“Uwi ka na ba, Eish?” tanong ni Jessie habang naglalakad kami pababa ng highschool building.
Kasabay ko sila nina Mecca, Kristine, Zera, Gelo, at BJ. They're fun to be with. I don't fell uncomfortable with them, sila yung nag-a-adjust para sa'kin.
“Ahm, saan ba kayo?” tanong ko habang nakatayo kami sa gilid ng hagdan at hinihintay na makababa lahat ng estudyante dahil sa siksikan.
“Milktea muna sana” si BJ ang sumagot at tumango naman ako.
“Kasama ka ba, Mecca?” tanong ko kay Mecca na naka-focus sa cellphone niya.
“Oo, paalam niyo muna ako, ah?” aniya saka nag-angat ng tingin sa amin.
Wala namang nagawa ang mga kasama ko kundi sumang-ayon sa kanya. Nagpatuloy na kami sa pagbaba ng building. Nang tuluyan na kaming nakalabas ng gate ay iba't-ibang uri nang amoy na ang naaamoy ko. Partida papasok palang ang mga iyan, ah. May amoy alak, amoy sigarilyo at di mawawala ang amoy baktol!
“Tangina, ang baho naman” reklamo ni Jessie kaya naman tinampal siya sa braso ni Kristine.
Napunta tuloy sa amin ang atensyon ng mga estudyante na papasok palang, ang sama ng tingin nila sa amin!
“Ingay mo, Jess!” saway sa kanya ni Gelo, inirapan lang naman siya ng babae.
“Bakit? Totoo naman, ah! Magrereklamo ba ako kung hindi?” depensa ni Jessie at napahalukipkip nalang ako.
Tinulak nalang siya ng bahagya ni BJ para makaabante na kami at h'wag ng mapaaway. Nag-aya muna silang bumili ng kwek-kwek sa may gilid, kahit naman ayoko ay matatakam din ako, saka hindi ako nakapag-recess kanina dahil sa lintek na Filipino journ namin, pinatapos pa yung mga article!
“Ano sa'yo, ganda?” tanong ni manong na nagtitinda.
“Twenty pesos po na egg waffles” sagot ko at nagtawanan naman ang mga kasama ko.
“Arte, kwek-kwek lang yan, Eish” si Mecca saka natawa.
Napanguso ako, hindi naman kasi ako sanay na ganu'n, hindi ba pwedeng hindi nalang nila pagtawanan, nakaka-offend kasi.
“Ito po yung bayad, kuya” malamig na sabi ko sa tindero saka inabot sa kanya yung bente.
Pinagwalang bahala ko nalang iyong pagtawa nila at inantay ko nalang yung binili ko. Pagkatapos no'n ay hindi na ako umimik kahit nasa daan kami. Nagpa-iwan kaming tatlo nina BJ at Gelo sa may bench na nasa labas ng gate ng compound nina Mecca.
“Kakapikon sila, no? Akala naman nila nakakatawa 'yon” out of the blue na sabi ni BJ kaya naman nakuha niya ang aking atensyon. “H'wag mo na lang silang pansinin, Eish, ma-i-stress ka lang” aniya pa saka ako inakbayan.
“Omsim, Eish. Maiintindihan din nila iyang pinagdadaanan mo once na sila na yung nasa sitwasyon mo” sang-ayon naman ni Gelo.
Medyo naguguluhan ako sa pinagsasabi nila pero tumango nalang ako.
“Pwede mo naman akong sabihan kung may problema ka, Eish. Kaibigan mo din ako, maybe weren't talking too much in classroom, pero kung wala ka nang mapagsabihan ng hinanakit na dinadala mo, I'm always here, open ears” si BJ na nakatingala pa sa langit.
Napangiti ako at medyo guminhawa naman ang pakiramdam ko. Naubos ko na ang kwek-kwek ko bago kami balikan nina Mecca, nakapagpalit na ito.
“Saang milktea shop tayo?” tanong ko at nagkatinginan pa silang tatlo.
“Saan niyo ba gusto?” tanong naman ni Kristine.
“Infinitea nalang” sagot ni Gelo.
“Kulang pera ko, libre mo nalang ako, Eish!” si Mecca at napatigil ako sa kanya.
Sumama siya para magpalibre? Unbelievable!
“Libre ko na kayong lahat” si Gelo kaya naman napangiti ang tatlo.
Ako naman ay napangiwi, ayaw na ayaw ko kasi ang nagpapalibre, lalo na kung may kanya-kanyang pera naman.
Pagdating namin sa Infinitea ay agad kaming nakahanap ng pwesto, walang masyadong customer kaya ganu'n. Tabi-tabi kami nina Gelo at BJ, sa tapat naman namin sina Mecca, Jessie at Kristine.
Kaming dalawa naman ni Gelo ang nag-order.
