Alexa
Today is the day for my surprise to Maximus. Hindi ako tumawag man lang sa kanya. Gusto kong hindi niya malaman ang pinaggagawa ko. I know, I can make him happy. Maaga akong nagising at nag-ayos ng sarili ko. Mamayang gabi pa ako pupunta sa condo ni Maximus. The balloons and foods are ready. Isang tawag ko lang ay kaagad na nila 'yong ide-deliver.
Tinungo ko na ang banyo at nagsimula na akong maligo. Nilagyan ko ng rose petals ang bathtub at nagbabad muna ako sa bathtub ng ilang minuto para maging smooth and fair ang balat ko.
Halos kalahating oras din akong nakapagbabad bago ko naisipang magbanlaw na. Naglagay rin ako ng conditioner sa buhok ko at binanlawan iyon.
Nang matapos ako sa pagligo ay mabilis na akong lumabas sa banyo.
Inayos ko ang blower ko dahil magbo-blower ako. Magsisimula na sana akong mag-blower ng mag-ring ang cellphone ko. Agad ko naman 'yong kinuha at nakita ko ang pangalan ni Maximus sa call register. Napangiti ako habang sinasagot ang tawag nito. "Hello, Babe?" sagot ko. "Babe, are you free tonight?" tanong nito. Mas lalong lumuwag ang pagkakangiti ko.
"I'm sorry, Babe. I have a meeting over dinner tonight." Pinalungkot ko ang boses kong saad sa kanya. "Is that so? Sayang naman, I have prepared something for you." Malungkot nitong sabi.
"Ganito na lang. Hintayin mo ako sa condo mo. I will text you mamaya kung matatapos kaagad ang meeting ko. Okay?" sabi ko sa kanya. Narinig ko ang buntong-hininga nito sa kabilang linya. Mas lalo lang akong napangiti dahil alam kong masu-surpresa ito mamaya. "Fine. Wala naman akong magagawa di ba?" mahina nitong sabi. At alam kong nagtatampo ito ngayon.
"Huwag ka ng magtampo, hmm?" malambing kong saad dito. "Kailan ba ako nag-tampo sa 'yo?" tanong nito. Natawa na ako dahil masyadong halata sa boses nito na nagtatampo ito.
"I love you, Babe." Malambing kong sabi sa kanya.
"I love you more. Please take care okay?" bilin pa nito sa akin. "Of course, I will." Sagot ko. "Okay, bye!" Paalam nito sa akin. "Bye, Babe!" Paalam ko rin dito. Ilang sandali pa ay ibinaba ko na ang tawag nito. Mas lalo akong ginanahang surpresahin ang nobyo ko.
Matapos akong mag-ayos ay bumaba na muna ako sa dining area, I will eat breakfast.
Pagkababa ko ay nakita ko si Niel na bihis na bihis. Napangiti kaagad ako dahil alam kong may date sila ni Queenie.
"Pormang-porma tayo ah?" biro ko sa kanya.
Lumingon naman ito sa akin at kitang-kita ko ang pagkislap ng mga mata nito. "Yes. May pa-surprise date kasi ako kay Queenie." Masaya nitong sagot.
"Good luck, then. Pero huwag mo naman kaagad buntisin. Pakasalan mo muna, okay?" biro ko rito. Mabilis namang namula si Niel sa sinabi ko, kaya natawa ako. "Ate!" Protesta nito. Lumakas ang tawa ko. "Sige na, mag-iingat kayo." Bilin ko rito.
Mabilis niya akong hinalikan sa pisngi at saka umalis na ito.
Pumasok na ako sa kusina at nakita ko si Manang Marie na nagluluto. Amoy na amoy ko ang niluluto nito kaya naman ay natakam ako.
"Morning, Manang. Ano po 'yong niluluto mo?" tanong ko kay Manang. Nakangiti naman akong nilingon nito. "Senorita, nandyan pala kayo. Adobong sitaw po. Ni-request ng mommy mo." Sagot naman nito. Kumunot ang noo ko.
"Adobong sitaw? Masarap po ba 'yan?" tanong ko rito. "Tikman mo na lang mamaya, senorita." Ngiti nitong saad. Tumango na lang ako.
Nagtimpla muna ako ng gatas at saka tinapay. Umupo ako sa mesa habang hinihintay ang niluluto ni Manang. Uminom ako sa mug ko at saka isinawsaw ang tinapay sa gatas ko.
Ilang sandali pa ay narinig ko ang mga boses ng mga magulang ko na papasok sa kusina.
