Alexa
Wala na yata akong mahihiling pa. Pagkatapos mag-propose ni Maximus sa akin ay naging sunod-sunod na rin ang aking mga project. Mabuti na lang at malaki ang tailoring company ng pamilya ko kaya na-ukupa ang mga clothing design ko. Isang buwan na ang nakakalipas nung mag-proposed si Maximus sa akin. Napag-usapan naming sa April kami ikakasal. Mamanhikan na rin sila this coming March.
Nandito ako ngayon sa opisina at tinawag ko ang mga team ko na gagawa ng pinakamalaki kong project. Ang 'Hottest on summer' na ila-launch sa March. I'm so much happy dahil sa mga sunod-sunod na magandang pangyayari sa buhay ko.
Ilang sandali pa ay pumasok na si Bettina sa opisina ko. Tiningala ko siya at saka nginitian. Ngumiti naman si Bettina sa akin, pero mukhang pilit lang. Nag-bago ito simula ng malaman nitong ikakasal na kami ni Maximus. Hindi naman lingid sa kaalaman nito na matagal na kaming magkasintahan na dalawa. Nawewerduhan lang ako sa mga ikinikilos niya. Pero dahil masaya ako ay hindi ko na lang pinansin 'yon.
"Miss Alexa, handa na po ang meeting." Imporma nito sa akin.
"Okay, susunod na ako. Thank you." Sabi ko sa kanya. Mabilis naman itong tumalikod at tinungo na ang conference room.
Matagal ko na ring secretary si Bettina. She's working with me more than two years kaya naman ay naging malapit ko na rin itong kaibigan. Humugot muna ako ng hangin at ibinuga iyon. Tumayo na ako at saka tinungo ang conference room.
Pagkapasok ko pa lang sa conference room ay agad silang tumayo at nag-bigay galang sa akin. Ngumiti lang ako at sininyasan silang umupo na. Ayaw ko ng masyadong formality kapag kami-kami lang sa opisina. Gusto ko habang nagtatrabaho kami ay pamilya ang turingan naming lahat. Tumikhim muna ako bago nagsalita.
"As you can see ay malapit na ang launching ng ating newest clothing design. At ayaw kong biguin ang The Body Figure Clothing Line Company sa pagbibigay nila ng opportunity upang maging partner nila tayo sa industriyang ito," sabi ko at isa-isa silang tiningnan.
"The success of Magical Designer Company is our successful too, kaya sana sama-sama nating buuin ang mga pangarap ng ating mga kliyente, sa pagbibigay ng magandang quality at service sa kanila. Understand team?" seryoso kong tanong sa aking team.
"We understand, Miss Alexa!" Malakas at sabay-sabay nilang sagot. Napangiti naman ako dahil nagkakaisa ang aking team.
"Okay, simulan na natin ang meeting na ito," Simula kong saad, "Miss Donna, okay na ba ang mga tela na gagamitin sa ating designs? Na-ship na ba lahat at wala ng kulang?" tanong ko sa head ng materials department.
"Okay na po lahat Miss Alexa, kompleto na 'yon at pinadagdagan ko in-case na kulangin tayo." Sagot naman nito. Tumango-tango ako.
"Very good. How about sa mga design natin, Miss Vicky? Tapos na ba lahat? Wala na bang kulang or dagdag sa new summer collection?" tanong ko sa head ng designer team.
"Wala na po Miss Alexa, kulang na lang 'yong mga design mo na unang ila-launch natin." Sagot nito. Nilagyan ko naman ng check ang team nila.
"Okay. I will email my designs to you tomorrow, para ma-kompleto mo na." Sagot ko naman dito. Tumango lang si Vicky.
"Miss Celine, how about the facility? Na-check mo na ba ang Elsa's Tailoring? And how about the employees? Kompleto na ba sila? Ayaw kong ma-delay ang launching natin dahil lang kulang tayo sa tao." Sunod-sunod kong tanong kay Miss Celine na siyang nag-che-check ng facilities bago simulan ang trabaho.
"Yes, Miss Alexa. Naka-usap ko na ang Lola mo tungkol dyan at lahat ng mga old machine ay pinalitan na ng bago at lahat 'yon ay dumaan muna sa test bago inilagay. Sa employees naman po ay may kulang pa na limang ka-tao, pero nagpaskin na ang taga-HR department para sa magiging qualified na mga dressmaker." Mahabang paliwanag ni Miss Celine sa akin.
Napangiti ako dahil lahat ng mga tao ko ay naging aktibo at responsable sa kanilang mga trabaho.
Pumalakpak ako at saka nginitian sila.
"Very good team. Alam kong kaya natin 'to, and I think we called it for a celebration." Masaya kong pahayag sa kanila kaya naman ay nag-saya ang lahat.
"Bettina, please reserve us a VIP room at The World Cuisine, thank you," ngiti kong saad sa kanya, "Meeting adjourned." Sabi ko at isa-isa na silang nagsilabasan. Ibinigay naman nila ang mga copies ng kanilang mga report sa akin. Ilang sandali pa ay lumabas na rin ako ng conference room.