“What's your order, Ma'am and Sir?” tanong ng crew.
“Anong sa'yo?” tanong ko kay Gelo na nakatingala pa rin sa mga list ng flavors.
“Ano muna sa'yo?” balik tanong niya.
“Salted Caramel” sagot ko at tumango siya.
“Dalawang salted caramel po, tatlong cookies and cream at isang matcha coffee” aniya sa crew at kinuha ko naman ng wallet ko at kumuha ng limang daang piso. “Ano iyan?” tanong niya at inirapan ko.
“Baka alikabok” pabalang kong sagot.
“Ako na nga magbabayad” medyo pagalit na ang boses niya.
“Half nalang tayo” sagot ko at inabot nalang kay Ate yung bayad.
“Large po ba lahat?” tanong ni ateng crew.
“Yes po” sagot ko.
“May add-ons po ba?” tanong niya ulit at tumango ako. “Ano pong add-ons?” dagdag niya.
“Pearl po sa apat, tapos crystal po sa dalawang salted caramel” ako na ang sumagot dahil alam kong naiinis itong katabi ko sa akin.
“Sugar level po?” tanong ulit ni Ate.
“One hundred percent po sa apat tapos seventy-five percent sa dalawa” singit ni Gelo kaya naman palihim akong nagngisi.
“Okay po...hatid nalang po namin sa table niyo yung order niyo po, thank you” sabi ng crew at binigay ang resibo sa amin at sukli. Bumalik naman agad kami sa pwesto, bali nasa gitna ako nina BJ at Gelo.
“Eish, sasama ka ba sa swimming?” tanong ni Kristine.
“Not sure kung papayagan ni Daddy” sagot ko at ngumiti naman siya.
“Pagpaalam kita” prisinta ni Mecca at umiling ako.
“I'll talk to him pag-uwi, baka magalit iyon kapag pinagpaalam mo pa ako, you know... he'll think that I manipulated you to get his permission for the outing” paliwanag ko at napanguso siya.
“Okay, basta kapag need mo ng back-up, here lang me” aniya at ngumiti pa sa'kin. Tumango ako at inabala ang sarili sa cellphone habang naghihintay ng milktea.
Nanlaki ang mata ko nang makitang may message sakin yung friend ni kuya.
Fynlae Gyllan Cezar
- Eisha, go home before 3. Mag-uusap Tay dalawa. - Eisren Calez Garcia
Napanguso ako nang malamang si nakitext lang naman pala si Kuya. Akala ko kinuha na ni crush yung number ko!
I replied immediately.
To: Fynlae Gyllan Cezar
- Oh okay, omw na!
Buti nalang at dumating na ang order namin!
“Guys, need ko nang umuwi” paalam ko sa Kanila habang tinutusok ko ng straw yung takip ng milktea.
“Bakit?” tanong ni Jessie habang naglalaro siya ng ML.
“Nag-text si kuya, e. Bawi nalang ako next week sa inyo, bye!” at tuluyan na akong umalis ng Shop.
Pumara ako ng tricycle na nasa gilid lamang nito at nagpahatid sa may amin.
“Saan ka, Miss?” tanong ng driver.
“Samat taas po” sagot ko at tumango ang driver.
Ilang minuto lang ang biyahe at hindi ko pa nga halos naiinuman ang milktea ko nang makarating na kami sa bahay.
Chineck ko muna kung anong oras na at nanlaki ang mata ko nang makitang alas dos na agad?!
Sabagay 12:50  ang labas namin at medyo nagtagal kami sa paghihintay kina Mecca at naghintay din kami sa milktea!
Pagpasok ko ay laking gulat ko ng madatnan ang mga barkada ni Kuya na nasa salas at may iniinom na alak, ang dami pa nilang pulutan, sana all.
“Hi, Clarize!” bati ni Juan na nakasalampak sa sahig at nakasandal sa sofa.
Tumango ako saka ngumiti sa kanya, lalagpasan ko na sana sila kaso isa-isa nila akong binati.
“Nagdadalaga na si Clarize, sana all” puna ni Rico at inismiran ko lang, pansin kong wala doon ang kapatid ko kaya naman iniwan ko na sila doon.
Tumungo ako sa kwarto ko at naligo agad, masyado naman kasing malagkit ang pawis ko ngayong araw, buti nalang at kahit ganu'n ay mabango parin ako.
Pagkatapos kong magbihis ay agad akong bumaba para hanapin ang kapatid ko. Kasama na siya ngayon ng mga kaibigan niya. Bigla akong nanliit sa sarili ko nang makita si Fynlae! Ang kaso may kasamang babae, si Ate Bianca, yung girlfriend niya.
“Eisha!” tawag ni kuya at lumapit naman ako. “May gagawin ka ba?” tanong niya at tumango dahil naalala ko yung assignment ko sa Science at MAPEH.
