Alexa
After the celebration party ay naging busy na ang lahat sa pagsisimula ng kanilang malaking project. New year, new journey. Mas excited pa ako dahil ikakasal din kami ngayong taon ni Maximus. Mas naging sweet pa si Max ngayon. He always texted me sweet messages, na parating nauuwi sa tawagan. Minsan ay naisip kong para lang akong teenager na kinikilig pa rin hanggang ngayon.
Nasa Elsa's Tailoring facility ako ngayon. Gusto kong i-check ang mga trabaho ng aking mga employees. At gusto ko rin silang i-treat for their hardworking. Kasama ko si Bettina ngayon, at sa nakalipas na isang buwan ay napansin ko ang pagiging matamlay niya at pamumutla. I want to asked her about her condition pero baka hindi pa ito handang mag-open up, sa huli ay hinayaan ko na lang ito.
Kakapasok pa lang namin sa Elsa's Tailoring ay kaagad na kaming binati nang mga staff at employees doon.
"Good morning, Miss Alexa!" Nakangiti nilang bati sa akin. Ginantihan ko naman sila ng ngiti.
"Good morning, have a nice day everyone." Ganting bati ko sa kanila. Naglakad na ako patungo sa elevator dahil nasa 5th and 6th floor ang tailoring facility. Sumakay ako sa private elevator at hindi ko na hinintay si Bettina upang alalayan ako.
Ilang sandali pa ay umandar na ang elevator patungo sa 5th floor ng building.
Nang makarating kami ay mabilis akong lumabas at sinuyod ng tingin ang mga employees ko. Abalang-abala sila sa kanilang trabaho na hindi man lang nila napansin ang pagdating ko.
May isang ginang na nakakita sa akin kaya mabilis itong bumati na siyang nagpalingon ng ibang mga manggagawa roon.
"Magandang umaga po, Miss Alexa!" Halos sabay-sabay nilang bati. "Magandang umaga naman. Ipagpatuloy niyo lang ang inyong ginagawa, mamaya ay may free lunch kayong lahat." Ngiti kong deklara sa kanila. Natuwa naman ang mga employees ko.
"Naku, maraming salamat po!" Masayang pahayag nung isang medyo may katabaan na babae.
"Basta pagkain ang pinag-uusapan ay ang bilis mong makapagpasalamat." Biro nang kasamahan nito. "Shhhh... huwag kayong mag-away at nakakahiya kay Miss Alexa." Saway nang ginang.
Napangiti na lang ako.
"Sige, ipagpatuloy niyo na ang mga gawain niyo. Maraming salamat at napakasipag niyong magtrabaho." Sinsero kong pasasalamat sa kanila.
"Naku! Wala po 'yon, Miss Alexa. Ang laki na rin ng tulong ng kompanya ng Lola niyo sa amin, at napakabait din po ng inyong pamilya." Mahabang pahayag ng ginang.
Napangiti naman ito. Totoo namang mabait si Lola Elsa sa lahat ng employees nito. Kaya nga mabilis na lumago ang Elsa's Tailoring dahil sa maayos na pamamalakad nito. "Thank you po, sige at bibisitahin ko rin ang kabilang team." Paalam ko na sa kanila.
Sa 6th floor ay masaya rin nila akong binati at naging masaya rin sila sa pa-free lunch ko sa kanila. Halos lunch time na rin akong natapos sa pag-iikot sa facility para maging maayos ang lahat. Sa The World Cuisine ako nagpa-order ng lunch ng mga employees ni Lola Elsa. Gusto kong mas sipagan pa nila ang kanilang ginagawa. Lahat naman ng natapos nila ay magaganda at pasok sa quality.
Palabas na ako ng building at saka sumakay ng kotse. "Bettina? Gusto mo bang mag-lunch muna tayo?" tanong ko sa secretary kong halos walang imik. Tinitigan niya ako at saka tumango.
"Sige, Miss Alexa. Gutom na rin po ako." Sagot nito.
