Madaming papeles sa harap ng table, 'di ko alam kung para saan yun.
"Hoy! Diba janitor ka? Bakit ka nandito? Baka mapagalitan tayo." Napatigil naman aiya sa pagbabasa at bumaling sa 'kin.
"Tsk!" Singhal niya sa'kin.
*knock knock*
"Hi babe" pumasok yung Babae kanina, yung parang modelo.
"B-babe? Akala ko ba uuwi ka na?" Binalingan ko naman si Hajie na natigil sa ginagawa niya.
"I want you to come with me, I have a surprise for you." Tuluyan ng pumasok yung babae at binigyan si Hajie ng isang matamis na ngiti.
"What is it?" Ngumiti rin sa kanya si kuyang bingi.
Sheeezzz! Ang gwapo niya, Parang goddess napaka perfect.
Pumunta yung babae sa harap ni kuyang bingi at sinunggaban niya ito ng halik. Nagtakip ako ng mata pero 'di ko masikmura yung ginagawa nila, umandar na naman yung pagka-drama queen ko.
"M-mahal? S-sino siya?! At bakit kayo naghahalikan" gulat silang napatigil sa paghahalikan at inayos nila ang sarili nila.
Lumapit ako doon sa babae at tiningnan siya ng may halong pandidiri.
"Look at you girl, may jowa na inaagawan mo pa. Magkakaanak na kami okay? Pwede ba, lumayas ka dito sa opisina ng fiancée ko!" Bulyaw ko sa kaniya habang tutulo ang luha. Para umepek guys!
"W-what? What are you talking about?" Kunot noo niyang tanong.
Tahimik naman si Kuyang Bingi sa upuan niya, lumapit naman sa 'kin yung babae at tiningnan ako mula ulo hanggang paa.
"B-buntis ka?....ilang months na?" Nanginginig ang mga boses niyang lumingon Kay kuyang bingi.
"O-One month na"
Sheeezzz! Ba't ko nga ba ito ginagawa? Bakit 'di man lang nagrereact yung unggoy na yun.
"T-this c-can't be true!!!" Umiiyak siya habang nagsisisigaw.
Oweemmgeeee!!! Anong ginawa ko? Ayaw ko lang naman silang magkiss sa harap ko eh, nakakainggit kasi! Sanaol may jowa, ako kasi joWALA.
*pak*
* pak*
Sinampal siya ng magkabilaan, ininda lang niya 'yon at walang emosyong nakatingin sa 'kin. Halaaa! Lagot patay na 'ko ngayon, ano ba kasing pumasok sa isip ko at ginawa ko 'to?.
"HOY!!" sigaw naman sa'kin nung babae.
"Bakit?" Takang tanong ko.
"Why are you smiling? Are you crazy?!" Mataray niyang sambit.
"Ha?"
"Don't tell me you're daydreaming?" Natatawa naman siyang bumaling dun sa kuyang bingi.
"Let's go babe?" Natatawang tanong nung babae Kay Kuya.
"T-teka!!!" Pigil ko sa kanila
"Why?" Kunot noong tanong nung babae.
"Akala ko ba sinampal mo siya?"
"Ha?" Takang tanong niya.
"Sinampal mo siya eh" turo ko pa dun Kay Kuya.
" HAHAHAHA! why would I slap my boyfriend?" Kumapit naman siya sa braso ni kuya.
"Let's go babe, don't mind her! She's just daydreaming." Hinalikan pa siya nung babae sa pisngi at kinindatan ako bago sila tuluyang umalis.
Tsk! Bagay na bagay sila parehas mga alien! So imagination ko lang talaga yun? HAHAHAHA.
Ang ganda naman dito! Kita yung kabuohan sa labas, kitang-kita ko yung mga sasakyan na malayang pumupunta kung saan ang kanilang ang kanilang patutunguhan.
Bumaling naman ako sa laptop nung kuyang bingi. Nag-facebook lang ako at naglaro ng Y8, dress up syempre! Favorite ko 'to dati pa eh.
