- Mayden's POV -
7:30pm
Pinagmasdan ko ang sarili ko sa malaking salamin sa salas. Tinitingnan ko 'yung white na ribbon na nasa likod ko.
Nagugustuhan ko naman na puti ang kulay ng ribbon ko sa likod dahil malinis siyang tingnan pero 'yung sumisimbolo kasi du'n, 'yung kaalaman na "pag-aari" ka daw ni Sir Andrius!
Agad akong napasimangot nang maalala ko ang simbolo ng puting ribbon na 'yun. Totoong natakot ako kay Sir Andres pero hindi ko kasi gusto 'yung kaalaman na binili ako ni Sir Andrius na parang for sale ako.
hayst! Ngayon lang ako nakaramdam ng panliliit sa sarili ko! Matagal na akong nagtatrabaho habang nag-aaral pero ngayon ko lang naramdaman 'yung ganito na parang hindi ko na pag-aari ang sarili ko.
Yun ay kapag suot ko ang uniform na 'to!
"Mayden!"
Nilingon ko 'yung tumawag sa'kin. Si Ate Tisay.
"Ready na ang dinner ni Sir Andrius. Dalhin mo na sa itaas."
Ako kasi ang magseserve ng dinner ni Sir dahil sa gabi lang ako makakatulong sa gawain.
Lumapit na ako kay Ate Tisay sa kusina. May isang tray nga du'n na may pagkain at umuusok pang mainit na tubig.
"Dalhin mo na 'to kay Sir okay? Late na ng dinner niya gutom na 'yun. Ingat ka sa pag-akyat at may mainit na tubig."
Tumango lang ako. Kinuha ko na 'yung isang tray at tsaka pumunta sa kwarto ni Sir Andrius sa area ng section A.
Nakakatawa talaga dahil may kanya-kanyang area ang magkakapatid. Ganu'n na lang kalaki ang galit nila sa isa't-isa?!
Nang makarating na ako sa tapat ng kwarto ni Sir Andrius ay hindi ko alam kung paano ako kakatok o bubuksan ang pinto dahil may umuusok na mainit na tubig sa tray, hindi ko siya kayang kapitan sa isang kamay lang.
At tutal masama naman ang loob ko, sinipa ko na lang ang pinto ng kwarto. Tatlong beses ko 'yung sinipa.
Imagine niyo na lang ha, nakasapatos pa kami sa pagtatrabaho namin.
"Come in." narinig kong tinig mula sa loob
Magkaboses sila ni Sir Andres. Si Sir Alexis kasi ay hindi ko pa naririnig ang boses, nakita ko lang siya pero hindi ko pa siya nakakausap.
"Hindi ko po mabubuksan ang pinto Sir!" sambit ko
"Is that my problem?"
Sumimangot ako at tiningnan ng masama 'yung pinto na parang nandu'n si Sir Andrius.
Pero nataranta rin ako dahil biglang bumukas ang pinto habang nakasimangot pa ako at masama ang tingin. Ang lagay tuloy ay harap-harapan kong nasimangutan at nasamaan ng tingin si Sir Andrius.
"Err, S-Sir 'yung dinner mo po." sambit ko na lang
Ano pang magagawa ko eh nakita na niya.
Umalis siya sa may pinto para bigyan ako ng daraanan.
"Was that ugly face of yours intended to glared at me?" narinig kong tanong sa'kin ni Sir habang pinapatong ko 'yung tray sa isang table na kakainan niya
Tiningnan ko si Sir Andrius at nginitian.
"Hindi Sir! Ano ka ba, huwag kang assuming! Hahaha." sambit ko
At anong ugly face pati?! Tanga naman! Kagatin kita d'yan eh!
"I see, I hate ugly faces so can't have it even it was intended for me."
Lihim ko siyang sinamaan ng tingin. Sa utak ko ay hinuhubadan----este---binabalatan ko siya ng buhay.
"Okay Sir, alis na po ako." sambit ko na lang
Naupo na kasi siya para kumain.
"Sinabi ko na bang umalis ka?"
Natigilan ako sa paghakbang ko papunta sa pinto. Ano pa pong gagawin ko dito? Papanuorin kang kumain? Kainin kita eh! Charot! I also hate ugly traits!
"Ipagtimpla mo ako ng kape." utos sa'kin ni Sir
Wala akong nagawa kun'di lumapit sa kanya. Pinagtimpla ko si Sir ng kape habang kumakain siya. Bread and toccino lang ang kinakain niya, wala siyang rice. Ganu'n siguro talaga kapag mayaman tapos nagpapaganda ng katawan.
Nang matapos akong magtimpla ng kape ay lumayo na ako kay Sir Andrius. Nakakailang din kapag malapit.
Tinikman niya ang kapeng tinimpla ko. Confident naman ako sa kape ko dahil ang huli kong trabaho ay sa isang cafe.
