♫ Lemon ♫
"Wala pa sila?" tanong sakin ni Kekang ng makabalik sya galing sa canteen.
Friday ngayon at Club Day ng school. Ito yung araw dito sa Maria kung saan nagre-recruit ang iba't ibang clubs ng mga members nila.
Kanina lang ay nag-sign up na si Kekang sa Dance Club at nag-audition na rin sya para sa cheerleading squad. Sina Kellen at Audrey namin ay nasa meeting ng Spark, ang school paper kung saan pareho silang editors.
Gusto ko rin sanang mag-sign up sa mga sinalihan ni Kekang pero nagda-dalawang isip pa ko. Natatakot akong baka ma-injure na naman ako gaya ng nangyari noon sakin sa France.
Habang wala pa sina Kellen ay naisipan muna ni Kekang na mahiga sa isa sa mga benches gamit ang bag nya bilang unan. "Beks, patugtog ka muna, bawas boredom lang," sabi pa nya saka inayos ulit ang pagkakahiga.
Sinunod ko naman ang utos nya at nagsimulang magpatugtog sa phone ko. “Notice me ~ take my hand ~ Why are we ~ strangers when…” I sang along kahit na medyo luma na ang kanta, ka-edad ko pa yata.
Pero ganito talaga kami ni Kekang. Hindi puro bago lang ang laman ng playlists namin. Mas gusto naming nandun yung mga kanta kung saan na-LSS kami ng mga isang linggo.
Patuloy lang ang pagsabay ko at paminsan ay nakikisabay na rin si Kekang. Feel na feel nya pa nga ang pagbirit kahit medyo out of tune na sya. Nagkakatawanan na lang kami pag pumipiyok ang bruha pero patuloy lang kami sa pagkanta.
"Wow Partner!" agad naman akong napalingon ng marinig ko ang boses ni Kevz. "May tinatago ka pala!" dagdag pa nya. Napakunot naman ang noo ko dahil hindi ko agad nakuha ang sinasabi nya. "Ganda pala ng boses mo!"
"Nye! Siraulo ka!" natatawang pagkontra ko.
"No, seriously Partner, na-amaze ako sa boses mo!" pagpipilit nya.
"Na-amaze talaga? Oo na, oo na! Iti-treat na kita mamaya!" sabay tapik sa balikat nya.
"No need. Tara, sama ka na lang sakin!" saka ako hinila patayo at kinuha ang bag ko.
"Hoy saan kayo pupunta?" sigaw samin ni Kekang pero agad din naman syang sumunod ng hindi sumagot si Kevz.
Hindi ko rin naman kasi alam kung saan ako tatangayin ng isang to kaya wala rin akong naisagot sa kanya. Dire-diretso lang kami hanggang sa marating namin ang booth ng Music Club.
Iniwan nya ko malapit sa kung saan may mga nakapilang estudyante. Sya naman dumiretso sa booth kung nasan si Homme at Roj na nage-entertain sa mga gustong sumali.
"Hi Lemon!" kaway sakin ni Roj saka hinarap si Kevz. Nakita kong parang may ibinubulong ito sa dalawa kaya sabay pa silang napatingin sakin.
"Anong eksena beks?" tanong ni Kekang na humahangos pa. "Hagarda ang beauty ko sa pagtakbo nyo ha!?"
"Ewan ko dyan kay Kevz, bigla na lang akong hinila eh," kibit-balikat kong sagot sa baklang reklamadora.
"O Partner, fill this up!" sabi agad ni Kevz pagkalapit sakin saka inabot ang isang papel.
Tiningnan ko yun at nakita kong form pala sya para sa mga gustong mag-audition bilang bokalista ng O2Jam. Saka ko lang naalala na kailangan nila ng isang babae at isang lalakeng bokalista para sa banda nila.
‘Bakit nya binibigay sakin to?’
"Ano ka ba Kevz? Ayoko mag-audition, nakakahiya!" pagtanggi ko pa saka ibinalik sa kanya ang papel.
"Ano yan?" singit ni Kip na hindi ko alam kung saan nangggaling. Hinila nya pa ako papunta sa ilalim ng isang puno para sumilong at sumunod naman samin si Kevz at Kekang.
"Dude naman, bakit di mo sinabing maganda ang boses nitong pinsan mo? Eh di sana hindi na tayo nagpapa-audition ngayon!" sita ni Kevz kay Kippler na bigla namang napabaling sakin ng nakakunot ang noo.
"You can sing?" tanong nya, marahan naman akong tumango ng alanganin.
