“SERIOUSLY, dinamay mo pa talaga kami sa paghahanap sa girlfriend mo,” ang inis na sabi ni Lerie sa kaibigang lead vocalist. “Hindi naman kami aang gumawa ng kalokohan ah!”
“Hayaan mo na at maging masaya na lang tayo, at least alam na agad natin na may posibilidad na rin para sa atin ang maging normal,” sagot naman ni Symoun. “Siyempre, dapat mauuna ang leader natin.”
Naitakip na lamang ni Davine ang mga kamay niya sa magkabilang tenga niya. Seriously, hindi niya alam kung bakit panay ang reklamo sa kanya ng mga kasama niya gayong hindi naman blind date ang pupuntahan nila. They are just going to have a show sa mall kung saan niya hinalikan ang babaeng nasa litrato.
“Paano kung bigla ka na lamang niyang iwasan Kuya? Ipagkaila kung sakaling lumapit ka sa kanya?” ang sunud – sunod na tanong ni Richard kay Davine. “I mean, hindi naman siguro niya gugustuhing malaman ng publiko ang short affair ninyong dalawa.”
“Well, wala na rin siyang choice dahil maaaring lumabas ang picture na iyon, anytime,” sabi naman ni Davine.
“Sigurado ka bang magpupunta rin sa mall na iyon ang babaeng sinasabi mo?” tanong naman ni Eugene. “Paano kung busy siya nang panahong iyon?”
“Kaya nga may schedule tayo, hindi ba?” tanong ni Davine. “Plus, ipopromote pa natin iyon kaya sigurado akong pupunta siya.”
“Paano kung hindi pala siya fan ng grupo natin?” tanong ni Lerie. “Eh di sayang lang ang effort natin sa paghahanap sa kanya.”
Napaisip na lamang si Davine sa sinabi ni Lerie. May slim chance pa rin na maaaring hindi nga fan ng Comeback ang babaeng nahalikan niya.
“Who knows? Baka may manghila sa kanya sa show natin,” sabi ni Davine. “Maraming possibilities na maaaring makapunta siya sa show natin. Just wait and see dahil alam kong makikilala ko siya.”
HINDI nga nagkakamali si Davine dahil wala pang isang araw buhat nang i – announce ang tungkol sa mall show nila ay lumuluhod na si Abegail sa harapan ni Evangelion.
“Sige na kasi Eve, samahan mo na ako,” sabi ni Abegail in a pleading tone. “Alam mo namang sila ang paborito kong banda, hindi ba?”
“Busy nga ako, ano naman ang gusto mong gawin sa akin?” tanong naman ni Evangelion sa kaibigan.
“Sasamahan mo lang naman ako eh,” sagot ni Abegail.
“Abi---“
“Please. Ililibre kita ng McDo bff fries basta sasamahan mo ako sa mall show nila!” sabi agad ni Abegail in a rushed and pleading tone.
Nagningning kaagad ang mata ni Evangelion sa sinabi ni Abegail. Alam na alam ng kaibigan na paborito niya ang French fries. Iyon nga lang, ayaw naman talaga niyang pumunta sa mall show na iyon dahil na rin sa takot na baka mahalikan na naman siya ng isang estranghero nang wala sa oras.
“Sige na kasi bes, samahan mo na ako,” pangungulit ni Abegail sa kaibigan.
Napahinga na lamang nang malalim si Evangelion sa pangungulit ng kaibigan. Masasabi niyang suko na siya sa kakulitan ni Abegail.
“Kinain ka na nga talaga ng sistema,” sabi ni Evangelion. “Pag – iisipan ko muna kung sasamahan ba kita o hindi.”
“’Wag mo nang pag – isipan pa, umoo ka na lang!” suhestyon ni Abegail sa kaibigan. “Sayang din naman ang libreng bff fries oh!”
Napalunok na lamang si Evangelion nang narinig niya ang bff fries. Talagang ginagamit ni Abegail ang kahinaan niya.
“Sige, tumanggi ka at hindi na talaga kita ililibre kahit kailan!” pagbabanta ni Abegail na alam niyang kakagatin ng dalaga.
Well, wala na ngang nagawa si Evangelion nang oras na iyon. Minsan na nga lang naman siyang ililibre ni Abegail ay papakawalan pa niya kung tatanggihan niya ito. Isang malalim na hininga ang pinakawalan niya bago pa man siya nagsalita.
“Fine, sasamahan na kita. Siguraduhin mo lang na hindi mo sisirain ang pangako mong libre sa akin, okay?” sabi niya sa kaibigan.
Hindi na nagulat si Evangelion nang parang bata siyang niyakap ni Abegail nang oras na iyon. Sanay na siya sa pagiging childish nito lalo na kapag ang pinag – uusapan ay ang Comeback. Hindi nga lang talaga niya maintindihan kung ano nga ba ang nakita ng dalaga sa bandang iyon at kilig na kilig ito kapag nakikita sila.
“Siguraduhin mo lang na hindi mo ako iinisin mula ngayon para masamahan kita sa mall show nila,” sabi ni Evangelion na tinanguan naman ni Abegail.
MABILIS na lumipas ang mga araw at hindi na namalayan ni Davine na dumating na ang araw ng mall show nila. Aminado siyang kinakabahan siya nang oras na iyon dahil hindi niya alam kung makikita nga ba niyang muli ang babaeng nahalikan niya noon. He is hoping na makikita nga niya ang babaeng iyon lalo na at magiging problema pa para sa kanya ang paglitaw ng picture kung hindi naman niya maipapakilala sa publiko ang ‘girlfriend’ niya.
“’Wag ka ngang kabahan diyan,” sabi ni Lerie sa lead vocalist ng Comeback. “I am sure na makikita mo rin ang babaeng iyon.”
