“MAGANDA nga rito sa Isla Paraiso, Ate Faye,” ani Marielle sa pinsan niyang si Faye. Nagtatrabaho ito sa naturang resort at ito ang nag-imbita sa kanya na magbakasyon doon.
Maganda at malaki ang resort. Maraming cottages sa paligid ng beach at parang masarap itapak ang paa sa puti at pinong-pinong buhangin. Malaki at sosyal naman ang hotel kung nasaan siya ngayon.
Sa hotel nag-i-stay ang mga taong balak magtagal sa isla. Ang Ate Faye niya ang nag-ayos ng hotel accommodation niya. Nais niya kasing magtagal sa isla. Sa lugar na iyon, sa tingin niya ay maghihilom ang sugat na dulot ni Matthew sa puso niya.
“Maganda talaga rito. Sa kabilang bahagi ng resort ay may mga swimming pools para naman sa mga turistang ayaw sa dagat. May KTV Bar din kami rito, alam kong doon ka maglalagi. May Sauna at Spa rin. Kung nais mo namang bumili ng mga souvenir items, pumunta ka lang sa Business Hall ng resort at makakita ka roon ng sandamakmak na puwedeng ipasalubong. Marami ka pang puwedeng ma-enjoy rito sa isla, Marielle.”
Inihatid siya ni Faye sa room na tutuluyan niya habang nasa resort. Malaki rin ang discount na naibigay ni Faye sa kanya. Ayon kasi rito ay malakas ito sa amo nitong si Ken Olivares. Hindi niya pa nakikita ang lalaking iyon ngunit ang sabi ng pinsan niya ay huwag na niyang tangkaing akitin iyon dahil hindi raw kagwapuhan ang lalaki. Tinawanan niya lang ang pinsan nang sabihin nito iyon.
“Salamat, Ate Faye,” wika niya nang makarating na sila sa loob ng kwarto niya.
“Walang anuman. Sige, ha? Kailangan ko nang bumaba, baka naroon na si Mr. Olivares at hanapin na naman ako.” Pagkaalis ng pinsan niya ay iniayos na niya ang kanyang mga gamit at nagpalit ng damit pampaligo. Nais niyang magtungo sa pool area ng resort.
Pinatungan niya ng isang white see-through robe na hanggang hita lang ang haba ang two-piece bathing suit niya. Nagbitbit din siya ng tuwalya at libro. Kahit anong puwedeng gawin para maglibang at makalimot sa lahat ng sama ng loob ay gagawin niya.
Ngunit aaminin din niya na mahal niya pa si Matthew kahit gaano nito sinaktan ang puso niya. Hindi naman siguro siya masasaktan nang todo-todo kung hindi niya mahal ang walanghiyang iyon. Minahal niya ito sa loob nang mahabang panahon, ito ang taong kasama sa mga pangarap niya. She even drew her future together with him. Ngayon ay kailangan niyang burahin iyon kasama ang pag-ibig niya rito.
Dahil sa career niya at sa pag-iipon para sa pamilya ay nawalan siya ng lalaking minamahal ngunit wala na siyang magagawa pa roon. Masaya siyang nakatulong siya sa pamilya niya. Hindi siya ang may problema, hindi siya ang natukso. Wala siyang pinagsisisihan sa kanyang pag-alis at pagtatrabaho sa abroad.
Habang palabas ng elevator ay may natanaw ang mga mata niyang isang lalaki. Moreno ang balat nito, marahil ay nasunog iyon ng araw dahil sa paliligo sa dagat. Mukha rin itong maykaya sa buhay. Hanggang batok ang buhok nito at wavy iyon, matangkad din ang lalaki. Kahit nakatalikod ito ay kalingon-lingon pa rin.
“How come na na-a-attract ako sa iba matapos akong saktan ni Matthew?” mahinang tanong niya sa sarili saka nilagpasan ang lalaking nakatalikod naman sa kanya. By this time, she should be mending her heart. And another guy in her life means trouble. Siguro ay naghahanap ng rebound ang puso niya.
“No, heart,” aniya sa sarili na hinawakan pa ang kaliwa niyang dibdib. “Behave. Mali ang maghanap ng rebound pagkatapos mong masaktan. That’s unfair.” Yes, she was going crazy. Sino ba naman ang hindi mababaliw? Sosorpresahin niya sana ang nobyo sa kanyang pagdating ngunit siya ang mas nasorpresa na may asawa na pala ito.
