“Hi cuz!” bati sakin ni Kip saka bumeso. “Hi Aud!” saka nakipag-fist bump sa katabi ko.
“Sino yan Kip?” tanong ng isang kasama nilang chinito. Parang gatas ang kutis ng isang to at mahihiya naman talaga ang gluta sa kanya. Mukha nga atang makinis pa tong isang to sakin eh.
“Oh, Homme pinsan namin. Si Homme, Drew, Roj at Kevz pala. Si Leslie Monica, she's from France pero sa Maria na rin sya papasok starting tomorrow. Ito naman bff nya, si...” Kip trailed.
“Kekang! Kekang na lang,” pakilala ng kaibigan ko saka isa-isang kinamayan ang mga kabanda ni Kip.
Agad naman nilang inilipat ang mga kamay nila sakin. “Lemon na lang,” at isa-isa ko rin silang kinamayan habang nakangiti.
Ewan ko pero pakiramdam ko ay biglang namawis ang mga kamay ko. Para naman kasing mago-audition tong mga to para mag-artista.
Pakiramdam ko ay walang aayawan si Kekang sa kanila dahil lahat sila gwapo. Dagdag pa dun na hindi sila mukhang mga high school students dahil ang tataas nila. No wonder they're varsities!
Si Homme chinitong kulay gatas at ang cute ng dimple nya sa kaliwang pisngi.
Si Roj ay di gaanong kaputian pero mapula ang labi at gaya ni Drew ay parang may blush on din ang pisngi nito.
Si Kippler, Kevz at Drew ang moreno sa kanila pero puro lalakeng-lalake ang dating. Mas malamlam lang ang mata ni Kip kay Kevz at Drew. At mas mataas lang ang ilong ni Drew sa kanilang dalawa.
Matapos ang pagpapakilala ay naupo na kami sa stool na malapit sa dingding habang ang mga lalake ay nagpatuloy sa paglalaro. Paminsan ay nakikita ko ang pagsulyap-sulyap ni Audrey kay Kip ganun din si Kellen kay Homme, lalo na pag napapalapit ang isa sa mga ito sa gawi namin.
“Hey, matunaw ang pinsan ko!” bulong ko kay Audrey at agad namang namula ang mukha nya saka ako marahang siniko sa tagiliran.
“Anong pinagbubulungan nyo?” tanong samin ni Kip ng makitang nagsisikuhan kami. Biglang napirmi ang katabi ko habang ako ay hindi mapigil ang pag-ngiti.
“Wala! Chismoso ka Kip!” sita ko sa kanya sanhi para guluhin nya ang buhok ko. Akmang babalik na sya sa billiard table ng tawagin ko. “Cuz dito ka muna! Mamaya ka na maglaro, wala kaming kausap eh,” nakalabing lambing ko. Sinulyapan ko si Audrey at kitang kita kong mas namumula na sya ngayon.
“Akin na yang cue stick Kip, ako muna makikipaglaro kay Papa Drew,” pabidang hirit naman ni Kekang. Pasikat lang to dahil alam kong hindi naman talaga to marunong mag-bilyar. Bet nya lang umawra sa mga gwapong kabanda ng pinsan ko.
Humila naman si Kip ng upuan saka pumwesto sa harap namin ni Audrey. Mas malapit nga lang sya kay Audrey kaya lalong hindi mapakali tong isa.
“Are you sick?” dinig kong tanong ni Kip sa kanya at umiling naman sya. “Your face is all red,” dagdag pa nito kaya muntik na kong tumawa ng malakas.
“Wala ba tayong terror na teachers?” tanong ko kay Kip para maagaw ang pansin nya. Pulang pula na kasi si Audrey at hindi ko alam kung humihinga pa ba ang isang to.
“Wala naman. Mababait naman mga teachers sa Maria,” sagot naman sakin ni Kip. Pero naagaw din agad ang pansin namin ng may biglang sumigaw.
“Ouch!” paglingon namin ay kitang kita namin ang namumulang mukha ni Drew habang hawak ang paa nya. Nabagsakan pala ito ng billiard ball na lumagpas sa mesa pagtira ni Kekang kaya itong isa ay hindi na alam paano sya magtatago sa sobrang hiya.