Nilingon ko sila at saka nginitian. "Good morning, dad and mom." Bati ko sa kanila at saka hinalikan sila sa pisngi. "Morning, baby." Malambing na bati ni dad. "Maaga ka ata ngayon." Komento ni mom sa akin. Natawa na lang ako sa reaction nito.
"Bawal bang maagang gumising, mom?" natatawa kong tanong. "I didn't say that. Pero himala lang di ba? Wala kang pasok, at ang alam ko ay busy ka ngayon sa project ng The Body Figure Clothing Line Company." Mahabang explain ni mom. Umupo si dad sa center table, habang si mom naman ay tinungo ang coffee maker, ito ang parating nagpe-prepare ng kape ni dad. Ayaw kasi ni dad na iba ang gumagawa at nagsisilbi rito, at mabuti na lang at mahal na mahal ito ni mom kaya pinagsisilbihan talaga nito si dad.
"May lakad kasi ako mamaya." Sagot ko. "May date kayo ni Max?" tanong ni dad. "Dinner date dad," ngiti ko rito, "At isu-surprise ko siya." Dugtong kong saad. "Umatras ka na lang kaya sa kasal?" biglang tanong ni dad. Napasimangot naman ako.
"Dad!" Protesta ko rito. Natawa naman ito.
"Ang bilis lang ng panahon at ang lalaki niyo na. Sooner or later ay magkakaroon na rin kayo ng pamilya. Kami na lang ng mommy niyo ang maiiwan sa mansion na 'to." Malungkot nitong sabi. Tumayo ako at niyakap si dad.
"I'm always your baby, dad. Parati naman kaming dadalaw ni Maximus dito." Pahayag ko naman dito.
"Ano pa nga ba ang magagawa namin ng mommy niyo? Eh, noon nga excited akong pakasalan siya at ibahay kagaad. I'm so happy that she loves me and never give up on me." Kuwento pa ni dad.
Ang ganda talaga ng love story nilang dalawa. They are text mate, then nagligawan, naging mag-on, naghiwalay, nagkabalikan at nagpakasal. Siguro sila talaga ang tinadhana.
"Huwag masyadong OA, Bhe. Nandito pa naman ako at hindi pa kita iiwan." Sabi ni mom at inilagay sa harap ni dad ang kape nito. Niyakap ni mom si dad mula sa likuran at saka hinalikan sa pisngi.
"I love you." Malambing na sabi ni mom. Napangiti naman ako, sobra talaga nilang sweet sa isa't-isa.
"I love you more." Sagot naman ni dad. Tumikhim ako dahil mukhang nakalimutan na nilang may kasama sila. Sabay naman silang napalingon at natawa.
Ilang sandali pa ay inilagay na ni Manang Marie ang niluto nitong adobong sitaw.
Ang bango-bango at mukhang masarap. "Favorite niyo pala ito, mom?" tanong ko kay mommy.
"Yes kaming dalawa ng dad mo." Nakangiting sagot ni mom. Kinuha ko ang plato at nilagyan ko ng kanina at saka nagkuha ako ng adobong sitaw.
Mabilis ko kaagad iyong sinubo. Ang sarap nga, tatlong subo kaagad ang nagawa ko, susubo sana ulit ako ng biglang nag-iba ang pakiramdam ko at feeling ko masusuka ako.
Mabilis akong tumayo at saka tumakbo sa sink. Sinuka ko lahat ng kinain ko at nahahapo akong napahilamos sa mukha ko.
Titig na titig ang mga magulang ko sa akin ng bumalik ako sa mesa. "May sakit ka ba?" tanong ni mom. "Wala naman po. Mukhang nabigla lang ako sa pagkain ng adobong sitaw." Balewala kong sagot dito. Nang mag-angat ang mukha ko kay dad ay seryoso na ang mukha nito.
"Are you pregnant, Alexa?" deretsong tanong ni mom sa akin. Nabigla naman ako sa tanong nito kaya hindi kaagad ako nakasagot.
"Are you pregnant, Alexa?" ulit na tanong ni mom, this time ay mas mariin.
"Of course not! Ano bang tanong 'yan?" medyo tumaas ang boses ko kaya naman ay bumuntong-hininga ako. Nahilot ko tuloy ang sintido ko.
"Bakit nag-susuka ka? Namumutla ka pa." Tanong ni mom sa akin.
