- Mayden's POV -
Ibinaba ko ang dala kong eco bag habang nakatingin sa malaking bahay na nasa harapan ko.
"Wow!" react ko dahil sobrang laki at ganda nu'ng bahay
Modern house 'yun at may sobrang lawak na yard.
Napaatras ako.
Langya! Hindi ko yata kayang magtrabaho sa ganito!
"Mayden?"
Napatingin ako sa tumawag sa pangalan ko. Naka-uniform siya na pangmaid.
"Mayden! Ikaw nga! Ang laki mo na!" sambit niya pa tapos lumapit siya sa'kin at niyakap ako.
"Ate Tisay?"
Hindi ko sigurado dahil sobrang tagal na nu'ng huli kaming magkita. 'Yun ay nu'ng magkasama pa kami ni Ate Mara sa bahay.
"Ako nga! Grabe ang laki mo na. Dalagang-dala ka na. Tara sa loob pasok ka, papakilala kita kay Nanay Tessie."
Sumunod nga ako kay Ate Tisay papasok sa loob ng kabahayan. Pero ingat na ingat ako, hindi ko hinahayaang lumapat ang balat ko sa kahit anong bagay dahil baka makasira ako.
Grabe! Hindi ko akalaing titira ako sa ganito!
Habang naglalakad kami ni Ate Tisay ay patuloy kong pinagmamasdan ang kabahayan. Ni hindi ko na nga naiintindihan ang mga sinasabi niya sa sobrang amazed ko sa bahay na kinaroroonan ko.
"Ingat ka lang ha at baka makabasag ka. Triple ang bayad kapag nakabasag."
"HAAAAH?!" malakas kong sambit dahil sa gulat sa isinaad ni Ate Tisay tapos sinenyasan niya akong huwag maingay.
Natutop ko naman agad ang bibig ko.
Aatakihin yata ako sa puso dito. Na'ndito ako para kumita hindi para mamulubi lalo. Huhu
Nakarating kami sa kitchen kung saan may iba pang tao na mga naka-uniform din kagaya ni Ate Tisay. Except du'n sa isang medyo matanda nang babae.
"Nanay Tessie ito po si Mayden." pakilala sa'kin ni Ate Tisay
Agad akong ngumiti sa kanila at nagbigay galang.
"Hello po, ako po si Mayden. Ikinagagalak ko pong makilala kayo." sambit ko naman
Ngunit ni hindi ako tiningnan nu'ng Nanay Tessie kaya alanganin na 'yung ngiti ko. 'Yung ibang maid na lang ang nginitian ko. Iilan lang ang ngumiti sa'kin.
"Samahan mo na siya sa kwarto at ituro sa kanya ang mga gagawin." sambit nu'ng Nanay Tessie na patuloy sa ginagawa niyang paggagayat ng kalabasa.
"Tara na Mayden, para maitabi mo ang mga gamit mo."
Sumunod na ulit ako kay Ate Tisay.
"Ate sure kang okay dito? Hindi nila ako pinansin." mahina kong sambit para walang ibang makarinig sa'kin
"Okay dito ano ka ba. Sa una lang yan."
Dinala ako ni Ate Tisay sa isang kwarto na pababa na ng bahay. May hagdan pababa para makarating sa silid.
"Ito ang kwarto natin. Tatlo tayo dito." ani Ate Tisay
Napansin ko 'yung dalawang door sa loob din mismo ng room.
"CR natin 'yung isang door na 'yan. 'Yung isa naman ay kwarto ng section B."
"Section B?" ulit ko sa sinabi ni Ate Tisay
Ibinaba ko ang mga gamit ko dahil mabigat.
"May tatlong section itong room, A, B, and C. Tayo ay section A. Ang mga maid dito ay may kanya-kanyang section depende kung kanino sila naka-assign."
Eh?
Hindi ko masyado naintindihan 'yung sinabi ni Ate Tisay pero nagshrug na lang ako. Inayos ko na lang muna ang mga gamit ko. Itinuro niya kung saang kama ako pupwesto. May tatlong kama kasi dito.
"Heto ang uniform mo."
Inabot sa'kin ni Ate Tisay ang tatlong pirasong uniform na nakaplastic pa. Amoy bago pa.