Wala namang reaction si Sir nang matikman niya 'yung kape kaya in-assume ko na lang na pumasa naman sa panlasa niya.
Lihim akong napabuntong-hininga habang hinihintay si Sir Andrius matapos kumain. Mukhang wala siyang balak sabihin sa'kin na, "Ano pang ginagawa mo dito?! Alis na!"
Tss!
"Are you saying something??"
"Ha?"
Syempre nagulat ako sa tanong ni Sir. Napaisip tuloy ako kung bumubulong ba ako, ang tanda ko naman ay nasa utak ko lang lahat ng reklamo ko!
Nilingon ako ni Sir habang pinupunasan niya ng tissue ang bibig niya.
"I heard you murmuring something, did you cursed me?"
Yes Sir, yes Sir!
Umiling ako habang nakangiti.
"Hindi po Sir, again po, huwag po assuming. Hehehe."
Hindi ko alam kung saan ako kumukuha ng lakas ng loob para sabihin sa kanya ang pagiging assuming. Siguro dahil inis ako? Tss!
Tumayo si Sir Andrius at naglakad palapit sa'kin. Nagtaka naman ako pero hindi na lang ako kumilos.
"Kanina mo pa sinasabi na assuming ako." sambit ni Sir sa'kin
Lalo pa akong ngumiti.
"Hehehe, hindi naman po Sir."
Umatras ako dahil palapit siya ng palapit.
"Assuming ba 'yung dalawang beses mo na akong sinamaan ng tingin at sinimangutan, Joy Mayden Bautista?!"
Shoot! Alam ang buong pangalan ko!
Hindi ko tuloy alam ang sasabihin ko dahil guilty ako sa part na 'yun. Totoo naman talaga sinamaan ko siya ng tingin dahil sa inis.
"Sinusumpa mo na ako dahil sa ginawa ko kay Andres? Why? Loyal ka din sa kanya?!"
"Yes Sir! Loyal po ako." sagot ko para inisin siya
Akala niya ay nakakatuwa 'tong ginagawa niyang paglapit sa'kin?! Parang alam na alam niya kung paano kukunin ang isang babae ah!
Kakaatras ko ay naramdaman ko na ang pinto sa likod ko kaya natingnan ko 'yun. Shet! Wala na akong aatrasan!
Tumigil naman si Sir Andrius sa paglapit niya sa'kin nang makita niya na wala na akong aatrasan. 'Yun nga lang sobrang lapit niya na din sa'kin.
"Hindi ako natutuwa Sir." lakas-loob kong sambit sa kanya
I mean, ganito ba talaga silang magkakapatid kung makalapit sa mga babae? Ganito ba sila sa lahat ng maid?!!!!
"Hindi rin ako natutuwa."
Bigla ay nahimigan ko ang bahagyang pagkairitado sa boses ni Sir Andrius.
Eh?! An'yare? Kanina-nina ay mukhang handa siyang pagtripan ako ah!
"I didn't bought you and get you back from Andres just to be remain loyal to him. Didn't you know how much you cost me?"
Napalunok ako. Sobrang lapit na sa'kin ni Sir Andrius, halos pabulong na nga lang lahat ng sinabi niya.
Gayu'n pa man, kahit halos pabulong na lang 'yun, alam kong ginalit ko na siya.
"You cost me a hundred thousand, Mayden. Can you even pay me back?"
Nagsalubong ang mga kilay ko. Hundred thousand?! Nagpapatawa ba sila?
"Hindi ko sinabing bilhin mo ako Sir, dahil unang-una hindi ako available."
Bigla ay tumawa si Sir Andrius na ikinagulat ko. Pero hindi pa rin siya lumalayo sa'kin.
"Ano pong nakakatawa?! medyo inis kong tanong
May nakakatawa ba sa sinabi ko?!
"Hindi ka available?" bigla ay tanong niya sa'kin habang nakangisi na nakakaloko
"Hinding-hindi Sir!" paninindigan ko
"Then why are you here? Didn't you know that whoever enter this mansion can be my own possession? Kahit na pag-aari pa ni Andres at Alexis! I can make them my possession, even you. Kahit hindi ka pa available dahil sa halaga na kaya kong ibayad...."
Hindi ko na pinatapos sa pagsasalita si Sir Andrius. Hindi ko na matagalan ang pangmamaliit na sinasabi niya sa'kin kaya naman inuntog ko ang noo ko sa noo niya.
Kahit ako ay nasaktan pero hindi ko pinahalata 'yun.
"Bull****! Aww! Sh*t! What did you do?!" singhal niya sa'kin habang sapo ang noo niya
Gusto ko na nga rin hawakan ang noo ko sa sobrang sakit. Pakiramdam ko ay nagkaroon ng crack ang bungo ko sa unahan.
Malay ko bang sobrang tigas din ng bungo ni Sir Andrius!!!
