- Ysabelle's POV -
"Magkano ang kangkong?"
"Kinse isang tali."
Hinintay ko na matapos si Tiya Joan sa ginagawa niya habang hawak ang kamay ni Celine.
"Sukli mo o! Salamat."
Nang wala ng mga bumibili ay lumapit na sa'min si Tiya Joan.
"Tiya papasok na po ako, iiwan ko na po si Celine." sambit ko
"Sige hija, ako na ang bahala."
Humigpit ang hawak ni Celine sa kamay ko kaya tiningnan ko siya at nginitian.
"Babalik ako mamaya okay? Magpakabait ka kay Tiya."
"Ate..."
Inayos ko ang tuwid niyang buhok.
"Babalik ako, promise."
"Hindi ba ako pwede na magschool na lang?"
8 years old na siya, dapat talaga ay pumapasok na siya sa school.
"Ipapasok na rin kita sa school, hintay ka lang okay?"
Tumango siya sa'kin.
"Okay."
"Behave na lang kay Tiya Joan ha? Alam mo na, marami tayong costumer."
Tumango lang ulit siya kaya binalingan ko na si Tiya Joan na naghihintay sa'min.
"Mauuna na po ako." paalam ko
"Okay okay, tatawag na lang ako kung magkaproblema."
"Salamat Tiya."
Iniwan ko na nga si Celine sa pwesto namin. May gulayan kami, tinutulungan ako ni Tiya Joan na mag-asikaso dahil nag-aaral pa ako.
Si Celine ay kapatid ko. Hindi ko siya pwedeng iwan mag-isa sa bahay dahil may sakit siya. Inaatake siya ng epilepsy.
Pumara ako ng tricycle para magpahatid sa University. May kalayuan ang gulayan namin sa University pero kailangan ko nang makarating agad dahil 10 minutes na lang ang meron ako. Kulang na kulang na 'yun sa b'yahe pa lang.
Natagalan kaming makaalis ni Celine ng bahay kanina dahil nagwala pa ang tatay ko! Umaga pa lang ay lasing na siya!
Napahawak ako sa pisngi ko nang maalala ko na malakas niya akong nasampal kanina.
Napabuntong-hininga ako. Hindi biro ang magkaroon ng ama na lasingero at mapanakit. Kinakailangan kong magmake up araw-araw para lang maitago ang mga pasa sa mukha ko.
May mga araw na hindi na 'yun kayang itago pa ng make up pero kinakailangan kong gawan ng paraan. Hindi ko gugustuhin na may makakita sa tunay na kulay ng balat ko.
Kinuha ko ang cellphone ko para i-check ang mukha ko gamit ang camera. Siniguro ko na maayos na maayos ang hitsura ko.
Maganda... kailangan maganda.
Nakarating na kami sa tapat ng University kaya nagbayad na ako sa tricycle driver. Inayos ko ang suot kong long sleeve blouse tsaka ako naglakad papunta sa gate ng University.
Pero bigla na lang may humila sa'kin.
Hindi ko naiwasang mapangiwi sa sakit dahil may pasa din ako sa braso ko at mahigpit rin ang pagkakakapit niya sa braso ko. Parang mga bakal ang daliri niya sa kamay.
Tiningnan ko siya. Ngunit naunahan niya akong magsalita.
"Ysabelle Alejos tama?!" mariin niyang tanong
Agad nagsalubong ang mga kilay ko. Siya 'yung lalaking bumunggo sa'kin kahapon. Hindi ko alam kung paano niya nalaman ang pangalan ko.
"Let me go!" utos ko sa kanya
Pilit kong tinatanggal ang kamay niya sa braso ko dahil nga masakit pero hindi niya ako binibitawan.
"Sumama ka sa'kin!" inis niyang sambit tapos hinila na niya ako palayo ng University
"Bitiwan mo ako, ano ba!!!" reklamo ko sa kanya
Tiningnan kami ng mga istudyante pero hindi ko alam kung bakit walang magtangkang tumulong sa'kin.
Natatakot sila sa lalaking 'to?!
Pero hindi ako sinaunang babae, hindi ako maria clara o sinumang maria sa mundo.
Kinuha ko ang lagi kong baon na cutter sa bulsa ng pants ko. Agad kong hiniwa ang kamay niya.
Wala siyang ibang reaksyon bukod sa paglingon niya sa'kin.
Dumudugo ang likod ng palay niya pero nakatingin lang siya sa'kin. Hindi niya pa rin ako binibitawan.
Muli ko siyang hiniwaan pero wala pa rin siyang reaksyon.
Manhid ba siya? Hindi ba siya nasasaktan?!
Agad niyang inagaw sa'kin 'yung cutter na hawak ko.
Nagulat ako at natakot at the same time dahil ang lakas niya. Ang lakas ng pwersa niya.
Bigla ay inilapit niya ang mukha niya sa mukha ko kaya bahagya akong napaurong.
