"ANO ba! Hindi ako lumpo!" Naiinis kong sigaw sa lalaking ito dahil todo alaga siya sa 'kin! Akala niya naman may malubha akong sakit. Tinamaan lang ako ng bala! Putang*nang mga pinsan kong 'yon! Barilin ba naman ako sa tagiliran! Walanghiya.
Ang sabi ni Tito practice lang! Magpapractice lang sila pero anong ginawa?! Ako ang pinagpraktisan! Mga gag*ng pinsan ko na 'yon.
Tinignan niya ako ng masama. "Huwag malikot, Camille!"
"Putang*na! Kaya ko ang sarili ko! Umalis ka na!" Pagtataboy ko sa kaniya na hindi naman niya ginawa. Bagkus ay kinuha niya bimpo sa mesa at nilapitan ako. Umupo siya sa kama.
"Anong klaseng damit ang susuotin mo? Bibihisan kita." Walang hiyang tanong niya.
Nanlaki ang mata ko at malakas siyang hinampas. Napadaing siya at kaagad na napalayo sa akin. Nanlalaki ang mga mata niya habang nakatingin sa kamay ko.
Talagang mabigat 'to!
"Kaya kong magbihis!" Sagot ko.
Inismiran lang niya ako at pumunta sa cabinet ko. Naghahanap ng masusuot ko ngayong gabi. Mabilis naman akong bumaba nang hindi ininda ang sugat ko sa tagiliran. Gusto ko siyang sapakin!
Hinablot ko ang kwelyo niya at padabog na tinulak sa kama. Mas lalong nanlaki ang mga mata niya dahil sa ginawa ko. Inirapan ko siya at sinirado ang cabinet.
"Dahan-dahan, Camille!" Sigaw niya sa 'kin.
Hinarap ko siya at masamang tinignan. "Ano ba kasi ang ginagawa mo dito? Wala ka bang plano na umuwi sa inyo? May sarili ka 'din na bahay." Turan ko. Umupo ako sa sofa. Tinignan siya ng deritso sa mata.
Umayos siya ng upo sa kama, nakatitig lang siya sa 'kin at paminsan-minsan ay tumitingin siya sa tagiliran ko. Nakakainis 'rin ang lalaking 'to. Wala ba siyang plano na umuwi sa kanila? Tatlong araw na siyang nandito sa bahay, palaging nakasunod sa 'kin. Akala mo'y personal assistant ko siya, eh.
"Ano ba?!" Muli kong sigaw.
"Anong ano?" Kumuno ang noo niya at nagtataka akong tinignan.
"Umuwi kana! Kaya ko na ang sarili ko." Giit ko dahil hindi ko talaga magawa ang gusto ko kapag nandito siya! Hindi naman siya lumalabas sa kwarto ko dahil nilalandi raw siya ni Ellise. Ang babaeng 'yon, si Zackerhiale pa ang pinagtripan.
"Nope, as your husb-" Pinutol ko ang sasabihin niya.
"Soon." Pagtatama ko.
"As your soon to be husband, obligasyon kong alaagan ka."
"Obligasyon-obligasyon ka diyan." Pambabara ko.
Tumawa siya sa sinabi ko at nang tignan ko ay nakatakip na sa bibig niya ang kaniyang kamay. Masaya pa talaga siya, ah. Tumayo na ako at kinuha ang phone sa study table, pumunta ako sa veranda para tawagan si Tito Al.
Sumunod si Zackerhiale sa 'kin. "I will get your food." Hinalikan niya ang noo ko na nagpapagulat sa 'kin! Tinalikuran niya ako ng parang wala lang sa kaniya ang ginawa niyang pag-halik sa noo ko. Minsan talaga hindi ko naiintindihan si Zackerhiale. Paiba-iba ang ugali niya, minsan loko-loko, inosente, matured mag-isip at seryoso! Tsk, baka nga talaga ay may split personality na siya.
Tumalikod ako denial ang number ni Tito Al. Isang ring lang ay sinagot na niya kaagad. Maingay sa kabilang linya kaya nilayo ko ng kaunti ang phone sa tainga.
"Kamusta na ang sugat mo?"
"Gumagaling na. Sino talaga ang bumaril sa 'kin?" Kuryos na tanong ko.
Umamin sila Ario sa akin na nagpapractice sila noon at aksidente niyang nakabit ang gatilyo dahil nagaasaran raw sila ni Aria pero hindi pa 'din ako kumbinsido na siya nga. Hindi ako kumbinsido nga aksidente nga lang ba ang nangyari.