"Okay, sumakay ka na." Utos ko at saka sumakay na ako sa driver's seat.
Sa malapit na restaurant lang kami tumungo dahil may meeting pa ako sa modeling agency na siyang magpo-provide ng models for my works. Ten minutes lang ang naging biyahe namin at mabilis kaming nakarating sa isang sikat na restaurant.
"Let's go?" tanong ko kay Bettina. Tumango lang ito at sabay na kaming lumabas ng sasakyan.
Medyo maraming tao sa restaurant at hindi pa naman kami nakapag-reserve. Ngunit pagpasok ko ay nakita ko naman si Maximus na naka-upo sa isang sulok at mag-uumpisa na itong kumain. Napangiti ako at saka nagalakad papunta sa gawi nito.
"Babe!" Tawag ko rito. Lumingon naman ito at saka mabilis na ngumiti. Akala niya mag-isa lang ako kaya nong makita niya si Bettina ay medyo nag-iba ang expression ng mukha nito.
Ilang sandali niyang tinitigan si Bettina bago ibinalik ang tingin sa akin.
"What are you doing here?" tanong nito. "We're having a lunch. Kaya lang mukhang puno na at wala kaming reservation dito," I explained, "Can we join you?" nakangiti kong tanong sa kanya. Ilang sandali itong hindi naka-imik, kaya akala ko may ka-meeting ito.
"May ka-meeting ka ba? It's okay, maghahanap na lang kami ng ibang kainan." Pahayag ko kay Maximus na mukhang nagdadalawang-isip kung papayag ba ito o hindi. "No, wala akong ka-meeting. You can join me." Saad nito. Mabilis itong tumayo at saka pinag-hila ako ng upuan. "Thank you." Nakangiti kong saad. Naghila na rin si Bettina ng upuan at umupo katabi ko. "Waiter!" Tawag ni Maximus sa waiter. Mabilis itong lumapit sa amin.
"What is your order ma'am, sir?" magalang nitong tanong.
Matapos naming masabi ang mga order namin ay mabilis ng tumalikod ang waiter.
"May pasok ka pa ba ngayon, Babe?" tanong ko kay Max na nakatingin sa akin.
"Ahm, yes. Pero mamayang two pm pa." Sagot nito. Hindi ko alam kung bakit parang may tension ang paligid. Nagbago ang mukha ni Max, parang hindi ito mapakali. Ilang sandali pa ay dumating na ang order namin.
"Let's eat." Sabi ko at nilingon ko si Bettina.
Mukha itong wala sa sarili at namumutla ito.
"Are you okay?" nag-aalala kong tanong.
"Huh? Ah, okay lang ako. Medyo nahihilo kasi ako eh." Sagot nito habang iniiwas ang paningin sa akin. "Kailangan mo munang magpahinga. Mag-half day ka na lang muna at magpa-check up ka." Suhestiyon ko rito.
"Salamat, Miss Alexa." Sagot nito.
"Sige kumain ka na muna, may meeting pa kasi ako ngayon eh kaya hindi kita maihahatid," sabi ko at nilingon ko naman si Maximus na tahimik lang na kumakain.
"Babe? Pwede mo bang ihatid si Bettina sa condo nito? Same way lang naman 'yon sa Moonlight University eh." Pakiusap ko kay Maximus. Natigilan naman ito sa sinabi ko at saka nilingon si Bettina. Hindi ko mabasa ang emosyon nito. Magsasalita na sana ako nang magsalita si Maximus.
"Sure, Babe. Isasabay ko na lang siya." Nakangiti nitong sabi. "Thank you, Babe!" Ngiti ko rito at saka nagpatuloy na kami sa pagkain. Habang si Bettina ay tahimik lang.
Matapos kaming mag-lunch ay nauna na ako sa kanilang umalis dahil tumawag na ang modeling agency na kailangan na nila ang presensya ko. Hindi ko na lang pinansin ang kakaibang tension sa pagitan ng secretary ko at ni Maximus.
