RHIANNON'S POV
Two days have passed at hindi pa rin nababago ang desisyon ko. Wala pa rin akong balak pumayag sa hinihinging pabor ng mag-asawang Sanchez. Kumbaga, nakasarado na ang isip ko na hindi, na ayaw ko, na hindi puwede.
Hindi naman ako papayag na ito ang maging kahihinatnan ko. Sa dalawang araw na 'yon, binabagabag ako ng isip ko, ang daming tanong ang pumapasok sa isip ko katulad ng... bakit ako ang pinili nila? Hindi naman valid reason na kilala ko si Ma'am Janine para piliin nila ako.
Bakit sa dinami-dami ng puwedeng pakasalan ni Ma'am Janine, bakit si Alec pa? I mean, kung pumayag man ako sa gusto ng mga Sanchez, bakit sa dinami-dami ng lalaki e' si Alec pa? Puwede namang iba. Bakit ang lalaking kinamumuhian ko pa?
Bakit nangyayari sa akin 'to? Ito ba ay parusa dahil palaban ako? O dahil ito ang tadhana ko?
Dahil kung ito ang tadhana ko, hindi ko hahayaang siya ang makasira sa pangarap ko. Bakit ko naman hahayaang maitali ako sa lalaking 'yon eh karibal ko 'yon at wala na yatang ibang paraan para magkaayos kaming dalawa. Napaka-papansin kasi niya, nakakainis siya at nakakasama siya ng mood!
Nasa room kami ngayon at napaka-busy ng iba kong kaklase. 'Yung iba ay busy sa kakabasa ng mga pocket books, 'yung iba naman busy sa kakakulay sa mga mukha nila at 'yung mga lalaki ay nakapulong sa sulok at may pinapanood.
'Yung iba naman ay may kaniya-kaniya nang ginagawa. Ako, nakapangalumbaba ako sa table ng chair ko habang 'yung kabilang kamay ay may hawak na ballpen. Tapos 'yung tingin ko, na kay Alec na busy sa kababasa ng libro tapos mag susulat sa notebook niya.
Hindi ko siya tinitingnan dahil may pag tingin ako sa kaniya o ano, kadiri kaya. Nakatingin lang ako sa kaniya habang nag iisip na napaka-pangit niya talagang lalaki. Bakit kaya napakadaming babae ang nahuhumaling sa kaniya e' sobrang pangit niya lang.
Siyempre sa gitna namin, si Elvin na nag babasa din ng libro. Paano ko ba siya mailalarawan? Uhmm, nerd siya? May makapal na salamin, tapos may braces sa ngipin at 'yong buhok niya is bunot. Like, may bangs siya na hanggang noo tapos tuwid pa. At 'yung porma niya naman ay palaging naka-tuck-in 'yung shirt niya, minsan naman polo. Tapos bitin pa 'yung slacks niya at kung naka-polo naman siya, lahat ng bitones ay naka-bitones.
Hindi ko nga maintindihan kung bakit ganito pumorma ang lalaking 'to. Maganda naman si Headmistress Elyna, guwapo din ang papa at kambal niya— ang ibig kong sabihin guwapo din naman si Elvin, matalino pa, kaya lang kasi hindi mo siya aakalaing isang Albaredo dahil sa itsura niya— I mean... basta mabait at matalino siya.
At si Alec naman, kapag naka-side view hindi mo aakalaing tao, kasi mukha siyang goblin, lalo na kapag nakaharap 'no! Baka bangungutin pa 'yung makakakita sa mukha niya. Pero seryoso, may itsura naman siya, may pagka-gentleman din pero pagdating sa akin napaka-an*mal.
Imagine, ako ikakasal sa lalaking nasa harapan ko? Nasaan ang hustisya? Hindi niya ako deserve at mas lalong hindi ko siya deserve! Mas pipiliin ko na lang mamatay kaysa pakasalan ang Alec na 'to.
At saka, hindi ba parang ang unfair? Ako— kung sakaling nag bago ang takbo ng utak ko at pumayag ako, e'di kilala ko na 'yung pakakasalan ko? Ako 'yung parang maiilang kasi ako alam ko ng si Alec Montreal ang pakakasalan ko tapos si Alec 'tong pa-chill-chill lang dahil hindi niya pa kilala 'yung soon-to-be bride niya? Hindi ba ang unfair? Dapat alam niya din para share sa ilang!
