- Mayden's POV -
Tinitigan ko 'yung dalawang uniform na nakapatong sa kama ko. Hanggang ngayon ay hindi pa rin ako makapagdecide kung sino sa dalawang magkapatid na Ortazon ang pagsisilbihan ko.
Napakamot ako sa ulo ko.
"Ang hirap naman!" bulong ko
Naupo ako sa kama ko nang tawagin ako ni Hazel.
"Mayden parating na si Sir.... bakit hindi ka pa rin naka-uniform?! Pambihira ka naman, parating na si Sir Andres!" ani Hazel
"Sorry pero sino ba kasi ang boss ko?!"
Lumapit sa'kin si Hazel, kinuha niya 'yung uniform na may black na ribbon at higit na mas maiksi tsaka inabot sa'kin.
"'Yan ang suotin mo! Si Sir Andres ang boss mo! Nagpapaniwala ka kay Tisay! Magbihis ka na!"
Bukod sa pag-uutos ni Hazel pinagtulakan na rin niya ako sa CR para magbihis kaya wala na akong nagawa kundi suotin 'yung uniform.
Medyo nailang ako dahil maiksi 'yun. Hanggang kal'hati ng hita ko lang ang haba.
"Naku, exposed masyado ang hita ko." bulong ko habang nakaharap sa isang whole body mirror
Pinilit kong batakin pababa ang dress para naman humaba pero bigo ako.
"Mayden ano na?" narinig kong tawag sa'kin ni Hazel
"Oo, palabas na." sagot ko
Inulugay ko na lang ang medyo mahaba kong buhok, pin'westo ko lahat ng buhok ko sa likod ko para hindi matakpan ang harapan ko. Naglagay lang din ako ng facial powder at liptint para naman presentable ako. Then lumabas na ako ng CR. Naghihintay sa'kin si Hazel.
"Ay sus nagpaganda pa! Hindi ka rin naman magugustuhan ni Sir Andres!" sambit niya sa'kin
Iningusan ko siya.
"Hindi naman ako nagpaganda para kay Sir, gusto ko lang maging presentable." depensa ko
Inirapan lang ako ni Hazel then nauna na siyang maglakad. Sumunod din naman ako kanya.
Habang naglalakad kami sa salas ay pumasok sa front door ng mansion kaya napalingon ako.
Si Sir Andrius!
Agad akong nag-iwas ng tingin dahil nakatingin siya sa'kin at dali-dali akong sumunod kay Hazel.
Naku naman! Nakita pa ako! >___< baka bigla akong palayasin dahil hindi ko sinunod 'yung sinabi niya kagabi.
Paakyat na kami ng hagdan papunta sa tinatawag na staircase section B. Section B at si Sir Andres lang ang pwedeng gumamit ng hagdan na 'to, ganu'n din ang patakaran sa ibang section.
"Wait."
Sabay kaming napalingon ni Hazel. Si Sir Andrius ang nag"wait" at palapit siya sa'min.
"Umakyat ka na, bilis!" utos sa'kin ni Hazel tapos hinila pa niya ako paakyat ng hagdan.
Ang alam ko kasi kahit ang magkakapatid ay hindi allowed gumamit ng hagdan na hindi sa kanila. Nakakalokang magkakapatid di ba?
"I said wait!"
Napatigil ako sa pag-akyat ng hagdan dahil sa maawtoridad na tinig na sumigaw.
Agad kumabog ang dibdib ko sa sobrang kaba. Kamatayan ko na ba? Hindi ko pa napapag-isipan kung saan ako ilalamay. Huhu
"You go down here Mayden!" narinig kong utos ni Sir Andrius
Tiningnan ko si Hazel dahil taeee! Kinakabahan ako!
Bahagya siyang umiling sa'kin bilang pagtutol. Binigyan ko siya ng tingin na "anong gagawin ko?!"
"One!"
Nandilat ang mga mata ko dahil nagbibilang na si Sir Andrius.
"Two!"
Dali-dali akong bumaba ng hagdan at lumapit ng konti kay Sir Andrius. Medyo malayo pa rin pala 'yung pagitan namin. Natatakot na ako sa kanya at hindi ko na magawang lumapit pa.
Siya ang lumapit sa'kin.
"Turn around!" utos niya
Agad naman akong tumalikod. Nakaharap na ako ngayon kay Hazel, nandidilat pareho ang mga mata namin bilang senyasan tungkol sa nangyayari.