“I have an assignment, e” sagot ko at tumango siya.
“Tapusin mo muna iyon, maya nalang tayo mag-usap, by the way, kumain ka na ba?” parang ngayon lang niya na-realize na buhay pa pala ako, charot.
“Hindi pa” malamig na sagot ko at nanlaki ang mata niya.
“Anong hindi pa?! Alas dos na, ah? Bakit hindi ka pa kumain?” galit na tanong niya na pinagkibit-balikat ko.
Ang OA, ah?
Pumunta ako sa kusina dala ko pa pala yung milktea ko hanggang ngayon ay kaunti lang ang bawas. Nadatnan ko si Nanay Edna doon na naghuhugas ng plato at napahawak sa dibdib niya dahil sa gulat nang makita ako.
“Ay juskong bata ito! Papatayin mo talaga ako sa tahimik mong pagsulpot kahit saan!” gulat na asik niya at napanguso ako.
“Sorry, Nay!” nakangiting paumanhin ko saka nag-peace sign sa kanya.
Kumuha ako ng plato sa tabi niya saka ako na din kumuha ng kanin at ulam mula sa kaldero pagkatapos nun ay umupo na ako sa may counter.
Nagsimula na akong kumain saka naman nag-umpisa nang magsalita si Nanay.
“Eisha, anak, pagpasensyahan mo na ang Daddy mo...stress lang iyon kaya niya nagawa ang bagay na iyong nakita” bakas ang pag-aalinlangan sa boses niya.
“Stress? So...stress reliever pala yung pakikipag-sex sa iba? Stress reliever pala yung panloloko kay Mommy? At kinu-kunsinte mo pa, Nay?” hindi makapaniwalang tanong ko at nanlaki ang mata niya.
“Eisha, hindi naman sa ganu'n–
“Pero parang ganu'n na nga ang pinapalabas niyo, Nay! Lahat tayo alam natin yung ginawa ni Daddy, pero si Mommy? Hindi! Nagpapakahirap at nagpapakapagod siya doon sa ibang bansa para May ipangtustos sa amin pero anomg sinusukli ni Daddy? Panloloko!” hindi ko na napigilan yung sarili ko at naiyak nalang, dinaluhan ako ni Nanay saka niyakap at sinuklay ng kanyang mga daliri ang aking buhok para kumalma.
Hindi ko alam kung bakit ganito yung mundo, hindi patas...Mommy is loyal to him, nagpapakahirap siya para samin, pero ganito ang ginagawa ni Daddy...I badly want to tell her, pero ayoko namang bigyan ng sama ng loob si Mommy habang nasa ibang bansa siya.
Nagulat ako nang pumasok si Kuya dito sa kusina, ang mas ikinagulat ko ay may kasama pa siya!
“What happened here?” he asked then darted his eyes on me.
“Wala iyon, hijo...May nasabi lang ako sa kapatid mo, bumalik ka na roon” ani ni Nanay at tumango naman si Kuya.
“Kumain ka na, Eisha...Usap tayo pagkatapos mo–gawin mo muna pala yung mga assignments mo” sabi saka lumabas na ng kusina, habang si Fynlae ay tumungo naman sa ref at kumuha ng tubig.
Nagsalin siya sa baso at uminom bago ibalik ang yung lagayan ng tubig sa ref. Hinugasan pa niya yung baso na pinag-inuman niya.
Nang kumalma ako ay nagpatuloy ako sa pagkain, hindi ko iyon naubos dahil sa nawalan na ako ng gana. Ang sabi ni Nanay ay siya na daw ang maghuhugas ng pinagkainan ko kaya naman sumang-ayon na lang ako dahil baka mabasag ko pa kung ako ang maghuhugas.
Paglabas ko nang kusina ay agad akong napahawak sa dibdib ko dahil sa gulat nang makasalubong ko si Fynlae na papasok naman siya ng kusina.
“Napano ka?” tanong niya at bigla akong kinilabutan sa boses niya.
Bakit naman kasi ang lamig niyang magsalita?!
“Nagulat lang ako” wala sa sariling sabi ko saka naglakad patungo sa kwarto.
Ginawa ko muna ang mga assignments ko at  hindi ko namalayan na nakatulog pala ako.
Nagising lang ako nang nangalay ang leeg ko. Nag-inat muna ako bago inayos ang mga bond paper na ginamit ko kanina sa assignment, yung mga ballpen ko nagkanda hulog hulog na at yung notebook ko naman ay nalukot.
Pagkatapos kong mag-ayos ng study table ay naghilamos muna ako at chineck ko kung anong oras na.
Alas otso na?!
Dali-dali akong bumaba dahil sa baka magalit si Kuya, sabi niya mag-uusap pa kami. Dahil sa pagmamadali ay muntik pa akong mahulog sa hagdan!