"Tinitignan pa namin ng maiigi ang mga cctv sa subdivision natin. May mga cameras na hindi gumagana. Malapit sa pinagpractisan nina Ario."
Wala sa sarili akong napangisi, tama nga ang hinala ko. Hindi aksidenteng nabaril ako nina Ario at pakiramdam ko 'din ay iba ang bumaril sa 'kin. Hindi sila. Mukhang binasag niya ang camera malapit sa pwesto niya para hindi siya makilala, ah.
"Papuntahin mo dito si Vyrron. May kailangan kaming gawin." Huli kong sabi bago binaba ang tawag tinignan ko ang lugar kong saan nakapwesto ang mga pinsan ko no'ng nag-practice sila. Tumingin ako sa gilid no'n, mula doon ay kitang-kita ang mga tao na pumapasok at lumalabas ng bahay namin.
Tatawagan ko na sana si Vyrron dahil ang tagal-tagal niya nang biglang may tumikhim sa likuran ko. Lumingin ako at nakitang si Zackerhiale 'yon, nakangiti siya habang may dalang tray. Bumuntong hininga ako at lumapit sa kaniya. Nilagay niya naman ang tray sa mesa at lumapit sa akin. Sinipat niya ang sugat ko sa tagiliran.
"Kailangan na 'tong linisan." Mahinang turan niya. Pinaupo niya ako sa sofa, dahan-dahan niyang tinaggal ang mga bandage sa tagiliran ko.
"Marunong ka ba niyan?" Tanong ko.
"Hind ako sigurado, Cami. First time ko 'to." Sagot niya habang ang atensiyon ay na sa tagiliran ko pa 'din.
Mahina kong tinapik ang balikat niya, napaangat naman ang ulo niya at nagtataka akong tinignan.
"Cami, bakit?" Tanong niya.
"Hindi ka marunong niyan, tawagan mo si Dr. Sergio para siya na ang magpalit nito." Utos ko naman na hindi niya sinunod. Ngumuso lang siya at umiling, hindi sumasangayon sa sinabi ko. Patuloy niyang tinanggal ang mga bandage sa tagiliran ko, salubong ang mga kilay niya.
"Zackerhiale," Seryoso kong tawag.
"Camille," Panggagaya niya.
Hinampas ko siya at sinamaan ng tingin. "Tawag mo!" Muli kong utos na hindi na naman niya sinunod.
Naiinis na ako sa lalaki na 'to! "Ano ba ang problema mo?! Sabing tawagan mo si Dr. Sergio, Zackerhiale!" Umuusok na talaga ang ilong ko dahil sa galit! Gigil niya ako! Masasapak ko 'to, tamo.
"Bakit mo 'ko inuutusan? May paa ka naman, kong gusto mo siya tawagan e'di tawagan mo! Pakialam ko? Asawa lang naman kita sa papel. Hindi mo ako gusto, hindi ka masaya na ako ang magiging asawa mo." Pagkatapos niya 'yon sabihin ay tumayo siya at padabog na naglakad palabas sa kwarto ko, padabog niya 'ring sinirado ang pinto.
Napasampal naman ako sa noo, kakaiba ang lalaki na 'yon! Daig niya pa ang babaeng may regla! Grabe ang attitude niya kanina! Anong drama 'yon? Asawa sa papel? Hindi ko siya gusto? Hindi ako masaya? Tsk, mukhang sinapian na naman siya.
Dahan-dahan akong tumayo at lumapit sa study table ko, kinuha ko ang phone ko at mabilis na tinawagan si Dr. Sergio na pinsan ko naman.
"Camilla, what's up? Kamusta ang sugat mo?"
Umirap ako. "Camille, hindi Camilla." Pagtatama ko sa kaniya. 'Yong iba talaga sa mga pinsan ko ay tinatawag akong si Camilla. Ang rason nila ay kahiwag daw kami ni Camayla. Ang bunsong anak nina Tita Obrev. Ewan ko ba kong bakit Camilla. Hindi naman 'yon ang pangalan ko at ni Camayla.
"Nasanay na ako, bakit ka napatawag?"
"Punta ka dito, gamutin mo sugat ko."
"Bakit ako? Nandiyan ang asawa mo." Napairap ulit ako. Hindi nga siya marunong di 'ba? Tatawagan ko ba siya kong marunong lang si Zackerhiale tapos ayon! Biglang umalis. Ang arte-arte ng lalaking 'yon.
