"Cristel, asan si Ashiya?" pagtanong sa akin ng secretary namin na si Ria.
"Ayun oh." tinuro ko si Ash na salamat naman at tapos ng sumayaw at wala na rin ang kolorete sa mukha nya. Nag-aasaran pa rin ang dalawa, kinuha ko na nga lang ang gamit nila kanina nang maghabulan sila. Kahit kailan talaga.
Nagpasalamat sa akin si Ria at pinuntahan si Ash na kasalukuyan na ngayong sinasabunutan si Zoren. Umiling na lang ako sa nakita. Sasakit lang ng sasakit ang leeg ko sa kakailing dahil sa kanila.
Tumungo muna ako saglit nang mapansin kong natanggal ang pagkakatali ng sintas ko. Nang mag-angat ako ng tingin ay papalapit na si Ash at Zoren sa akin kasama si Ria.
"Oh?" takang tanong ko.
"Maga-attendace tayo para makapagsimula na raw tayo." sagot ni Ash at lumapit sa gamit nya at kumuha ng ballpen bago hinarap si Ria na may hawak na ngayon na attendance paper.
Nagpaalam naman si Zoren na pupunta sa section nya para makapag attendance na rin. Bawat banggit ni Ash sa apelyido ay pumupunta sa hanay para hindi magulo. Nang matapos ay lumapit sila kay Ma'am Reginal na kausap si Sir Alvin.
"Ay shemay, ang gwapo talaga ni Sir Alvin." nagtawanan kami nang magsimula na namang mag-ingay ang bakla naming kaklase na si Ricke na may gusto kay Sir Alvin. "Those body and face, shemay talaga. Parang nalaglag panty ko mga sistah." mas lalo naman kaming nagtawanan sa sinabi nya.
Natigil lang kami sa tawanan nang lumapit sa amin si Ashiya kasama si Ma'am Reginal at Sir Alvin.
"Good afternoon." sabay na bati ni Ma'am at Sir.
"Good afternoon, teachers." bati namin pabalik.
"Katulad nga ng napag-usapan. Bukas pa ang simula ng camping nyo at ngayon ay para lang maiayos ang inyong mga gamit at maihiwalay kayo sa bawat quarter. Sa building 2 tayo lahat. Girls and boys will be separated and every quarter will be having a teacher to monitor every section. And me and Sir Alvin will handle your class." panimula ni Ma'am Reginal at tahimik lang kaming nakikinig na may kasama pang pag tango. "Ako sa girls at si Sir sa boys. Also, every quarter should have a representative that will stand as your leader and we all discuss it that the class president will take that responsibility. Since iisa lang naman ang president at babae ang atin, pipili pa tayo ng isa pang leader for boys at napagkasunduan na namin ni Sir Alvin na si Sherwin ang magiging leader. Naintindihan nyo ba?" nagsitanguan naman kami kay Ma'am.
Nag-usap muna saglit si Ma'am at Sir kasama ang dalawang leader. Hindi ko naman mapigilan ang matawa dahil sobrang seryoso ni Ash. Aba, masyado nyang ginagalingan ah hahahaha.
Matapos nilang mag-usap ay umalis si Ma'am at Sir at pumunta sa stage kung saan naandun na rin ang iba pang teacher. Si Ash ay nakapwesto sa unahan ng hanay ng mga babae at si Sherwin naman ay sa hanay ng lalaki.
Naagaw ang atensyon namin sa taong nagsalita gamit ang wireless microphone. Si Ma'am Principal ang nagsasalita.
"Good afternoon students and teachers. I'm happy that there's no late. This is not the opening of our camping but since we need to start our camping early tomorrow, I'm giving my opening speech. Students and teachers, I hope you enjoy this camping we prepared for all of you. I hope that this camping will start and end smoothly. And I hope you will learned by every game we prepared. This will give each of you a best memories. You can bring out your hatred, pain, problem and love you hide for a long time ago. I know that every students here have a problem to face. Don't be scared to show it because once you let it out with all your heart, that's the best feeling you will feel. You have a friend who will listen to you and comfort you. They can give you advice on what you should do. A true friends will never left you, instead they will fight with you." nakangiting ani Ma'am habang pinagmamasdan kaming mga estudyante na talaga nga namang ramdam at naiintindihan ang kung ano mang gustong iparating nya sa amin.
Hindi ko alam pero naiiyak ako sa mga sinasabi ni Ma'am.
"You can lean on them because their shoulders are always open to a friend who need a person who will comfort them. And to end my speech, go and start to open your heart to others. Hope you enjoy this recollection. Thank you." palakpakan ang namayani sa paligid.
Tiningnan ko ang mga estudyante at hindi ko na rin napigilan ang umiyak nang makita silang umiiyak. Shemay, nakakaiyak naman kasi ang opening speech ni Ma'am Principal. Bawat salita ay tumatagos sa puso mo. Pati mga teacher ay napaluha din.