"Kahit walang katapusan pa ang pera mo Sir, kahit bilhin mo ako sa halagang isang milyon, mananatali akong hindi ako available! Tandaan mo yan Sir! Magreresign na ako!" sambit ko bago niya pa ako masisante
Makabawi man lang ako sa pang-iinsulto niya. Napakamatapobre! Anong akala niya sa mga maid dito, mga bagay na pwede niyang gawing collection dahil lang may pera siya?! Utot niya naman!
Tinalikuran ko na si Sir Andrius, hinawakan ko na ang door knob para buksan 'yun nang hilahin ako ni Sir Andrius pabalik sa pwesto ko kanina.
Hawak niya ang dalawang kamay ko at kinorner niya ako habang nakasandal ako sa pinto.
Bakas sa buong mukha niya ang pagkairita.
"You ugly maid!" sambit niya sa'kin
Agad ko siyang sinamaan ng tingin.
"Pangit ka rin!" bulyaw ko sa kanya
Naningkit ang mga mata ni Sir Andrius.
Ngayon na nilalabanan ko na talaga siya kinakailangan ko na talagang mag-impake ng mga gamit ko mamaya!
"I didn't know that I bought a worst and talkative maid here!" sambit niya sa'kin na halatang minamaliit ako base sa paraan ng pagtingin niya sa'kin
"Hindi ko sinabing bilhin mo ako! Kahit anong sabihin mo mananatili akong loyal kay Sir Andres! Loyal ako! Loyal...."
Nanlaki ang mga mata ko at halos mapugto ang hininga ko nang bigla na lang akong halikan ni Sir Andrius dahilan para hindi ko matapos ang pang-iinis ko sa kanya.
P*t*!!!!
Agad kong natutop ang bibig ko nang lumayo sa'kin si Sir Andrius na madilim pa rin ang anyo.
"Ngayon mo sa'kin sabihin na loyal ka pa rin kay Andres!" nagbabanta niya sambit sa'kin
Sunud-sunod akong umiling.
Tae! Nakakatakot palang galitin si Sir!!!
"I don't want to hear that word again Mayden! Now, get out!"
Dali-dali kong binuksan ang pinto at lumabas.
Hindi ko maiwasang magbitaw ng bad words sa sarili ko dahil sa nangyari. Kahit anong tapang ko kanina ako pa rin ang natalo!
Lintis! Anong laban ko sa ganu'n?!
"Mayden?!"
Nilingon ko si Ate Tisay na tumawag sa'kin mula sa may hagdan.
"A-Ate."
"Anong nangyari? Bakit ang tagal mo sa loob? Nasaan na 'yung tray na kinainan ni Sir Andrius?"
Hindi agad ako nakasagot. Anong sasabihin ko? Ayoko nang bumalik sa loob para kunin 'yung tray! Nagresign na nga pati ako eh!
Biglang bumukas ang pinto ng kwarto ni Sir Andrius. Muntik pa akong mapasigaw sa gulat pagkakita ko sa kanya.
Buset ka Sir! Hindi ka patas lumaban!
"Anong gagawin ko dito sa tray? Ako pa ba ang magdadala sa kitchen?!" ani Sir Andrius na bitbit 'yung tray
Agad kumilos si Ate Tisay para kunin sa'kin 'yung tray, halatang nagtataka siya sa inaakto ko.
"May kailangan pa po kayo Sir?" tanong ni Ate Tisay
"Marami na akong maruming damit sa loob, ipalaba mo na kay Mayden."
Agad kong tiningnan si Sir Andrius. Binigyan ko siya ng tingin na, "Nagresign na ako remember?!"
"Hindi ako tumatanggap ng kahit anong dahilan! O gusto mong hubad akong pumasok sa trabaho ko?!" direktang sambit sa'kin ni Sir Andrius na nagets naman 'yung tingin ko sa kanya
Inirapan ko siya.
"E'di maghubad ka." bulong ko
Agad akong kinurot ni Ate Tisay sa tagiliran ko na mukhang narinig 'yung bulong ko.
"Huwag kang pabulong-bulong d'yan! Malakas ang pandinig si Sir!" bulong niya sa'kin, kahit naman siya ay bumulong din
Hinila na ako ni Ate Tisay pababa ng hagdan habang bitbit niya 'yung tray.
"Ano bang nangyari? Bakit parang magkaaway pa kayo ni Sir Andrius?" tanong niya sa'kin
Hindi ako sumagot. Basta panay lang ang irap ko.
"Aba Mayden, ikaw lang ang umaaway kay Sir kung magkataon. Huwag mong kakalimutang boss natin siya. Siya ang magpapasahod sa'yo para may pangtuition ka."
Sa narinig ko ay medyo na-guilt naman ako. Ngayon lang naman ako nang-away ng boss sa tanang pagtatrabaho ko.
Kung hindi ba naman siya bastos magsalita at gumawa! Istudyante pa ako tapos hahalikan niya ako matapos niya akong insultuhin? Hah! Kakalbuhin kita Sir akala mo!