Muntik na akong mapasinghap nang maramdaman ko ang mga kamay ni Sir Andrius sa bewang ko. Inaayos niya ang ribbon ko sa likod.
"S-Sir?" sambit ko
"Didn't I told you're mine? Didn't I told you your my maid and possession?!" bulong sa'kin ni Sir Andrius pero nahihimigan ko sa kanya ang pagkairitado
Napalunok ako. Pakiramdam ko ay katapusan ko na.
"Your dress is too short, you shouldn't wear it." utos niya pa sa'kin
Hindi ko na magawang magsalita. Hindi ko na alam kung anong kaba pa 'tong nararamdaman ko, takot pa ba o ano!
"TAKE YOUR HANDS OFF MY MAID, ANDRIUS!!!"
Isang dumadagundong na tinig ang narinig namin na parehong ikinagulat namin ni Hazel. Napalingon kami sa may front door kung nasaan si Sir Andres na may kasamang dalawang babae ulit.
"S-Sir." bulong ko
Agad lumapit si Sir Andres sa'min at itinulak palayo si Sir Andrius.
Tangang! Anong gagawin ko dito ngayon?!
"Who told you to touch my maid ha, Andrius?!" sambit ni Sir Andres, nagliliyab na agad siya sa galit
"She's originally my maid, gusto ko lang bawiin." kalmado namang sambit ni Sir Andrius
Napakurap-kurap ako. Pinag-aagawan talaga nila ako, for real?!
Agad lumapit sa'kin si Hazel at hinawakan ako sa braso ko.
"Tara na!" sambit niya sa'kin
"Okay....."
Nagsasalita pa ako nang may humawak naman sa kabilang braso ko. Napalingon ako. Si Sir Andrius!
"Bitiwan mo siya Hazel!" utos ni Sir Andrius
Kumpara kay Sir Andres, mas tanda ni Sir Andrius ang pangalan ng mga maid dito sa mansion.
"Huwag mo siyang bibitawan!" utos naman ni Sir Andres kay Hazel
Humigpit ang hawak ni Hazel sa braso ko, ngayon ko napapatunayan na loyal nga talaga siya kay Sir Andres.
Napansin ko na nanunuod na rin sa'min 'yung ibang maid, kasama sina Ate Tisay. Sinenyasan pa ako ni Ate Tisay na manahimik na lamang.
"You take your hands off her, Andrius!" mariing utos ni Sir Andres
Nakita ko ang pagngisi ni Sir Andrius.
"If you want to keep your possession with you Andres, you should hold your possession like this...."
Nanlaki ang mga mata ko nang tuluyan nang akong hilahin ni Sir Andrius at yakapin ako gamit ang isang braso niya. Kitang-kita ko kung paanong nanlaki rin ang mga mata ng mga maid na nanunuod sa'min.
Agad kong tiningala si Sir Andrius dahil mas matangkad siya sa'kin. Ang mga mata niya ay nanatiling nakikipagtitigan kay Sir Andres.
Lintok! Anong gagawin ko?!!!
Medyo nagpumiglas ako sa pagkakahawak sa'kin ni Sir Andrius para maramdaman niya naman na hindi ko gusto ang ginagawa niya! Hindi naman porque gwapo siya ay gugustuhin ko na 'tong gan'to! Mas gusto ko pa rin munang grumaduate. Istudyante pa ako heller!
"Stay still." bulong niya sa'kin
Bago pa ako makapagreact. Mabilis pa sa alas-kwarto na ipinwesto ako ni Sir Andrius sa bandang likuran niya dahil sa pagsuntok na ginawa ni Sir Andres.
Natutop ko ang bibig ko dahil tinamaan si Sir Andrius sa mukha niya.
Nasisiguro kong kung hindi niya ako iniiwas ay kaya niyang sanggain ang suntok ni Sir Andres.
Pero hindi lumaban si Sir Andrius na ipinagtaka ko. Pinunasan niya lang ang mukha niya na tinamaan ng kamao ni Sir Andres.
Bago pa ako may masabi, nahila na ako ni Sir Andres palayo kay Sir Andrius.
"Let's go, I will punish you!" sambit sa'kin ni Sir Andres, agad niya akong hinila paakyat ng hagdan na para sa kanya
Agad akong binalot ng takot dahil sa sinabi ni Sir Andres.