Nakarating na ako sa kompanya ng The Lights On Modeling Agency. Mabilis naman akong nilapitan ng secretary na si Amelia.
"Good afternoon, Miss Alexa. Naghihintay na po si Miss Lexi sa inyo." Imporma ni Amelia.
"Thank you, Amelia. And I'm sorry late na ako, medyo na-traffic eh." Hingi kong paumanhin.
"Don't worry, Miss Alexa. Hindi naman nagmamadali si Miss Zia." Nakangiti nitong pahayag.
Sinamahan ako ni Amelia patungo sa office ni Zia.
"Dito na lang ako, Miss Alexa." Magalang nitong sabi. "Thank you." Pasasalamat kong saad dito.
"Welcome, Miss Alexa." Nakangiti nitong tugon.
Kumatok ako ng tatlong beses at saka pinihit ang pinto. Pumasok kaagad ako sa loob.
"Hi!" Bati ko kay Zia. Umangat naman kaagad ang ulo nito sa akin. "Alexa! My gosh! You're so beautiful." Nakangiti nitong papuri sa akin. Me and Zia friends since college.
"Thank you. And you're beautiful too." Puri ko rin sa kanya at nag-beso kaming dalawa. "Have a sit," yaya nito, "How are you?" pangungumusta ni Zia sa akin. "I'm fine, ikaw kumusta na?" tanong ko sa kanya. "Well, not really fine." Malungkot nitong saad. "Bakit anong nangyari?" usisa ko rito.
Bumuntung-hininga muna ito.
"You know Charles, right?" tanong nito tungkol sa long-term boyfriend nito.
"Your boyfriend?" paniniguurado kong tanong. Tumango ito. "Yeah, after our seven years of relationship, he just cheated on me." Malungkot nitong kuwento. Hindi naman kaagad ako nakapag-react. As in hindi ako makapaniwala sa sinabi nito. I know Charles, and they are a perfect couple.
"Bakit? I know Charles, loves you." Naguguluhan kong tanong dito.
"Maybe, he loves me. But not how he loves his first love." Naiiling pa nitong sabi.
Hindi man ako makapaniwala sa sinapit nilang dalawa ay nakisimpatya ako kay Zia. Hinawakan ko ang kamay nito at pinisil 'yon. Kitang-kita ko ang sakit at lungkot sa mga mata nito. Pinipigilan din nito ang umiyak.
"Huwag kang mag-alala at makakalinutan mo rin siya, maybe God has a good plan for you." Pampalakas-loob ko rito.
"Thank you," ngiti nito sa akin, "Mag-meeting na tayo at baka puro ka-dramahan na lang ang maging topic natin ngayon." Biro nito na siyang ikinatawa ko.
Halos abutin kami ng dalawang oras sa meeting namin. Gusto ko kasi ng bagong mukha para sa new clothing line na ila-launch namin. Ayaw kong ma-disappoint si Mr. Johnson sa company namin.
Mabuti na lang at nagkasundo kami ni Zia.
"Thank you for your time, Zia." Sabi ko sabay yakap dito. "I hope na maging maganda ang outcome ng new collection mo." Sabi pa nito.
"I hope so," sabi ko, "Bye!" Paalam ko kay Zia.
"Bye!" Paalam din nito. Masaya naman ako dahil maganda ang outcome ng preparation ko.
***
Mabilis lang na nagdaan ang mga araw at ngayon nga ay may mga modelo na kaming napili for the launching of our new collection.
Sabado ngayon at nasa loob ako ng kuwarto ko. Next week is Valentine's Day and I want to surprise Maximus. Parati na lang itong may pa-surprise sa akin kaya naman ay naisip kong ako naman ang magsu-surprise dito.
Kahit naging busy ang buong linggo ko ay hindi ko pa rin nakalimutan ang aking surpresa para kay Maximus.