Nag-aayos na ako ng mga papeles sa aking opisina ng dumating si Maximus. Napangiti ako dahil fresh na fresh ang dating nito.
"Surprise!" Nakangiti nitong saad at mabilis na lumapit sa akin. Humalik ito sa akin at saka ibinigay ang isang box, alam kong chocolate chips 'yon dahil isa 'yon sa mga favorite food ko.
"Thank you. Bakit ka pa pumunta rito?" nakangiti kong tanong sa kanya.
"I just missed you. Bakit hindi mo ba ako nami-miss?" nakasimangot nitong tanong, kaya naman ay natawa ako.
"Of course, I missed you too." Nakangiti kong saad sa kanya. "Let's go. Manood muna tayo ng sine, gusto mo?" malambing nitong tanong sa akin.
"Sorry, may celebration kami ng team ko kaya hindi ako pwede ngayon." Malungkot kong saad sa kanya."Fine. Mag-merienda na lang tayo." Sabi na lang nito. Tumango ako at saka humawak sa braso nito.
Paglabas namin ay siya namang pasok ni Bettina sa opisina nito. Natigilan ito at saka namutla. Hindi ko alam kung sa gulat o ano.
Bumaba ang paningin nito sa kamay ko na nakahawak sa braso ni Maximus. Tiningala ko si Maximus at nakita ko ang pagdaan ng awa sa mga mata nito, ngunit sandali lang iyon at naging pormal na ang mukha nito.
Tumikhim ako dahil mukhang may tensyon sa pagitan nilang dalawa.
"Bettina, mauuna na muna ako. Tawagan mo na lang ako mamaya at seven o'clock para sa ating celebration, okay?" nakangiti kong bilin sa kanya.
"A-ah, yes Miss Alexa." Sagot nito at saka umiwas kaagad ng tingin sa amin ni Maximus.
"Let's go, Babe." Yaya ko kay Maximums dahil mukha na itong na-tuod sa kinatatayuan nito.
Sumakay kami sa kotse ni Maximus at iniwan ko na lang muna ang kotse ko.
Nakasakay na kami sa kotse at saka pinaandar na 'yon ni Max. "Sa coffee shop ba tayo?" tanong ko kay Max. Nilingon niya ako saglit at saka nginitian.
"Ikaw, saan mo ba gusto?" balik-tanong nito sa akin. "Ikaw ang nagyaya kaya ikaw na ang mamili." Nakalabi kong saad sa aking nobyo.
"Fine, sa coffee shop na lang at may celebration pala kayo," sabi nito at tiningnan ako, "Tungkol ba 'yon sa ila-launch niyo ngayong summer?" dinig kong tanong nito. "Yup. And I'm so excited about this project." Ngiti kong saad dito.
"Congratulations! Ang galing talaga ng soon-to-be wife ko." He said sweetly at kinuha ang aking kamay at hinalikan niya 'yon. Kinilig na lang ako sa mga sweet gesture nito.
Halos isang oras din ang biniyahe namin papunta rito sa sinasabi nitong coffee shop.
Ang ganda ng paligid dahil nakikita ko ang magandang view mula rito sa kinatatayuan ko. Niyakap ako ni Maximus mula sa aking likuran.
"Are you happy?" mahina nitong tanong.
"So much happy. Hindi mo lang alam kung gaano ako kasaya." Sagot ko rito at saka tiningala ang binata. Mabilis naman niyang kinintalan ang aking mga labi.
"Ikaw masaya ka ba?" tanong ko sa kanya.
"Ako ang pinakamasaya at pinaka-suwerteng lalaki sa buong mundo. You know why?" tanong nito. Umiling ako sa kanya.
"Because you will be mine, soon." Sagot nito at saka mas hinigpitan ang pagkakayap niya sa akin. Napangiti na lang ako.
Nag-order kami ng Cappuccino sa akin at Milk tea naman kay Maximus.
Masaya kaming nagku-kwentuhan at kung ano-ano na lang ang naging topic naming dalawa.
"Ilan bang anak ang gusto mo?" tanong ni Maximus sa akin. Namula naman ako dahil kahit kailan ay hindi ko pa iyon iniisip. Kahit naman kasi limang taon na kaming magkasintahan ni Maximus ay hanggang halik lang ang nagagawa namin.
"Siguro, tama na 'yong dalawa. Lalaki at babae." Sagot ko rito.
"Bakit dalawa lang? Ako gusto ko magkaroon ng isang football team." Pilyo nitong saad. Nanlaki naman ang mga mata ko.
"Anong akala mo sa akin? Inahing baboy? Masakit kaya ang manganak." Sunod-sunod kong tanong sa kanya. Sabi kasi ni mommy na mahirap at masakit ang manganak kaya medyo natatakot ako. Narinig ko naman ang malutong na tawa ni Maximus.
