IT'S BEEN ten years since they met Rubbie and Teresa. Tuluyan nang nanirahan ang magkapatid sa Amerika. At sila pa rin ang caretaker ng mga apartment ng mga ito. Pero sa kabila nito ay may stable nang trabaho ang dalawa.
"Mahal!"
Biglang napatayo si Cathy nang marinig ang boses ni Melody mula sa sala. Tuloy nauntog siya corner ng mesa. Nasa kusina kasi siya at hindi sinasadyang nahulog ang ginagamit niyang kutsilyo. Ala una pa lang ng hapon kakatapos lang niyang lutuin ang kanilang meryenda. Binabalatan niya ang hilaw na mangga. Ipapareha niya ito sa nilutong meryenda.
"Anak ng tipaklong, o!" bulalas niya. Gusto niyang maiyak sa sakit at the same time ay natatawa siya sa katangahan.
Mabilis siyang pumunta sa kaibigang nasa sala nang makahuma sa sakit ng pagkauntog.
"Mahal, ba— Sir!" wika niya nang mapagsino ang kasama ng kaibigan.
Marahil ito ang dahilan kaya tinawag siya Melody. Ang kanyang boss lang naman na si Grando kasama ang mga naggagwapuhang lalaki. Si Grando ang nobyo ni Kate.
Kailan lang sila nagkita but they act as if they don't know each other. They did not talk about it. As if they had a silent agreement not to look back because it is not yet the right time.
"Sir, ano po ang maipaglilingkod ko?" kinakabahang tanong niya.
Siya ang secretary ng finance manager sa kompaniya ni Grando. At si Kate nga ang kanyang boss dahil ito ang itinalagang bagong manager ng departamento. Nagtataka siya kung bakit sinadya siya ng kanyang big boss dahil sa pagkakaalam niya ay nahuli ang mga magnanakaw sa kompaniya. Natigilan siya, hindi kaya isa siya sa mga suspect?
"Hala ka, sir, wala po akong kinalaman doon. Promise po loyal ako sa kompanya. Peksman! Mamatay man mga ipis at langgam dito sa bahay," kinakabahang paliwanag niya.
"Hala, mahal! Nagnanakaw ka? Tssk! Naman, mahal, kailangan mo pala ng pera bakit hindi mo sinabi? May naiwan naman sina Ate Teresa sa atin. Bakit mo pa nagawang magnakaw? Mahal, umamin ka! May itinatago ka ba sa akin–" Hindi na niya pinatapos ng sasabihin ni Melody dahil binatukan na niya ang kaibigan. "Aray naman, mahal! Makabatok ka wagas!"
"Kasi naman bunganga mo, mahal, unli!" sita niya rito. Nakalimutan nilang dalawa na may bisita pala sila. Kaya ang asaran nilang dalawa ay nauwi na naman sa sparring, na laging nangyayari.
Sa isang iglap ay hawak na ni Melody ang isang latigo na nakatago sa ilalim ng sofang inuupuan nito. Pagkakita ng hawak nito ay mabilis niyang kinuha ang dalawang balisong na laging nakasukbit sa kanyang katawan. Inihanda niya ang sarili pero bago pa man sila magpang-abot ay ginulantang sila ng isang tikhim. Sabay silang napatingin sa umagaw ng atensyon nila. Doon lang nila naalala ang mga panauhin. Nakanganga ang mga ito pati na rin si Grando.
"Sorry, sir. Na-carried away lang po," nahihiyang aniya sabay baba ng hawak na patalim.
Alam niyang bukod sa pagiging CEO ni Grando ay isa itong secret agent. Nabibilang ito sa RAGARAGA Boys.
"Okey lang. Nagulat lang kami but anyway kaya kami nandito hindi dahil sa kompanya. Na—"
"Teka lang po. Maupo muna kayo, mga sir. Sayang mga kagwapuhan ninyo kung tatayo na lang kayo riyan!" sabad ni Melody sa sasabihin ni Grando.
Mabilis namang sumunod ang mga ito. Pumunta si Cathy sa kusina para ipaghanda ng meryenda ang kanilang bisita. Mabuti na lang at nakaluto siya ng banana que kanina na meryenda nila ni Melody. Sabado kasi at parehong walang pasok. Napagkasunduan nilang bananaque ang papapakin nila hanggang mamayang gabi. Nasanay na kasi silang kamote, saging, at kamoteng kahoy ang kanilang kinakain tuwing Sabado at Linggo.