Punish me? Teka! Anong ginawa ko?! Anong punishment pati?! Hoooy! Taeng 'yan!
Agad kong tiningnan si Sir Andrius. Bago ko pa napigilan, tinging masama na ang naibigay ko sa kanya na nakita niya rin naman.
Kasalanan niya 'to! Hindi niya rin pala ako kukunin bakit nakipag-agawan pa siya kay Sir Andres?!!! Ginamit niya lang ako para galitin si Sir Andres!
Binuksan ni Sir Andres ang isang pinto area niya sa second floor at ipinasok ako du'n.
"S-Sir!" kinakabahan kong sambit
Kitang-kita ko sa buong mukha niya ang galit. Natatakot ako sa totoo lang. Lalo na at dalawa lang kami sa kwarto na pinagdalhan niya sa'kin.
Naniningkit ang mga mata niya na tumingin sa'kin.
"Sir, sorry." sambit ko agad
Sobrang natatakot na ako na gusto kong sumigaw. Gusto ko ng umuwi!
Lumapit sa'kin si Sir Andres, hinawakan niya ang bewang ko at sisigawan na rin sana ako kung hindi ko lang naramdaman na hinila niya 'yung ribbon sa likod ko.
"Damn that Andrius!" narinig kong sambit ni Sir Andres
Tinanggal niya lang ang ribbon sa uniform ko at nakahinga ako ng maluwag. Akala ko ay kung ano na ang gagawin niya sa'kin.
"Get out!" utos sa'kin ni Sir Andrius nang makuha na niya 'yung ribbon sa bewang ko
Agad-agad naman akong lumabas ng kwarto. Pagkalabas ko ay para akong manghihina.
Ano ba namang klaseng magkakapatid 'tong napuntahan ko?! To think na hindi pa kasali si Sir Alexis!
Nanghihina akong naglakad pababa ng hagdan. Malapit na ako sa kahulihang baitang ng hagdan nang mapansin ko si Ate Tisay at ilang maid na naghihintay sa'kin.
Nang tuluyan akong makababa ng hagdan ay tsaka nila ako nilapitan. Niyakap ako ni Ate Tisay.
"Ate.." sambit ko
Hindi ko masabi sa kanya na natakot ako at pinanghinaan dahil may ibang maid na malapit din sa'min.
"It's okay, it's okay." sambit sa'kin ni Ate Tisay tsaka siya lumayo sa'kin at ngumiti.
Then may pinakita siyang white na ribbon sa'kin.
"Tiaran!" sambit niya na masaya
Nagtaka ako.
"Ha? Ano 'yan Ate?" tanong ko
Hindi niya pa sinasagot ang tanong ko ay itinali na sa'kin ni Ate Tisay 'yung white na ribbon.
"Maid ka na ni Sir Andrius simula ngayon."
"Ha? Paanong?!"
Takang-takang ako sinabi ni Ate Tisay tapos napansin ko rin na masasayang nakatingin sa'kin 'yung mga maid.
"Congrats Mayden." sambit ni Ria na kabilang sa section C, kay Sir Alexis
"Yey! Kasama na kita sa room!" sambit naman ni Ate Tisay
"Wait lang, naguguluhan ako!" amin ko sa kanila, kailangan ko ng ekplanasyon!
Hinawakan ni Ate Tisay ang kamay ko.
"Binili ka ni Sir Andrius kay Sir Andres! Kaya naman section A ka na!"
Halatang excited si Ate Tisay habang ako ay lalong nakaramdam ng inis.
Binili? Ano 'yun?! Bagay ba ako na for sale?! Pagkatapos niya'ng galitin si Sir Andres na nagalit din sa'kin tapos binili niya ako?! Ano 'yun? Nakakatanga 'yun!
Hinanap ng mga mata ko si Sir Andrius para i-confront siya pero hindi ko siya makita.
Ayokong pumayag! Hindi ako bagay o pagkain na basta nabibili lang! Okay naman ako kay Sir Andres nu'ng una kung hindi siya kumontra!
Aish! Kahit na anong gwapo niya nanggigigil na ako sa kanya ngayon!
Wala akong ideya kung paano niya ako binili pero hindi ako papayag! Sasampolan ko siya kung paano ako magrebelde!