Bago siya makarating sa pool area ay nadaanan niya ang KTV Bar na sinasabi ng Ate Faye niya. Sa tingin niya ay may mga private rooms sa loob ng bar ngunit may karaoke machine din sa lobby niyon.
“Kanta na po kayo rito! May prize ang makakuha ng one hundred points!” sigaw ng crew ng KTV Bar. Lumapit siya sa lalaking sumisigaw at tinanong dito kung ano ang prize ng winner. “Puwede po kayong mamili, ma’am. We have stuff toys here, gift certicate in Isla Paraiso Business Hall and you will a get a chance to date our boss, Gabriel Santarina.”
“Bakit? Gwapo ba iyang Gabriel Santarina na iyan?” tanong naman niya sa lalaki.
“Aba! Oo naman, ma’am,” proud na proud sa among wika ng lalaki. “Kapag naka-one hundred points kayo ngayon, mag-fill out po kayo rito,” tukoy nito sa isang papel na kapit nito. “Kapag kayo po ang nabunot, free make-over at date with Sir Gabriel Santarina. One week promo lang ito, ma’am. And today is the last day, mamaya na bubunot si Sir Gabriel ng winner at bukas na nang gabi ang date.”
“DI KO kayang mag isa dahil kailanman ay laging ikaw ang siyang iibigin ko sa tuwina. ‘Di mo man sabihin ang nasa damdamin ay nadaramang lumalayo ka na ngayon sa akin. Kung mahal mo siya ay pipilitin kong ‘di mo makita na ‘di ko kaya. Kung mahal mo siya ‘di mo maririnig sa akin ang mga hikbi dahil mahal kita…”
Malayo pa lamang si Gabriel sa KTV Bar ay naririnig na niya ang napakalamyos na tinig ng isang babae. Ramdam na ramdam sa tinig ang emosyon nito. Binilisan niya ang paglalakad upang masulyapan ang babaeng kumakanta.
Hindi siya agad lumapit sa bar. Tinignan niya lamang ang babae mula sa isang punong malapit sa bar niya. Mula sa kinatatayuan niya ay malinaw niyang nakikita ang itsura ng babae ngunit nakatagilid ito.
Hindi ito katangkaran, siguro ay five feet five inches ang height, tuwid na tuwid din ang buhok nito na parang dark red ang kulay. Maganda ang hubog ng katawan at malungkot ang anyo nito. Halos umiyak na nga ito habang umaawit.
“Kung ‘di mo makita sa kanya ang nais ay narito ako naghihintay pa rin lagi ang puso. ‘Di ka pipilitin na muling ibigin tatandaan mo lang na ganun pa rin ikaw sa akin…”
Matapos kumanta ng magandang babae ay nagpalakpakan ang mga nanunuod dito sa labas at loob ng bar. Open naman kasi ang bar kaya puwedeng manuod mula sa labas kung sakaling may kumakanta man sa lobby.
Nakita niyang inabutan ng isang teddy bear ng tauhan ang dalaga bago ito umalis. Nang makalabas ito ng bar ay saka siya pumasok sa loob niyon. “Who is she?” tanong agad niya sa tauhan niyang si Darwin.
“Marielle Diaz po ang pangalan niya, Sir Gabriel. Ang ganda niya, ano? At ang ganda ng tinig. Pakiramdam ko po ay idinuduyan ako habang pinakikinggan ko siya kanina. Para siyang anghel na bumaba galing sa langit,” matalinghaga pang wika ng tauhan niya.
“Puro ka kalokohan, Darwin.” Lumabas siya mula sa bar at sinundan ang babaeng may napakagandang tinig.
“Sir Gabriel, saan kayo pupunta?” pahabol na tanong sa kanya ni Darwin bago siya tuluyang makalayo. “Susundan niyo iyong babaeng hulog ng langit, ano?”
“Kailan pa kita binayaran para intrigahin ako, Darwin?” tanong niya sa lalaki.
“Hindi ko naman po kayo iniintriga, Sir,” anito saka lumapit sa kanya at bumulong. “Ang akin lang, baka gusto niyo siyang maka-date bukas? Itatabi ko na iyong fi-n-ill out-an niyang form,” nakangising wika pa rin nito.