"Syempre ikaw pa rin ang masusunod." Saad pa nito. Napangiti naman ako.
Hinatid ako ni Maximus sa office ko matapos ang bonding namin sa coffee shop.
Nang makarating kami ay pinark muna nito ang sasakyan at saka pinagbuksan niya ako.
"Thank you. I have a great time with you." Sabi ko at saka hinalikan ito sa pisngi.
"Kahit ano para sa 'yo. Take care okay?" bilin pa nito sa akin at mabilis akong kinintalan ng halik sa aking labi. Nangingiti na lang ako sa mga pa da-moves nito.
"Drive carefully. Bye!" Paalam ko at saka kumaway rito.
Mabilis akong sumakay sa kotse ko nang makaalis na si Maximus.
Nangingiti pa ako habang nagmamaneho.
Napatingin ako sa cellphone ko ng mag-ring iyon. Mabilis ko 'yong kinuha at saka sinagot. "Hello?" sagot ko. "Miss Alexa, okay na po ang reservation natin. On the way na po kami." Imporma ni Bettina sa akin. "Okay, thanks. See you there guys." Sabi ko at saka binaba ang cellphone. Medyo maaga pa naman, 7 pm ang celebration namin pero past six pa lang. But it's okay at least makakapag-bonding pa kami ng mga kasamahan ko.
Mabilis kong pinasibad ang aking sasakyan at saka binaybay ang The World Cuisine Restaurant.
Ilang sandali lang ay dumating na ako roon.
Pumasok ako at saka sinabi sa crew ang reservation number ko. "This way ma'am." Sabi ng crew. Tumango ako at saka sumunod dito. Itinuro niya ang room 056. "Enjoy ma'am!" Magalang nitong sabi. "Thank you!" Ngiti ko rito. Medyo nakabukas na ang pintuan, kaya naman ay dahan-dahan akong pumasok sa loob.
"Don't do this to me, Max." Dinig kong pakiusap ni Bettina sa kausap nito sa cellphone. Ngunit natigilan ako sa pangalang binanggit nito. Hindi naman siguro 'yon si Maximus di ba? Marami namang Max sa buong mundo at nagkataon lang na magkapareho sila ng palayaw. Pumasok na ako sa loob at hindi ako lumikha ng ingay.
"I love you. At hindi ako susuko!" Mariing sabi ni Bettina. Mabilis nitong pinatay ang cellphone nito.
Narinig ko ang hikbi niya kaya naman ay tinanong ko ito. "Are you okay?" mahina kong tanong. Mabilis naman itong lumingon sa akin at saka namutla ito, para bang nakakita ito ng multo. Napakunot-noo naman ako.
"Ka-kanina... ka pa d-dyan M-miss Alexa?" kinakabahan nitong tanong. Na-intriga tuloy ako sa ikinikilos nito. Umiling ako.
"No. Kararating ko lang naman." Sagot ko rito. Tumango naman ito. "I'm fine, Miss Alexa. Thank you sa concern mo." Mahina nitong saad.
Maya-maya pa ay nagsidatingan na ang iba pa naming kasamahan.
"Wow! Ang mahal kaya dito Miss Alexa." Komento ni Celine. "Minsan lang naman 'to at need niyo naman talaga ng refreshment dahil sa dami nang trabaho sa opisina." Nakangiti kong sagot dito.
"Sana parating may celebration." Biro naman ni Donna. "Well, invited kayong lahat sa wedding ko." Masaya kong saad sa kanila. Nasamid naman si Bettina matapos ko 'yong sabihin kaya naman ay mabilis itong dinaluhan ni Vicky.
"Are you okay?" tanong ko rito.
"Y-yes. Nasamid lang ako ng laway ko." Sagot naman nito. Tumango lang ako rito.
Ilang sandali pa ay dumating na ang mga order naming pagkain. Nag-order din ako ng wine para sa aming lahat. "Wow! Congratulations pala sa nalalapit mong kasal, Miss Alexa." Bati ni Celine sa akin. "Oo nga. Ang suwerte niyo sa isa't-isa at talagang bagay na bagay kayong dalawa."
Komento naman ni Celine.
Nagku-kwentuhan kaming lahat, bukod kay Bettina na tahimik lang sa isang sulok. Mukhang malalim ang iniisip nito. "Bettina?" tawag ko sa kanya dahil nakatitig lang ito sa kawalan. Bumaling naman ito sa akin. "Huh?" tanong nito. "Are you okay? May problema ba?" concern kong tanong sa kanya.
"I'm fine, Miss Alexa. May iniisip lang po talaga ako." Sagot nito at inisang lagok ang wine nito. Tumango lang ako kahit na nga ba hindi ako kumbinsido sa naging sagot nito.
Malalim na rin ang gabi ng maka-uwi kami. Mabuti na lang at hindi nagpakalasing ang mga kasamahan ko, kundi ay hirap silang makauwi.