"S-Sino ka ba?!" tanong ko sa kanya
May ilang bangas siya sa mukha niya.
"El... Leader El!" sagot niya
Leader El?! Hindi ko siya kilala!!!
"Anong kailangan mo sa'kin?!"
"May utang ka sa'kin! Sampong libo!"
Naguluhan ako sa sinabi niya. Kelan pa ako nagkautang?!
"Hindi ko alam ang sinasabi mo!"
Lalong humigpit ang pagkakahawak niya sa braso ko kaya napangiwi na naman ako.
"A-Aray!"
"Anong aray?! Hindi pa kita sinasaktan!" galit niyang sambit
Bigla ay hinawakan niya ang baba ko at chineck ang buong mukha ko.
"Bakit mo itinatago ang laban mo?"
"Ha?"
Muli ay naguluhan na naman ako sa sinabi niya.
Binitawan na niya ang baba ko at braso ko.
"Puno ng sugat ang mukha mo. Bakit mo tinatago?!"
Nagulat ako. Agad kong nahawakan ang mukha ko.
Imposible! Nasisiguro ko na maayos ang make up ko at hindi mahahalata ang mga sugat ko!
"ARGH!!!!!" bigla ay sigaw niya na ikinagulat ko na naman
Aatakihin na yata ako sa puso dahil sa taong 'to!
"HINDI DAPAT AKO NAAAWA SA'YO DAHIL MAY UTANG KA SA'KIN!" sigaw na naman niya
Nakakatakot siya. Ang laki niyang tao. I mean, mataas siya tapos malaki ang katawan niya. Halatang sanay siyang lumaban.
"Akin na, akin na ang sampong libo!" sambit niya tapos bigla na lang niya akong kinapaan sa bawat bulsa ng suot kong pantalon
Sa sobrang gulat ko ay malakas ko siyang sinampal. Halatang nagulat siya sa ginawa ko dahil tumigil siya sa ginagawa niya at napahawak sa pisngi niya habang salubong ang mga kilay na nakatingin sa'kin.
"Bakit mo ako sinampal?!" bulyaw niya sa'kin
Sarcastic akong nagreact.
"Hah! Bakit kita sinampal?! Nagpapatawa ka ba?!!! Bigla mo na lang akong hinawakan!"
Lalong nagdikit ang dalawa niyang kilay.
"Ano naman?! Para saan pa ang kamay kung hindi marunong humawak!!"
"Hah!!! Babae ako! Bastos ka!"
Ihinilamos niya ang palad niya sa mukha niya. Hindi ko siya maintindihan, mukha siyang walang alam sa paningin ko.
"ANONG BASTOS DU'N? HINUBAD
RAN BA KITA?! AGANG-AGA BASTOS NG ISIP MO!"
Nandilat ang mga mata ko sa isinigaw niya. Ang dating ay ako pa ang bastos.
Sobrang naiinis ako sa kanya.
Lalo na at pinapahiya niya ako sa mga taong nakakarinig sa'min.
"Leader El, tama?" tanong ko sa pangalan niya
"Oo bakit? Magbabayad ka na?!"
Lumapit ako sa kanya at hinawakan ko ang magkabila niyang balikat.
"Kita mo at ikaw ang bastos!" sambit niya pa
Pinagtaasan ko siya ng isang kilay ko.
"Sorry pero hindi papatulan, hindi ko gusto ang mga babaeng duwag..... ARGH! P*******!!!!!!"
Agad siyang lumayo sa'kin habang nakahawak sa pagkalalaki niya nang tuhurin ko siya.
"Sinong duwag Leader El? Go to hell!!" sambit ko sa kanya
Tiningnan niya ako ng masama habang halos magpakabaluktot na siya sa sobrang sakit na nakikita ko sa mukha niya.
"Humanda ka sa'kin babae ka! Hindi pa tayo tapos!" banta niya sa'kin
Kinuha ko ang cellphone ko tsaka ko siya ni-video-han.
"H-Hoy! Anong ginagawa mo!" reklamo niya
Nginisian ko siya.
"Hindi pa tayo tapos di ba? Kapag binalikan mo pa ako, kakalat sa internet 'tong pagmumukha mong nabasagan ng itlog! Naintindihan mo, Leader El?"
Sinadya kong iparinig sa video ang boses ko.
Minura niya ako ng paulit-ulit pero nginisian ko lang siya. Then iniwan ko na siya habang namimilipit sa sakit.
Syet! Late na ako!
Mabilis na akong bumalik sa University para pumasok. Sobrang late na ako.
Hindi ko akalain na male-late ako nang dahil lang sa bastos na lalaking 'yun!
Sino ba siya?! 'Ni hindi ko siya kilala para magkautang ako sa kanya!
Muli akong napahawak sa mukha ko. Hindi ko alam kung paano niya nalaman ang laban ko. Kailangan kong magretouch muli ng make up!