“Sige. Do it. Do whatever you want basta ayusin mo ang trabaho mo,” wika na lang niya saka umalis sa harap ng tauhan niya. Honestly, nais talaga niyang makilala ang babae. At kung ang date na iyon ang magiging dahilan ng pagkakakilala nila, why not?
Minsan pala may magandang bagay ding nagagawa ang kapatid niyang si Adara. Si Adara ang nakababata niyang kapatid, ngayon ay beinte-dos anyos na ito at ito ang nakaisip ng ideya na magpa-contest sa mga dalaga upang makahanap na raw siya ng babaeng iibigin. Matanda siya rito ng sampung taon. Si Adara ay anak ng mommy niya sa step-father niya.
Nang mamatay ang daddy niya ay nagkitang muli sa hindi inaasahang sitwasyon ang mommy at step-father niya. Ang kwento sa kanya ng mommy niya ay college sweethearts daw ang mga ito noon. Tinanggap niya ang step-father niya dahil mabait naman ito sa kanya at mahal na mahal nito ang mommy niya.
Ngayon nga ay wala na ang mommy niya ngunit nanatili ang step-father niya sa tabi nila ni Adara. Pinangatawanan nito ang pagiging sa ama sa kanila, lalo na sa kanya kahit hindi naman siya nito tunay na anak. Ang sabi ng step-father niya ay may pamilya raw itong iniwanan para sa kanila ng mommy niya at nais na raw nitong makipag-ayos at makipag-usap sa orihinal nitong pamilya ngunit nahihiya ito.
Naputol ang pag-iisip niya nang biglang may tumapik sa kanyang balikat. Si Ken iyon, kaibigan niya ang lalaki simula pa noong high school sila. Ito rin ang may-ari ng resort kung saan nakatayo ang KTV Bar niya. “Bakit, pare?”
“Faye was suggesting making an advertisement for the resort. Naisip ko lang, that was a nice idea. Hindi ko lang masabi sa kanya nang diretsahan na may nagawa siyang maganda. Ano ba ang gagawin ko?” tila nalilitong tanong ni Ken.
Napapailing na tinignan niya ito. “Alam mo, pare. Lunukin mo muna iyang pride mo. Hindi habambuhay makikipag-kumpetensya ka kay Faye. May gusto ka ba roon sa manager ng hotel mo, ha? Tell me, honestly,” pambubuyo niya pa sa kaibigan.
“Walang lalaking magkakagusto sa babaeng iyon, ano?!”
“Maganda naman siya, ah.”
“Ewan sa iyo, pare,” anito saka nag-walk out. Siya naman ay itinuloy ang paghahanap sa babaeng may katangi-tanging boses at ganda.
NAKAUPO si Marielle sa isang bench sa may gilid ng malaking swimming pool na glass ang paligid. Maganda ang tanawin sa lugar na iyon, may mga puno at mga bulaklak na bumagay sa ambience ng lugar. Parang nakita na niya ang ganoong klase ng pool sa isang koreanovela na Full House ang pamagat.
Hindi na siya magtataka kung bakit mahal ang fee sa resort na iyon. Ayon din sa pinsan niya ay may pagka-magical ang resort. Kadalasan daw ay dito natatagpuan ng mga bakasyunista ang soulmates ng mga ito, ang mga taong itinakda para sa mga ito. That sounded weird. Hindi siya naniniwalang may isang lugar na katulad ng sinasabi nito. Marahil ay nagkataon lang ang lahat. Isa pa, pagkatapos niyang masaktan, wala na siyang interes sa kahit na anong bagay na romantiko.
Each person had their own soulmates, naniniwala siya roon. Ngunit ang pagiging magical ng lugar ay hindi kapani-kapaniwala. Unless, that will happen to her, that would be the only time that she will believe about those romantic magics or whatsoever.
Unfortunately, hindi siya nagbakasyon sa resort na iyon upang hanapin ang soulmate niya. Enough of those romantic things. Naroon siya upang magpahinga at pagalingin ang puso niya na dinurog nang magaling na Matthew na iyon.
