HINDI maiwasan ni Evangelion na hindi mapatulala sa tuwing naiisip niya ang nangyari sa kanilang dalawa ni Davine. Sa tingin niya ay makikipaglaro sa kanya ang binata dahil na rin sa halik na namagitan sa kanilang dalawa. Isa pang naglalaro sa kanyang isipan ay ang sinabi nitong hindi na niya ito matataguan pa.
“Para namang matataguan ko talaga ang kumag na iyon,” ang pabulong na sabi ni Evangelion sa kanyang sarili bago pa man siya matulog.
Ilang segundo pa lang ang nakakalipas buhat nang naipikit ni Evangelion ang kanyang mga mata nang biglang tumunog ang phone niya. Isang groan na lamang ang napakawalan niya nang oras na iyon lalo na at nasira na ang tulog niya. She even cursed at her own mistake na hindi niya nai – silent ang phone niya nang oras na iyon. Hindi na lamang niya tiningnan pa kung sino ang tumatawag sa kanya.
“Hello,” may himig na ng pagkaantok ang boses niya nang oras na iyon.
Literal siyang napabangon nang narinig niya ang isang pamilyar na boses. Bumakas kaagad ang inis sa mukha niya nang oras na iyon.
“Ikaw naman?! Ano ba ang kailangan mo sa akin ha?!” ang inis na tanong ni Evangelion kay Davine.
“Masama na bang marinig ang boses ng aking honey bago ako mag – record ng kanta ngayong gabi?” ang sweet na tanong ni Davine sa dalaga.
“Kung ako tatanungin, masama ang ginagawa mo,” ang mataray na sagot ni Evangelion kay Davine. “At hindi ‘honey’ ang pangalan ko!”
“Alam ko,” ang swabeng sabi ni Davine. “Dahil ikaw lang naman ang aking Evangelion.”
Nanlisik ang mata ni Evangelion sa sinabi ni Davine, “Hindi mo ako pag – aari Mr. Davine kaya pwede bang pakitantanan lang ako at sinisira mo lang ang gabi ko.”
Mas nainis lang si Evangelion nang narinig niya ang mahinang tawa ni Davine nang oras na iyon, “If looks can kill lang talaga, I am sure na kanina mo pa ako napatay.”
“Huh?!”
“I’ll see you tomorrow, honey,” sabi ni Davine sa dalaga. “Goodnight, sleep tight and see you in my dreams.”
Hindi na nagawa pang makapagsalita ni Evangelion nang oras na iyon dahil pinagbabaan na siya ni Davine ng cellpone. Inis na lamang niyang naibato ang phone niya.
“Siguraduhin lang niya na makakatulog pa ako ngayong gabi dahil lagot talaga siya sa akin kapag hindi niya ako napatulog,” sabi ni Evangelion sa kanyang sarili bago pa man niya ipinikit muli ang kanyang mga mata.
Sa kabilang banda...
Isang malakas na tawa ang pinakawalan ni Davine nang pinutol na niya ang kanyang tawag kay Evangelion. He is sure na literal niyang nagising ang dalaga mula sa mahimbing nitong pagkakatulog. Mas ganado siyang pumunta sa recording studio dahil na rin sa narinig niya ang boses ni Evangelion nang oras na iyon.
“Aba, mukhang ganado ang lead vocalist ng Comeback ah!” sabi kaagad ng kapatid niyang si Daniel sa kanya. “Ano, ready ka na ba sa pagre – record ng guide today?” tanong pa nito sa kanya.
“Yeah sure, let’s go!” ang masiglang sagot ni Davine sa kanyang kapatid.
Ibinigay na kaagad ni Daniel ang kantang irerecord niya nang oras na iyon, “This is a lively song. Make sure na magtutunog in love ka sa kantang iyan,” sabi ni Daniel sa kanya.
“Sure,” ang maiksing sagot ni Davine.
Inumpisahan na kaagad ni Davine ang pagre – record sa kantang ibinigay sa kanya ni Daniel. Sa umpisa pa lang ay nagkaroon na kaagad ng problema hindi dahil sa hindi maabot ni Davine ang tono ng kanta. Ang totoo ay nakukulangan si Daniel sa emosyong ipinaparinig sa kanya ng binata.
“I thought that you are inspired today,” sabi ni Daniel in a dismayed tone. “Bakit parang naughty feeling ang naririnig ko sa iyo?”
“Sorry, I am just thinking of something naughty kaya iyon ang naririnig mo sa akin ngayon,” sagot naman ni Davine.
Napailing na lamang si Daniel sa narinig niya sa kanyang kapatid, “Umayos ka kung ayaw mong magtagal tayo sa pagre – record ng guide today,” sabi niya kay Davine.
“Okay,” sagot naman ni Davine bago pa man niya muling isinuot ang headset.
“This is love
This is love
The love in my heart
Creeps out of my skin
This is love
This is love
I want to love you
In a great wonderful view”
“That’s it! Maganda ang kinalabasan ng recording natin today,” sabi ni Daniel sa binata. “I will see all of you next week para sa recording na mismo ng kanta.”
KINABUKASAN...
HALATANG – halata ang eye bags sa mata ni Evangelion nang siya ay nagising. Malalaman kaagad na hindi naging maganda ang tulog niya nang nagdaang gabi. Seriously, hindi niya magagawang matulog nang inis. Ilang beses din siyang bumangon upang pagurin ang kanyang sarili ngunit sadyang makulit ang kanyang utak dahil kahit na pagod na siya ay hindi pa rin siya nakatulog nang gabing iyon. Dahil sa wala siyang tulog ay mas lumala lang ang pagiging mainisin niya. Mas lumala lang ang pagiging masungit niya nang narinig niya ang nakakainis na tawa ni Davine na nasa harapan lang niya nang oras na iyon.