"Gahd Kip! Magkamag-anak ba talaga kayo? Matagal ng kumakanta yan si Lemon no!" angil sa kanya ni Kekang.
"Hindi ko talaga alam! Ang alam ko lang nasa cheering squad ka and you do judo and swimming. I never knew you're a singer!" depensa naman ni Kip sa sarili saka kinuha ang papel na isinauli ko kay Kevz at ibinalik yun sakin. "Pwes, sign this up at pumunta ka sa audition. Kahit wag ka na dumaan sa screening cuz!"
"Omg, I have stage fright. Hindi ako kumportable kumanta sa harap ng maraming tao. I can't, sorry cuz," palusot ko pa para makatanggi.
No, it isn't true that I have stage fright. Ang totoo ay ayaw ko lang ng limelight. At higit sa lahat, ayaw ko ng atensyon.
Pagpasok ko sa Maria ay kita ko na agad kung gaano kasikat ang banda nina Kippler. Hindi lang sa batch namin kundi pati sa higher and lower batches.
Tatlo silang banda dito sa Maria pero kina Kippler ang pinakamaraming fans, babae at lalaki. Marami silang fans na babae dahil gwapo naman silang lahat talaga.
Pero marami din silang fans na lalaki dahil magaling ang dati nilang vocalist plus maganda pa. Kinailangan lang talagang mag-quit ng kambal sa banda dahil magma-migrate na sa US ang pamilya nila.
"Please naman cuz, mago-audition ka pa lang naman eh. Kami lang ang nandun that time!" pinagsalikop pa ni Kip ang mga kamay tanda ng pagsusumamo.
"Please din Partner, kahit i-try mo lang," gaya din naman dito ni Kevz.
"Please beks, sumagot ka na kasi lusak na ang beauty ko sa init ditto," dagdag pa ni Kekang.
Tiningnan ko silang tatlo saka nagpakawala ng buntong-hininga. "Fine! I'll fill this out, when is the audition?" tanong ko sa dalawa.
"2 PM ang cut-off ng submission ng forms kasama na screening. 3 PM ang audition, dun tayo sa auditorium," sagot naman ni Kevz.
Tumango na ko saka naupo sa bench di kalayuan sa pwesto ng booth nila para i-fill up ang form. Nang matapos ay ibinalik ko yun kay Kevz at sya na raw ang bahalang mag-submit kina Roj.
"Nakakaloka kayo! Ang lakas nyo maka-haggard!" halos patiling sabi ni Kellen samin ng dumating sila. "Kung hindi pa kami nag-text, super nganga kami dun ni Aud sa batibot!" dagdag pa nya.
"Naku cuz, sisihin mo si Kevz, sya ang naghila sakin ditto!" nakalabing sagot ko.
"Hindi ka nag-iisang na-haggard ses, I second the motion!" pumadyak pa si Kekang habang sinasabi yun.
"Kellen do you know that Lemon can sing?" tanong ni Kip sa kakambal, pero umiling lang to.
"She can? OMG! Mag-audition ka na!" eksaheradang udyok nya sakin.
"That's why she's here. Napilit namin sya ni Kevz na mag-audition!" may pagyayabang na bida ni Kip.
"So, have you heard?" tanong ni Kellen sa kanya pero umiling lang sya. "OA ka! Akala ko naman narinig mo kaya mo sya pinilit!"
"Kevz heard her and he said she's really good," tumatango-tangong sabi nya sa kakambal.
"Ok enough, you guys are talking as if I'm not here," natatawang singit ko sa dalawa. "Don't blame me later Kip. Baka mamaya sabihin nyo sinayang ko ang oras nyo ha!"
"I doubt it! Tiwala ako sa judgment ni Kevz. Siraulo lang yan madalas pero pagdating sa banda seryoso yan!" sabi pa nya sabay nguso sa kaibigan.
Nagpatuloy pa ang usapan hanggang sa nagkwento na nga si Kippler tungkol sa banda. Last year lang pala sila nagsimula at si Sir Punzalan ang nakaisip na bumuo ng banda para sa Music Club.
Gaya ng may folk dance, cheering at modern sa Dance Club, naisipan din ng adviser ng club na bumuo ng 3 banda para sa Music Club. Iba nga lang ang naging ending.
Ang plano pala dapat ay magkakaibang genre ang tatlong banda pero hindi yun nasunod. Ang masama pa dun ay nagkaroon ng kompetisyon sa kanilang tatlo.