Naiisip ko pa lang na tatabi ako sa kaniya sa pag tulog, nanginginig na ako at tinataasan na ng balahibo. Pero siyempre, hindi mangyayari iyon. Hindi kami mag tatabi sa higaan dahil hindi naman ako papayag!
"Pinagnanasahan mo ba ang katawan ko?"
Bumalik ako sa reyalidad nang marinig ko ang boses ng goblin. Hindi pa rin nabago ang posisyon ko, mata ko lang ang gumalaw at tumingin sa kaniya na nakatingin na din pala sa akin. Tinaasan ko siya ng kilay pagkatapos kong ma-realized 'yung sinabi niya.
"Excuse me? Ikaw pagnanasahan ko? 'Yang katawan mo? Lasing ka ba?" nandidiring sabi ko at tiningnan ko siya sa ulo hanggang paa.
"You've been staring at me for a few minutes, how can you explain that?" Nakingising sabi niya.
"Napaka-feeling mo naman. For your information, si Elvin ang tinitingnan ko, hindi ikaw."
Napalingon sa akin si Elvin kaya nginitian ko siya. Siyempre, joke lang 'yon.
"Siguro, kaya hindi ako makatulog kagabi ay dahil iniisip mo ako. Tapos ngayon, kaya siguro hindi ako makapag concentrate sa ginagawa ko dahil tumatakbo na naman ako jaan sa maliit mong utak. Tell me, do you like me?"
Napaayos ako ng upo at napahawak ako sa noo ko at napalayo ako ng tingin. Ano, ako gusto siya? What the... napaka-sinungaling naman ng bibig niya!
"Nakakainsulto naman masyado 'yang sinasabi mo, Mr. Montreal, wala sa vocabulary ko na mag kagusto sa isang pangit na goblin na kagaya mo! At excuse me again, hindi po maliit ang utak ko, paano mo nakita? Body scanner ka ba? At saka puwede ba? Huwag mo nga sa akin isisi 'yang problema mo, ang sabihin mo hindi ka makapag concentrate dahil natatakot ka na baka matalo ka sa election! Kaya ayan, pati puwet mo hindi mapakali!"
Hinarap niya ako.
"Ni minsan nga, hindi ko inisip na matatalo mo ako kaya kampante lang ako. At kung hindi ako tumatakbo sa isip mo, paano mo 'yan maipapaliwanag?" Ginamit niya ang nguso niya para ituro ang hawak ko, tiningnan ko naman iyon at gano'n na lang ang gulat ko.
"Paano mo maipapaliwanag 'yang pangalan kong nakasulat sa papel mo? Bold letters pa. Don’t tell me I’m not that Alec written on your paper even though you’re looking at me?"
Mabilis kong pinunit 'yung pahina ng papel kong may sulat ng pangalan niya. Malaking letters pa! Agad kong binulsa 'yung nilukot kong papel at lumunok ng ilang beses. Ibig sabihin habang iniisip ko siya, nasusulat ko ang pangalan niya?!
"Fight out there, don't fight here in the room, I'm in the middle of you again, masakit na ang tenga ko dahil sa bangayan niyo," biglang wika ni Elvin. Hinawakan siya sa likod ni Alec.
"Let's wait for her answer first, bro. I want to hear her explanation" sabi naman ni Alec tapos tumingin sa akin.
"So? Sige, aamin na ako, ikaw 'tong Alec na nakasulat sa notebook ko dahil iniisip nga kita..."
"I know,"
"Pero huwag ka munang kiligin jaan, iniisip kita dahil ini-imagine ko kung anong magiging reaction mo kapag natalo ka sa election at kapag ako na 'yung SSG President, oh 'di ba napaka exciting?"
Mas lalong lumawak ang ngisi niya.
"Okay. Ituloy mo lang 'yang imagination mo, dahil hanggang imagination lang naman iyan. Hinding hindi ka naman mananalo sa eleksyon. Continue your imagination, Rhiannon, para kahit papaano maranasan mo kung paano manalo."
"Ano'ng sinabi mo—!"
"Elvin, bro, do you hear anything? The surroundings seemed to be quiet,"
Ugh! Nakakainis ka talaga Alec!
--