“I thought that you would have a good night sleep dahil na rin sa narinig mo ang boses ko,” sabi ni Davine sa dalaga. “Bakit parang puyat na puyat ka ngayon?”
Isang glare ang ibinigay ni Evangelion sa binata nang oras na iyon, “Pwede ba, wag mo akong inisin kung gusto mo pang mabuhay nang maayos.”
Isang chuckle naman ang isinagot sa kanya ni Davine, “Ang cute mo pala kapag naiinis,” sabi niya sa dalaga.
“Isa...”
“I don’t care kung susuntukin mo ako. I just want you to know na seryoso ako sa sinabi ko sa iyo,” sabi ni Davine.
Napapikit na lamang si Evangelion. Bakas na bakas sa mukha niya ang inis nang umagang iyon. Hindi niya alam kung kaya nga ba niyang pakisamahan ang binatang kinaiinisan niya. Dahil sa pangungunot ng noo niya ay hindi na niya napansin pa na napalapit na sa kanya ang binata. Nagulat na lamang siya nang naramdaman niya ang mga daliri ni Davine sa noo niya.
“Hindi bagay sa iyo ang pagkakaroon ng isang masungit na mukha,” sabi ni Davine sa kanya. “You must wear a beautiful smile para mas lumutang ang kagandahang taglay mo.”
“Ano ba talaga ang kailangan mo sa akin?” tanong ni Evangelion kay Davine. “Wala ka namang maririnig sa akin tungkol sa kiss na iyon eh.”
“Wala nga, pero alam kong hindi mo na rin matatakasan pa ang paparazzi kapag nag – leak na sa internet ang picture nating dalawa,” sabi ni Davine na mas ikinakunot ng noo ni Evangelion.
“Ano ang ibig mong sabihin?” tanong naman ni Evangelion sa binata.
“Ang ibig ko lang namang sabihin ay may chance na may lumabas na picture nating dalawa lalo na at may nakakuha pala ng picture natin habang tayo ay naghahalikan,” sagot naman ni Davine in an informative tone.
“Correction, ninakaw mo ako ng halik at ano ang sinasabi mong picture?”
Hindi na lamang nagsalita si Davine nang oras na iyon at sa halip ay inilabas na lamang niya ang kanyang phone. Nasa phone na iyon ang picture na tinutukoy niya. Nang nasiguro niyang nakabukas na ang picture ay iniabot na niya kaagad iyon sa dalagang nasa tabi niya.
“As you can see, napakalinaw ng picture na iyan at imposibleng hindi ka makilala ng mga taong nasa paligid mo,” sabi ni Davine sa dalaga.
Hindi makapagsalita si Evangelion dahil sa shock na nararamdaman nang oras na iyon. Hindi niya lubos na maisip na may makakakuha pa ng malinaw na shot gayong nasa pinakagilid na sila ng mall nang ninakaw ni Davine ang first kiss niya.
“Ito lang naman ang nag – iisang kopya, right?” ang unsure na tanong ni Evangelion kay Davine.
Isang iling lamang ang naibigay ni Davine sa dalaga, “Hindi ko lang alam kung iisa lang ang kopya niyan, hindi na sana kita guguluhin pa.”
“Kahit naman hindi mo ako puntahan dito ay wala ka namang maririnig sa akin dahil alam kong ayaw ko ng atensyon mula sa ibang tao,” sagot naman ni Evangelion. “Sapat na ang isang suntok upang makaganti ako sa iyo.”
Isang chuckle na lamang ang naibigay ni Davine sa dalaga bago pa man siya nagsalita, “Alam na natin pareho na hindi mo na maaaring gawin ang bagay na iyon lalo na at may picture na lumabas.”
“So, kailangan ko nang magpanggap bilang girlfriend mo?” ang painosenteng tanong ni Evangelion sa binatang kausap.
“Exactly,” ang sure na sagot ni Davine.
An animated vein pops out from Evangelion’s forehead, “Hindi ako payag sa sinasabi mo!”
“Sabi ko nga sa iyo, hindi mo na ako matatakasan pa,” sabi ni Davine. “You have to play your role as a sweet girlfriend para masiguro ko na may good boy image pa akong maiingatan.”
Literal na umangat ang isang kilay ni Evangelion sa narinig, “Good boy? Saang banda ka naging good boy?”
“In all angles,” sagot naman ni Davine.
“Paano kung tanggihan ko pa rin ang sinasabi mo? May magagawa ka ba?” ang sunud – sunod na tanong ni Evangelion sabay ngisi sa binata.
Nagulat na lamang si Evangelion nang biglang inilapit ni Davine ang mukha nito sa mukha niya. Nakaramdam siya ng pagkailang dahil nakikita niya nang malapitan ang handsome facial features ng binata. Namula na lamang siya nang naramdaman niya ang labi ni Davine sa pisngi niya.
“Wala ka nang magagawa pa dahil ikaw na ang girlfriend ko ngayon,” sabi ni Davine sa dalaga.
Hindi na nakaiwas pa si Evangelion nang nahalikan na naman siya ni Davine sa labi. Isang ngisi ang sumilay sa labi ng binata nang oras na iyon nang nakita niya ang pamumula ng mukha ng dalaga.
“Maghanda ka na at sigurado na akong kakalat na ang picture natin sa internet sa mga susunod na araw,” sabi ni Davine sa dalaga.