Nagulat naman ako nang lumapit sa akin si Ash na umiiyak din. Nabigla ako nang bigla na lang nya akong yakapin at umiyak ng malakas. Ang dapat na luhang papatak galing sa mata ko ay bumalik dahil sa pagkabigla kay Ash.
Ang lakas makasira ng moment nitong isang ito. Natawa na lang ako kasi ngawa talaga ang pag-iyak nya. Hindi ko maiwasang mapangiti nang makita kong hindi lang kami ni Ash ang magkayakap kundi ang mga matalik ding magkaibigan ay magkayap din ngayon. Masarap sa pakiramdam na may kaibigan kang tunay, hindi man marami pero mapagkakatiwalaan.
"Oh? Ano ginagawa mo dito?" mataray na tanong ni Ash kay Zoren na ngayon ay nasa harapan naming dalawa.
Nakangiti ito at ibinuka ang dalawang braso. "Sali ako." aangal pa sana si Ash nang yakapin nya na kaming dalawa, minura pa nga ito ni Ash dahil nakaharap daw ang mukha nya sa kilikili nito. Tsk tsk tsk. Kahit kailan talaga.
Matapos ang yakapan scene ay nagsibalikan na sa kanya kanyang pila ang lahat. Si Sir Dino na ngayon ang nagsasalita sa unahan.
"Nasabi na rin naman ng assign teacher sa inyo kung saan ang mga quarters at kung ano ang mga patakaran sa loob nito. Ang bawat section ay may flag at kailangan nyong protektahan ito dahil sa oras na makuha sa inyo ito ng kahit na sino galing ibang section ay makatatanggap kayo ng parusa." napatingin kami sa mga teacher na ibinibigay na ngayon sa mga leader ang flag na syang tinutukoy ni Sir. "After nyong maiayos ang inyong mga gamit sa inyong quarter ay dumiretso kayo sa canteen para sa ating gabihan. Teachers, assist them to their quarters." pagtatapos ni Sir.
Lumapit sa amin si Ma'am Reginal at si Sir Alvin. Nakasunod kaming mga babae kay Ma'am at kay Sir Alvin naman ang mga lalaki. 10 section ang grade-10, bawat building ay tatlong palapag maliban sa building 1 na apat na palapag. Bawat palapag ay may sampung classroom. Kaming mga babae ang nasa unang palapag at ang mga lalaki naman ang nasa ikalawang palapag.
Nagkanya-kanya na kami ng ayos nang gamit at nilagyan namin ng space sa gitna para magsilbing daanan. Pumwesto kami ni Ash malapit sa may pintuan dahil sa sya nga ang leader ay kailangan nyang malapit kay Ma'am Reginal. Sa pwestong iyon ay malalaman nila kung sino ang papasok at lalabas.
"Sabi ni Ma'am ay maghanap tayo ng magsisilbing partner natin." pagkausap sa amin ni Ash, kanya-kanya naman kami ng lapit sa makakapareha namin at syempre kaming dalawa ni Ash yun.
Nang maiayos namin ang mga gamit ay nagpahinga kami saglit at hinintay si Ma'am na nasa pagpupulong ng mga guro. Nagkakatuwaan kami ng pumasok si Ma'am sa aming quarter.
"Done settling your things?" tanong ni Ma'am at tumango naman kami. "Okay, prepare yourselves and we're going to canteen to eat our dinner." inayos lang ni Ma'am ang kanyang mga gamit na tinulungan din namin ni Ash bago kami nakahanay nang maayos na lumabas ng quarter.
Mga nakahanay na rin ang iba pang section at sunod-sunod kaming pumunta sa canteen. Pagdating namin doon ay diretso na rin ang pagkuha ng pagkain. By section din ang lamesa.
Nasa pintuan pa lang kami ng canteen ay tanaw na namin si Zoren na mukhang sira ulo na nakangiti sa amin ni Ash. Nakangiwi naman namin itong tiningnan.
Nang lahat na ay may pagkain ay nagdasal kami ng sabay-sabay bago kami nagsimula sa pagkain. Dahil sinunod ang lamesa sa section ay kitang-kita ko dito si Zoren na parang nakikipag unahan sa pagsubo. Ang lahat kasi ng lalaki ay nasa kaliwang bahagi at ang babae naman ang sa kanan. Isang lamesa lang ang nakapagitan sa aming tatlo.
Tumawa nang malakas si Ash dahil nalaglag ni Zoren ang isang pirasong baboy na lahok sa ulam namin ngayon. Sa itsura pa lang ni Zoren ay alam na namin na nag-iisa na lang iyon. Masama na tingin ang ipinukol nito kay Ash na patuloy pa rin sa pagtawa kahit na may laman pa rin ang bibig nito.
Akmang isusubo ko na ang pagkain ko nang mahagip ng paningin ko sila Jores. Nakalimutan kong section 2 nga pala sya. Hindi ko naman inaasahan na naandun din sila Raijen. Magkakaklase pala sila.