"Si Sir Andrius ang amo natin okay? Huwag kang malilito."
Tumango ako tapos nagpaalam sa'kin si Ate Tisay na tutulong muna sa kusina. Pinagstay na niya muna ako dito sa kwarto at bukas na lang daw ako tuturuan.
Naupo ako sa kama na para sa'kin. Malambot at mukhang masarap higaan.
Napangiti ako. Ngayon na lang ulit ako makakatulog sa ganito. Sa boarding house kasi ay manipis lang ang kutson, kung hindi sanay ang taong mahihiga siguradong sasakit pa rin ang likod.
*knock...knock*
Agad akong lumingon sa pinto nang may kumatok. Bukas pa kasi ang pinto ng kwarto, iilang minuto palang nakakaalis si Ate Tisay. Maid din 'yung kumatok, naka-uniform din siya.
"Ikaw 'yung bago kay Sir Andres?"
Err, sino si Sir Andres?! Waaah! Ano nga'ng pangalan ng amo ko?!
"Section B ka ba?" tanong niya pa nang hindi ako sumagot.
"Ahm..."
Nag-isip ako. Kung sino nga ba ang amo ko at anong section 'yung binanggit ni Ate Tisay.
Waaaah! Kung bakit hindi ako nakinig ng maayos kay Ate!
"Sumagot ka naman dahil parating na si Sir Andres!"
Mukhang nainis na sa'kin 'yung kausap ko kaya tumayo na ako.
"A-Ah, okay." sagot ko na lang
"Mag-uniform ka na. Bilisan mo lang hihintayin kita dito."
Kumilos na nga ako para mag-uniform. Hindi ko alam kung matutuwa ba ako sa uniform ko o hindi. Cute naman at below the knee 'yung dress pero hindi kasi ako sanay. Kakaloka naman ito!
"Tapos ka na? Bilisan mo."
Dali-dali na nga ako sa pag-aayos. Buti na lang at maayos na nakapuyod ang buhok ko at nakapag-ayos na rin ako ng mukha bago pa ako pumunta dito.
"Ano na?!"
Aist! Ang hirap kayang iayos nitong uniform!
Lumapit na rin ako sa kanya kahit itinatali ko pa 'yung belt na tela sa likod ko. Napansin ko na mas maiksi 'yung uniform niya kaysa sa'kin.
"Tara na." sambit niya tapos agad na siyang naglakad, sumunod naman ako sa kanya
"Ako si Mayden." pakilala ko, "Ikaw?"
Kaibiganin ko na lang din para hindi na magtaray sa'kin.
"Hazel." simpleng sagot niya lang
Bata pa rin siya sa tingin ko.
"Matagal ka na dito?" tanong ka pa
Nasa malaking salas na kami at napansin ko 'yung tatlong magkakahiwalay na hagdan ng bahay.
Hindi ko na 'to matatawag na bahay, mansion na ang tamang itawag sa ganito.
"2 years." sagot niya tapos umakyat kami sa isang hagdan pataas. Yung hagdan na nasa gitna.
"Bakit may tatlong hagdan?" curious kong tanong kasi hindi ba pwedeng isa lang tutal pareho namang second floor ang patutunguhan.
"Hindi pa rin ba napapaliwanag sa'yo? Sino ba ang nagdala sa'yo dito?"
Nakarating na kami sa second floor tapos wow! hindi papatalo ang second floor sa ground floor!
"Si Ate Tisay...." sagot ko pero hindi ko na rin nadugsungan pa dahil may dumating na isang maid na halos hingalin na sa pagtakbo
"Nasa baba na si Sir Andres!" sambit niya
"Ha?! Ready na ba ang lahat?!" tanong ni Hazel
"Hinahanda palang ang pagkain sa kitchen. Sinong kukuha?"
Nagtaka naman ako sa way ng pag-uusap nila. Mga natataranta na kasi sila. Ano bang meron du'n sa Sir Andres? Masungit ba o di kaya ay istrikto?
Oh noooo! Nakakakaba!
Mula sa peripheral vision ko ay may napansin akong tao sa di kalayuan sa second floor din kaya tiningnan ko siya. Lalaki siya na nakatanaw sa'min.
