanong ako." sambit nu'ng Ysabelle
Potek ka Leader El! Ikaw dapat ang tuma-trabaho nito!!
"Bawal magtanong! Babalikan kita!" tapos tumakbo na ako
Pinuntahan ko si Leader El!
"HOY! BAKIT KA TUMATAKBO!!"
Napatigil ako sa pagtakbo. Lumampas pala ako sa pinagtataguan niya.
Binalikan ko si Leader El at agad sinapak.
"Aray! Putcha! Bakit ba ako kumuha ng mga miyembro na mahilig manapak!" reklamo niya agad
"Bobo ka eh! Bakit hindi mo sinabi sa'kin na may magandang bata si Ysabelle Alejos?! Potek! Muntik ko na siyang bigyan ng lollipop at iuwi! Huhuhu!"
"Nakuha mo 'yung pera?"
Nagpout ako.
"Mukhang wala namang pera 'yung tao! Sigurado ka ba na siya 'yung tumaya sa pusta?" seryoso kong sambit
Nag-isip siya kahit alam ko na wala namang siyang isip.
"Oo! 'Yun ang ibinigay na pangalan sa'kin nu'ng lalaki na may dalang alak."
Sinapak ko ulit siya.
"Bobo ka talaga! Bakit naging leader kita?!"
Tiningnan niya ako ng masama.
"Anong bobo du'n?!" tanong ng bobo
"Ibig sabihin hindi siya ang direktang pumusta! Potek! Kaya naman pala mukhang inosente si Ysabelle Alejos."
Kakainis 'tong si Leader El, hindi nag-iisip!
"Nakita mo 'yung mukha niya?"
Nagtaka ako sa pag-iiba niya ng tanong.
"Oo! Maganda man din. Sobrang ganda." sagot ko
Totoo! Maganda talaga si Ysabelle Alejos. Maputi, mahaba ang buhok, maganda ang katawan.
"Maraming sugat di ba?"
Lalo akong nagtaka sa sinabi niya. Wala naman akong napansin na sugat sa mukha ni Ysabelle.
"Nakakabobo talagang magiging bobo ano, Leader El? Tara na, umuwi na tayo."
Nauna na akong maglakad sa kanya. Siguradong patapos na rin ang laban ni Saijan.
"Paano 'yung 10k?" tanong ni Leader El
"Mag-isip ka. Kailangan natin makuha 'yung bahay bukas! Waaaaah! 'Yung pinag-ipunan nating bahay. Huhuhu."
Ilang taon na kaming nag-iipon para sa bahay na 'yun. Wala kaming sariling bahay. Wasak na 'yung apartment namin dahil kina Zero at Saijan, lagi silang nagbubugbugan tapos ayu'n, crack dito, crack doon. Hay nako talaga!
"Bibilhin natin ang bahay bukas."
Nilingon ko si Leader El. Seryoso siya.
"Paano? Kulang tayo ng 10k!"
Hinawakan niya ang ulo ko.
"Ako ang bahala! May plano ako!"
Nagshrug na lang ako. Bahala siya, tutal malakas naman siya.