Pero dahil nga gwapo ang mga nasa O2Jam, mas mabilis silang nakilala sa campus. Kahit pala mga college students ng university ay kilala sila.
Sila rin ang madalas na maimbitahang kumanta sa mga school events. Sila ang kumanta nung foundation day, prom at graduation party ng senior high school at Liberal Arts.
Minsan ay naiimbitahan din silang kumanta sa bar ng Kuya ni Homme. Although sobrang bihira nun dahil nga puro sila minors.
Napasarap masyado ang kwentuhan namin hanggang napansin na lang ni Kip na alas-tres na pala. "Tara sa audi!" yaya nya samin saka ako binalingan. "Mag-isip ka na rin ng kakantahin cuz."
"Wala akong maisip eh, kung ano na lang siguro ang unang tumugtog sa phone ko pag ako na, yun na lang," natatawang sabi ko.
"Cuz naman, seryoso kasi to!" inis nyang sabi.
"What? Seryoso ko cuz, don't worry, I'll do my best" and I flashed a wide grin at him.
Pagpasok namin sa auditorium ay nandun na si Sir Punzalan. Nakaupo sya sa isang mahabang mesa na nakaharap sa stage kasama sina Homme, Drew at Roj. Hinatid lang kami ni Kip at Kevz sa kung saan pwede kaming maupo saka sila sumama sa mga kabanda.
"Ok, we'll start the audition now. We'll call you one by one, this is random by the way, then you'll go up the stage and sing your chosen song," paliwanag ni Mr. Punzalan. "Based on the forms submitted, we have 12 girls and 7 boys, so uunahin muna natin yung mga babae."
"Paano ang process Sir?" tanong ng isang babae di kalayuan samin, isa rin siguro sya sa mga mago-audition.
"First round will be all 12 of you. Ang hindi namin matipuhan ay makakaalis na and the rest will continue. The same goes for the boys," sagot nya sa nagtanong. "So, let's begin!" at agad na nyang tinawag ang unang sasalang.
Kitang kita ko mula sa pwesto namin ang pagkunot ng noo ng banda, pati na ang pag-iling nila at pag-facepalm minsan. Medyo nine-nerbyos ako kasi first time kong susubok sa ganitong klaseng audition kaya panay ang buntong-hininga ko.
"Hey calm down, you can do this!" bulong sakin ni Audrey habang hinihimas ang balikat ko.
"Why? Is she nervous?" tanong naman ni Kellen at ako na ang tumango. "Tss, don't be. Sisiw to!" paninigurado nya.
Gusto ko sanang paniwalaan ang mga sinasabi nila pero alam ko kasing hindi pa naman nila ko naririnig kumanta kaya imposible. Also, some of the auditonees are really good.
"O-M-G. Look who's here. Don't tell me he came here to watch you," pabulong naman na singit ni Kekang.
Agad na napasunod ang mga mata namin sa direksyon na tinitingnan nya, si Rawbin. ‘Ano ngang ginagawa ng isang to dito?’
In fairness naman sa isang to, gwapo sya. Matangkad at maganda ang pangagatawan. Hindi ka na rin magtataka kung maraming nahuhumaling dito dahil head turner din naman talaga.
Parang napansin nya namang may mga nakatingin sa kanya dahil bigla syang lumingon sa pwesto namin saka ngumiti at kumaway. Lalapit na sana si Kekang sa kanya ng may biglang magsalita.
"Leslie Monica Juarez," si Sir Punzalan pala. Inilipag muli nito sa mesa ang form saka nagpalinga-linga.
"It's your turn," sabi ni Kellen saka marahan akong tinulak. Bumuntong hininga ako bago nagtaas ng kamay. Si Kekang naman ay bumalik ulit sa upuan nya.
"I'm here Sir!" tumango naman ito at itinuro ang stage. Ilang beses pa akong huminga ng malalim bago ako naglakad papunta dun.
"Do you have your CD?" tanong nya sakin.
"Wala po eh, I can sing in acapella," sagot ko naman. Nakita ko pang parang may ibinulong si Kevz at Kippler sa adviser nila na tinanguan naman ito.
Kung tutuusin dapat confident ako. Nasubukan ko ng kumanta sa harap ng maraming tao nung nasa France, kaya di ko maintindihan bakit ngayon pa ko kinabahan.
"Go ahead Miss Juarez," utos nya sakin saka ako dumiretso sa mic stand.
Saglit akong pumikit para kalmahin ang sarili ko. Tahimik ang lahat kaya parang mas lalong nakakakaba. Huminga ulit ako ng malalim bago nagsimulang kumanta.