- Mayden's POV -
"AAAH!"
Tiningnan ko si Klarisa na malakas na humikab habang naglalakad kami. Gandang-ganda babae pero kung makahikab wagas.
"Nakakapagod ang exam! Tara kain tayo." aya niya pa
"Ekis ako." sagot ko agad
Hindi ako pwede dahil may trabaho ako.
Tiningnan ko si Leo at sinenyasan siyang mag go sa pang-aaya ni Klarisa. Baka kasi pilitan ako kung wala siyang makakasama.
Tumango naman sa'kin si Leo na nagets ang senyas ko kaya napangiti ako.
"Okay, kain tayo. Pero dapat kasama si Mayden."
Nawala ang mga ngiti ko dahil sa sinabi ni Leo.
"Wohoooo! Let's eat para marelax! Sasama 'yan si Ligaya!" ani Klarisa
Ngumisi sa'kin si Leo.
"Kakatuwa 'yun Leopardo?!" sambit ko sa kanya, "Nagpsychology ka pa hindi ka rin lang pala matututong bumasa ng senyas."
Tinawanan ako ni Leo.
"Hahahaha, bakit galit na galit ka Bautista? Pwede ka namang tumanggi." ani Leo sa'kin
"Tatanggi talaga ako, hindi ako pwede!"
"Ha?! Bakit hindi ka pwede?!" agad namang maktol ni Klarisa
"May trabaho ako sis! Kailangan ko na nga'ng makabayad sa boarding house. Malapit na akong palayasin ni Manang."
"Papautangin kita sumama ka lang." -Klarisa
"Utang lang? Bigyan mo na, kuripot mo naman. Hahaha" -Leo
Natawa ako sa sinabi ni Leo, galing mang-asar talaga eh!
Nakarating na kami sa may gate ng school nang may isang istudyanteng lumapit sa'min. May hawak siyang isang pirasong bond paper na hindi ko alam ang nakasulat.
"Joy Mayden Bautista?" patanong na banggit nu'ng istudyanteng lumapit sa'min
"Yes?" tanong din ni Klarisa na akala mo ay siya 'yung may-ari ng pangalan ko
"Captured po kayo sa monitor namin sa SC Room. Pumasok po kayo ng walang ID."
Nandilat ang mga mata ko. Ito na nga bang sinasabi ko eh!!!
Agad kong tiningnan si Leo, tingin na naninisi! Habang siya ay painosente na nagkibit-balikat sa'kin.
"Ano pong gagawin niyo sa'kin?" tanong ko
Agad tumingin sa'kin 'yung babae na halatang nagtaka. Akala niya siguro ay si Klarisa talaga 'yung may-ari ng pangalan na binanggit niya.
"Ah, ikaw ho si Joy Mayden Bautista? Ay bakit ho siya ang sumagot nu'ng binanggit ko ang pangalan mo?"
Mukhang nainis siya sa ginawa ni Klarisa.
"Kuuuu okay lang 'yun. We're just trying to get you, you know, magical psychology." loko-lokong sambit ni Klarisa na may pagsayaw pa
Bagay talaga siya sa course niya. Pwede na niyang gamutin ang sarili niya.
Binalingan na ulit ako nu'ng istudyante na hindi pinansin ang kalokohan ni Klarisa.
"I'm Erich, treasurer ako ng SC. Pinahanap ka sa'kin ni Vice para pagbayarin sa paglabag mo sa isang rule. Alam lahat ng istudyante na NO ID NO ENTRY ang University na 'to."
Lakas talaga ng mga treasurer. Akala mo sila may-ari ng pera namin. T______T
"M-Magkano ba?" kinakabahan kong tanong ko, tipid na tipid na nga ako sa buhay!
Kapag kasi hindi nagbayad ang isang istudyante sa nilabag niyang rules, ibo-broadcast nila sa buong University ang pangalan mo tapos gagawan ka pa nila ng wanted poster na ipapaskil sa labas mismo ng SC Room bilang wanted student. At may bounty ka rin. Tatalino di ba? :<
"100 pesos sa'yo Joy Mayden Bautista." sagot niya sa tanong ko tapos tiningnan niya si Leo
100 pesos. Isang buong araw ko ng budget 'yun. T______T
"Leo Briones. 50 pesos dahil ikaw ang nanghila kay Mayden Bautista papasok. Bukod sa malinaw ho ang cctv at monitor natin, matinik din po ang Bise Presidente ng SC para sa mga istudyanteng hindi sumusunod sa patakaran na ipinapatupad!" ani nu'ng treasurer na animo'y nananakot
"Ikaw din sis matinik ka rin." ani Klarisa na mukhang gigil sa treasurer
Hinampas ko ang braso niya bilang pananaway.
Tanga! Mang-aaway pa talaga.
Binuklat ko na 'yung bag ko para kunin 'yung wallet ko.
"Ako na ang magbabayad."
Agad kuminang ang mga mata ko sa sinabi ni Leo. Tiningnan ko siya ng nakangiti.
Kumuha siya ng 150 pesos sa wallet niya ngunit hindi niya agad binigay sa treasurer.