Idinulog niya sa mga bisita ang meryenda. Prenteng nakaupo naman si Melody na nakalimutan yatang estimahin ang mga ito. Nakatulala kasi ito sa mga kasama ng kanyang boss. Ngayon niya lang din nakita ang mga ito.
At kanina pa niya gustong reypen este malaman ang pangalan ng isang kasama ni Grando. Alon-alon ang buhok nito na medyo mahaba na parang babae but for her nagbigay iyon ng dagdag na apeal dito. Medyo mahaba ang jawline nito pero bagay rito. Basta gwapo at moreno rin ito. Hindi kasing tikas ng kanyang boss at mga kasama nito ang pangangatawan ng lalaki pero hindi iyon nakabawas sa paghangang naramdaman niya para dito.
"Done checking me out?" ismid na wika ng lalaking kanina pa niya ginagahasa sa kanyang isipan. Tumawa naman ang ibang kasama nito.
"Day Carl, mukhang may nabihag ka, a!" buska ng isa na kung hindi siya nagkakamali ay si Macky na minsan niya lang nakita.
"Tssk!"
Pasimpleng umupo siya sa tabi ni Carl dahil iyon na lang ang bakante. Patay malisyang inabot niya rito ang meryenda nito at sinadyang hawakan ang kamay nito. Naramdaman niya ang pagkagulat nito dahilan para pumiksi at bahagyang natapon ang laman ng hawak nitong baso. Tumawa uli ang mga kaibigan nito. Tumikhim naman si Grando para agawin ang atensyon nila ni Melody. Pero ang baliw niya kaibigan ay nakatunganga pa rin kay Macky at nakabuka pa ang bibig. Kaya–
"Aray, mahal! Ano ba? Andun, e, malapit na bakit ka ba nananapak!" sigaw nito.
"Mahal, mahiya ka naman. Mabuti na lang hindi nalusaw si Macky. Makatitig ka kasi wagas," aniya.
"Tssk! Ikaw nga pumapasimple ka rin, e." Akmang babatulan niya uli ito ay nagsalita si Grando.
"Ahm. Cathy," tawag pansin sa kanya ni Grando. Nahihiyang tumingin siya sa boss.
"Pasensiya na, sir," aniya.
"It's okay," anito. "Anyway, kaya ako naparito para sana imbetahan ka at ang kaibigan mo sa birthday ni Kate next week. She told me everything. I want her birthday to be special. Alam kong magiging memorable ang birthday niya kapag magkasama kayo," paliwanag nito.
Nakalimutan niyang hindi pa pala alam ni Melody na nagkita na sila ni Kate. At kagaya ng sinabi niya hindi pa nila napag-usapan ni Kate ang nakaraan. They started as stranger nang magkita sila sa kompaniya ni Grando.
"Talaga invited din ako?" excited na sabad ni Melody.
"Yeah. You are Melody, right?" baling ni Grando rito.
"Yup! The one and only!" agarang sagot nito kay Grando.
"So aasahan ko kayo sa birthday ni Kate," anito.
"Sure. We will be there– teka! Did you just said Kate?" natilihang wika ni Melody, bakas sa mukha ang pagkagulat. "Stephanie Kate Molina?" Paniniguro nito. Tumango naman si Grando bilang sagot.
Ilang minutong natahimik si Melody. Pati si Cathy ay nakiramdam dito. Blangko ang mukha nito at alam na niya ang kasunod niyon. Kaya nagsimulang magbilabg nang mahina ang dalaga.
"One, two, thre—"
"Mahal, bakit hindi mo sinabing nagkita na pala kayo ni Kate? Akala ko ba walang taguan? Bakit mo inilihim ito? Alam mo namang sabik din akong makita sila, e," sigaw ni Melody agad itong tumayo at hawak na naman ang latigo nitong itinabi kanina.
Bakas sa mukha nito ang galit at pagkadismaya. Sinugod siya nito ng walang pasabi pero nakahanda siya. Alam niya kasi ang pagtahimik nito kanina ay hudyat ng sparring nilang dalawa. Hinahataw siya nito ng hawak na latigo at panay naman ang ilag niya.