Nagtungo ako sa sala, nanlaki ang mata ko nang makita sina Kuya at Fynlae na nakahilata sa sofa, wala na yung mga kasama nila.
Nagkalat ang mga bote ng alak, baso, balat ng mga chips at chocolates. Napangiwi ako dahil amoy na amoy talaga ang alak!
Kumuha ako ng trash bag na nasa kusina, wala roon si Nanay baka nasa hardin ngayon iyon o kaya ay natutulog na.
Pagbalik ko sa sala ay dinampot ko ang mga bote at dahan-dahan kong nilagay sa trash bag para hindi naman gumawa ng ibang ingay. Nasa kalagitnaan ako nang paglilinis nang magising si Fynlae, nanlaji pa ang mata niya nang makita ako.
Umiwas ako ng tingin sa kanya at pinagpatuloy ang ginagawa. Natapos akong magpulot ay doon ko lang na-realize na ang bigat pala ng mga bote kaya napaharap ako kay Fynlae na nakatingin naman sa akin.
“Pwedeng patulong?” nag-aalangan kong tanong at tinaasan niya ako kilay. “Patapon naman sa labas 'to” turo ko sa trash bag at tumango naman siya, mabilis niya akong dinaluhan at kinuha ang bag.
Para akong nakuryente nu'ng dumapo ang kamay niya sa kamay ko para kunin ang trash bag, napalunok ako at mabilis na inalis ang kamay doon.
Tumungo ako sa kusina para kumuha ng basahan at binanlawan ko iyon ng may sabon. Pagbalik ko sa sala ay hindi pa nakakabalik si Fynlae kaya naman mabilis akong nagpunas ng sahig at lamesa, pagkatapos no'n ay binalik ko ang  basahan sa may kusina at naghanap ng makakakain.
Puro hindi naman luto ang mga pagkain sa ref, may niluto si Nanay kaso ayokong kumain ng kanin, yung isa naming kasambahay ay umuwi daw ng probinsya kanina, nag-text siya sa'kin kaya alam ko.
Kumuha na lang ako ng fresh milk at doowee donut saka bumalik sa sala. Naabutan ko si Fynlae na binubuksan ang bag niya at kumuha ng libro doon at papel.
Anong gagawin nito?
Naupo ako sa tapat ng inuupuan niya at saka nag-umpisang kumain, bigla kong naalala na wala pang bawas iyong niluto ni Nanay, kumain na kaya ito?
“Kumain ka na ba?” tanong ko  sa kanya at nag-angat naman siya ng tingin at luminga-linga pa nga.
Tinuro niya ang sarili niya. “Ako ba kausap mo?” tanong niya at tumango ako.
“Sino pa ba? Alangan namang yung kapatid kong mukhang bangkay na yung tatanungin ko” walang buhay na sagot ko at unti-unti namang umangat ang gilid ng kanyang labi.
“Hindi pa...” sagot niya at tumitig sa'kin pagtapos ay sa kinakain ko. “Ikaw? Iyan lang ang kakainin mo?” tanong niya at tumango ako saka biglang nagvibrate ang cellphone ko.
Tumatawag sa Messenger ko si Gelo kaya naman sinagot ko iyon. Ano bang kailangan ng taong ito at may pa-video call pang nalalaman.
“Oh?” sagot ko at tinapat sa mukha ko ang screen ng phone ko.
“May MAPEH ka na, babs?” tanong niya at napa-irap ako.
“Oo...bakit?” nakataas na kilay na tanong ko at natawa siya.
“Pa-kape ako” natatawang sagot niya at umirap ulit ako.
“Maya, send ko...kumakain pa ako, e” sabi ko at pinakita sa kanya iyong donut!
“Sige, eat well...good night na din and salamat ng marami” aniya at binabaan ko kaagad.
Napahikab ako at pagbaling ko sa pinto ay papasok naman ang pinakanakakahiyang tao na nakilala ko.
“Oh, Fynlae, you're here pala” nagtiim bagang ako nang marinig ko ang boses niya, nakatingin lang ako sa donut habang kinakausap niya si Fynlae.
“Ah, yes, Tito...sleep over po sana ako” nahihiyang nagkamot pa ng ulo si Fynlae at alam kong peke ang tawa ni Daddy na ginawad sa lalaki.
“Sure...” aniya at bumaling sa akin. “Hija, kumain ka na ba?” tanong niya at tumayo agad ako saka walang paalam na tumungo sa kwarto ko.
How dare him?! Anong akala niya sa'kin pagkatapos kong makita iyong kagabi ay magiging ayos pa kami? The fuck?!
Pabagsak akong nahiga sa kama at kinuha yung pinaglagyan ko ng assignment ko. Pinicturan ko ito at sinend agad kay Gelo.
Nang makita kong online si Mommy ay agad akong tumawag sa kanya.