"I told you. Baka nabigla lang ako sa kinain ko." Paliwanag ko. "Siguraduhin mo lang na hindi ka buntis, Alexa. Baka may mapatay ako ng wala sa oras." Seryosong sabi ni dad. Napailing na lang ako sa kanila. They are so protective. Paano naman nilang nasabing buntis ako eh, hindi pa nga namin nagagawa ni Maximus ang bagay na 'yon.
Matapos ang almusal ay bumalik na ako sa kuwarto ko. I make sure na okay lahat ang mga hinanda ko. Natulog muna ako dahil inaantok kasi ako. Hindi ko alam kung ilang oras akong nakatulog. Pagtingin ko sa wall clock ko ay almost two pm na. Mabilis akong bumangon at saka tinawagan ang mga delivery boy.
May maliit rin akong regalo kay Maximus.
Isang Rolex watch. Gusto kong magkaroon ng remembrance sa kanya. Buong hapon akong busy sa paghahanda. para sa aking surpresa.
Hanggang sa sumapit na nga ang gabi. Ready na ako para sa surprise dinner date namin ni Maximus. Sa malapit na salon na ako nag-bihis at nagpa-make up. Ngiting-ngiti ako ng makita ko ang sarili ko sa salamin. "Ang ganda niyo po, Madam!" Bulalas ng baklang nag-ayos sa akin. Inilugay lang nito ang mahaba at maitim kong buhok. "Thank you." Sagot ko rito.
Nang matapos na ang pagpapaganda ko ay mabilis ko nang binaybay ang building kung saan nandoon ang condo ni Maximus. Ilang minuto pa lang ay nakarating na kaagad ako sa building. Kinuha ko muna ang cellphone ko at tinawagan ang mga delivery boy kung nakahanda na ba ang lahat. Mabuti na lang at ready na sila. Hinihintay na lang nila ang go signal ko.
Mabilis akong sumakay ng elevator at pinindot ang 12th floor button. Medyo kinakabahan ako pero kinalma ko lang ang aking sarili. Nang makarating sa 12th floor at bumukas ang elevator ay agad na akong lumabas. Nilakad ko ang daan papunta sa condo unit ni Maximums.
Nasa harap na ako ng unit ni Maximus at syempre ay alam ko kung ano ang password nito. Mabilis kong pinindot ang password at saka nagbukas kaagad ang pinto.
Madilim ang paligid nang pumasok ako sa loob ng unit nito. Tahimik din ang paligid.
Siguro ay natutulog na si Maximus. Hindi ako gumawa ng ingay at saka naglakad ako papunta sa kuwarto ni Max. Alam na alam ko kung saan ang silid nito dahil ilang beses na rin akong nakapunta rito. Hindi ko na binigyang-pansin ang pagbubukas pa ng ilaw.
Dahan-dahan akong lumapit sa silid nito. Nakita kong medyo nakabukas iyon ng bahagya at nakapatay rin ang ilaw. Tanging lampshade lang ang naging ilaw ng silid ni Max. Mahina kong itinulak ang pintoan at kinapa ko ang switch ng ilaw. Biglang nagliwanag ang buong paligid at nagulat ako sa bumungad sa paningin ko. I was stunned and halted. Nanlalaki ang mga mata ko pagkakita sa lalaking mahal ko at pakakasalan ko na may kasamang ibang babae sa kama nito. Na-blanko ang isip ko at nagririgodon ang puso ko.
Hindi ko alam ang gagawin. Ang sakit, ang sakit-sakit ng dibdib ko.
Nakatihaya si Maximus, wala itong suot na pang itaas at sigurado akong ganoon din sa pang-ibaba nito. Habang ang babae naman ay nakayakap sa dibdib ni Max, kaya hindi ko makita ang mukha nito, at tanging comforter lamang ang nakatabon sa kanila.
Nakita kong gumalaw si Maximus, dahil siguro nasilaw ito sa liwanag ng ilaw.
Hindi ako gumalaw, parang natuod lang ako. Punong-puno ng galit ang puso ko.
Hinayaan ko siyang magising at makita ako.
I compose myself. Naging blanko ang mukha ko at hindi ako nagpakita ng kahinaan kahit na nasasakatan ako ng sobra. I never thought that Maximus can do this to me.
Hindi ko yata talaga kilala ang taong pakakasalan ko, sana.
Gumalaw ulit si Maximus, at unti-unti nitong
iminulat ang kanyang mga mata. Hindi kaagad niya ako napansin dahil nasisilaw ito sa liwanag ng ilaw. Nang naging malinaw na ang paningin nito ay mabilis na nagtama ang paningin naming dalawa.