“Sana nga,” sagot naman ni Davine. “Ayokong mapagod sa paghahanap lang sa kanya.”
“Hindi ka naman mapapagod sa paghahanap dahil ako ang maghahanap sa kanya,” sabi kaagad ni Sylvia kay Davine sabay bigay ng isang earpiece sa binata. “Ito na lang muna ang isuot mo para marinig mo ang mga susunod kong instructions.”
“Don’t tell me na nakilala mo na kaagad ang---“
“Ako ang manager ng banda ninyo kaya walang imposible sa akin,” sabi ni Sylvia. “Sundin mo lang ang mga iniuutos ko at sigurado akong makikita mo siya.”
PANAY naman ang tingin ni Evangelion sa orasan niya. Halata sa mukha niya na naiinip na siya nang oras na iyon.
“Bakit ang tagal magsimula ng show na sinasabi mo?” tanong niya kaagad sa kaibigan niyang si Abegail.
“Malay ko, baka sinabihan sila ng organizer na ‘wag muna silang lumabas hangga’t hindi pa tayo maayos,” sagot naman ni Abegail.
Napahinga na lamang nang malalim si Evangelion sa narinig niya, “Lagot ka sa akin kapag ginabi tayo ng uwi.”
Nag – chuckle na lamang si Abegail sa pagbabanta ng dalaga, “Mag – eenjoy ka rin sa show, promise!”
Hindi nga nagtagal ay lumabas na rin ang hinihintay na banda. After a short speech ay nagsimula na ang show nila. Malikot ang mata ni Davine habang siya ay kumakanta nang oras na iyon. Bakit? Dahil gusto talaga niyang makita’t makilala ang babaeng hinalikan niya nang minsang nagpunta siya sa mall nang nag – iisa.
“Nakita ko na siya,” sabi kaagad ni Sylvia sa binata. “Malapit lang siya sa stage, bandang gitna.”
Napatingin nga si Davine sa direksyong sinabi sa kanya ni Sylvia. Hindi nga siya nagkamali nang oras na iyon dahil ang babaeng iyon na nga ang hinahanap niya.
“’Wag ka munang lalapit sa kanya sa baba, make sure na makukuha mo ang atensyon niya sa pamamagitan ng boses mo.”
Sinunod naman ni Davine ang sinabi sa kanya ni Sylvia. Ipinagpatuloy lamang niya ang routine na prinaktis nila. Hinintay na lamang niya ang part niya kung kailan ulit siya kakanta. Pumunta na siya sa gitna nang dumating na ang part niya.
“You are just like no other,
That I will love forever
I can’t get you out of my mind,
Out of my mind”
Satisfied si Davine nang nakita niyang nagtama ang paningin nilang dalawa ni Evangelion. Kinindatan pa niya ang dalagang iyon bago pa man siya bumalik sa pwesto niya sa likuran.
AS expected, nanlaki ang mata ni Evangelion nang nakilala niya si Davine hindi bilang isang singer kundi bilang ang lalaking kumuha ng kanyang unang halik. Nag – init ang pisngi niya sa inis nang kinindatan siya ng binata.
“Humanda ka talaga sa akin at paduduguin ko talaga ang nguso mo, maghintay ka lang,” sabi ni Evangelion in a cursing tone na hindi na narinig pa ni Abegail dahil busy ito sa pagtili.
After the song performance ay nagpalaro pa ang Comeback sa kanilang mga fans. Of course, game na game ang mga fans sa bawat laro dahil iyon ang tanging pagkakataon nila upang makasama sa iisang stage ang kanilang mga idolo.
“And now, for the last game, bawat miyembro ay pipili ng isang maswerteng fan na magiging partner nila para sa isang sweet dance!” sabi kaagad ng kasama nilang emcee nang oras na iyon. “Girls, be sure na magiging maganda kayo sa paningin ng Comeback para kayo ang mapili nila!”
Umiwas kaagad si Evangelion nang oras na iyon dahil ayaw naman niyang masali na lamang sa isang stupid game ng Comeback. Hindi nga lang siya makaalis sa pwesto niya dahil naharangan na ang daan niya palabas ng show na iyon. Well, para nga lang siyang minalas nang oras na iyon dahil siya pa ang napili ni Davine para sa pinakahuling laro.
“Wala naman sigurong masama kung sasamahan mo akong magsayaw, hindi ba, honey?” tanong kaagad ni Davine sa kanya.
Ayaw man niyang pagbigyan ang binata ay wala na siyang magagawa nang oras na iyon lalo na at maraming mata na nakatingin sa kanilang dalawa. She has no other choice but to accept his invitation. Isang glare na lamang ang ibinigay niya kay Davine nang binigyan siya nito ng isang sexy smirk. Kulang na lang ay umusok ang ilong niya sa pagkainis sa lalaking kaharap niya.
“’Wag kang mag – alala at alam ko naman kung ano ang atraso ko sa iyo,” sabi ni Davine sa kanya. “Hindi naman kita tatakbuhan eh.”
Nangunot na lamang ang noo ni Evangelion sa narinig niya. Seriously, hindi niya alam kung ano ba ang nais ipahiwatig sa kanya ng binata nang oras na iyon. Nagulat na lamang siya sa sumunod na sinabi sa kanya ng binata.
“From this day, girlfriend na kita, honey.”
PANAY ang tukso ang natanggap ni Evangelion mula kay Abegail nang natapos na ang mall show ng Comeback. As expected, inosente ang dalaga sa nangyari sa dalawa habang sila ay nagsasayaw. Hindi pa rin nawawala sa isipan ng dalaga ang huling sinabi ni Davine sa kanya bago pa man sila nagkahiwalay sa stage na iyon.
“You can run again pero hindi mo na ako mapagtataguan pa,” sabi ni Davine sa dalaga.