After all those things that she experienced about love and romance, sa tingin niya ay wala na siyang bilib sa dalawang salitang iyon. Ang nanay niya ay iniwan ng tatay niya at siya naman ay niloko ng lalaking mahal na mahal niya. Nasaan ang pag-ibig? Kung mayroon man niyon ay hindi para sa kanya.
Binuklat niya ang isang English pocketbook at sinimulang magbasa ngunit kahit anong pilit ang gawin niya ay hindi niya maintindihan ang kanyang binabasa. May ibang bagay na sumasagi sa isip niya kahit pilit niya pa iyong itinataboy.
Isinara niya ang libro at luminga sa paligid. May mga lovers na nagkalat, some were very sweet, some were teens and some were oldies. Ang mga ito ay mukhang masasaya. Bakit ba ang lupit ng tadhana? Ang iba, masaya sa mga buhay pag-ibig ng mga ito, bakit siya ay hindi?
All her life, she wanted a happy and successful love life. Pero sadyang mailap ang tadhana sa pagbibigay sa kanya niyon. Naiinggit siya sa mga tao sa paligid niya dahil magkakahawak ang mga kamay ng mga ito, dahil may kangitian ang mga ito at siya ay wala. Inakala pa man din niya na ang relasyon nila ni Matthew ay aabot sa kasalan.
“Hello, Miss,” anang isang baritonong tinig malapit sa kanya. Nag-angat siya ng tingin. Nakatayo sa tabi niya ang isang matangkad na lalaki na moreno ang kutis. He was the one in the lobby!
Kanina ay likod at one-fourth ng pisngi lang nito ang nakita niya. Hindi niya akalain na ganito ito ka-gwapo sa kabuuan. And his voice, it was music to her ears. And the way he smiles can lighten her gloomy day.
Wait! What was she thinking? Kung makapag-isip siya ay parang hindi siya galing sa break-up. Ipinilig niya ang ulo at pinilit na pakaswalin ang sarili. Matipid siyang ngumiti at binati rin ang lalaki. Sa tingin niya ay nagkakaganoon lang siya dahil brokenhearted siya. At ilang taon din niyang pinigilan ang sariling humanga sa iba. Hayup na Matthew iyon, lolokohin lang pala siya!
“I hear you sing a while ago. You have a very nice voice,” puri nito sa kanya.
“Salamat,” matipid niyang wika. Pinipilit niyang ignorahin ang presensya ng lalaki. There was something in him that was making her nerves gone mad. Kahit kay Matthew ay hindi niya naramdaman iyon.
“I’m Gabriel. And you are?”
“Marielle.” Inabot niya ang kamay nito na nakaumang sa harap niya. There was a warm feeling when their palms touched. She knew that sounded crazy but that was true. Parang may maliliit na bagay na kumuryente sandali sa kanyang kamay.
At dahil doon ay binawi niya ang kanyang kamay na mukhang ayaw na nitong bitiwan. “It’s nice to know you, Marielle,” nakangiti pa ring wika nito saka naupo sa tabi niya.
“Same here.” Naglipat siya ng tingin nang mapansin niyang titig na titig sa kanya ang lalaki habang nakangiti. Kinakabahan siya sa liit ng distansya nila. But what was the sense of getting nervous? If this man wanted to know her, so be it.
Siguro nga ay maganda rin ang may kasama sa isang bakasyon. Mahirap din ang laging mag-isa. And maybe, this man can help her cure her broken heart. “How did you know this place?” pagbubukas nito ng konbersasyon.
“Sa cousin ko. Manager siya ng hotel dito sa Isla Paraiso.”
“Cousin mo si Faye?” nakangiting tanong sa kanya ng lalaking nagngangalang Gabriel.
“Yes. How did you know her?”
“Mortal enemy siya ng bestfriend kong si Ken, ang may-ari ng resort. I think there is something going on between that two,” magiliw nitong kuwento. Sa tingin niya ay hindi siya mabo-bore na kausap ito kahit magdamag.
“Mabuti at hindi tinatanggal ng may-ari ng resort ang pinsan ko kahit lagi silang nag-aaway,” komento niya.
“Iyan nga rin ang iniisip ko. Sa tingin ko may HD din ang kaibigan ko sa pinsan mo,” malapad ang ngiting wika nito.
“HD?” nakakunot ang noong tanong niya.
“Hidden Desire!” Sabay pa silang nagtawanan dahil sa sinabi nito.