Tapos bigla na lang siyang umalis nang mapansin niya siguro na nakatingin ako sa kanya.
Sino kaya 'yun? Boss din kaya?!
"Ilan ang kasama ni Sir Andres?"
"Dalawang. Kasama si taray!"
Naibalik ko ang atensyon ko kina Hazel nang marinig ko pa rin silang nag-uusap.
"Naku naman, bakit si taray naman?!" mahinang reklamo ni Hazel, wala akong ideya sa pinag-uusapan nila.
"PAPASOK NA SI SIR ANDRES!"
Sabay-sabay kami napalingon sa bandang ibaba ng hagdan nang isigaw nga 'yun.
"Pwesto na pwesto. Ikaw na ang bahala sa pagkain!" ani Hazel
"Oo sige."
Agad bumaba ng hagdan 'yung kausap ni Hazel tapos pinapwesto niya nga ako.
"Kapag nakaakyat na si Sir dito kasama 'yung dalawang babae niya yuyuko ka ng ganito."
Tapos sinampolan niya ako ng tamang pagyuko at pagbati.
Err, very formal naman pala dito.
"Ikaw nga." utos sa'kin ni Hazel
Agad ko namang ginaya 'yung ginawa niya kanina.
"Ayusin mo ang paa mo." sambit niya pa tapos ni-move niya ang paa ko para itama ang ayos
"'Yan okay na. Tapos kapag dumaan na sila huwag kang magrereact ng kahit na ano. Kahit na anong gawin nu'ng babae ni Sir, baka kasi mapansin ka dahil bago ka pa lang. Pero si Sir Andres ay hindi ka naman papansinin nu'n." sambit niya pa sa'kin
Babae? Ano kaya 'yun? Jowa? Asawa? Kaibigan? Fling?
Maya-maya pa ay nakarinig na kami ng mga yabag paakyat ng hagdan. Biglang dumagundong ang dibdib ko sa sobrang kaba.
Tapos ilang segundo lang ay palapit na sa'min ang isang matangkad, moreno, at gwapong lalaki na may kasamang dalawang maganda, sexy, at matangkad din na babae. Nakapwesto ang dalawang babae sa tig-isang braso nu'ng lalaki.
Nagulat ako nang hawakan ni Hazel ang ulo ko at bahagya akong itungo.
"Hindi ka pwedeng tumulala na lang sa kanila tanga!" mahina niyang sambit sa'kin
>________<
"Sorry, sorry." bulong ko rin
Masyado akong nadadala sa mga nakakamangha sa mansion na 'to.
Habang nakayuko ay kita ko ang mga sapatos na humahakbang palapit sa'min.
Muntik pa akong mapasinghap nang huminto 'yun sa mismong tapat ko.
Tae! Tae! Anong kasunod na mangyayari?
"Raise your head, baby."
Ha?! Ano daw?
Bahagya kong tiningnan si Hazel at hindi na nga siya nakayuko. Siya 'yung tinawag na baby? Luh?!
Sinenyasan niya akong umayos na ng tayo nang mapansin niyang nakatingin ako sa kanya.
Pero bago ko pa magawa 'yun ay may kamay nang humawak sa baba ko at iangat ang mukha ko.
Isang magandang lalaki ang bumungad sa'kin.
Oh my gash! Heaven na ba 'to?!
Ngumiti siya sa'kin.
"You're pretty, what's your name?" sambit niya sa'kin at ngumiti siya
"Ahm, Mayden po." sagot ko na kinakabahan pa
Tumango-tango siya tapos lalo niyang inilapit ang mukha niya sakin. Sa may bandang gilid ko para bumulong.
"Change your dress, baby, it's too long. Dapat maiksi lang okay?" bulong niya sa'kin
Pigil ko ang hininga ko habang nandidilat ang mga mata ko dahil sobrang lapit niya at amoy na amoy ko ang pabango niya.
Maiksi? Dapat maiksi?!
Lumayo na siya sa'kin at nginitian pa ako. Tapos binalingan niya si Hazel.
"Who are you?" tanong niya kay Hazel
Nagtaka ako kasi akala ko ba 2 years na dito si Hazel? Bakit hindi siya kilala.
"Hazel, Sir."