"Bago ako magbayad, sino muna ang Vice President ng SC? Hindi naman siya nagpakilala simula nu'ng isaltak siya sa pwesto."
Tumango-tango ako. Hindi ko rin siya kilala kahit ang President. Dito kasi sa Divine University, Head office ang pumipili ng SC Officer. Ang pinipili nila ay galing mismo sa grupo ng mga Divine scholar, bilang balik serbisyo sa scholarship na ibinagay sa kanila.
"Barbara Grenioso from your very own department, hindi ko alam na mga inosente pala ang nasa Magical Psychology."
Pinigilan kong matawa nang gayahin niya 'yung nakakalokong pagbanggit ni Klarisa sa "magical psychology". Hindi kasi bagay sa kanya. Hahahaha
Hinablot niya kay Leo 'yung 150.
"Huwag niyong kakalimutang maging pasaway ulit." nakangising sambit sa'min nu'ng treasurer bago tuluyang umalis
"Bobo! Psychology student tayo pero nauutakan nila tayo. Sarap nilang tanggalan ng brainstem!" naiinis na sambit ni Klarisa
Naglakad na ulit kami palabas ng University.
"Barbara Grenioso? Same level lang din natin siya, hindi ko alam na siya pala ang Vice President ng SC." ani Leo
"Ano naman? Crush mo?" gigil pa ring sambit ni Klarisa
"Ba't ka galit? Inaano kita?" ani Leo
Agad akong pumagitan sa dalawa kong kaibigan na mukhang mag-aaway pa.
"Tigili na at nasa daan tayo." sambit ko sa kanila
"Hala! Dahil badtrip na ako, magsamgyup tayo! Si Leo ang taya!" -Klarisa
"Hoy! Lakas mo naman Klarisa!" -Leo
Agad akong hinila patakbo ni Klarisa papunta sa isang kainan malapit sa University. Sa mismong Korean Restaurant.
"Hoy! KKK tayo!" sambit ni Leo nang makapasok kami sa restaurant
"Anong KKK? Ano ka si Bonifacio the second?" ani Klarisa
"Kanya-kanya-kanya! Kanya kanyang bayad!"
*sigh* Tatalino talaga o! Sinabi nang may trabaho pa ako pero hinihila pa rin nila ako!
Tumingin ako sa oras sa cellphone ko. May 1 and a half hour pa bago magstart ang trabaho ko.
"Wala akong pambayad sa ganito ha?" sambit ko sa kanila nang makaupo na kami
"Okay lang yan friend! Hawak tayo ni Leo. Fighting!" positibong pananaw ni Klarisa
"Oo hawak ko kayo! Hawak ko kayo sa leeg, mamaya tiik kayo sa'kin."
Sabay kaming tumawa ni Klarisa dahil sa sinabi ni Leo. Sa'ming tatlo ay si Klarisa talaga ang mapera. Si Leo naman ay sapat lang, may time na may pera siya may time din na short. Tapos ako, heto tamang tunganga lang sa kanila dahil madalas gipit. HAHAHAHAHAHAHAHA
Si Klarisa ang nag-asikaso nu'ng samgyup namin tutal siya ang may alam ng ganu'n.
"Hindi ka ba nagsasawa sa kakatrabaho mo Ligaya? Sa bahay ka na lang kasi tumira paaral pa kita. Hahahaha." ani Klarisa sa'kin
"Go na Mayden titiisin mo nga lang si Klarisa dahil may pagka-psychotic." -Leo
Umiling ako.
"Kaya ko pa naman no? Bata pa ako kaya malakas pa ako."
Actually mas matanda ako sa kanila dahil 2 years din akong nagstop sa pag-aaral.
"Hindi ka nahihirapan?" tanong pa rin ni Klarisa, mukha namang concern siya sa'kin
"Wala namang hindi mahirap." sagot ko
Sa dinami-rami na ng trabaho na napasukan ko wala naman akong nahanap na hindi mahirap. Kahit saan tayo magpuntang trabaho mahihirapan tayo.
"Sabagay, ako nga iniisip ko kung anong magiging trabaho ko pagkagraduate." ani Klarisa
"Luh? Nag-isip pa. Du'n sa mental ang bagsak mo!" pang-iinis ni Leo
"Tanga! Mauna ka na du'n bes! Tss."
Tumawa lang ako sa kanila habang napapailing. Minsan gusto kong isipin na bagay sila pero malabo dahil pareho na silang may jowa. Isang malaking sana all!
Joke! Walang time para magjowa. Trabaho aral na nga lang pagod na. My gulay! Bet ko sana 'yung mayaman at gwapo para paggraduate ko tangla na lang ako sa palasyo ganern! Hahaha
Hayst! Pero seryoso, minsan nangangarap na lang akong makajowa ng mayaman para naman hindi na ako laging pagod. Sumasakit na rin kasi likod ko.
Tiningnan ko si Leo nang magsnap siya sa harapan ko.
"Huy gising! Huwag mangarap ng mulat baka mauna ka sa mental."
Sinamaan ko lang siya ng tingin. Pangarap na nga lang aayaw pa! Kapag talaga may nagkagusto sa'kin na mayamang lalaki papatusin ko na. HAHAHAHAHAHA