"Mahal l, naman! Hindi ko sinabi kasi nawala sa isip ko. At isa pa hindi pa namin napag-usapan ang nakaraan. Itanong mo pa kay sir. We are strangers to each other then became friends," paliwanag niya rito.
"Pero sana naman, mahal, sinabi mo sa akin," hinihingal na sumbat nito.
"Sorry na, mahal. Hindi ba sabi mo hihintayin mo ang tamang oras para magkasama tayo. Ito na iyon, mahal. Kaya tama na iyan. Turn off iyan sa crush mo," paliwanag niya parang magic word naman ang salitang crush kasi natigilan ito at namula. Huminto ito at sumimangot. Now she get it, crush nga nito si Macky.
"Tssk!" Ismid na lang nito at muling umupo na parang walang nangyari.
Nang tingnan niya ang kanilang mga panauhin ay nakanganga ang mga ito. Parang hindi makapaniwala sa nasaksihan.
"Nako pasensiya na kayo. Ganyan talaga kami kapag naglambingan. Kain na po kayo ng meryenda," nakangiting wika niya.
Naiiling na kinain ng mga ito ang menindal na hinanda niya. Makalipas ang kalahating oras ay nagpaalam ang mga ito.
"Hindi na kami magtatagal, Cathy, Melody. Paniguradong alam na rin nina Surene at Thine ito. Midchelle and Lanie will also be there ," ani Grando.
"Sige po, sir asahan n'yo pong darating kami," wika ni Cathy.
"Grando will do," tipid na wika nito.
"Okey then. Asahan mo kami. Namimiss na rin namin sila," sabad ni Melody.
"Sige mauna na kami," tumayo na ang mga ito nang pigilan ni Melody.
"Teka lang Grando. Ipakilala mo muna sila," sabay turo sa mga kaibigan nito.
"My bad. Sorry," anito. "Anyway this is Macky, Carl, Gennil, he is Midchelle's husband and JM," pakilala nito sa mga kasama.
"Hi I am Cathy and this is Mel—"
"Asawa ni Midchelle?" sabay na bulalas ng dalawa.
Tumango naman ang mga ito sa kanila ni Melody.
"Wow may asawa na pala ang ungas na iyon. Hindi ko man lang siya nakitang pumupunta sa kompaniya para puntahan si Kate!" sambit ni Cathy.
"Mahal, magiging masaya itong reunion nating pito. Ihahanda ko na ba ang baby ko?" nakangising wika ni Melody.
"Yeah. Ihahanda ko na rin ang mga balisong ko. Dalawa lang dadalhin ko," wala sa sariling wika niya. Nakalimutang may kasama pa sila.
Tumikhim si Grando. "Girls, ibinilin ni Lanie na huwag n'yo raw dalhin mga babies ninyo. Siya na raw bahala sa surpresa ninyo kay Kate. Dating gawi daw. At kung ano man iyon I am sure ikatutuwa iyon ni Kate."
"Ay sayang. Pero okey lang alam na namin iyong dating gawi. Kami na bahala," wika ni Melody.
"We will go ahead now ladies," nakangiting wika paalam uli ni Grando.
"Ay teka lang, Grando. Baka may time kayo pasyal kayo sa MOA," sabay abot ng business card ni Melody rito. "Diyan ako nagtatrabaho. Ask for my name kapag pumunta kayo. My treat."
Nakangiting tinanggap ni Grando ang card saka tuluyang lumabas ng kanilang apartment. Bago pa man maisara ng tuluyan ang pinto ng kanilang tinitirhan ay humahangos na dumating ang isang kapit bahay nila.
"Mga ate," hingal na wika ng binatilyo.
"Boy, bakit?" takang tanong ni Cathy.
Napatigil din ang kanilang bisita sa paglalakad.
"Ate, y-yung mga siga sa kabilang kanto namimiwersyo sa talipapa," takot na sumbong nito.
"Na naman! Hindi ba sila nadadala?" Busangot na wika ni Melody.
"Ate, mga bagong salta yata iyon sa kabilang kanto," wika ng binatilyo.
"Siya, sige. Total kailangan ko nga ng bagong kasparring kakasawa itong si Cathy na kalaro, e," wika ni Melody.