Nag YouTube rin ako para naman magsoundtrip dito, nakakaboring naman! Parang mas trip ko pang magpunas ng sahig, at least doon pwedeng-pwede akong sumayaw-sayaw habang naglilinis ng sahig.
Bigla naman may nag pop-up na ads, 5 minutes craft. Tapos origami, wow! Ang gandaaaaa! Kaso naalala ko wala nga pala akong papel.
Nakita ko naman yung papel na binabasa kanina ni Kuyang bingi,
"Contract for having a franchise outside the country." Basa ko sa papel.
Bahala na nga 'di ko naman naiintindihan eh, pwede na 'to at least may pagkaka-abalahan ako. Kumuha ako ng gunting at ruler. Pinanood ko muli yung video para gayahin yung isang swan na origami.
"Fold to right, cut the edges and same as to the left side." Sabi nung nasa video pero 'di ko maintindihan kaya pinanood ko na lang yung video.
Matapos ang 20 minutes natapos ko na rin. Yehey! Ang gandaaaaa! Ang galing ko talaga.
Tuwang-tuwa kong inilagay yung origami na swan sa ibabaw ng table at iniligpit ko yung mga basura. Ibinalik ko na rin yung mga ginamit ko sa paggawa ng origami.
Nilibot ko naman yung buong opisina at may nakita akong box. Binuksan ko 'yun at nakita ko yung mga pictures nung ulupong na yun, kasama yung jowa niya. Parang ang saya-saya nila dito sa mga pictures. Wow! May singsing ang ganda!, sinubukan kong isukat at sakto sa 'kin. Bagay na bagay, ibinalik ko yung singsing at yung box sa pinaglalagyan at naupo na ako sa swivel chair.
"I don't wanna leave you
Standing there,
I don't wanna close my eyes
I just wanna hold your hands,
See how far we got
Are we let this go to an end
Or is this a chance to love again"
Sabay ko sa kantang A chance to love again, Ewan ko basta gandang-ganda ako sa kantang 'to at feel na feel ko.
Nahinto ako sa pagkanta ng biglang bumukas yung pinto at bumungad sa 'kin yung babaeng nakausap namin kahapon, yung kasama ni manong panot.
"Wow! You're here?" Gulat na bati niya sa 'kin.
"Taga timpla po ng kape" natawa naman siya sa sinabi ko.
"You're so funny iha" ngumiti naman siya sa'kin "nakita mo ba si Hajie?"
"Sino po si Hajie?" Takang tanong ko naman sa kaniya.
"Yung boss mo"
"Sino po yung boss ko?"
"Aiishh! HAHAHAHAHA yung nandito kanina" naglakad naman siya at umupo sa sofa.
"Ah si Kuyang bingi po ba yung tinatanong niyo? Yung janitor sa first floor?" Natatawang tumango naman siya.
"B-Boss ko yun? Hindi po halata kasi po janitor po siya eh" tumawa naman siya pero in sophisticated way.
"Anak ko siya, pinarusahan lang ng daddy niya kahapon." Ngiting tugon niya.
"T-talaga po?" Napatayo ako sa swivel chair at tumabi sa kaniya.
"Hindi po halata kasi po napaka bata niyong tingnan" 'di makapaniwalang sambit ko.
"Wow! Really? Hindi halata na may anak na ako?" Natutuwa niyang sabi.
"Paano mo naman siya nakilala? At bakit kuyang  bingi yung tawag mo sa kaniya?"
"Kasi kahapon po kasi sumakay kami ng jeep, hindi ko po abot yung driver kaya nakisuyo ako sa kaniya. Tinatawag ko siya pero hindi niya ako nilingon, may earpods pala. Tapos biglang huminto yung jeep, akala niya tinulak ko siya at tumayo po siya kaya nauntog. Tapos po sabi niya "WHY DID YOU PUSHED ME?!" Panggagaya ko sa sinabi ni Hajie kahapon." Mahabang paliwanag ko at todo tawa naman siya.
"Mommy?"