"Surprise!" Sarkastiko kong sabi. Gulat na gulat ito ng makita ako. Mabilis itong bumangon at akma itong tatayo ngunit natigilan ito ng maisip na wala itong suot na pang ibaba. Hinayaan ko lang itong mataranta. Mabilis nitong inabot ang boxer short nito sa gilid at mabilis na isinuot.
Akma itong lalapit sa akin nang itaas ko ang mga kamay ko at patigilin ito sa paglapit sa gawi ko.
"I-i can e-explain." nauutal nitong sabi.
Parang may bumura sa lalamunan ko.
"Paano mo ito maipapaliwanag? How can I believe you? Kitang-kita mismo ng mga mata ko ang ginawa mo!" Malakas kong sigaw rito. Hindi ito makatingin sa akin ng diretso. Ginulo nito ang buhok at saka nagsalita.
"L-lasing lang a-k-" hindi nito natapos ang sinsabi nito ng tawagin siya ng babaeng kasiping nito.
"Hon?" paos na tawag ng babae. Mabilis ko namang nilingon ang babaeng nasa kama.
Agad nagtama ang mga mata namin at gulat na gulat ito ng makita ako. Namutla ito at hindi alam ang gagawin. Mabilis nitong tinakpan ang sarili.
"Wow! Ang tinuring kong kaibigan ay ahas pala." Maanghang kong pahayag. Nagpupuyos ako sa galit, ngunit nagpipigil lang ako.
"B-babe, I can explain. Please let me explain." Pagmamakaawa ni Maximus sa akin. Lumingon ako sa gawi niya, habang nakikita ko sa gilid ng mga mata ko ang pagbangon ni Bettina, at nag-damit ito.
Unti-unti akong lumapit kay Maximus at tinitigan ito. "B-babe-" malakas na sampal ang ipinadapo ko sa kaliwang pisngi niya kaya hindi nito natuloy ang sinasabi nito. "How dare you to cheat on me!" Galit kong sigaw sa kanya. Halos lumuwa na ang litid ng ugat ko dahil sa malakas kong pagsigaw.
"It's not what you think!" Sigaw na rin ni Maximus.
"At ano ang iisipin ko? Na naglalaro lang kayo ng bahay-bahayan?" sigaw na tanong ko rito.
Mabilis kong nilingon si Bettina.
Kaya pala iba ang kutob ko sa ikinikilos nila noong nakaraan dahil may tinatagong relasyon silang dalawa. At pinagmukha talaga nila akong tanga!
Tumaas ang kilay nito at hindi ko na makita ang inosenteng mukha ni Bettina na kilala ko. Mapagpanggap nga naman.
Inilang hakbang ko lang ito at mabilis na dumapo ang kaliwang palad ko sa kanang pisngi nito. Dahil sa lakas ng impact ay napa-upo ito sa kama.
"Ahas! Kulang pa 'yan sa pagiging mang-aagaw mo!" Sigaw ko rito at muli ko itong sinampal ng malakas.
"Alexa!" Gimbal na tawag ni Maximus sa pangalan ko. Nakahiga na ngayon si Bettina sa kama at sapo-sapo nito ang dalawang pisngi na sinampal ko.
Binalingan ko si Maximus. "Bakit? Nasasaktan ka sa nakikita mo? Hindi mo naisip na kaya kong gawin 'to sa kanya!" Parang baliw kong sabi at mabilis akong dumukwang at hinila ang buhok ni Bettina.
"Ahh!!" Daing nito. Nababalutan na ng galit ang isipan ko kaya hindi ko na makontrol pa ang aking sarili.
"Malandi ka!" Sigaw ko at sinabunotan ito.
Mabilis naman akong niyakap ni Maximus at pilit na inilalayo kay Bettina. "Let go of me! Huwag mo akong hahawakan!" Malakas kong sigaw rito at saka siniko ang mukha ng binata. Ngunit kahit anong pagpupumiglas ko ay hindi ako binitiwan ni Maximus at pilit pa ring inilalayo kay Bettina. Ilang sandali pa ay nabitiwan ko na ang buhok ng ahas na si Bettina. "Stop it already, Alexa!" Galit ng sigaw ni Maximus. "Don't touch me!" Sigaw ko at itinulak si Maximus.