Naibaba ko ang kutsara ko nang magtama ang tingin namin ni Jores, iiwas na sana ako ng tingin nang ngitian nya ako. Gumanti naman ako ng ngiti, ewan ko na lang kung anong itsura ko dahil awkward talaga ang ngiti ko. Pero mukhang okay lang sa kanya dahil tinawanan pa nya ako.
Natigil lang sya sa pagtawa nang agawin ni Drein ang atensyon nya at may sinabi rito. Napunta ulit kina Zoren at Ash ang atensyon ko dahil patuloy pa rin sila sa asaran. Napatingin ako sa kaharap ko nang bigyan nya ako ng karne.
"Para saan ito?" takang tanong ko kay Francis na nahihiyang tumingin sa akin.
"Napansin ko kasing wala ka ng karne kaya ibinigay ko na yung sa akin." kumamot pa sya sa batok at pasilip na lang akong tiningnan dahil sa sobrang hiya na nararamdaman nya. Namumula din ang mukha nya. Tinukso pa sya ng dalawa nyang katabi kaya mas lalo syang namula.
Awkward naman akong ngumiti sa kanya. "Ah-eh, ayos lang naman. Sayo yan kaya hindi mo na kailangang ibigay sa akin." nahihiya kong kinuha ang karneng ibinigay nya at akma na sanang ibabalik sa kanya nang agawin ito sa akin ni Ash na tapos na palang makipag asaran kay Zoren.
"Ano ka ba naman, pagkain na yun tatanggihan mo pa bwahahaha." parang baliw syang tumawa at isinubo ang karne na sa akin naman ibinigay.
Nahihiya akong tumingin kay Francis na tulalang nakatingin kay Ash na ngayon ay nginunguya ang karne. Natawa naman ang dalawa nyang katabi na si Jay at Gin.
Nagpatuloy na lang kami sa pagkain dahil hindi na rin naman namin mabawi kay Ash yung karne.
After ng dinner ay maayos na bumalik kami sa kanya-kanya naming quarter upang makapaghanda na sa pagtulog. Naglinis lang kami ng sarili bago kami naghanda sa pagtulog. Maaga kasi ang simula namin bukas kaya maaga din kaming matutulog. Nakayakap sa akin si Ash nang matulog kami.
Gumising kami ng alas tres para hindi na kami makipag unahan sa pag ligo kaya naman maaga kaming nakapag ayos. May iilan ilan na rin namang gising sa mga oras na yoon at may mga teacher na din ang nagpapabalik balik.
Nang mag alas sais na ay kumain na kami ng umagahan at pagkatapos mag pababa ng pagkain ay nagkaroon kami ng exercise para magising ang dugo namin at makapag function nang maayos ang utak namin. At para na rin hindi masyadong sumakit ang katawan namin sa mga gagawing activity.
"Ang unang activity natin ay tinawag namin na 'Find me, Help me'. May lima kayong kasamahan na hahanapin. May ibibigay kami na clue kung saan nyo unang makikita ang isang kasamahan nyo at kung sino man ito ay nasa kanila ang sunod na clue kung saan nyo makikita ang isa pa ninyong kasamahan. At kapag nakita nyo muli ito ay nasa kanya ulit ang clue hanggang sa matagpuan nyo na sila lahat." pagpapaliwanag ni Sir Dino. "Syempre hindi pwedeng kayo lahat ang maghanap, lima lang ang maghahanap at kayo ang pipili kung sino-sino ang mga ito. Ang matitira naman ay maiiwan dito at tatanggap ng parusa habang hinihintay silang makabalik. Kaya galingan nyo ang pagpili dahil sa tagal na wala sila ay mas mahihirapan ang matitira. Pumili na kayo ngayon." pagkasabi noon ni Sir ay gumawa kami ng bilog at doon nag-usap.
"Sino magaling sa logic?" tanong ni Ash habang hawak ang flag ng section namin. Inituro naman namin si Freya. "Okay, isa ka sa sasama. Sino pa?"
"Si Rowel, Ash." pagturo ni Gin at itinulak si Rowel na namula.
"Sige kasama ka na. Sino pa ang pwedeng sumama? Yung makakatulong sa kanila?"
"Kayo ni Cristel." sabay-sabay na sabi nila kaya naman nagkatinginan kami ni Ash.
"Sigurado kayo?" natatawa naming tanong. Sabay-sabay naman silang tumango sa amin. Wala na rin naman kaming nagawa dahil dalawa lang kami ni Ash at marami sila.
"Isa na lang."
"Ako na lang." tumingin kami kay Francis na syang nagsalita. Dahil wala ng ibang nag volunteer ay sya na ang isinama namin.
Nang lahat na ay tapos sa pagdedesisyon, ibinigay na sa amin ang clue at pinagsimula na kami sa paghahanap.
Bago kami umalis ay may sinabi pa kami sa mga maiiwan namin. "Sana kayanin nyo guys yung parusa hanggang sa makarating kami. Gagawin namin ang lahat para makabalik agad kami. Fighting." sabay-sabay silang tumango at kinawayan kami ng umalis na kami.
Nagsisimula na ang camping. Yohoooo.
*****