"Hindi ko man lang nakita ang top 3" naiiyak na reklamo ni lou
"Kumain ka na nga lang"
"Ayoko! Wala akong gana. Akala ko pa naman makikita ko na sila" reklamo pa ulit niya.
Napailing iling nalang ako. Simula kagabi hindi na maalis sa isip ko yung tatlong lalaking 'yon.
"My baby Enlin, Dean, at Qin" nakapout pang arte nito habang tinitignan ang isang developed picture
"Patingin nga" hablot ko ng picture at tinignan ito "S-sila ang top 3?"
Hindi nga ako nagkamali. Yung tatlong lalaking nakita ko kahapon, sila yung top 3.
"Oh? Bakit naman gulat na gulat ka?" tanong niya at hinablot pabalik ang picture. Nanlaki ang mata nito at hinawakan ako sa balikat
"Nakita mo sila? Nakita mo sila noong nawala ka no?" excited na tanong nito
"Eh ano naman ngayon?"
"So nakita mo nga sila?!" - lou
"Hoy! Hinaan mo nga yang boses mo"
"Iiiiiiiiiccckkk! Bakit hindi mo sinabi sakin agad? Kagabi pa ako iyak ng iyak" reklamo ulit nito
"Ewan ko sayo" natatawang singhal ko. Para siyang bata
"Dapat pala hinintay nalang kita sa CR" - lou
"Too late to regret" kinindatan ko pa siya bago tinakbuhan
Buong araw akong kinukulit ni lou kung ano ang itsura nila, amoy nila, damit nila, hair style, at kung ano ang kulay ng mata. Kung napansin ko daw ba size ng paa nila, kung may relo daw ba silang suot.
Ewan ko sa kanya, ni hindi ko nga napansin lahat eh. Tarantang taranta kasi ako.
"Uy cia" biglang sulpot ni morgan
"Hi"
"Hatid na kita pauwi" alok niya sakin ng nakangiti
"Hindi na, kaya ko na mag-isa. Tsaka hindi pa din naman ako uuwi eh"
"Ganon ba? Saan punta mo, samahan na kita" alok ulit niya
"Hindi na, salamat nalang morgan. Sa trabaho ako pupunta eh, mauna ka nalang. Salamat ulit sa pag-aalok"
"Sige. Ingat sa daan" sabi niya at kumaway na paalis
PAGKARATING sa restaurant ay napansin kong madaming costumer. Magpapalit na sana ako pero sinabihan akong huwag na daw muna dahil may nag-order for delivery.
"Sa dantell hotel mo ide-deliver ciarra ah, mag-iingat ka" sabi ni Kim bago ibigay sakin ang ide-deliver ko
"Oo, salamat Kim. Mauna na ako"
Tumango lang siya at bumalik na sa pagtatrabaho. Buti nalang malapit lang dito ang dantell hotel.
Isang yayamaning hotel din 'yon. Balita ko nga doon madalas nagaganap ang mga business meetings etc. Madalas ding puntahan ng mga tycoon business man.
Pagkarating doon ay hinanap ko agad ang room 401. Medyo nabibigatan narin ako kaya kailangan kong magmadali.
Nang mahanap ko ay agad akong kumatok gamit ang paa
"Hi! Glaxious food delivery"
Bumukas ang pinto at sinalubong ako ng isang butler
"5, 655 pesos po lahat Sir" inabot niya sakin ang buong 6 thousand. Buti nalang may panukli ako.
Pagkatapos masuklian ay umalis na agad ako, medyo napagod din akong naglakad. Mabigat din kasi yung pagkain.
Nakatungo lang akong naglalakad ng marinig kong may nag-uusap hindi malayo sakin, napaangat ang tingin ko at talaga namang sobrang taranta na namang ako ng makita ang tatlong lalaki
Sila lang naman ang nag-uusap patungo sa direction ko. Sa taranta ay agad akong napatalikod sa kanila at taranta ding naglakad
"Miss!" biglang sigaw ng isa
Tatakbo na ba ako? Teka... Bakit ba ako umiiwas? Wala naman akong ginawa ah
"Miss..."
"Ay palaka kang sunog!" gulat na sigaw ko ng may biglang humawak sa braso ko
Napatingin ako sa kanila.
"Do we know you?" Tanong ng may hawak sakin
"Hah?" do they know me? "Hindi! Hindi... Oo! Hindi, hindi ko kayo kilala"
Nakakunot ang noo ng dalawang nakatingin sakin
"Does it mean no or yes?"
"Hindi talaga!" mabilis na sagot ko
Bakit ba kabadong kabado ako? "Why are you running away then?" tanong pa nito at marahan akong binitawan
"Ako? Tumatakbo? Pft. Naglalakad lang naman ako" natataeng ngiting sabi ko sabay iwas ng tingin
"Let's go" biglang sabi ng isa na kanina pa nakatitig lang sakin
Napakamot nalang ako ng ulo at hindi matapos tapos na ngiwi.
"See you again, miss..." lumapit pa ito sakin kaya napaatras ako "Ciarra Flínch" bigkas niya ng pangalan ko at ngumiti at naglakad na sila paalis
Nakatunganga lang akong pinapanood silang umalis. Paano niya nalaman ang...
Napatingin ako sa name tag kong hindi ko pa pala natatanggal
"Pahamak kang name tag ka!" pabulong na sigaw ko at Inis na tinanggal ang name tag ko
"See you again, miss... Ciarra Flínch"
Aarrgh! Anong see you again? Wala ng again na mangyayari.
Tumakbo na ako paalis sa lugar na 'yon. Wala pa akong kaalam alam pero kailangan kong umiwas sa mga taong gaya nila. Masyado silang habulin ng disgrasya, ayoko namang madamay no.
KINABUKASAN pinipilit ko nalang na limutin na nakausap ko ang top 3.
"Hoy! Grabe lalim ng iniisip ah"
"Hindi naman"
"Tignan mo yung poging bata, kanina pa nakatitig sayo"
"Huh?" napatingin ako sa sinasabi ni lou
May bata ngang nakatitig sakin, yung titig niya parang titig ni En-
Heh! Pati ba naman bata ciarra. Napabuntong hininga nalang ako at nakangiting lumapit sa bata
"Hi, mag-isa ka lang?" tanong ko at umupo sa harap niya
Tumango lang siya
"Nawawala ka ba? Asan mama at papa mo?" Tanong ko ulit pero hindi siya nagsalita
"Hindi ka ba makapag salita?" Tanong ni lou pero hindi man lang siya tinignan nito
"Alam mo ba ang daan kung saan ka nakatira? Gusto mo iuwi kita?"
"Cia may last lesson pa tayo, kailangan na nating bumalik sa school"
"Ayos lang, ngayon lang naman eh. Hindi ko pwedeng iwan tong bata dito, ikaw nalang magpunta. Iexcuse mo nalang ako sa teacher"
"Sure ka diyan hah? Sige, ingat kayo" sabi niya at umalis na
"Tara na" nakangiting sabi ko.
Nagsimula na akong maglakad pero hindi parin siya gumagalaw, bumalik ako sa kanya. Bigla niyang inabot ang dalawang kamay niya sakin, nagpapakarga.
Wala na akong magawa kaya kinarga ko nalang, yumakap siya sa leeg ko at inihiga ang ulo sa balikat ko.
"Bakit mag-isa ka dito? Alam mo bang may mga taong nangunguha ng bata? Delikado sayo ang mag-isang pagala gala"
Hindi siya umiimik, tulog na ba to? Paano kita dadalhin sa bahay niyo?