"Hindi siya marunong." Sagot ko.
"Oo, sige. Pupunta na ako diyan."
"Sige." Binaba ko ang tawag, lumapit ako sa sofa at kinuha ang laptop. Hindi pa naman gaano natanggal ni Zackerhiale ang mga bandage sa tagiliran ko. Lumabas ako sa kwarto ko at bumaba, bago makaabot sa sala ay rinig ko ang malakas na halakhak ni Ellise.
Natigilan ako sa paglalakad nang marinig ang sinabi ni Zackerhiale. "Huwag mo 'ko lalandiin, susumbong kita sa asawa ko." Napangiti nalang ako. Isa ito sa mga gusto ko kay Zackerhiale.
"Wala naman siya dito so pwede ko gagawin lahat ng gusto ko." Napailing nalang ako dahil sa sinabi ni Ellise. Sigurado naman akong binibiro niya lang si Zackerhiale. Hindi muna ako naglakad at hinihintay ang sasabihin niya.
"Nandito man si Cami o wala, hindi ako papayag sa mga gagawin mo. Mahiya ka nga sa sarili mo. " Natawa ako nang mahina sa sinabi niya. Isa siguro sa mga gusto ko kay Zackerhiale ay ang pagiging inosente niya. Hindi siya katulad ng ibang lalaki na babaero. Kahit na nakakainis minsan.
Pinagpatuloy ko ang pagbaba. Naabutan ko nga sila sa sala kasama si Ave at ang kapatid ko. Nang makita ako ni Ave ay tumakbo siya palapit sa akin, nagsusumbong ang mukha niya.
"Pinsan, nilalandi ni Ellise si Zacker!" Sumbong niya habang nakanguso. Tinignan ko si Zackerhiale, kinakabahan ang mukha ni Zackerhiale. Lumapit siya sa akin at hinawakan ang braso ko.
"H-hindi naman ako n-nagpapaapekto sa kaniya, Cami!"
Tinignan ko siya ng masama at tinanggal ang kamay niyang nakahawak sa braso ko. Dahil doon ay nataranta siya at sunundan ako sa kusina, pilit niyang sinasabi na hindi siya naapektuhan sa mga ginagawa ni Ellise.
"Asawa ko!" Sigaw niya na nagpapatigil sa 'kin. Dahan-dahan ko siyang nilingon at sinamaan ng tingin. Kumuha ako ng tsinelas at binato sa kaniya.
"Putang*na mo!" Mura ko sa kaniya.
"Lutong 'nak." Nagulat ako dahil sa biglang pag-salita ni Daddy. Nakangiti siya sa aming dalawa ni Zackerhiale, may dala-dala siyang pizza sa kaliwang kamay, sa kabila ay may dala siyang.. kumunot ang noo ko, anong klaseng pag-kain 'yan?
"Papa, ayaw ata ni Camille na tinatawag ko siyang 'asawa ko' oh." Ramdam ko ang pag-lapit niya kaya nakurot ko siya sa tagiliran.
"Masakit!" Sigaw niya.
"Dad, bakit may dala ka niyan? Papakain mo sa aso?" Tanong ko habang nakaturo sa kabilang kamay niya. Napunta doon ang mga tingin niya at ngumiti ng nakakaloko.
"Hindi anak, dragon ang kakain nito."
Dragon? Si Mommy?
"Anong klaseng pag-kain 'yan Dad? Masarap ba 'yan?" Tanong ko pa. Na cu-curious ako kong ano ang lasa ng dala niyang pagkain, eh.
"Para sa kanila, oo. Aalis na ako anak, alagaan mo si Zackerhiale ah."
Nilampasan na niya kami. Nakatingin lang ako sa mga dala niyang pagkain hanggang sa nakaakyat na siya sa itaas. Para sa kanila? Ano ba ang ibig sabigin ni Daddy? Bakit niya papakainin ng gano'n si Mommy?
May biglang kumalabit sa akin, napabaling ang tingin ko doon. "Bakit ka bumaba? May kailangan ka? Sana sinabi mo nalang sa akin ang kailangan mo para ako na ang kumuha."
"Umalis ka kaya." Lumapit ako sa refrigerator namin at kumuha doon ng makakain. Nag-grocery ata si Manang dahil marami na ang nakalagay dito. Kumuha ako ng tatlong funky, dalawang piatos at dalawang nova at limang C2.