“Ayan, pa-cute ka kasi!” pabulong na sita ko sa kanya sabay kurot sa tagiliran ng magkalapit kami.
“Sorry Papa Drew! Excited lang talaga yung bola kaya lumampas sa mesa,” subok nya pang biro kay Drew pero sinimangutan lang sya nito.
“Are you ok?” may pag-aalala ko namang tanong. Agad naman syang dumiretso ng tayo na parang walang nangyari.
“Yeah, I'm fine Leslie,” sagot nya sakin.
“You sure? Mukhang masakit talaga, namumula pa yung mukha mo,” tanong ko pa ulit.
“Ok na yan si Drew, lumapit ka na eh!” singit naman ni Roj kaya bigla siyang siniko ni Drew. Para naman akong biglang nataranta sa sinabi nya kaya alanganin na lang akong ngumiti at bumalik na sa upuan ko.
“Aba, mukhang may admirer ka na agad cuz ah!” tukso sakin ni Kip sabay nguso kay Drew.
“Sira ka, nagbibiro lang yun si Roj,” depensa ko naman.
“Naku Lemon, iba magbiro yan si Roj. Totoo ang mga biro nyan!” singit naman ni Kevz na nakalapit na pala samin, saka sila nagtawanan ni Kip. Napayuko na lang ako sa hiya lalo na ng makita kong masama ang tingin ni Drew sa kanilang dalawa.
“Tara na! Tumatawag na si Mama!” putol ni Roj sa kalokohan ng dalawang kabanda.
Tumango naman sina Drew sa kanya kaya sumunod na rin kami ng magsitayo sila. Muli na namang kumapit sa braso ko si Audrey ng palabas na kami sa billiard hall.
“When are you moving to your new house?” tanong sakin ni Kip saka ako inakbayan. Ramdam ko namang nanlamig ang kamay ni Audrey na nakahawak sa braso ko kaya muntik akong matawa.
“Bukas dun na kami uuwi,” sagot ko sa kanya.
“Talaga? Nice! Magkapitbahay na tayo!” nakangiting sabi nya.
“Talaga Papa Kip? Neighbors us?” singit ni Kekang sa usapan.
“Yep, as in neighbors na! Kapitbahay din natin yan si Homme!” sabay nguso sa kabanda na sumaludo naman samin. “Lumipat na rin sila dun kanina eh,” dagdag pa niya.
Kita ko ang pagbilog ng mga mata ni Kellen matapos marinig ang sinabi ng kambal nya. Napailing na lang ako saka nabaling ang tingin kay Drew na nakatingin pala sakin.
Hindi ko tuloy alam kung saan ako babaling ng tingin dahil bigla akong nakaramdam ng hiya. Kaya naman nginitian ko na lang sya.
Pero in all fairness, ang gwapo naman kasi ni Drew. Kaso mukhang may #attitude ang isang to. Mukhang suplado dahil kumpara sa mga kabanda nya, sya lang ang hindi gaanong palangiti. Nakaka-awkward tuloy sya kasama.
We reached the hotel past 7 PM pero sa kotse pa lang ay tumawag na si Mommy na sa resto na raw kami dumiretso ni Kekang. Pagdating namin ay nandun na nga sila ni Tita Dahlia at mukhang busyng-busy sa pinagku-kwentuhan.
“Oh asan sina Kellen?” tanong ni Mommy ng makalapit kami sa mesa.
“Dumiretso na pauwi Tita. Tumatawag na rin si Tito Rigo eh,” sagot naman ni Kekang sa kanya na tinganguan nya lang.
“How's your day fille? We're you able to buy everything?” baling nya sakin.
“Yes Mom! Babalik na lang ako sa mall pag may kailangan pang bilhin ulit,” sagot ko naman agad.
“Ok then. Bukas susunduin kayo ng driver ha? Wag kayong umalis ng school hanggat wala si Gab,” napalingon ako kay Mommy habang kunot ang noo. “Siya ang driver nyo. Dun na rin kayo sa bahay didiretso. Napaayos na yun ng Tito Rigo mo pati ang mga kwarto nyo ni Mikael!”
“Tita! Mika! Mika!” maagap na pagtutol ni Kekang ng tawagin syang Mikael ni Mommy. Natawa naman sila ni Tita Dahlia at marahan pa itong kinurot ng ina sa pisngi.