"Yes, Hazel, please change her dress okay? Hindi ko type ang mahabang dress, you got it?"
"Yes Sir."
After nu'n ay inaya na ulit niya 'yung dalawang babae sa paglalakad nila patungo sa isang kwarto. Nasundan ko na lang sila ng tingin.
Pero nagulat ako nang lumingon siya sa'min---na sa akin nakatingin. Kita ko 'yung pagsasalubong ng kilay niya na ipinagtaka ko.
"White ang ribbon ng dress mo, why is that?" tanong niya sa'kin
Napatingin ako sa ribbon ng dress ko sa likod. 'Yung itinali ko kanina.
"Papalitan ko rin po Sir, baka nagkamali lang po." ani Hazel
Tiningnan ko 'yung ribbon nu'ng kanya. Its black.
"Make sure you change it, or I will be mad, got it?" seryosong sambit ni Sir Andres tapos ngumiti din siya pagkadaka.
'Yung ngiti niya ay hindi katulad kanina na pang okay lang, 'yung ngiti ngayon ay parang nagbabanta.
"Y-Yes Sir, papalitan po namin agad." sambit ni Hazel
"Sure, bring the dinner here."
"Opo Sir."
Nang makapasok na sa isang room sina Sir Andres ay agad na akong hinila ni Hazel pababa ng hagdan.
"Bakit ba gan'yan ang dress mo?" medyo inis niyang tanong sa'kin
"Ah, ito 'yung binigay sa'kin."
"Sinong nagbigay sa'yo."
Pagbaba namin ng hagdan ay may makakasalubong kaming isang lalaki na maganda din ang porma at tingin ko ay boss din kaya bahagya akong yumuko.
"Anong ginagawa mo!" sambit sa'kin ni Hazel tapos hinila niya ako papuntang kitchen
"Err, akala ko boss siya?" sambit ko
"Oo nga! Si Sir Alexis 'yun pero si Sir Andres ang boss natin! Sa kanya lang tayo yuyuko."
Eh? Parang ang gulo naman sa mansion na 'to!
Nakarating na kami sa kitchen kung saan may tatlong maid kasama na si Ate Tisay, bukod pa si Nanay Tessie na nagluluto pa rin.
"Ann 'yung dinner nina Sir Andres, nasaan na?" malakas na tanong ni Hazel sa isang maid na may pangalang Ann. 'Yun 'yung kausap niya kanina na nagbalit sa'min na papasok na si Sir Andres.
"Heto na heto."
Tumingin sa'kin si Ate Tisay na salubong ang mga kilay. Mukhang nagulat siya na naka-uniform na ako at lumabas ng kwarto.
"Mayden! Saan ka galing? Bakit...." takang-takang tanong ni Ate Tisay tapos tiningnan niya si Hazel.
"Hoy Hazel! Saan mo dinala si Mayden?!" tanong pa ni Ate Tisay at lumapis siya sa'min.
"Nagwelcome kami kay Sir Andres, bakit ba? Huwag mo nga kaming kausapin!" mataray na sambit ni Hazel
"Ano?! Bakit siya nagwelcome kay Sir Andres?! Nakilala na siya ni Sir Andres?!" gulat at inis na ang mahihimigan kay Ate Tisay
"Oo! Bakit ba? Nangingialam ka d'yan!"
"Alaga ko 'yan si Mayden! Hindi mo ba nakikita? White 'yung ribbon niya kaya bakit mo siya dinala kay Sir Andres?! Kay Sir Andrius siya! My gosh naman Hazel!"
Nalilito na ako sa conversation nila. Hindi ko alam kung bakit naiinis si Ate Tisay at ayaw ni Hazel na mag-usap sila. Magulo ba talaga sa mansion na 'to?!
"Wala ka ng magagawa Tisay. Kung nakilala na siya ni Andres, kay Andres na siya. Humanap ka na lang ng iba pang makakasama mo dahil hindi mo parin naman siya naipapakilala kay Andrius." sambit ni Nanay Tessie na nakatalikod pa rin sa'min. Patuloy siya sa pagluluto na ginagawa niya.
Lihim akong napabuntong-hininga. Sino ba si Sir Andrius? Mukhang gulo pa yata 'tong napasok ko!