Junkfoods is life! UTI later. Napatawa nalang ako sa sinabi ko. Mahilig akong kumain ng mga junkfoods pero mabilis 'din akong magkaka-UTI.
"Naiinis kasi ako sa 'yo, Camille."
Napataas ang kilay ko. "Bakit naman? Ano ba ang ginagawa ko sa 'yo para mainis ka sa 'kin?"
Imbes na sagutin niya ang tanong ko ay kinuha niya lahat ng pag-kain sa mesa. Lahat ng 'yon nakuha niya!
"Hoy aba! Huwag mong pinapapakialaman ang mga pagkain ko!" Pinandilatan ko siya ng tingin pero hindi umubra!
"Masama 'to, Camille! Pumili ka diyan ng iba!"
Ano ba 'yan!
"Akin na 'yan!"
"Hindi! Umupo ka diyan! Magagalit ako sa 'yo kapag kumakain ka ng mga ganito! Umupo ka!" Malakas ang sigaw niya at masama ang tingin sa 'kin! Masamang-masama!
"Ano ba 'yan, Zackerhiale. Minsan na nga lang ako makakain niyan tapos kinuha mo pa." Mahinang bulong ko.
Narinig ko ang pagbuntong hininga niya. Napangisi naman ako dahil mukhang ibibigay niya ulit sa akin ang kinuha niya. Talaga lang! Ako ang kumuha niyan tapos aagawin niya? Nagulat ako sa biglang pagsalita niya.
"This is not good to your health, Camille. Makinig ka sa asawa mo." Pagkatapos no'n ay umalis siya sa kusina dala-dala ang mga pagkain ko.
Napanguso nalang ako at bumalik sa refrigerator pero wala ng mga junkfoods doon. Napasimangot ako, ang sama ng lalaking 'yon! Ngayon na nga lang ako kakain ng junkfoods tapos kinuha niya pa. Madapa sana siya, una ang mukha! Letse.

Lumabas ako sa kusina nang nakabusangot pa 'rin ang mukha. Nakasalubong ko si Ave na may hawak na nova sa kaliwang kamay at coke sa kabila.
"Saan mo kinuha 'yan?" Kaagad na tanong ko.
Taka siyang tumingin sa 'kin. "Ang alin insan?"
Nginuso ko ang hawak niya. "Hindi ko 'to kinuha insan, binili ko 'to. Bakit?"
Napatango ako at dali-daling naglakad para hindi makita ni Zackerhiale. Pero hindi ata naayon sa akin ang panahon dahil paglabas ko ay nakita ko si Zackerhiale malapit sa kotse niya, may kausap siya sa phone at nakatalikod sa akin.
Putang*na! Doon ang daan papunta sa parking lot namin, eh!
"All right. Send me her resume through email." Binaba niya ang kaniyang phone at humarap. Nanlaki ang mata niya at napaatras. Napahawak pa siya sa kaniyang dibdib.
"Papatayin mo ba ako, Camille?!"
"Para kang tanga." Sabi ko nalang sa kaniya.
Nilagpasan ko na siya para puntahan ang kotse ko pero napatigil ako sa paglalakad nang biglang may humawak sa kwelyo ng damit ko.
"Saan ka pupunta? Hindi ka pa magaling."
Napairap ako. "May bibilhin lang ako sa labas, bitawan mo na nga ako!" Inis na sigaw ko sa kaniya.
"Anong bibilhin mo? Utusan mo nalang si Manang."
Putang*na talaga!
"Hindi pwede, pang babae ang bibilhin ko." Pagsisinungaling ko.
Atat na atat na talaga akong kumain ng nova. Bakit ba kasi nandito si Zackerhiale? Para namang tanga, eh!
"Babae si Manang. Sa kaniya ka magpabili." Matigas na sabi niya.
"Matanda na kaya siya tapos inuutusan mo pa."
Baka umubra na 'tong rason ko sa kaniya. Sana umubra. "Papa-order nalang tayo."Napatampal ako sa noo. Nakakainis naman, eh!
"Ha, 'kala mo makakalusot ka sa 'kin." Marahan niya akong hinila.
"Masama kasi sa 'yo ang junkfoods, Cami. Mabilis ka lang magkaUTI kaya bawal talaga sa 'yong kainin 'yon. Kumain ka nalang ng iba, kahit ano pa 'yan basta huwag lang ang junkfood."
Napairap ako, para naman siyang si Mommy. Ngayon na nga ulit ako makakain ng gano'n tapos kinuha niya pa. Nakakainis.
"Kainin kita."