Kinontak ko na ang The World Cuisine para sa mga menu na lulutuin this comment February 14. Napangiti ako ng mabasa ko ang mga pagkaing nasa menu. Lahat ng 'yon ay favorite dish ni Maximus. Kinuha ko ang cellphone ko at tinawagan si Brianna. Magpapasama ako sa kanyang mamili ng bagong damit na susuotin ko sa inihanda kong dinner date. Naka-dalawang ring lang at mabilis na sinagot ni Brianna ang tawag ko.
"Hello, sis." Sabi ko."Bakit napatawag ka?" mataray nitong tanong. Hindi ko na lang pinatulan ang katarayan ng kapatid ko.
"I need your help," sabi ko, "Samahan mo naman akong mamili ng bagong damit. You can buy yours too, treat ko." Mabilis kong sabi sa kanya. Ilang sandali lang itong natahimik at maya-maya pa ay nagsalita na ito. "Sure, kailan ba?" tanong ni Brianna. "Bukas na lang, I will call you." Sagot ko.
"Okay, shoot!" Mabilis nitong sagot at ibinaba kaagad ang tawag. Napangiti ako dahil alam kong mapapasaya ko ang pinakamamahal ko.
Kinabukasan ay maaga kaming umalis ni Brianna. Pumunta kami sa sikat na boutique na pagmamay-ari ng pamilya namin. Ang Elsa's Unique Boutique Shop. Isa sa sikat na shop dito sa Pilipinas at nag-eexport na rin sila sa ibang bansa.
"Ate, may new design ata ang shop ni Lola ngayon." Imporma ng kapatid ko.
"Talaga? Sino ang nag-design?" tanong ko kay Brianna. "Hindi ko alam eh, pero tiyak na maganda 'yon dahil kung hindi maganda ay hindi iyon pupurihin ni Lola." Sagot pa nito.
Napaisip ako. Si Mommy kaya ang gumawa? Pero hindi naman si mommy mahilig mag-design eh. My mom is a model at hindi ko pa ito nakikitang gumuhit man lang.
"Tara na!"Yaya ng kapatid ko at saka hinila ako papasok ng shop. Hindi ito ang malaking shop. Isa lang ito sa mga branch ng Elsa's Unique Boutique Shop. Nasa Makati ang main ng shop ni Lola Elsa.
"Good morning, Miss Alexa and Miss Brianna." Bati sa amin ng staff. "Morning." Maikli kong bati sa kanila. Habang tumango lang si Brianna.
"Saan 'yong new design na mga casual dress?" tanong ko sa isang staff.
"This way ma'am." Sabi nito at saka iginiya kami sa new arrival department.
Pagpasok pa lang namin ay namangha kami ni Brianna sa mga bagong damit.
Bago sa paningin at pinaghalong modern at native style. "Ate, ang ganda!" Bulalas na saad ni Brianna.
"Yeah! Ang gaganda nga." Sang-ayon ko naman. Mabilis kaming namili ni Brianna.
Halos isang oras din kaming nagpabalik-balik sa fitting room.
Hanggang sa napili ko ang isang kulay pulang cocktail dress. Below the knee ang haba noon at sleeveless style ito, malambot ang tela na humapit sa makurba kong katawan.
Tamang-tama dahil may Ruby set akong jewelry, bagay sa kulay ng dress ko."Ito na lang sa akin Ate, isang baby blue evening gown. Pang attend ko ng birthday party ng best friend kong si Rhian Mae." Sagot nito sa akin.
Matapos kaming makapamili ay pumunta kami sa salon, kailangan kong magpa-ganda.
Hapon na kaming naka-uwi ni Brianna dahil ang dami pa naming ginawa at pinuntahan.
Nang makarating sa bahay ay umakyat kaagad ako sa kuwarto ko. Mabilis akong humiga sa kama at saka nangingiti. Bukas ay ang pinakamasayang surpresa ko para kay Maximus. Nakatulog akong may ngiti sa labi.