“How's the shop Mom?” tanong ko kay Mommy. Hindi ako interesado sa fashion design. Mana siguro ako sa Daddy ko kasi mas gusto kong magpatakbo ng business.
“Ok naman. May mga clients na nga kami. Mga kaibigan ng Tito Rigo mo. Kaya busy na kami these coming weeks. Alam mo na pag June maraming kasal. Maraming gusto maging June bride,” nakangiting paliwanag nya.
Maya-maya pa ay dumating na ang pagkaing in-order nila. Masaya kaming naghapunan at ng matapos yun ay agad na rin kaming umakyat sa suite namin para makapagpahinga.
Maaga ang klase namin bukas at pasalamat na lang ako dahil medyo nabawasan na rin ang kaba ko. Nakatulong yata ng malaki ang pagkakakilala ko sa mga kabanda nina Kip para makalma ako kahit papaano.
Nalaman pa namin na magkakaklase kami kaya mukhang mapapalaban ako sa kakulitan nila. Kanina kasi ay nagsimula ng magkulitan si Homme, Roj at Kekang.
I checked my phone when it vibrated and it was another message from another unknown number.
+63939*******: C u tomorrow. Gudnyt!
Me: Who r u?
+63939*******: …
Weird. Kung sino man ang isang to, hindi nakakatuwa ang ginagawa nya. Parang bigla tuloy akong natakot lumabas or baka rin wrong number lang.
I ended up saving the number as IGNORE saka ko inipit sa ilalim ng unan ang selepono ko. Dumiretso ako sa banyo para mag-shower at naabutan ko pang nagri-ring ang phone ko paglabas.
“Cuz!” bungad sakin ni Kellen mula sa kabilang linya.
“Oh Kel, bakit gising ka pa?” takang tanong.
“Patulog na rin. Check ko lang sana kung nag-text si Drew,” kahit di ko sya kita ay ramdam kong ngiting-ngiti sya.
“Someone texted pero hindi nagpakilala. Kanya ba tong 0939*******?” tanong ko pa.
“Aw, hindi. 0927 start ng digits nya. Hmm, baka hindi pa sya tonight magte-text,” sagot naman nya.
“Sira ka talaga, akala ko tuloy si Kip ang nagbigay ng number ko!” sita ko pa sa pinsan ko.
“Naku, for sure di yun ibibigay ni Kip. Kaya siguro sakin din kinuha ni Drew. So anong sabi nung nag-text?” usisa pa nya and this time medyo obvious na ang kilig nya.
“See you tomorrow daw tapos good night,” kaswal na sagot ko. Nagulat pa ko ng bigla syang tumili sa kabilang linya kaya bahagya kong nilayo ang phone sa tenga ko.
“Dalaga ka na cuz! Ayan ha hindi ka pa nakaka-first day sa Maria may admirer ka na! Kaso mukhang hindi naman si Drew yan,” may kilig at panghihinayang ang tinig nya.
“Sira ka talaga Kel. Matulog ka na nga!” taboy ko sa pinsan kong intrigera.
Napailing ako ng mag-sink in sakin ang sinabi nya. Admirer agad? Baka naman nakikipag-friends lang. Saka hindi naman si Drew yun. ‘Naku Lemon, disappointed lang?’
“Oh sya! Bukas na lang tayo magharutan. Good night!” yun lang at pinutol na nya ang tawag.
Agad ko namang ibinalik ang phone ko sa ilalim ng unan saka ako nahiga. Pero kung kailan nakahiga na ako ay saka naman ako hindi mapakali.
Admirer? Di ko alam kung sino yung nag-text pero kung admirer man sya, I don't really care since he's a coward to introduce himself.
At kung si Drew naman, it's too impossible. He's a snob. Halos di nya nga kami pansinin kanina eh. I pushed away the thought. Nago-overthink lang tong si Kellen.
Baka sila ni Homme ang nai-imagine nya. Natawa pa ko sa sarili ko saka pumikit. ‘Kailangan kong matulog, para bukas fresh ako.’ Baka sakaling magkrus ang landas namin ni mystery texter at makuha nyang magpakilala sakin.