Nakita ko ang sakit na bumalatay sa mga mata ng binata, pero hindi na ako apektado. Nakita ko ang malakas na tawa ni Bettina. Mukha itong baliw dahil sa gulong-gulo na buhok nito.
"Hindi hahayaan ni Max, na saktan mo ako!" Sigaw ni Bettina. "Shut up!" Sigaw ni Maximus sa babae. May warning sa boses nito.
"Bakit hindi mo pa sabihin sa kanya ang totoo?" Malakas na sigaw ni Bettina.
"This is my problem, kaya ako ang aayos nito!" Mariin nitong saad.
"Hanggang kailan? Hanggang sa makasal ka sa kanya at iwan mo kami ng anak mo?" galit na galit na ring sigaw ni Bettina. Lumakas ang pagdagundong ng puso ko. Parang biglang gumuho ang mundo ko.
Mas double ang sakit sa dibdib ko sa narinig ko.
"A-ano?" halos hindi ko na marinig ang boses ko.
"Yes, you heard it right. I'm two months pregnant. At matagal na rin kaming nagsasama ni Maximus-" hindi nito natuloy ang sasabihin dahil pinutol na 'yon ni Maximus.
"Tumigil ka na Bettina! Umalis ka na lang muna!" Gigil na utos ni Maximus.
Gusto nang tumulo ng luha ko. Ngunit gusto kong marinig pa ang sasabihin ni Bettina, kahit masakit ay kailangan kong malaman. Ayaw kong maging tanga habang-buhay.
"Sabihin mo! Sabihin mo ang lahat, Bettina!" Sigaw kong utos dito.
"Ako ang mahal ni Max, matagal na kaming may relasyon bago naging kayo. Mataas ang pangarap ni Max sa sarili nito kaya hiniwalayan niya ako at niligawan ka niya. Gusto niyang umangat siya sa buhay at ikaw ang magiging daan noon. Pagkatapos ng tatlong taon na pagtatrabho ko abroad ay nagkita ulit kami, kaya naman ay nag-apply ako bilang secretary mo. Doon ko nakita si Max, and alam kong mahal pa niya ako, kaya naman ay nagkaroon kami ulit ng relasyon. At ngayon ay buntis ako at si Max ang ama!" Mahabang kwento ni Bettina.
Nanghihina akong napa-upo sa kama. Kung kanina ay hindi ko magawang umiyak, pero ngayon ay ibayong sakit ang naramdaman ko.
Parang sinaksak ng pa-ulit-ulit ang puso ko. I can't believe na matagal na pala akong niloloko ng dalawa. Lalong lalo na ni Maximus na siyang minahal at pinagkatiwalaan ko. Bumuhos lahat ng luha ko. "Ahhh!!!" Malakas kong sigaw at saka pinagbabato ko ang gamit sa loob ng kwarto.
Nagwala ako. Nang mahawakan ko ang lampshade ay mabilis ko 'yong binalibag.
"Alexa, tama na!" Pakiusap ni Maximus sa akin. Kitang-kita ko rin ang matagumpay na ngiti sa labi ni Bettina. Masaya itong nakikita akong nasasaktan. Mabilis kong hinubad ang singsing na ibinigay sa akin ni Max at itinapon 'yon sa mukha niya.
"We're done! Sinayang ko ang oras at panahon ko sa 'yo! Sinayang mo ang pagmamahal na ibinigay ko sa 'yo! At pagsisihan niyo ang panloloko niyong ito sa akin! Isinusumpa ko!" Malakas kong sigaw.
"Alexa! Wait!" Tawag ni Max sa akin at sinundan ako palabas ng pinto.
Huminto ako at tiningnan siya.
"Huwag na huwag mo na akong lalapitan pa! Puputulin ko na ang anomang nag-uugnay sa ating dalawa!" Pahayag ko rito.
"I-im sorry." Mahina niyang hingi ng tawad.
"Hindi ko na kailangan ng sorry mo. You already broke my heart and trust. Huwag na huwag mo na akong guguluhing muli." Sabi ko kay Maximus at saka tumalikod na ako sa kanya.
Hindi ko alam kong paano akong nakauwi sa bahay. Ang alam ko lang ay nasa loob na ako ng kuwarto ko. Buong gabi akong umiyak. Ganito pala kasakit ang makitang may kalaguyo ang mahal mo. Akala ko ako ang susurpresa sa kanya, 'yon pala ay ako ang masusurpresa sa ginawa niya. "Ipinapangako kong pagbabayaran niyo ang panloloko niyo sa akin!" Pangako ko sa sarili ko.